Луг шӧрын том ныв сулалӧ...
Луг шӧрын том ныв сулалӧ,
Круг гӧгӧрыс лёк татара бергалӧ.
Видзӧдлас кӧ и, батьыс локтӧ.
Батьӧй пӧ, батьӧй, вешты менӧ, вешты. —
Нылӧй пӧ, нылӧй, мыйӧн нӧ вешта?
Батьӧй пӧ, батьӧй, медбур сиӧс заводнад.
Нылӧй пӧ, нылӧй, сы дон он сулав.
Луг шӧрын том ныв сулалӧ,
Круг гӧгӧрыс лёк татара бергалӧ,
Видзӧдлас кӧ и, мамыс локтӧ.
Мамӧй пӧ, мамӧй, вешты менӧ, вешты. —
Нылӧй пӧ, нылӧй, мыйӧн нӧ вешта?
Мамӧй пӧ, мамӧй, медбур сборникнад.
Нылӧй пӧ, нылӧй, сы дон он сулав.
Луг шӧрын том ныв сулалӧ,
Круг гӧгӧрыс лёк татара бергалӧ.
Видзӧдлас кӧ, вокыс локтӧ.
Вокӧй пӧ, вокӧй, вешты менӧ, вешты. —
Чойӧй пӧ, чойӧй, мыйӧн нӧ вешта?
Вокӧй пӧ, вокӧй, медбур шапканад.
Чойӧй пӧ, чойӧй, сы дон он сулав.
Луг шӧрын том ныв сулалӧ.
Круг гӧгӧрыс лёк татара бергалӧ,
Видзӧдлас кӧ, чойыс локтӧ.
Чойӧй пӧ, чойӧй, вештытӧ, вешты. —
Чойӧй пӧ, чойӧй, мыйӧн нӧ вешта?
Чойӧй пӧ, чойӧй, медбур сарапаннад.
Чойӧй пӧ, чойӧй, сы дон он сулав.
Луг шӧрын том ныв сулалӧ,
Круг гӧгӧрыс лёк татара бергалӧ.
Видзӧдлас кӧ и, другыс локтӧ.
Другӧй пӧ, другӧй, вешты менӧ вешты.
Пӧдругай, пӧдругаӧй, мыйӧн нӧ вешта?
Другӧй пӧ, другӧй, мый вылысад эм.
Сійӧ шпурк-шпарк пӧрччас паськӧмсӧ
Да и вештас.
|
This work is in the public domain in Russia according to article 6 of Law No. 231-FZ of the Russian Federation of December 18, 2006; the Implementation Act for Book IV of the Civil Code of the Russian Federation:
This work is in the public domain in the United States because it was published before January 1, 1929 (more than 95 years ago). This anonymous or pseudonymous work is also in the public domain in other countries and areas where the copyright term of anonymous or pseudonymous works is 96 years or less since publication. |
|