Лазксось муевсь

From Wikisource
Jump to navigation Jump to search
Лазксось муевсь  (1933) 
by Раптанов, Тимофей Алексеевич, edited by Егоров
Т. А. Раптанов. Лазксось муевсь. Ёвтнема. — Эрзямокшонь государственной издательствась, Саранск, 1933.
[ Обложка ]
Лазксось муевсь (Т. А. Раптанов) p01.jpg

 

[ 1 ]

Т. А. Раптанов

 
ЛАЗКСОСЬ
МУЕВСЬ ЕВТНИМА
 
 

ЭРЗЯМОКШОНЬ ГОСУДАРСТ. ИЗДАТЕЛЬСТВАСЬ

 

 
[ 3 ]
Лазксось муевсь

(евтнима)

„Коминтэрн“ колхозось чуросто сравтовсь, Сабанць велень келес.

Веленть ве песь токась виренть чирес, омбоце песь неждясь Тарас—буес.

1929—1930 иестэ колхозонть пурнамсто, Сабанць велесь полавтызе чаманзо, полавтызе лемензэ, Сабанць — валось курок туе историяв.

Колхозонь пурнамо читьне-ветьне ульнесть стакат. Чинек венек робутыль организационной комитетэсь партийной ячейкасо лаказь лакась робутась. Тече вельсоветэнь пленум валске президиум. Эли тече президиум валске — меев ланкс — пленум. Истя толонь бурянь пачк ютасть читне, ютась шкась...

Комунистнэ, вельсоветэнь активесь пек робутасть ярцамс шка арасель, яла теке ливезь пар поцо агитировасть колхозонть кисэ.

Беднякнэ ды середнякнэ вадрясто чарькодизь партийной ячейкань руководстванть, сынь чарькоцть, што колхозонь хозяйствадо башка кодаяк а изняви кулачествась. Тарас—буе шабра велень колхозось цела ие уш эри, пильге ланкс стясть беднькнэ.

Тень неизь Сабанць велень беднякнэ. Седе мейле, покш паро мельсэ кармасть совамо колхойс.

Колхозось чалгась омбоце иес. Робутамонь опытнэ а покшолть. Пек сельмест сявацть Тарас—буень колхозонть ланкс, сынст вадрясто тевест моли прок чады лей лажнэзь чуди.

Колхозось явовсь куринкава. Кона робутась [ 4 ]кона эзь, яла—теке сюро вешить, — пекезэ истяжо вачи, кортыть опортунистнэ, — ней ведь минь весевейкетьтянок, — корты Культяй Конат колхозникне седей-шкава робутасть колхойсэнть, сетнень мельцьапаро саизь.

— А карматано ломаннень робутамо, — кортась Ига. Ига ве чи эзь ютавт... пачк робутась алясь

— Эх, кевень пант бу велявтовленек, весе лисевелть как робутамо, — корты Ершов. Робутамо лиснесть аволь весэ колхозникне. Бутим лиситькак аволь седейшкава робутыть

— Ялатеке а эстянек — кортасть кулаконь пуло петне.

— Мелем ули робутан, арась мелем а робутан. Кие тень мезе теи?, — Корты Культяй. Культяй теде башкаяк ламо сякой кулят нолтни веленть келес. Попонть юрозо ульнесь эщо апак тока, эрьва месть калядасть колхоздонть церковникне, мартост культяйгак. Религиясь ды кулаконь агентурась нейгак ули колхойсэнть. Эрьва кода меши колхозонтень.

— Курок, эрьва колхозникень кетьс печать путыть... антихрист карме якамо, — кортни Культяй. Сермас асодыця чопуда аватне кемсть — Культяйнень. Но активесь виемтизе тень каршо робутанзо, невсть ламо факт, што религиясь меши колхозонтень.

Кирсть попонть канжамонзо, бубстась кистэнзэ. Пупорькшнэзь нолдызь велестэнть.

Кулачестванть коретне келйстэ ды сэрейстэ сравтозь секень вант отросткат нолды... Арась — арась таго ливсы прянзо.

Теде мейле кирвайсь обезличкась.

Кие косо робуты, сезэнь сбруянть кацыяк, косто мезе сайсь путума мекев арась. Молсь робутамо теизе тевензэ эли эзизе тее кияк мельганзо аваны. Кияк киньгак икеле а отвечи.

Тонь мень тев? истя отвечамось марсевсь колхойсэнть эрьва косо.

„Кие смел се кавто сьел“ истямо поговорка тусь колхозганть.

Кармасть емсеме сбруят, инвентарть. Кевкстемс ульнесь а кинь кецтэ.

[ 5 ]Правлениясь поти чапамодонть. Ячейкась эщэ ульнесь лавшо Сульдин, Ершов, Ига ды лият весе пря потмост човоргавтызь.

„Кода жо тевесь хоц нолдамс“ Кодаяк тест а думави, ютась теле, ютась кизэ робутыть яла ташто койсэ — куринкасо:

* * *

Прядовсть нуиматне. Прядовсть сексь робутатьне. Кивинзась модась. Венельксэсь орчавсь буто ашо руцясо нурдо ползатне чикорцо чикордыть.

Колхозсь уски государствав лишной сюронзо.

Сульдин ды Ершов аштить нюрьгезь столенть велькссэ. Сульдин месть бути черксни коневонть ланга эчке бороздат тарксе карандашсэнть.

— Меремс истя, сюрось явшемс весеменень.

— А истя — каршо кармась кортамо Ершов.

— Тонь койсэ кода? — кевксне Сульдин.

— Монь койсэ максомс сюрось, ну конань семиязо покш сенень седе ламо, конань вишкене сенень седи аламо — кортась Ершов Ершов аволь эстензэ кортась, сонзо семиязо аволь покш.

— Стака мор кавненк чавидизь... Мелемгак эйстэнк мольць бути уш асодатадо сестэ а месть удеменкак чинек венек тапамс... Тонць ловныть „Эрзянь Коммуна“ газетасонть, што ули правительствань постановления косо кеместэ мерезь, кие зняро робутась зняро получияк, ды кода робутась, текень коряс эряви максомскак.

Маря баба прок эзельдиньзе Сульдин мик верев кирнавсь пштистэ вановтонзо пезнавтызе Ершовонь сельме эрькне кувтилк мольсть, истяжо пштистэ ваныть Сульдинэнь чамас.

— Ванат косо методось. — Радувазь кортасть алятьне — Алкукс ведь истя!

* * *

Колхозонь правлениясь ловинзе весе трудо-читнень. Кинь зняро чинзэ ды кие зняро получи:

[ 6 ]Ига эри колмонензэ. Улав сюро, койкак лишментень усковсь, валнось ды усксь сусекс. Мызылды Игань кургозо. Емболцэ яки рунгозо ливчаня ловтонзояк прок арасть. Батяркин лавтовонзо трокс, мешеккесэ сюронзо канды — апаро тензэ, аламо получась „Вечи аменстян, мон тень квитаса“ Батяркин максь вал, што карми ней робутамо, ве чияк аменьсти.

