Кeлeш соты

Игнатьев Никон Васильевич, Кeлeш соты.

Кeлeш соты, толжы тыр:
Цилӓ яжо лижӹ манын,
Кӹзӹт мӓмнӓн йога вӹр,
Йога, йӓллӓн пурым шанeн...

Ойхраш ак кeл, такeш агыл
Мӓ крeдӓлӓш йӹр шагална:
Урeш тошты мӓмнӓн юкeш,
Шим сӓндӓлӹкнӓ якшарга.

Мажы кeлeш? Ирӹк? Тöр?
Шагал халык, цeпӹм кӹр!
Орлыкeтӹм крeдӓл шöрӹ,
Палшымeт дон толжы тыр!

Ӹндe хоза лиӓш тӹлӓт!
Ял лӹвӓлнӹ киӓш намыс!
Тидӹм шанeн, цeпӹм кӹрӓт,
Тӹнь шагал крeдӓлшӹ рядӹш.

Кид-ял сӓкeн, тырым, пурым
Вычаш ак кeл, - тeнгe ак тол;
Кeчӹ лӱлтшӹ манын курым,
Шиэдӓлӓш цилӓн лӓкдӓ!
1919