Валда ян/1932/09-10/Куднумолонь сиволь

←Социалистической строительствати

Валда ян (1932), 9-10 №, 30-це июнь edited by Шестов Н. С. Куднумолонь сиволь

„Валда ян” журналть редакциянц эзда→

Валда ян (Светлый путь). Эрьковонь общественно-политическай и вель.-хоз. журнал. Нолдаец Мокшэрзянь ВКП(б)-нь обкомсь, облисполкомсь и облпрофсовець. — 9-10 №, 30-це июнь, 1932 к. — с. 18—20

 

Куднумолонь сиволь

ВКП(б)-нь ЦК-ть майть 8 шинь путфксонза лифневсь кизефкс куднумолонь водямать колга, кода инь васенце эрявикс сиволень запасонь пуроптомата ащи кода инь эрявикс задача.

Шимадома ширень Европаса — Францияса, Англияса, Бельгияса, Германияса, Голландияса и лия масторхнень эса, а тяфта жа Америкаса и Австралияса куднумалонь сивальсь кунара ни аноклакшневи аф аньцек вастонь эряйхненди, но и прважакшневи омба масторга. Нят масторхнень эса лама милиотт эряй ярхцесть и тянинге ярхцсихть куднумолонь сивольда.

Пяк вишкста кассь куднумолонь водямась Фландрияса (Содафни тоса плямясь куднумолонь — Фландратне). Тоса кода корхтай Майокко професорсь аш фкавок рабочаень куд косаба афоль уль куднумолонь водяй, эрь куца синь эздодост пяк лама. Рабочайхне синь эздодост ярхцайхть аньцек праздник шитнень, кода башка пяк питни и танцти сивольда. Лишнай куднумолхнень и кецнон мишенцазь, конань вельде пяшкотькшнесазь аф оцю синцень бюджецнон.

Куднумолонь рамсихнень сяда ламосна ащихть машинань кинь станциятнень маласа. Весть недяляти (ялан шуваланяста) синь печксихть куднумолхть и прважсесазь Лондону. Фландрияса печкф куднумолсь омбоце шиня пачкоди Лондону базару. Аньцек фкя Остенден порцта фкя киза квалмоти усксеви кода мишендеви продукт 30 тьожонь ящек конатнень эса пцтай 3,5 милиотт куднумолонь тушка.

Куднумолонь сивольть эзда тиендевихть пяк цебярь консерват, пяк лац капчодндави, кельмофтеви, косьфтави и ст. тов, куднумолонь сивольсь апак гастяк пяк ичкизи усксеви, кодама ба кизонь пинкста афолезь уска.

Сембе масторланкнень эса куднумолонь водямась ащи васенце васца.

Башка пяк вишкста водявихть куднумолхне Америкаса.

Мезе жа куднумолонь водямать лифтезе васенце вастти?

Аф лотксетяма сянь ланкс, што кодама ролец куднумольть пушнинань и кедень промышленносьца, — нят задачатне тя статьять задачас аф сувсихть, — ванцаськ, кода пяк цебярькс и эрявиксокс арси сон сиволень анокламаса.

Курок сиволень анокламась аф лама йотай пинкста (кона минденек арси пяк эрявиксонди) куднумолхнень, коряс няеви, што синь сяда-лама максыхть сивольд кода лия жувататне и куднармоттне, кода тя няеви алу тяштьф таблицаста:

 

ВЕЛЕНЬ ХОЗЯЙСТВАНЬ ЖУВАТАТНЕ		Жив- ста стал- моц кило- грам- маса	Кучкаса лувозь фкя пряста		Кучка- ста лу- возь при- плодть стал- моц 6 ковса	Кучка- ста лу- возь про- ценц печкф жув. живть коряс	Мзяра получакш. 1 маткаста сивальда кизонь пингонь ваномать эзда.	Проценца разницась приплодонь сивольса аванц жив сталмонц коряс.
Тракссь   .    .    .    .    . Тувось     .    .    .    .    . Учась (северн)   .    . Сявась     .    .    .    .    . Ава куднумолсь .    . Саразсь   .    .    .    .    . Куркась  .    .    .    .    . Яксярксь     .    .    .    . Мацись   .    .    .    .    .		140 80 50 48 3 2 4 2,5—3 5	1 8—9 2 2 15 8 6 6 8	вазня пурхцкат вярскат сявалефкс нумол лефкс лефкск куркалефкст лефкскат лефкск	150 80 20—35 20 2—2,5 1,5—2 3—4 2—2,5 4—5	40—50 70—80 38—45 38—45 80 60 — — —	50—65 450—560 30—50 30—40 24—30,5 7,2—9,6 10,8—14,4 7,2—9 19,2—24	2,1—2,7 563—700 60—100 63—84 800—1000 360—430 270—360 288—300 384—480

