Кугижäнӹшӹн чиновниквлäжӹ

Кариотакис Костас

КУГИЖÄНӸШӸН ЧИНОВНИКВЛÄЖӸ
 
Цилä чиновникок конторын батарейкыжы гань
охыремеш дä пӹтä.
(Кугижäнӹш электроэдемвлä гӹц ӹштӹмӹ,
Колымаш вäрешӹштӹ увлäм канда.)
Пӧкенвлäштӹштӹ шӹнзäт дä такеш
сулыкдымы пумагавлäэш ыдыркалат.
"Техень сирмäшӹм сирäш
мäлäннä пиш кого честь", нӹнӹ маныт.

Вадеш кäндäкш цäшӹн ӧлицä мычкы
механизмäн поханя гань ашкедмӹштӹ годым
нӹнӹлäн лач честьӹштӹ
веле кодеш.

Нӹнӹ каштанвлä тäреш тӱлäт,
пулышвлäштӹм тӧрлäлтäл
закон дон валюта курс гишäн шаналтат,
тӹ чиновниквлä.