— Е!.. мать пере мать! мон беднякан! Ды тынь монянь сюро амакстад! Аштеде алят, киштивтядызь! Пиже ожо вайгельцэ кармась пижнеме Оська Сонзо весемезэ кемгавтово роботазь — чинзэ Умок уш сэвизе норманзо. Ней тензэ фунткак эзь сато.

Ячейкасо толковизь тензэ.

— Арась асогласянь — пижне.

— Молян райколхозсоюзов Илядо мелявт киштевтядызь — тандавтне Оська.

Оська аштесь валонзо кисэ. Ялго берктяца Атяшовав. Оймсемеяк козоньгак эзь ойсе, витьстэ райколхозсоюзссовась.

Оська обижазь кортась. Райколхозсоюзонь председателесь невтизе тензэ ЦК-нь ды СНК-нь постановлениясто сень кувалма, што колхозонь доходось явшемс трудоднянь коряс.

Лац тейсть. Тонь сюрот тунь колхозонть кецэ арась

— Оська седеяк кежеявсь. Тармаскацть пильгензэ, сорныть кедь санонзо. Эзь витев мелезэ. Букань, теевсь вановтозо. Прянь нолдазь лиссь райколхозсоюзсто. „Ужодо тынкак киштевтядызь“ цяторцо поре Оська камакшонзо. „Областев молян; Саранскоев ардан. Мон беднякан“ кортнесь Оська. Аштесь Оська эсь валонзо кисэ. Арць Саранскоев, ливчанясто кепець рунгонзо облколхозсоюзстонть кустимава. Киньгак эзь кевксне витстэ председателетнень. Председателесь кунцылызе Оськань обиданть, ды кармась тензэ толкувамо. Сон евтнизе кодамо положениясь колхозонь доходонть явшима тевсэнть.

[ 7 ]Сульдин началникекс теевсь. Колхозонь прявт председатель. Вадря робутанзо кисэ ячейкась аравтызе.

Ершов ячейкань секретарь сон жо 3-це бригаданть бригадиркс.

Лазксось муевсь (Т. А. Раптанов) p09.jpg
Ершовонь И. И. премировизе
РСФСР-энь СНК-сь 150 цел.

Ершов янге удемензэ, эзь туй колхойсэнть робутась мелезэнзэ Кувсить колхозникне Пеняцить колхозникне.

Колхойсэнть весе робутыть, кияк тевтеме а ашти. Кие мезе тее кияк азды аштек ужо, стоплкорты Ершов.

Эрявить теемс производственной бригадат. Бригадатнень прикрепить инвентарь, сбруя, алашат ды участка, Кортась Ершов Сульдиннэнь. Ули правительствань постановлениясо сермадозь Сульдин кепедизе рунгонзо ды пшкаць.

— Алкукс истя эряви. Курок читьнестэ колхозонть теесть од — производственной бригадат. Эрьва бригадирэсь отвечи эсинзэ бригаданть состояниязо кисэ.

Бригадатнева чождене ульнесь теемс сдельщина.

Оська чинь чоп, кавто трудо чить теи. Чуросто эри истя: што вейке эле пель марто.

Капустин малавгак эйстэст акадови. Батяркин течи обец прядсь кавто трудо-чить „Тусь тевесь“ кортыть колхозникне. Ершовонь мельс маро, паро Сульдин мельцкак.

Вераз ячейкасо ульнесь вопрос. „Вейс пурнамс партиецнэнь скалост“.

— Пурнамка согласясть. Теде мейле пурнызе акт-иеськак. „Пурнамс уш весе колхозникнень“ кармасть кортнеме. Ершов кавтулць. Пурнамс эли а пурнамс.

[ 8 ]Правлениясь тейсь постановления. „Вес вейс пурнамс скотинатнень“,.. Тень эйсэ тейсть покш ильведевкс скотинатнень вастыньзе, кардазонь асатума чись, кором вейсэнь арась. Колхозникнень ловцост—оест майшст. Ярцамо пель ансяк коське куво ды кельме ведь.

Сезевсь колхозонь нурсто, керьчь пеле зауркась.

Чиремсть керч ёнов.

* * *

Ловось яла озась. Чинь седеесь уш лембе. Март ковось неждясь.

Тундось орта ланксо. Ершов прок чомболкс. Акирьди Ершовонь седеезэ. Скири таго мезе поцонзо. Костояк тарка эзем амуи алясь. Спокойсь знярдояк апры Ершов Сульдинэнь муезе колхозонь правлениясто. Сульдин пешнякс пезнавтынзе кенере пакарензэ, столенте. Копсы месть бути.

— Тон месть? — пшкаць Ершов.

— Исяк эшо кортынек.

— Да, тундонтень анокстамось лавшо, — кортась Ершов

Тундось вастумс алкукс стака ульнесь. Колхойсэнть эсть сато видьмекс сюрост. Аламо ды кой-кона бригадатнесэ овсе арась фураж.

Амезде ульнесь андомс алашатне. Тече промкс, валске партийной промкс. Истя и, лиякс, — эрьва кода думсесть, кодаяк тевесь а туи Сульдин истя кортась:

Ярцамс сюрось эряви полавтомс пинеме ды лия сюронь ланкс. Ярцамс эряви муемс заем эли эщо кодаяк. Видьмекстомо берянь.

Берянь — омбоцеде евтызе Ершов. Бузулгаць колхозось. Кулакнэ ды сонзо агентурась ине гуйкс кепсить нерест. Секень вант пултасызь колхозонть. Сякой морот лацесть колхоздонть. Вейке морось кевкс Ершовонь седейс озась. Тешкас ашти мельцэнзэ.

....

Колхоз колхоз
Кода молеть теветне?
Скалтнэнь весе пурнынк вейс.
Авардить пакшатне...

[ 9 ]Сульдин чие правлениясто. Лыйни кецэнзэ газета. Газетасонть ульнесь печатазь СНК-нь ды ВКП(б) ЦК-ть решенияст, скалтнэнь пурнамодо:

Партейнай ячейкась комсомолонь ячейкась, колхозонь активесь срацть бригадава евтнезь ильведевкснэнь кемекстызь классонь врагонть каршо туриманть.

Колхозникне покш паро мельсэ вастызь те постановлениять.

* * *

— Большивиконь колмоце тундонть ютавсынек большевикекс, — кортась Капустин эсинзэ бригадасо.

— Мон являвса эсь прям ударникекс. Весе мелень, вием макса колхозонь лезэкс — Не валтнэ ломань седейть — максот мекев ланк велявсть. Поксардызе Капустин эсь потмонзояк. Пек думазевсь „валось максовсь,.. теевсь...“ Истя думась эсь пачканзо Капустин.