 

С. П. Волконскайсь эсь книгасонза „Сибирьса куднумолонь водямась“ корхтай, што куднумолть эзда сяда лама получави сивольда, кода траксть эзда. Сон тиенди тяфтама лувкст: „Цебярь сьора видиень тракссь Сибирьса колма кизоса максси сивольда пцтай 110—116 килограмма, тяконь шовор куднумолсь колма кизоти максы пцтай 180 килограмма сиволь и 24 килограмма потма вай. Тя получакшневи тяфтама лувкстта: фкя ава куднумольсь кизоти лефксозай нилексть 6—8 лефкс. Штоба аф эльбядемс путтама кизоти 20 лефкске, конат кафкса ковда меле максыхть эрь куд нумолсь 3 килограпт сиволь и 400 грамм потма вай. Марса лувозь сембонь эзда кизоти лисенди 60 килограмма сиволь и 8 килограммат потма вай, а колма кизоти 180 колограмма сиволь 24 килограмма потма вай и 60 кедьнят, аф лувомс лия продуктатнень, конат получакшневихть куднумолхнень эзда.

УССР нь научно исследовательскай институтть работац няфни тяфтама цыфрань няфтькст.

Куднумолонь сивольсь сяда танцти кода куднармонень сивольсь, тяконь шовор эряви азомс, што сон сяда уцес

Уцезсь тя корхтай сянь, што карьхцяфксне синь андомасост и мельгаст якамаса сяда йомлат, кода куднармоттнень мельгя якамась и андомась.

Цебярь няфтьфкс куднумолть таньфонц колга няфни алу тяштьф таблицась:

 

КОДА СИВОЛЬ	Ветта про- ценца	Азотистай веществайда проценца	Куяда проценца	Калорияда килогр.	ПРЬМЕТАФКС
Траксонь⁠сивольть Боранонь⁠„ Вазнянь⁠ „ Оленень⁠„ Тувонь⁠ „ Алашань⁠ „ Куднармонень (куя) ⁠сивольть      .    .    .    . Куднумолонь⁠„	55—60 50—60 70—73 75,7 45—50 72,3 70,6 66,8	16—18 14—18 19—20 19,8 12—18 21,7 18,5 21,5	13—27 24—36 5—10 ,9 30—40 2,5 9,3 9,8	2000—3000 3000—4000 1400—1900 — 2500—4500 815 1675—2705 (мацить) 1700—2000	Сембе азонтф циф- ратне полафневихть жувататнень и куд- нармоттнень и кизос- нон и андомаснон сю- нода

 

Кода няеви тя таблицать эзда куднумолонь сивольть эса пяк лама (азотистай веществада) — 21,5 процент, куднумолонь сивольсь арас цебярь пищань продуктакс, сембе сивольхнень эзда арси инь оцю питательнай продуктакс. Белоконза сонь кой коста аш кода полафтомс лия белок мархта. Ломантть организмаса синь солсихть пцтай сембе и сувайхть верозонза 90,1 проценц, лия жуватань сиволень белокне солсихть и тушондыхть пользас — 62 проценц. Куднумолонь 400 грамма сивольти сашондови белокта 128 пялькс, тяконь шоворжа тняража тувонь сивольста сонь эздонза аньцек 64 грамма али кафксть сяда кржа.

Куднумолонь сивольса куяда сяда лама, но качествас коря куднумолонь куясь сяда цебярь, кода тувонь, траксонь и боранонь куясь Сон пяк танцти, солай йомла псиса и сяс аф кодонды курксот аф цебярь куянь таньф. Куднумолонь куять эса ули витамин. A, куднумолсь арси цебярь — средствакс, ванфцы ломантть рохитада и лезды организманц вийяфтома.

Куднумолть кеденц ала куя пцтай йофси аш. Потмосонза куясь акша и ляпе. Антф куднумолть эзда куяда получакшневи 10 процентт сонь живста ункстаф сталмонц коряс.

