Тулыс лымы быремъя
Колчак лулпу дӧдьыеныз,
Зӧк кӧтсэ лӧпкытыса,
Васькиз Кам кузя кур бурдэныз.
Узыръёс, сое шӧдыса,
Попен черкын вӧсяськизы,
Колчаклэн пумитаз потыса,
Вӧйын, нянен йыбыртъязы.
Куанеръёс, тае адӟыса,
Ӧз дӥсьтэ коркасьтызы потыны,
Улон азьмы быриз шуса,
Тэльмырыса улыны кутскизы.
Вӧйын нянь ческыт потыса,
Колчак кутскиз матэ лыктыны,
Узвесь ӝук пӧзьтыса,
Куанеръёслы кутскиз сюдыны.
Озьы вормыса, йыр луыса,
Ватка Камтӥ кутскиз тубыны,
Ватка карез басьтыса,
Медэ вал эксэй луыны.
Ватка шуре пырыса,
Кутскиз Колчак нӧдыны.
Чырты выжыозяз нӧдыса,
Берен кутскиз кошкыны.
Лулпу дӧдьызэ куштыса,
Тулыс лымы бырыкы,
Сибирь пала кошкыса,
Колчак кутскиз курданы.
Ватка шурез басьтыса,
Камез но ачимес басьтӥмы.
Колчак бӧрсьы бызьыса,
Уфа сьӧры уллямы.