Нилеце бригадасо Ига. Ига икелев. Игаяк ударник. Не ломатне мельга вете!

кемень!..
кеветее!..
Истя чиде чис, касыть колхозникнень мельтне.

Ударникне кармасть пландо велькска нормаст топавтеме. Максть ламо предложеният.

— Минек ули видьмекс пинеменэк, сон эряви нейке сортовамс. Пулоксось яжамс алшанень посыпкас, — кортасть колхозникне Колхойсэнть корм арасель. Те предложениясь кармась улеме основакс.

Кавто колмо чис сортовизь пинементь кото тыща понсто ниле сят кодкемень понт сайсть пулукс. Те предложениянть максызе Капустин.

Сульдин омбо колхйстэ мусь заем сюро. Коть аламо, сэря марто саты — кортыть колхозникне.

Пуль кепетець колхойсэнть. Седейшкава кундасть анокстамо. Лаке робутась

Иля меша!

— Орготь!

— Орготь! шайтянонь седе пенч! Колхоздо морыцятнень ланкс пияк эзь вано. Плотникень [ 10 ]бригадасо зэрть моли. Кузницясо кшни вайгель. Кузницятне пелькстыть плотнекне марто.

Кувсе венельксэсь. Буйкстась ведесь. Пешкецть латко прятне ведьте. Вецакаць ловось. Видима лангонть самс кадовсть колмо недлят. Седеяк завдясть капшиме. Капустинэнь бригадась кирвайсь. Толпоцо лаки. Заданияст 2 сеелкат сынь колмо пурныть.

Пельтне тустомсть. Чополгаць венельксэнь. Пелеве ендо пуви экше варма. Кельмевтизе кинть. Колхозникнень ютксо кармасть появамо кортнемат.

— Бувала сы тундось, штобыть аламодо пурнат-сэрнят видеме.

— Месть кортамозо, кирдить неке валтнэнь лия колхознинкеяк.

— Сестэ минць азортнэ ульненек Не валтнэ пултасть Сульдинэнь седеензэ тела кедензэ ланга прок чучакат яказеветь. Пели Сульдин „Кадови инвентаресь апак витне. Темптэ кармасть лавшомгадомо. Авидевить видиматне“. Капустин камакшонзо пори. Ялатеке тевесь чанжа лондакшс кергавсь Теке де што лавшомсь культурно-массовой робутась. Аминцинек ломатьне кулакнэ эсть удо ды нолдасть колхозонть каршо тевс эрьва асатовиксэнть

„Преступна лавшосто робутыть бригадатнесэ.“

Виеньзамс массово-разяснительной робутась. Нолдамс стенань газета. Невтнемс кие кода робуты ды икелевгак кода робутыть партиецнэ эсь бригадасост.

Нежецть кеместэ массовой робутанть ланкс. Аравтнизь бригадатнева эрявикс лацо партийной виенть, аравтызь вадрясто бригадатнень робутаст. Робутань читнень сермалесть эрьва чине.

Колхозникесь чокшне, кудов туимадо икеле уш содасы зняро течи тейсь ды кодамо качествазо.
Эрьва роботнекесь робуты веенст срументсэ. Сон кисэнзэ отвечи, сон сонза вансты.

Ютась чи, ютась омбоце. Инвентаресь анок, видьмесь анок, фуражгак ули. Куть течи листь видеме.

„Арась алисят. Кирить канжамот колхоз“ кортыть кулакнэ ды сонзе агентурась.

[ 11 ]ВКП(б) ячейкась робуты, колхозонь активесь робуты. Кулакоськак а уды. Сонгак полавтызе робутамо методонзо. „Ютавсы эле а ютавсы колхозонь видема лангонть“? — Истямо задача путсь икелензэ кулакону агентурась.

* * *

Капустин цють эзь риштядев Культяйнень

— Пупордят-пейдезь пшкаць Культяй. Капустин кепедезе прянзо, сдоровакшнось Культяй марто.

— Косто чият! — кевкстизе Культяй

— Велеютксто, — отвечась Капустин.

— Месть тосо?.

— Мень шайтян. Мекс бутим эсь прязонгак арадан Мастор ланксонть эрямояк мелем молць, масторонть омбоце пев, туевлень. — Капустин кедензэ шикадинзе зепезэнзэ ды кармась прок мезень бути вешнеме кармась Пек берякаць настроениязо, эрьва кие марто эрить истят шкат.

— Истят уш састь эрямот. Сави эрямс — кортась Культяй, сон несы, што Капустин чапаськаць давай лабордомо мартонзо. Арьси таргамонзо эсь енонзо.

— Ды ков эно молят. Капустин лачигакс стявтыньзе пильгензэ. Керч кеденть неждизе боказонзо, мольсь Микитта малав ды пилезэнзэ салава кармась кортамо.

Колхозоськак тагода керчавсь. Асодыть масть тейнеть. Ды — ванать Сульдингак кодамо уш прявт... Пурнакшнызь скалтнэнь, моризь, вачодо, коромтомо ней мекев кармась. Истя ковгак амаштови. Мейсь макснизь? Секс самой. Аэряват колхойсэ — Кулакось вешни истят шкат, кона шканть лавшоми ломаненть настроениязо. Кона шканть ломанесь авечкс мик эсь прянзояк. Истят тевть эрить эрьва кие марто. Эрьва кинь новолькшныть настроениязо, ансяк аволь веси понгонеть кулаконь коморо потмось. Аволь веси ломатне маштыть туремане настроениятнень каршо.

Культяй прок эй чопавсь тундонь половодиянтень. Арьси сокардамс Капустинэнь потмонть.

[ 12 ]Капустин — стакасто таргизе оймензэ ды кувакасто укстазевсь. Сон течи пек сизесь. Пильгензэ эль эль усксь мальганзо.

Кодамо ведь ладось. Ломаненть мельц эрямось туи ансяк сестэ, кода эрьва мезезэ ули эрьва мезезэ саты. Ломаненть бутим пешксе пекезэ ды орчазь лангозо. А ней мезе!,.. Робутат штапськадат акосто саимс, седикеле коть рамамс ульнесь мезе. Вана мон диван тонь ланкс. Сеитстэ лецнетяно. Моцень маштумс тапат яла робутат. Одежась ланкстот эль валги. Истя кармат кортамо. „Тон кулакат, кулак мельге молят“ кармить пижнеме.

Культяй ськирясь Капустинэнь седеенть. Сон кортась, што колхойсэнть тевесь „атуи алашатне аливтивить“ Капустин кемсь эзь кеме, Виде истя ашти ладось “саемс алашась„. Тусто туман валовсь Капустинэнь пряпотмос „Виде“ тага думазевсь. Кармась комавтнеме прянзо. Мерят прок максне согласия. Теде мейле культяй верей арьсе кирнавтомо, седеяк покш паро мельсэ кармась кортамо.