Куднумолть сиволенц оцю питательностенц шовор няеви, што сон пяк тьождя ярхцамс. Ломантть потмосонза (желудсонза) сон переварендакшневи 2—2,5 частта меле, а траксонь сивольсь 3,5 частта меле.

Куднумолть сиволец, сонь эрявикс кормада андоманц сюнода, танцти Кода куркань и каплунонь сивольсь.

Куднумолонь сивольсь пяк пара иттненди, башка конат сярядихть хроническай урмаса, конатненди эряви сиволь.

Эряви содамс, што куднумолть сиволенц танцтиста анокламац арси сонь эрявикс кормада андоманц вельде синь печкомдост инголе, — аф эряви макссемс капстат, ряпст, нярьхкамаст и лия аф цебярь кормат. Куднумолть эряви андомс тишеда, пинемда и лия всякай корнеплотта и танцти шине тишеда (пурьхкада, модань грушада, модамарьда, укропта, богородскай тишеда, петрушкада, аниста и ст. тов.), тяконь шовор ава-куднумолхне эрявихть петемс ато синь сивольсна ули аф танцти. Сивольсна куднумолхнень, кода и сембе сивольхне, пяк курок шинияхть. Тя эряви содамс синь ванфтомстост. Сивольть танфоц гастневи аф маштозь печкомать и урядамать сюноца. Васендакигя штоба печкомс нумолть, эряви кирьдемс фкя сутка апак ярхцак, штоба сонь эсонза афольхть уль содержимайхть.

Сивольть цебярь таньфонцты тяфта жа арси сонь эсь пинкстонза печкомац. Цебярь печкома пинксь лувондови якшамста ноябрьста уставомок февральти молемс али эста мзярда куднумолть аделавсь сьоксень линкац и кедец арась кувака понаса Печкома пинксь сиволень йомла породати — 5—6 ковса, средняйхненди — 7—8 ковса и оцю породатнень 9—10 ковса.

Мекели, цебярь таньфсь куднумолть эзда, кода и лия сивольхнень эзда, арси сонь пидеманц сюнода куднумолонь сивольть эзда аноклакшневи ся, мезе аноклакшневи куднармоттнень али вазнянь сивольхнень эзда. Войнада инголе минь масторозонок омба масторста получакшнеф кансерватне афольхть шарькодев, што синь нумолонь али куднармонень.

Эряви азомс, што минь масторсонок минь климатическай ширенконь коряс оцю куднумолхт водямс аф эрявихть; минь масторсонок эряви водямс йомланят и средняй породат, конатне сивльда макссихть сняржа мзяра и оцю породатне, а ялан и макссихть сяда лама. Оцю породатнень сяда стака водямасна и синь сяда кржа макссихть лефкста. Йомла породонь куднумолхнень сивольсна лувондови сяда танцтиенди, кода сивольсна оцю нумолхнень

Куднумолсь арси инь кржа животнаень лувхсокс, конатнень маштозь мархтост тиемать вельде аф юмафтомс эздост фкавок пялькске. Нлньня куднумолхнень потмоснон пидезь али верокста кярсефста макссемс тувотненди и куднарматьтненди. Тяда башка легкайснон, седиенц, максонзон эзда тиендеви пяк цебярь колбаса. Тяфтама колбасать пяк оцю питательносьтец сонь эсонза 71процентта лама азотистай веществада.

Макссевихть ли кодамовок урмат ломантти куднумолонь сивольть эзда?

Куднумолонь сивольсь — фкя инь шумбра и аф пелькс сиволь. Глистонь урматне, конат ба макссвольхть ломантти куднумолонь сивольть вельде, пцтай йофси аф эряйхть, башка кда аруста кирьдеви сивольсь. Туберкулез аф эряй сяс, мес синь пяк шуроста эряйхть йотксост тяфтама урмаса сярядида, а кда эряйхть синь макссевихть сюру жувататнень и куднармоттнень ширьде. Куднумолонь сивольть эзда туберкулезса ломатть ниньге ашесть урмаякшне.

Тяста лисенди, што тя тевть ширес эряви шарфтомс инь оцю мяль и минь Мокшэрзянь обласьца вишкоптемс куднумолонь водяма тевть станя, штоба афоль уле синьфтемост фкавок совхос, колхос и колхозниконь хозяйства.

---