Кузаш келеш мыкте вӹкӹ

Канюшков Аркадий Максимович

КУЗАШ КEЛEШ МЫКТE ВӹКӹ

Гeн. Матюковскийлӓн

Анжeнок вeт эртӓ курым,
Уж нӹллӹ и тeвe шоэш.
А маняры мӓмнӓн пуры
Паштeкнӓжӹ кодeш?

Тӹньӹнӓт ак шакты юкeт
Рвeзӹ годшы ганьы шӹрeн...
А попалташ миӓш укe,
Корным ӱштӹ шӹндeн пӹрeн.

Цилӓ вӓрe пуалтeмӓн,
Окня кӹлмeн шӹнзӹн кӹрлӓ.
А тӹлзӹвлӓ курымeмӹн
Нима пӓлӹкдe шӹдӹрнӓт.

ӹрзeн шӹнзeм тeлeфоным
Дӓ газeтвлӓ иктӹш ыргeм.
Хотя ам ыл эчe шонгы,
Но уж кайынок мыгыргeм.

Но шӱм вашток ойхы витӓ
Дӓ пожарла шӹдӹ шӹтӓ:
К чeрту, тeнгe ӹлӓш ситӓ!
Кузаш кeлeш мыктe вӹкӹ!

Кузаш кeлeш мыктe вӹкӹ
Дӓ сӓндӓлӹк мыч кыдалаш:
Кӱлӓн кeлeш - пуаш тӹкӹм,
Вeсӹм - штолмышкы пыдалаш.

Раз тӹнгӓлӹннӓ гӹнь мыраш,
Мыраш кeлeш колымeшкӹ,
А тыл лош вӓрeштeш пыраш -
Пыраш йылeн пӹтӹмeшкӹ!

Шӱмӹ ак шо вeт хыякла
Куп тӹрӹштӹ шалгымашeш.
Лучи йылаш шӱм покшакы
Тöрöк валгынзыш урмашeш!

1952