Кывйӧдъяс, шусьӧг кывъяс

by Лыткин Георгий Степанович

Кывйӧдъяс, шусьӧг кывъяс  (1889)  by Лыткин Георгий Степанович

Гижан кад: 1889, Йӧзӧдан во: 1889. Ӧшмӧс: Зырянский край при епископах пермских и зырянский язык : пособие при изучении зырянами русского языка / сост. Г. С. Лыткин. - Санктпетербург, 1889.

Ен кӧ оз гымышт, «вежа-вежа» он шу.
Лёк мортлы синмас касьӧн (каньӧн) он чеччышт.
Вольсалӧ небыда, узьсьӧ чорыда.
Шыбитан мышкӧ, водзӧ усьӧ.
Рам морт эм сьӧла кодь.
Ньӧжйӧн кӧ муна, ылӧджык воан.
Пыдӧ кӧ пуктан, матысьджык босьтан.
Пу дінысь пельдӧма, турун йылысь тӧвзьӧма.
Шыра-каня он косясь; шыра-каня моз бара ворсад.
Мелі кукань кык эньӧс нёнялӧ.
Пӧрысь пон оз увт тыртӧм пу вылӧ (ройӧ).
Ошкысь кӧ повны, абу бур овны.
Ошкысь повзьылӧм (повзьӧм) морт мырйысь полӧ.
Кодыр ли (нин) усьӧ, сэки лиась (куль).
Нёра пу он веськӧд, лёк (омӧль) мортӧс он велӧд.
Эн серав йӧзӧс, пиньсьыд еджыд он ло, синкымсьыд вылӧ он кай.
Рач рачкӧд жынӧдчас, корӧсь корӧськӧд кильӧдчас.
Код видзӧдныс рам, сійӧ пыдӧджык пурыштас.
Узигӧн овлӧ меддолыд.
Кодыр пидзӧс вылад чеччӧдлан дзоляӧс, долыд олӧмыс сэк овлӧ.
Бур ай-эньӧн дзоляяс бурӧсь.
Сьӧм вылӧ сюрӧ быдтор, сӧмын ай-энь оз сюр.
Тасьті кӧ жугалас, сійӧс он йит.
Вундӧм бӧрын он нин йит.
Пель вурӧм бӧрын он кывзы.
Вом тупкӧм бӧрын он сёрнит.
Юр вундӧм бӧрын дыр он ов.
Синмыд кӧ абу, он ветлӧдлы.
Куш кинад лежнӧг он кут.
Важ йӧзлысь кывсӧ он вуштышт.
Бырӧм бӧрын он нин ло.
Мунӧм-ветлӧмлы пом оз во.
Киссьӧм ва он курав.
Важ сола вылӧ он юсьы.
Нянь бердын шыр пыр лоас.
Йӧз вӧв доддьысь пыр усян.
Бӧрвылад гырддза помсӧ он курччы, он судз.
Из кыптіс, шой вӧйис.
Тув йылӧ кольк он пукты.
Потӧм гырничын ва он ӧшйӧд.
Лёк йӧзлы вежавны, бур йӧзлы ошкавны, сук нӧк сёйны, сьӧд вый юны.
Йӧзлы эн пукты нальк — ачыд шедан; йӧзлы эн койд гу — ачыд усян.
Шыд азялӧм бӧрын казялін.
Роктӧ, выйтӧ ас понда эн видз.
Кӧч кодь пельк, мӧс кодь йӧй.
Оз кӧ пузьы, он пузьӧд.
Сӧмын пӧсь ӧгыр куравны лӧсьӧд йӧз киӧн.
Сой чеглалӧм бӧрын он керась.
Кытчӧ он кӧсйы пырны сёйны, сэтӧн лоас узьны.
Он кӧ вермы, он кыскы.
Кодыр сю лоас, сэк лыддьы.
Йӧзлӧн мый эськӧ абу, сӧмын кытысь босьтан?
Йӧз сёрни вылӧ эн видзӧд.
Нянь-сов водзӧса.
Лыйтӧм ур он куль.
Сюмӧд бордйӧн он дыр лэбзьы.
Борд чегӧм бӧрын он лэбзьы.
Сьӧла лыйтӧмӧдз сійӧн он кушты.
Нянь сьӧлӧмӧн, паськӧм новлӧмӧн.
Ваӧ пыран — пӧдан, вӧрӧ мунан — вошан, пуӧ каян — усян.
Лабич вомлӧссӧ кӧ он велӧд, лабич кузьмӧссӧ этша нин велӧдан.
Донтӧм черилӧн юкваыс кизьӧр.
Гортын овны — нянь абу, карӧ лэччыны — туй абу, вӧрӧ каян — вошан, ваӧ пыран — чери сёяс, муӧ пыран — лёльӧ сёяс.