Кудӟыса ветлӥсьёсын нюръяськон сярысь
| Удмурт Автономиё Областьысь Исполнительной Комитетлэн 1924 арын 23 сентябре 62-тӥ номеро пуктэмез «Кудӟыса ветлӥсьёсын нюръяськон сярысь» |
| Источник: Гудыри : газет. — 1924. — № 143. — 4-тӥ бам. |
Кудӟыса ветлӥсьёсын нюръяськон сярысь
Совнаркомлэн 1922 аре 27-тӥ июле интыосын пуктэмъёсыз поттылон пумысь поттэм декретэзъя Обисполком тазьы пуктӥз:
1. Кудӟем муртъёслы ульчае потыны, ветлыны уг луы. Озьы ик шудон корка, клуб, сиён-юон коркаосы но мукет пӧртэм трос калык возькылон интыосы но соослы пыраны уг луы.
2. Законэн винаосын вузкарыны лэзем интыосын законын верамлэсь лек вина юыны уг луы.
3. Вылӥ верам интыосын, законъя винаен вузкарыны лэземъя но вузкарыны лэзись бумагазы отын ӧвӧл ке, соку вузаны, юыны соосыз уг луы.
4. Трос калык пӧлын но огшоры улӥсь кунокуалэн, асьсэ лэсьтэм кудӟоно кадь юонъёсыз (кумышка) юыны уг луы.
5. Та пуктэмлэн 2-4 ёзъёсызлы пумит лэсьтэм муртъёслы но закон лэзьытэк котькыӵе кудӟоно винаосын вузкарем понна шедем муртъёс вылэ суд лэсьтылытэк 300 манетозь штраф понэмын луоз. Яке 3 толэзёзь эриктэм ужанэ кутэмын луозы.
Та пуктэм, газетъёсы шуккиськем нуналысен ик, кужме пырыса, быдэс область пушкы вӧлске.
Обисполкомлэн тӧроез
НАГОВИЦЫН
Подъясез
РУСИНОВ