Къоста (Гуырдзыбеты)

by Гуырдзыбеты Бласка

Къоста  (1902)  by Гуырдзыбеты Бласка

Фыст датæ: 1902, Рауагъ аз: 1902. Равзæрæн: Творчество осетинских писателей

КЪОСТА

Ка дин не 'скæндзæнæй кадæ,
Ка дин нæ ратдзæнæй æгьдау?
Ка сдзурдта, ниййергæй нæ мадæ,
Адæммæ йе 'взагæй дойау?

Тари, гьæуаггин — чирагъæй,
Скодтай æй дæ мæтæ, дæ уаргъ,
Фæйхастай æнцон дæ рагъæй,
Зонгæй йин æ уæжи æ йаргъ.

Ра 'йбæл игурдтай фæндури
Пахампарæн нин сувæллон...
Фæсмæрунцæ'й хонх, будури,
Ирæ 'ма Дигорæ дæ ном.

Нæ уинуй дæ хæстæгмæ нæ цæстæ,
Йизолмæ йигъосуй дæ нæ гъос, —
Арфæгондæй дин нæ бæстæ
Мижди æрветуй æ боз!

---