Коми войтыр Гӧрд Армияын
| Коми войтыр Гӧрд Армияын (1925) |
| Гижан кад: 1925, Йӧзӧдан во: 1925. Ӧшмӧс: Коми сикт (1925-06-27) |
Колян воын тулыснас бура унаӧн коми войтыръяс мунісны Гӧрд Армияӧ. Кызыс на пиысь вӧліны пемыдӧсь, оз вӧлі весиг кужны лыддьысьны ни гижны. Налы первойястӧ вӧлі ёна гажтӧм. Йӧз лыддьӧны газетъяс, нигаяс, гӧгӧрвоӧны, а найӧ нинӧм.
Налы отсавны пондісны кыдз мый вермӧны политрукъяс дай командиръяс. Войдӧр заводитчисны велӧдны грамотаӧ, политикаӧ. Мыйӧн бура кутасны кужны лыддьысьны, кызыс пырисны кружокъясӧ: Безбожник, сельскокӧзяйственнӧй, политическӧй дай мукӧдӧ. Ӧні найӧ пиын лоины прамӧй сюсь йӧз, тӧлка вежӧраӧсь.
Кор найӧ локтасны бӧр Коми муӧ, вӧлӧсьтъясын лоӧны зэв вежӧра удж нуӧдысьяс исполкомъясын, мукӧдлаын. Ӧні нин кывзан налысь да, шуӧны: «Вот пӧ сэті тадзи колӧ вӧчны, сэті сідзи, восьталам лыддьысян керкаяс. Сэсся пӧ поплысь эгӧ кутӧ веритны ылӧдлӧмсӧ. Гӧрд Армияын пӧ восьтісны миянлысь синъяс».
Кр-еч XІ сапбата Н. Ливсон.
This work is in the public domain in Russia according to article 6 of Law No. 231-FZ of the Russian Federation of December 18, 2006; the Implementation Act for Book IV of the Civil Code of the Russian Federation:
- it was anonymously published before January 1, 1954 (more than 70 years ago).
This work is in the public domain in the United States because it was published before January 1, 1929 (more than 95 years ago).
This anonymous or pseudonymous work is also in the public domain in other countries and areas where the copyright term of anonymous or pseudonymous works is 98 years or less since publication.
Public domainPublic domainfalsefalse