Капустин яла теке амельцэ кунцолось Культяень. Куватц аштесь икелензэ. Лець Капустинэнь эсинзэ валозо конатань максызе бригадань промксо. Тень эйсэ езельдевсь седеезэ, такода соракаць рунгозо. Пурнась сэрьнясь туеме.

— Прощай. Туемс эряви, пшкаць Капустин.

— Совак басятано.

— Ладна, сован. Теке марто сратсть.

* * *

Ячейкасо спор. Конат кортыть, што алашатне атрявить, эрявить максомс азортнэнень. Кудосо лембе-вецэ трясызь. Не ломатне тандатсть кулаконь агитациядонть. Пелить карест пракстасткак сэвсызь алашатне. Ершов эрьва евтазь валонть штюпизе танстензэ. Никсизз чинензэ. Мейле кепединьзе сельме керенсэ ды пшкаць:

— Аламо ланкс, колхозонть, калавтомс а максса. Минь муинек ярцамс сюро, муенек видметь, муенек [ 13 ]олго. Витьненек инвентаренть. Основнойкс тундонтень анокстано Эрьва бригадась содасынзе эсинзэ сбруянзо, робочей виензэ, участканзо, косо карми робутамо. Робутась кармась молеме сдельщина вельде. Тень эйсэ машсынек кадувикс уравниловканть. Те тееви аволь друк... Аволь! Ней алашатнеде. Да, те тевесь... Те пек стака тев!.. Но эряви эрьва бригадантень эстензэ аравтомс те тевесь. Шка, кармамс уш...

Ершов, кеместэ, вететьнень сювордыньзе коморо потмозонзо, кулаконзо нолдызе столентень. Столь ланксо кальдирьць чернильницясь, лампастонть коншстась толось. Весе кашт молсть.

Лазксось муевсь (Т. А. Раптанов) p15.jpg
Евграшевонь премировизь
РСФСР-нь СНК сь команди-
ровкасо ввысшой
колх. школав

Евграшовонь бригадась сортовиньзе видьмекс весе сюротнень, паро мельсэ, седей марязь кундасть алашатнень андомо.

Ершов эрьва шкане сынст ланкс сурцо невтни, Молить алятнень тевесть! Евграшевонь бригадась робутась производственной планонть коряс ды эщо хозрасчет кармась улеме бригадасонть. Бригадирось — Евграшен, ловинзе весе росходонзо. Ловнэньзе зняро ули приходозо. Конец сконцом вадрясто сходится, тапарязь рузонь валцо кортнесь Евграшин. Евграшин эсинзэ бригадасо алкалгавтызе эстензэ питненть кемгавтово проценс. А трудонь производительностенть кепедизе 25 проценс. Евграшевань бригадасо ули мезнень тонавтнемс Ули сатышка опытозо.

Бригадир — Чеснов, ломанесь прок тумо. Аштесь местькак эзь корта Анцяк сеетстэ чавсь сельмекерензэ.

[ 14 ]— Тевесь амоли. Амоли алят тевесь. Видима лангось, прах сайсы орта ланкс нежець. — Чеснов кортась, но кияк эзизе чарькоть:

— Мезди тон? — кевнстизе кие бути.

— Мон седе-жо мезде и тынь. Отвечась Чеснов.

— Вана, тевесь мерян амоли Атестэ тынь лиясто сезеви. Атятнень таргамс робутамо производствас Сынст ули робутамо опытост.

— Да уш, положим минек амансямизь. Пшкаць Троша Кодкемень иензэ уш ва. Партиецнэ весе варштасть Троша ланкс. Ячейкасо шнызь те предложениянть, Тевенть ушодомс максызь Чесновнэнь, а Трошань бригадиркс. Теке марто ячейкась сралесь.

Лазксось муевсь (Т. А. Раптанов) p16.jpg
Капустин премировизь РСФСР-нь СНК-сь 150 цел.
 

Капустин моли ульцяванть. Сонць курьцякс меньдявсь — Мон алашам сайса, сайсызь остаткатнеяк. Седе мейле калады колзозось... Сон лоткась проулкантень Талакаць. Арьси кува седе маласо молемс кудов.

Провулкаванть седе маласо. Покшт лов [ 15 ]зуборокнэ. Ульцяванть седе васоло, но кись вадря. Теян ки витстэ Тусь ловонть потмова. Капустин седеяк думазевсь. Сонсь ливезь пар поцо келе ловныть потмова. Чополгаць пря потмозо. Стака дум чаувить прязонзо „мезень кисэ робутат‘ Яла — теке кулат. ,Алецтятадызьгак“ Прок кияк пря куншкас лоземдызе, веляскаць. Аламос аштезь ванькс вецэ окатявсь пря потомозо. Такода пейдезевсь кургозо. Вайгель марямга пшкаць:

— Мон монсь пурнынь колхозонть. Содынь мезень кисэ путынь вием.

Куломозон карман тапамо сонзо кисэ. Пряцынек вете иень планонть ‘да пряцынек.

* * *

Бригадатнесэ кармасть андомо алашатнень. Кармасть мельгаст якамо, вадря уход тест путыть.

— Знамо курок бу виемевелть, ковгак бу акильтнемс кортыть кай-конат. Теде башка ульнесь лама робута. Алашатне усксть станциясто видсть, станцияв усксть роззть ды модарькат. — Амельцэ теде кортнесь Андрей ды мелезэяк арасель те тевенть теемс.

Эсть вано лангозонзо. Прядызь вирь ускомаст моли тевест.

Веселгацть алашатне кормось теке, кона ульнесь, алашатне лиякстмсть. Дива месть тейни вадря уходось.

Секретэсь апокш, но важной. Молят Ершовонь кардайс кардазост теке “келея” письмарт чаледеть крышасонть. Очкост шлясызь алксост теньцесэзь. Кором теить шкасто, симдясызь шкасто! Прок вишка эйкакш мельга якить. Евграшевень бригадась акадови.

Прась спокойс Сульдин. Оймась Ершов. Чождынестэ алятне таргизь оймест. Апак пель васцызь тундонь видима лангонть.

Колхойсэнть кулакнэ ульнесть. Седеяк ламо кулаконь мельтне Культяй вети робутанзо. Прок гуй жаланзо пезнавтни колхозонть седейс. Апезны, калгодо. Культяй вешни лия метод, лавшо тарка...

[ 16 ]Муевсь. Евграшинэнь бригадасо конюхокс робуты Федот Однасум вейсэ симнекшнэсть. Вадря ялгань кисэ, ланксо — панаромгак а жаль,“ Кортнекшнэсь Культяй.

Федотонь коряс ламоксть ячейкасо кортасть. Суре вельде ашти комсомолсо „Те не важна“ кортни Федот.

Федот кеместэ тапардавсь Культяй перька.

