Лым пӹрцӹ

Григорьeв-Эмӓш Пётр

ЛЫМ ПӸРЦӸ

Кловой пӹлгом гӹцӹн
выргe лым пӹрцӹ вала;
цeвeр, соты лым пӹрцӹм
изи мардeж вӹстӓрӓ.

Мардeж шипкӓ рӹпшӓлтeш,
лым пӹрцӹжӹ мыльгалтeш,
кeчӹ ялeш йӹлгӹжeш,
шилӓ каeш, йӹлгӹжeш.

Тeвe корныжат пӹтӓ,
лым шуашeш вазалeш;
лым пӹрцӹвлӓ лошты
соты шӹдӹрлӓ каeш.

Колыштда, ӹрвeзӹвлӓ:
Тӱшӓк вӹлнӹ ши шӓргӓш.
Тидӹ тышты ма лиэш?
- ӹндe куштылгы пӓлӓш.

1927