Коммуна дор
Мед вермасьӧм му вылын олас!
Ми ӧтвылысь горӧдам гор:
Мед капитал тіралас, полас, —
Став том войтыр Коммуна дор!..
Ми выль олӧм — Коммуна дорам;
Ми орйӧдлам капитал вуж.
Быд водзмӧстчысь войтырлысь корам
Тшӧтш пуктыштны ассяньныс удж!..
Оз дрӧгмунны удж вӧчны киным,
Оз сьӧкыдысь сьӧлӧмным пов;
Оз повзьӧдлы удж лыдсьыд синным,
Удж вӧчӧмысь оз бӧрыньт лов.
Мед капитал ёся оз серав —
Ми тупкамӧй сылысь пеж вом,
Мый син улас фабрик оз „верав“, —
Дзик зымӧбтам аски выль дом.
Ог сыркмунӧй, мӧдамӧй водзӧ,
Лӧп колода весалігмоз.
Код кольччӧ да сьӧдінас жӧдзӧ,
Дерт, шеныштам — оз ковны, оз.
Визь Ленинлысь олӧмӧ пӧртам,
Код паныда — восьтамӧй кось.
Удж техника вынйӧрӧ йӧртам —
Сэк вермасьны, капитал, босьт!..
Став выннымӧс удж бердӧ пуктам,
Мед сиктъяслӧн вежсяс став бан —
Быд судзсьытӧм, тырмытӧм бертам —
Сэк пуркнитас тшын сэн и тан.
Ми вермасьны дугдывтӧг пондам,
Кытчӧдз оз шед ывла вын,
Став вӧр-васӧ, Арктиксӧ шонтам.
Вой трундалысь бырӧдам кын.
Би куслытӧм му вылӧ ӧзтам,
Мед исковтас нэмӧвӧй шог.
Удж нуӧдны кӧрт вӧвъяс ыстам —
Удж эштас кор — шойччы, бур вок.
This work is in the public domain in Russia according to article 6 of Law No. 231-FZ of the Russian Federation of December 18, 2006; the Implementation Act for Book IV of the Civil Code of the Russian Federation:
- its creator didn't fight or work for Soviet Union victory during the Great Patriotic War — so the 70-year protection term is applied;
- and the creator died before January 1, 1954 (more than 70 years ago), and has been not posthumously rehabilitated since that date;
- and this work was first published before January 1, 1954 (more than 70 years ago).
This work is in the public domain in the United States because it was published before January 1, 1929 (more than 95 years ago).
The author died in 1947, so this work is also in the public domain in other countries and areas where the copyright term is the author's life plus 76 years or less (if applicable), or the copyright term is 96 years or less since publication (if applicable).
Public domainPublic domainfalsefalse