— Хоч те бригадась видема алиси. Хоч..!, — Иредьстэнть пачк лабордась Федот, слюнанзо ождякс тапардавсть турвазонзо. Сельмензэ прок кулы каткань, латко потмаксос ваясть. Культяй шнась Федотонь. Федот кайсь.

— Врадовсынь алашаст!

— На, монь ули стамсурем. Алашань кельтне сюлмсемс. Кияк тенень афате...

* * *

Тундонь чопода весь сэтьме. Анцяк ве пеле кайсеви киска вайгель ды плескакс тештне цитьнесть менель потмаксто. Алашатне, хруп, хруп, хруп, хруп, човасть чорвявкснэнень камакшост.

— Вейкень, кавтонь... Вейкест пес... Пшкаць Федот.

Општ мольсь, кардазось. Потомсь алашатнень кирга парест. Анилить ведь капля; а сускить кором синьксь. А евты алашась вал. Амашты пеняцамо. Стамбарна чевли келензэ.

Кашт молть, кортась Федот. Культяй мезьц, ульнесь вадря „ловкость рук и не какого машенства“, арьсезсь эуь потмованза Культяй.

Ундов класонь врагось, макшосо почодызе бригаданть. Нупонце вельтизе бригаданть, бригаданть валызе пиже чекерь.

Сульдин васьня новолсь. Чапамо кери седеезэ „Ех, елки палки“, корты эсь потмованзо Сульдин. Те кортамось ульнесь поговорказо. Эрьва стака шкасто тевтылезе „елки палки“.

[ 17 ]Менельганть, кошмакс сравтовсть тусто пельтне, стамбарнэ, стамбарнэ уить чи лисимав. Ершов нузялдозь ванць те ланкс. Прок а истя ашти менелесь, мекев ланк прок велявтовсь. Масторось — полавтовсь эрямось.

Бригаданть майшсь нарьдизэ. Кодак стака тарка-цирцк сезеви бригадась. Чи юты хлоп — кулы алаша. Кавто ютыть — кавто венемсть. Остатка бригадатнесэ тевесь берянстэ эсь-кельць, „Морень дерясыть алашатнень, мейле коть горьницясь совавтыть, яла-теке а виемить. Вейкест пес врадыть“ Кортыть кулаконь пулу петне. Ершовонь бригадась класонь врагонь сельть пици Троша ды Чеснов, весть алисить алашатне ютксто. Прок нарвуць кайть ципат, вансыть ведундо. Культяй экшезэст арась, ударна бригадасо тешкстазь. Келензэяк сускизэ. Кашт моли, прок грецкой салава сускиця киска леншкаць.

— Идемевсь, азе саик алашанть! саик теть мерян Кулувцызь тозонь монь мейле, уш пильге следэткак илить чалга кудо потмонтень! Анафема нолдатан Сюды козяйкась Капустинэнь тарка эзем пиштякантень амаксы. Позори кода понксь. Куть кудовгак иля сакшно. Калгазь калги азась.

Капустин снартнесь кортавтоманзо. Малавгак арась Коть курготкак иляк автне „саик“ ды паро.

Налкстась Капустинэнь седеезэ. Молць мелезэ, те севноманть кунцоломс... „Молян ветяса теть. Оймавтык седееть“ мерсь Капустин ды тусь бригаданень алашанзо кисэ

Колхойсэнть авария. Лоткасть тевтне. Секень вант, колхозонть потсто сезеве динамит. Федотонь чамазо такода чополгаць, селмензэ прок ундо потсто, чейрень тол цивтылсть.

— Кияк эщо эзь сай алаша?

— Монень коть течеки сайненк! чильбордозь кортась Федот. Турванзо лапность. Сонць прок ватракш-кельми. Капустин ютась ваксканзо. Федот трокс варштась лангозонзо. Капустин езы кецэнзэ алаша лангонть. [ 18 ]Алашась прянзо каизе Капустинэнь лавтом ланкс. Ансяк эзь евта, мезезэ сэреди.

Пек токавсь, Капустинэнь седеесь, састь кежензе. Натой пукшторцэ сельведензе листь. Алашась эщо весть пурдызе кирганзо ды тарцк ертовсь, пильгензе ланксто венемсь „Ех, мать пере мать, кадовинь ялго“ скирдавсь Капустинэнь седеезе — Талакаць алясь „Эзия кунцоло бабанть... Ней кудо потмонтеньгак иля появакшно...“ Думась Капустин сельведензэ повнень пов певерсть. Прок варяв зепстэ кснавт прасть. Капустин варшты кулозь алашанть ланкс, весе соракады рунгозо, коткудавт натой телаванзо туить. Кутьстяви Капустин, седеезэ мик потяты. „весе кулыть“ корты Капустин. Сякой месть вачкавссь Капустинэмь пряс. Ершов, Сульдин марто усксть врач. Вачкодинзе кедензэ Ершов Алов нолдызе прянзо. Стакасто думазевсть. „Лисемс колхойстэнть“ Арьси эсь потмованзо Чеснов Не арьсиматне эцесть Сульдинэнь пряпотмоськак. Арьсесь тедэ Ершовгак Но кеместэ турсть эсист каршо.

Ченьгеть колхозникнень потмост. Секень вант тол. верьгидеви гувкади а матсттявияк „Енгамодо“ лоткавты Сульдин эсинзэ потмось умок уш киртавсь. Ансяк кашт моли, кеместэ тури мелензе каршо. Сонсь сроясь колхозонть. Сави ютамс казямо кись. Капустин кирвайсь. Кевень пандо лангозонзо вачкавсь

Комсомолтнэнь седеест пиштякатнень, соласть. Содасть, што тесэ ули подвоха; но ведь факт... Фактось арась.

Весе прявтнэ пуромсть. Сульдин ды Ершов чинзэ лисемадо икале тесэ тапеть. Пурнавсть лия бригадастояк: Евграшев, Чеснов Троша атя. Колхозонь активесь, кедест боказост чавить дива. Ормавтомо врадыть алашатне

Куть месть тейнек.

— Тоштямсть алашатне, майшсть дарманост. Авиеметь паро-маро.

— Врадыть.

— Мезияк атеят.

— Месть тейнемс! — Яки Ершов кардазганть.

[ 19 ]„Розорявсь бригадась, мельганзо омбоце. Истя розоряви колхозоськак,“ арьсеть колхозникне.

— Те а... те истяк!... Сельменсэ плошкакс тетькинзе Чеснов. Натой соракаць. Яки кардазганть а соды месть тейнемо

Пельц куло алашась дряньгаись пильксэнзэ.

Весе кашт молить. Чесновонь чамасо прок сиянь покольть цитьнесть сельветне. Алашась остаткадо таргизе оймензэ, пеке боканзо доскакс прасть потмаксов. Алашанть поцо ямкс мик арась.

* * *

Батяркинэнь перька, весе бригадась пурнавсь. Шум кепетсть вешеть явомс алашатнень.

— Пандя!.. кадымизь ялго!

