Лыз сяськаос (Герд)

From Wikisource
Jump to navigation Jump to search
Лыз сяськаос
Автор: Кузебай Герд
Поттэмын: Гудыри : газет. — 1924. — № 58. — 4-тӥ бам. Источник: Куӟебай Герд. Зарни кылчуръёсы. — Ижевск: Удмуртия, 1997. — 323-тӥ бам.


Лыз сяськаос


Кылем гужем бичам лыз сяськаос
Мынам ӝӧк вылам сыло…
Тузонӟемын, туж куасьмемын соос —
Озьы но дуно сыло!

Азвесь-зарниен но мон соосыз
Уг вуза, уг вошты… Уг!
Туж яратоно эшелы, курыкуз,
Уг кузьма, уг сёты… Уг!..

Мынам со куасьмем лыз сяськаосы
Сюрс иськемысь ваемын:
Ӟегъёс пӧлысь — удмурт бусыосысь —
Шунды ӝужаку октэмын…

Та шимес бадӟым Муско городын
Бусыослэсь мӧзмисько,
Лыз сяськаосы шоры учкыкум,
Бусыостӥ ветлэм кадь луко!..