0%

Көҙ(шиғыр). Сөләймән Муллабаев

From Wikisource
Jump to navigation Jump to search
Көҙ (шиғыр )
автор Сөләймән Муллабаев
.Нәшер ителгән: 1988 йыл. Сығанаҡ: "Туған тел".-Өфө"Башҡортостан китап нәшриәте",1988 йыл


Көҙ


 Урман ойоп торғанда,
 Ә Ай бойоҡ торғанда,
 Йәй киткән әллә ҡайҙа,
 Уны күрмәгән Ай ҙа.
 Таң атҡансы, төньяҡтан
 Һыуыҡ килде һуҡмаҡтан.
 «Мин, — тине һыбай һыуыҡ, —
 Йәйҙе ебәрҙем ҡыуып.
 Менгән атым сыбар, — ти, —
 Уҫал бабайым бар, — ти, —
 Ә ул аҡбуҙ атлы, — ти, —
 Санаһы ҡанатлы, — ти, —
 Минең арттан килә, — ти, —
 Ел сығарып елә», — ти.
 Һоро ҡуян ҡыуаҡтан
 Ырғып торҙо һыуыҡтан,
 Ҡолағын ыуып әйтте:
 «Һалҡын килеп семетте.
 Был ниндәй хәл, әсәй! — ти, —
 Ҡайҙа юғалған йәй?» — ти.
 Мышы оҙонғолаҡҡа:
 «Көҙ килде, — ти, — ҡунаҡҡа!»

 


1988 йыл