— Тантарарыяк илядо пекста!

— Пижеть, нежеть керидизь!

— Месть рангат в... икеле! минць мирем адядо! — Пижни Андрей, Батяркинь чувтомсь. Лаксо кармась сорномо.

— Алац атят. Алац тейнитядо.

— Алац?.. Неть!!.. Лац!

— Врадовтынк алашатнень!

— Аздан кода мастор авась, кирьди корозонк!

— Оргодеде! Акунцолоса те сивезь сельменть! Арась! Сайса алашам!!! — Пиже-ожо вайгельцэ лайше Маря—баба. Ломань куцясь теевесь пандошка. Яла неждить. Батяркин эзь пота. Кармась кортамост. Ужодо врачесь ванносынзе Батяркинэнь вакска, мирем сяворсть ортантень. Алашась венемсь. Келесь бокав новолсь. От евтаволь бу мезезэ сэреди, арась а евты.

— Ужодо — врачось саизе келенть... Келесь, кавтов явовсь. Сюувкс такодамо. Кармась меньдямонзо, тосто появсь стамсуре. Талакаць врачось эзь некшне Ломатне неждясть алашатне явшеме.

— Аштеде ялгат! Тынь месть!! Кортась врачось.

— Сетнень самой! Давайте алашатнень!!

— Ялгат! Андрей! Маря баба! кинь кунцолотад!! Микитань!!. Вана... невтизе келенть — вана ванодо!..

— Ялгат! — кармась кортамо Ершов.

[ 20 ]— Вана ванодо кода классонь врагось тюри минек каршо. Течимс кеньгелесть кулаконь пуло петне, што алашатнень куловты колхозось! весе дивазевсть. Ершовдо мейле басясь Сульдин, басясь Чеснов ды Маря баба.

Врачесь се шканть керьценьзе суретьнень.

Снартнесть Федотонь вешнеме. Юрмозояк косояк арась Прок полдань синьдезь веляськаць колхойстэнть.

Колхозникне эсист сельмсэ неизь кулаконь тевтнень ды пек апаро седейсэ сралесть кудова

* * *

Пичкасть алашатне. Таго вельмась Ботяркинэнь бригадась, комсомолонь ячейкась ютавсь промкс од ломатнень марто. Партийной ячейкась бригадава ютавсть промкст. Вадрясто евтнизь колхозникненень, классонь врагонть тевензэ. Седе мейле эщо комсь хозяйстват совасть колхозонтень. Капустин ды Еграшев совасть партиянь кандидатокс. Тусь тевесь. Кузьнецясонть таго киштить молоткатне. Наковольнястонь зэрьтесь увны венельксэнть. Горнасонть толось икеле лацо пси. Искоркатне сырьнень поколькс сравтовить потолокканть.

Бригадатнесэ, капшить анокстыть Атече-валеске видеме, лисить.

Паксясь сермав. Ловось вецакаць прок тусто чапамо ловсо бызни. Чудикерькенэ. Чокшнетнень пры кельме. Вальматне велькссэ кельметь эй поколть. Прок нарят тивтылдыть Чинть каршо чинь чоп аварьдить. сыргасть тевтне колхойсэнть.

Колхозось ютавсь чистка. Вете хозяйстват пансть порок классавой а миницинек ломать. Колмо хозяйстват черькстасть, секс што мольсть кулаконь кедь енов пшкацть кулакнэнь кисэ. Теке марто не хозяйстватне тейсть весемезэ комсень комсь трудо чить, сестэяк пижнесь: — стяко робутатан. Колхозонтень нузякст а эрявить. Мелеть арась робутамс, иля. Нетьне таркас, сыть кемень. Тонцькак фатят.

[ 21 ]Ванта моли тевест. Овсе лапшаргесть, — кортыть башка хозяйствань ветицятне.

Ламо пиземеть, бурят ютасть колхозонть прява. Ламо тамашат тейнесть кулакнэ ды сонзо агентурась. Ламоксть пирьцизь колхозонь кинть. Ламоксть тормоцьтякшнызь колхозонь чаронть.

Арась, эзь лотка тевест. Эзь калат колхозось. Лись овси лиякс. Лись истя, што класонь врагонть эрьва выступлениянзо каршо — попытканзо каршо, максть колективень боевой отпор. Кулаконь эрьва снартнимадо мейле седеяк виензась колхозникнень боеспособностест ды класонь бдительностест — политической чутьест.

Эщо сексня кулакнэ ды сонзо агентурась арьсесь сеземе сюронь анокстамо планонть, средствань пурнамо планонть, заемонь явшема кампаниянть. Тень каршояк, колхозникне пельде вастась виев отпор Сюронь анокстамо планонть колхозось топавтызе пландо велькса, заемост микшнизь. „Коминтэрн“ колхозось государстванень должнек: эзь кадов. Тундонтеньгак толонь бурянь пачк пачкоцть.

* * *

Чизе прок баяга. Маней, ловось бойкасто ванцьцкады, масторонть чамасто. Бригадиртнэ ласте, ютызь ды ваннызь участкаст.

Арась, тече а лисят, — кортыть эсь ютковаст.

Планонь коряс эряволь лисемс апрелень комсеце чистэ.

Ершов бригаданзо норови ливтеме валске апрелень — кемсисмееце чистэ. Батяркинэнь бригадась коть ламо коря кирць, яла теке а ускови пуло песэ.

Атятне сорновтнить сакалост.

— Чишка, алят. Чишка, — Корты Троша. Алашаст прок карьцягат сбруяст, анок. Эрьва алашанть эсензэ ашкозо, мельганзо якиця ломанезо Бригадатне кемекстазь ды анокстазь.

Валскинть чись прок корьцяга кепетець пандо штекастонть верей. Пси срунанзо, пезнавтыньзе наула [ 22 ]модантень. Модастонть стлобакс парось кепети мелентень. Пси коштось сиянь плескакс налкси венелькссэнть Маней.

Колхозонь правлениясо поксарить... Анокстыть, штобу кодаткак покшт асатовикст анокстамонь кис паксясо авольть уле. Сульдин пулякс яки ве бригадасто — омбоцес — лезды.

Ершов бригаданзо фронс аравтызе. Пурнасыньзе партиецнэнь максэ установкат — руководства таго весе сралить бригадава. Чокшнэсь опаня ды сэтьме.

Сульдин эщо весть ютыньзе бригадатнень, эщо весть штюпиньзе виест — анок чист ды тусь кудов Чокшнэнть кодак прась таркантень истяк кулозь кулось

Чеснов ды Трошка акадовить Ершовонь бригададонть. Постронкасткак тарказост сюлмсизь, валекосткак анокстызь бригадась учи сигнал.

Валскенть, ранаяк моразевсть атякшт, ансяк зорясь кравтызе валдонзо менелентень Ершовонь бригадась чалгась бойс — тейсь, наступления.

