Мæгургор (Гуырдзыбеты)

by Гуырдзыбеты Бласка

Мæгургор  (1902)  by Гуырдзыбеты Бласка

Фыст датæ: 1902, Рауагъ аз: 1902. Равзæрæн: Творчество осетинских писателей

МÆГУРГОР

Унги губурæй,
Фече реу-игон,
Рæвдзæ фæндурæй
Цæруй мæгургор.
Дуйне — æ бæстæ,
Жин цард — æ неун,
Лæдзæг — æ цæстæ,
Æвгъау — æ геун;
Рæдау — æ мадзал,
Йе 'знаг — цæлæмбуд;
Фæндон — æ адзал
Унги æнæ 'нгьуд...
Сæрдæ, зумæгæй —
Пæлæз æ рагъи,
Зæрдæй унгæгæй,
Неуй æ уаргъи.
Хор æй æ тæфи
Æрдгæмæ фицуй,
Гъист æй æ суфи
Уæнгæлæй хинцуй;
Уæддæр йеунæгæй,
Йиливд, сæригон,
Фече, бæгънæгæй
Хæтуй мæгургор.

---