Колхозонь эряф/1933/05/Массатнень мяльснон касфты журналти

From Wikisource
Jump to navigation Jump to search
Колхозонь эряф (1933), 5 (49) № март edited by Шестов Н. С., Порватов Т. М.
Массатнень мяльснон касфты журналти
Колхозонь эряф (Колхозная жизнь). Мокшонь литературно-художественнай журнал. Нолдаец Совецкай писательень Союзонь облоргкомитець. Лисенди 6-це кизось, эрь ковти кафксть. — 5 (49) № март, 1933 к. — с. 3—4
 
[3]
Массатнень  мяльснон  касфты  журналти
 

Вете кизот йотась 1928 це кизоня „Од—Велети“ („Мокшонь правдати“) кода питнефтема приложениякс лиссь „Валда ян“ („Колхозонь эряф“) журналть 1-це номероц.

Социализмань пинксь пуць сяшкава оцю кизефкст, задачат и проблемат, а сембодонга пяк мокшэрзянь областть инголи, коса революцияда инголе ашель синьцень печатнай валсна. Сяс йотни событиятнень и вишкомкшни процесснень теоретическайста арьсемасна лифцть кизефкс самостоятельнай органть — „Валда Янтть“ пуроптоманц колга.

Общественно — политическайста художествннайкс шарфтомодонза инголя „Валда янць“ ульсь общесттвеннай мялень и научнай виень инь цебярь пуроптыкс фталу лятф мокшэрзянь обласьца йотафневи мероприятиятнень перьф.

Сон рабочай и сьоравидиень массатнень йоткса саць оцю авторитет и оцю доверия.

Тя минь партиенеськонь и мокшэрзянь трудяйхнень оцю сяськомасна. Но тя сяськомась путни оцюдонга—оцю ответственность журналть и сонь работниконзон ланкс од условиятнень пинкста, мзярда пяк оцюста кассть массатнень культурно-политическай вешфксна.

Тяни работать художественнай вица приемонза арайхть пяк стакаста, штоба [4]сьормадомс сянь колга, мезе веши тяниень пинксь. Тянь инкса. („Валда Ян“) „Колхозонь эряф“ журналть работниконзонди эряви пяк лама работамс эсь ланксост и лама сави тонафнемс.

Васенда—кигя эряви тонадомс марксисцко—ленинскай метотть, эрявикс методологическай содама шифтома и эрявикс (определеннай) специализациафтома тяни мезевок аф лиси, финцненди сави тонафнемс одукс, а омбоцненди сяда инголи вятемс эсь тонафнемаснон. И аф аньцек коса-коса школаса, а работаса, практикаса, универсализмать (сембонь мезь колга повсь сьормадомать) каршес, теориять колсеманц каршес тюремать эса.

Тя тевти эряви кундамс кемоста и кода эряви, кия тяряфни эсь прянц кяшемс тонафнемать колга общай корхнематнень фталу, то ся эсь прянц анокласы сяньди, штоба аф тячи, но ванды, а журнальнай и газетнай работать эзда ули йордаф.

„Валда ян“ („Колхозонь эряф“) журналть 5-це кизонц праздновамста, „Мокшонь правда“ газетась, конац касфтозя и путозя тевс „Валда янть“ надияй, што тячиень „Колхозонь эряфсь“ партиянь обкомть руководстванц ала стане жа кемоста кармай тюрема партиять генеральнай китьксонц ленинскай ару шить инкса, ленинскай национальнай политикать йотафтоманц инкса.

 
„МОКШОНЬ  ПРАВДА“  ГАЗЕТАТЬ  РЕДАКЦИЯЦ.