Часнов зэрькадизе баяганть. Буулгаць бригадазо. Баяга вайгелесь сезеньзе удумаст колхозникнень. Арасть видиме фронц Васинь шканть, кой—кона колхозникесь эзь лисьне робутамо Вадрясто аравтозь трудонь учетось ды сдельщинась. Омбоце чинть удалов кодовикс колхозникненьгак ливтинзе робутамо. Ершов, Сульдин мартост бригадиртнэ, чокшненсь строчить куроконь, серма.

— ВКП(б) райкомов, рикс ды райколхозсоюзов „Коминтэрн“ колхозось лиссь видеме кемсисмееце чистэ. Видеме сроктнэде, колмо чиде икеле. Батяркинень бригадась видесь кемнилее гектар яровой, эрявсь кемготово эзьтопавтов чинь заданиясь. Чесновонь бригадась чинь заданиязо топавтызе 99 процентс.

Ершовонь бригадась чинь заданиядо ламо видесь. Эряволь видемс 18 га сон видесь комсь гектарт. Надиявтадызь што видеманок пряцынек шкадо икеле.

ВКП(б)-нь ячейкань секретаресь Ершов.

Колхозонь председателесь Сульдин.

[ 23 ]Вельсоветэнь председателесь Серьгеев.

Капустин озась ласте ды прок ливтязь ливтясь серманть марто районов,

* * *

МТС-тэ, кучсть колмо тракторт. Трактористнэ камандувить машинатнень. Трактор зэрьтесь рикстядиньзе вальма сленикатнень. Кудытнестэ листь пакшатне ды чиить. Тракторось, лиясто леди мик, удалонзо присрашной пуль.

— Ванта лемехензэ...

— Ай я я...

— Те чай саженьшка, сразов велявты?

— Неть косто?

— Минек МТС нь.

— Атяшевасто?

— Да.

Эйкакшнэнь мельс тусь тракторось. Ансяк эзь туй мелезест се, што трактористэсь пацьказь.

— Трактористэнтень кудыне бу теемс, да Коля?...

— Кармавтомс ськамонзо тракторонть.

Теемс электричества эряви — Капустин кувать кунцолось эйкакшнэнь кортамост. Пек тусть валтнэ мельзэнзэ.

Мезе содылень, мон сынст порава. Кевкстизе Капустин эсь прянзо мезеяк эзинь сода — эстензэ максь ответ.

Капустинэнь паро мелезэнзэ секс, што од ломатнень нейке уш мелест валост покш машинадо, колективдо. Пазось уш мельцесткак арась ды а эрявияк...

Арась меньгак паз — думи эсь пачканзо Капустин. Ансяк маньчимат, ды капитализмантень лездамо. Вот мезень кисэ эрявсь религиясь, трудицянень те а эряви.

Теде мейле, несэзь кода, попне ликувакшность, кулакне марто ве лувсо лепштясть беднякнень. Капустин стамбарнэ сыргась. Трактортнэ пезнавтызь лемехест залоконтень, косо ульнесь пиньгень перть апак сока.

* * *

[ 24 ]Чись пейди меньельстэнть. Сэтьменестэ пувсе лембе варма. Виресь пиже лентасо сюлмизе прянзо. Пандо штекатнесэ мызылдыть чинть каршо ожо чахратьне.

Бригадатне сравтувсь участкаваст. Авань бригадатне анокстыть модарень путомо. Тарксить модарьтнень яматнестэ.

Башка хозяйствань ветицятне дивсить.

— Ванта тусь тевест! Седе мейле эщо вете хозяйстват совасть колхойс

Пионеронь организациясь, тейсь культповоска. Колхозонь правлениясь максы тест алаша. Культповоскасонть видицятненень ускит паксяв кинигат, газетат, ды эрьва чинь стенань газета „ильичовка“. Стенгазетанть нолды ВКП(б) ячейкась, колхозонь правлениясь ды вельсоветэсь.

— Тпру?,.

— Лоткадо!

— Ямось кенерць. Чесновонь бригадась, перьгавтниньзе алашатнень, Евграшев тусь терьтямост пиже лугантень.

Бригадась пурнавсь.

Пси ямстонть парось пурдазь кепетець верей. Колхозось котоце чи види. Бригадатне вестькак эсть сакшно кудов ды амейсь ульнесь саимскак. Общественной питяниясь коть аволь истямо кодамо бу эряволь — яла-теке аравтозь ульнесь вадрясто. Куть кие содась, што больче седе парось акость ульнесь саемс.

Бригадатне видить. Мельга изамотне, буто сурцямосо судрить видезь паксянть.

Тече остатка чи! Корты Капустин. Капустинэнь мельц лецть ютань потань тевтне, лець се шкась кода арьсесь лисеме колхойстэнть. Арьсесь саемс алашанзо. Алашань лецтямось скирдызе седеензэ. Сурбунакс котлявсть конясонзо збортнэ. Кельме ведь валовсь телаванзо.

Кулонь-куломазон больше а ули алашам. Капустин ноцковтынзе ождятнень ды пильгень кайсезь тусь сеялканть мельга.

[ 25 ]Культповоскась, течи сась бригадантень овси чокшнэ. Колхозникне кармасть перьгавтнеме, пионертнэ сравтызь полкаланга кинишкаст, газетаст. Стенгазетанть педявтызь повосканть удалов.

Партприкрепленоесь чийсь стенгазетантень жаднойстэ завдясь кочксеме срочкатнень.

Ершов эсь обуцямо коряс, васняткияк центральной газетатнень ванномо

„Эрзянь комуна“ сравтавсть букуватне икельганзо

„ЦК-нь ды СНК-нь постановленияст, сюронь анокстамодо 1932 иестэ.“ Ершовонь сельтне ношкстасть срочкатнева. Кодак прядызе ловноманзо. Промсть весе колхозникне.

Эщо эсть кенерь ойсеме ужинамо ды ямоськак эзь лаказем.

Колхозникне ойсесть Культповосканть перька.

— Ялгат! Кунцолодо. — Колхозникне ойсесть малаванзо. Чокшнень чопудась тапардызе тусто качамонть, толпаньдясонть чевстэ конштнэсь тол келесь. Котельцонть ямось верей кирьнявтнесь. Эрьва бульдирькась сокардась котел потмаксонть, седе мейле ямкснэ сравтовить котелонть келес.

Ершов чашсь толонть малас, меньдизе газетанть кавтов, сешканть арьць Сульдинь.

— Вот вадря. Прявтоськак сась. — Пшкаць Ершов. Сульдин озась ваксозост.

Ней кавто колмо вал те газетадонть Ловномс чопуда. Истяк евтнеса.

ЦК-сь ды СНК-сь тейсь постановления, 1932 иестэ сюронь анакстамодо. Тесэ мерить: што колхозонь хозяйстванть победанзо покшт. Седе тов кармить улеме эщо седеньгак покш победат. — Корты Ершов. Колхозникне пракшность пекест ланкс ды пек паро мельсэ кунцолыть Ершовонь.

— Тедиде алкалговсызь сюронь анокстамо планонть. Бути меля Равкуншкань крайстэнть ансяк 72 миллион пондо. Совхостнэ урожай саить меленде ламо. Ней колхойсэнть карми улеме истя. Пряцынек сюронь [ 26 ]анокстамо планонок, тейдян кодат эрявить тенек фонд. Остатка сюронть явсынек эсинек ланга. Кинь седе ламо трудо чинзэ, се седе ламо получи сюрояк.

— Мейле аков ули теемс сюрось.

— Мисак — мерсь кие-бути колхозникнень ютксто.

— Тосо ули мерезь: можна миемс.

— Мейле седе ламо давайте видитян, — Пшкаць Капустин.

— Нуда! — Шнизе предложениянть Чеснав

— Правдый давайте седе ламо видьтянок.

— Давай.

— Стречной план сядо гектарт

— Сядо комсь!

Сядокомсь гектарт, сайсь бригадась сречный планс.

Чеснов напустясь эсинзэ бригадас толковамо

Капустин лия бригадас толковамо. Ершов тусь котоце бригадас.

Колхойсэнть весемезэ пурнавсть колмо сят гектарт сречной план.

Знамо, пек стака ульнесь. Алашатнень эль эль усксевсь пильгест. „Ладно тундось лембе курок тусь пиже корам.“ Кортнесть колхозникне. Алашатне завдясть виемеме.

Ютась чи, омбоце Киштезь кишти Ершов. Ершов, пурныньзе течи партиецнэнь, тейст итогт рана культурань видемантень.

Большевкень колмоце тундонь видема лангонть ютавтынек покш победа марто. Партиецтнэнь седеест скирьк скирьк мольсть — премия, кининь — эрьвейкие думась эсь потмованзо.

* * *

Паксясь наряжавсь пиже лентычкасо. Чись яла пейдезь ваны менельстэнть. Вирь лопатнень вармась рикстяцыньзе, теде мейле вирь чувтнэ алов комавсызь пряст ды стамбарны кепетить одов.

Сульдин ды Ершов ардыть тарантассо РИК-ев, Райкомов доклад марто.

[ 27 ]Райкомс пурнавсь раионной слет. Пурнавсть колхозонь председательтне ячейкань секретарьтне ды колхозонь ударникне. Састь Евграшев, Капустин ды Чеснов гак.

ВКП(б)-нь райкомонь секретаресь тейсь доклад. Евтнесь кода, косо ютавсть большевикень тундонть.

„Коминтерн“ алкокс турсь большевикень темпатнень кисс! Покш победа марто прядызь видемаст. ЦК-нь ды СНК-нь решенияст каршо „Коминтэрн“ видесь колмо-сят гектарт пландо вельс.

Сынст пельде эряви тонавтнемс! Свербулин тень эйсэ прядызе кортамонзо.

Делегатнэ весе ваныть „Коминтерн“ колхозонть представительтнень ланкс Сульдин, Ершов ды остатка делегадт „Коминтерн“ колхостэ эсь пряст эйстэ несть, пандошка сулейть. Не сулийтне неявсть весеменень. „Коминтерн“ колхозось лиссь победителькс.

* * *

Касыть пинеметне, касыть сюротне, касы лия культураськак. Ванат паксянтень, сюротне прок валнат чавовить иневецэ мерят прок пеяк косояк арась! Келезэяк козоньгак а токи! Розтне буройгаць истя жо вармась чавови эйзэст, розтне сюконить ды стамбарны варманть каршо стить одов.

Сульдин колхозонь прявт, Ершов ячейкань секретарь. Капустин, Чеснов ды Евграшев вейсэ весе колхозникнень марто вейсэ истяжо ливезь пар поцо анокстыть нуема лангонтень. Тече валске почтаресь рана чие колхозонь правленияв. Картуз козересь как пиштяканть, бока ёно тарны.

Правлениясонть народ ламо. Веси бригадиртнэ промсть Течи кармить басямо, кода ды знярдо лисемс нуеме. Кода теемс, штобу а емавтомс ве колозгак.

Истямо настроения марто, пурнавсть бригадиртнэ, промсь колхозонь активесь.

Почтаресь пейдезь калавтызе течень газетанть, весеменень марямга ловны: „Большевикань колмоце [ 28 ]тундонть вадрясто шкадо икеле прядумонзо кисэ максумс ванакодат премият. Евграшевень выщей колхозной школав тонавтнеме Чесновнень, Капустинэнь, Сульдинэнь ды Ершовнэнь сядо ведькеменень сядо ведькемень целковойть ярмаксо.

РСФСР-нь СНК-нь прдседателенть замест. Андреев

Москов.

Вантака, Московсто... РСФСР мик соды эйстэдест.

 

 
Редактор ЕГОРОВ. Техредактор ЗОЛОТЫХ

Обллито № 811. Мордгиз № 53. Тираж 5000. Об‘ем 1|2 печ. л.
Знаков в 1 печ. листе 67.392, Бум. 72X105. Сдано в набор 30-IX.
Подписано к печати 25-X. Заказ № 3029.


г. Саранск, типография „Красный Октябрь“.

[ Обложка ]

30 треш.
к о п.
Лазксось муевсь (Т. А. Раптанов) p32.jpg
Т. А. Раптанов — ЩЕЛЬ ОБНАРУЖЕНА
Мордовский язык (эрзя)

PD-icon.svg This work is in the public domain in Russia according to article 6 of Law No. 231-FZ of the Russian Federation of December 18, 2006; the Implementation Act for Book IV of the Civil Code of the Russian Federation:
  • its creator didn't fight or work for Soviet Union victory during the Great Patriotic War — so the 70-year protection term is applied;
  • and the creator died before January 1, 1948 (more than 70 years ago);
  • and this work was first published before January 1, 1948 (more than 70 years ago).

This work is in the public domain in the United States because it was first published outside the United States (and not published in the U.S. within 30 days), and it was first published before 1989 without complying with U.S. copyright formalities (renewal and/or copyright notice) and it was in the public domain in its home country on the URAA date (January 1, 1996 for most countries).
This work was in the public domain in Russia on the URAA date January 1, 1996, according to the Law 09.07.1993 No 5351-1 which was enacted on that date:

  • its creator didn't fight or work for Soviet Union victory during the Great Patriotic War — so the 50-year protection term was applied;
  • and the creator died before January 1, 1946 (more than 50 years ago from 1/1/1996);
  • and this work was first published before January 1, 1946 (more than 50 years ago from 1/1/1996).

The author died in 1936, so this work is also in the public domain in other countries and areas where the copyright term is the author's life plus 81 years or less (if applicable), or the copyright term is 84 years or less since publication (if applicable).

Flag of Russia.svg