Колхозонь эряф/1940/11/Великай Октябрьскяй штурмась
| Великай Октябрьскяй штурмась |
| Восстанияти анокламась |
1917 кизонь февральсь. Россияса торазевсь революциясь. Колма кизот ни мольсь империалистическяй войнась. Николай II кровавай оцязорть и сонь бездарнай правителензон сюнеда Россиясь кирдсь поражения. Странаса ульсть вачашись и разрухась. Народсь ёрдазе оцязорть. Но властть фатязе буржуазиясь. Странать мархта кармась править буржуазнай Временнай правительствась.
1917 кизонь июльть пестонза Петроградса пуромсь большевистскяй партиять VI съездоц. Владимир Ильич Ленин тя съездса ашель. Сон ульсь вынужденай кяшендемс буржуазиять ищейканзон эзда, эрясь салава. Съездса руководил Сталин ялгась. Съездсь решил ушедомс аноклама вооруженнай восстанияти, буржуазиять и помещикнень властьснон ёрдаманцты.
Октябрть 7-це шистонза Ленин сась Петрограду. Октябрть 20-це шистонза партиять ЦК-нц ульсь историческяй заседанияц, коса ульсь лихтьф решения маластонь шитнень пингстокиге ушедомс вооруженнай восстания. Притворившай предательхне Зиновьев и Каменев выступили восстаниять каршес. Тянь колга синь сёрмадсть меньшевикнень газетаса и тянь мархта азондозь буржуазияти восстаниянь планть. А Троцкий, конац оказался международнай шпионкс, сембонь инголе кармась болтандама сянь колга, што большевикне восстаниять ушедсазь октябрть 25-це шистонза (ноябрть 7-це шистонза), Советонь II-це съездть тердема шистонза.
Мезське предательхненди ашезь лезда. Партиясь синдезень народонь ня вракнень сопротивленияснон. Ульсь созданай восстаниянь боевой штаб — Военно-революционнай комитет. Тейнза сувасть Сталин, Свердлов, Дзержинский ялгатне и лият. Тяфта жа ульсь кочкаф восстаниять эса руководствань вятема Партийнай центра, коса во главе ульсь Сталин ялгась.
| Восстаниясь ушеткшни |
Временнай правительствась содазе революциянь изменникнень Каменевть, Зиновьевть и Троцкяйть выступленияснон эзда восстаниянь платтнень и срокть колга, и сон решил выступить большевикнень каршес октябрть 24-це шистонза (ноябрть 6-це [ 21 ]шистонза), анокламок фатямс Смольнайть — социалистическяй революциять штабонц.
Временнай правительствать главац Керенский революциять тапамс тердсь фронтста войскат. Сонь приказонц коряс юнкерхне ушедсть Невать туркс ащи сеттнень явошнемост, штоба керомс рабочайхнень центрать эзда.
Октябрть 24-це шистонза (ноябрть 6-це шистонза) шобдава вооруженнай ломань мархта бронемашинась лоткась „Рабочий путь“ большевистскяй газетать типографиянц инголи. Нят ульсть юнкерхт, конатнень кучезень Временнай правительствась. Синь сувасть типографияв, тапазь машинатнень и кармасть марамост газетань пачкатнень автомобили.
Рабочайхне пачфтсть куля Сталин ялгати. Содамок тянь колга, Сталин телефон вельде азозе: — Тяниёк кучан броневикт.
Курокста састь большевистскяй броневикне и панезь юнкерхнень. Тага ушедсть газетань печатлама. Газетась лиссь Сталин ялгать статьянц мархта, коса сон тернезе трудовой народть Временнай правительствать ёрдама.
Смольнайсь пяшксель народта. Тяса сембе пингть бодрствовандасть и дежурендасть большевикне. Петроградонь картать вельксса ащесть Сталин и Свердлов ялгатне, разработандакшнемок восстаниянь планть. Ошть сембе ширденза Смольнаи мольсть социалистическяй революциянь боецне: серай шинельса солдатт, кожфтаф, Балтикань суровай шама морякт, красногвардеец-рабочайхть, конат равчкотфт заводской содть эзда. Отрядонь командирхне то и дело сувсесть Сталин ялгать комнатав и макссесть тейнза рапорт сянь колга, што тяфтама-тяфтама отрядсь сась Военно-революционнай комитетть распоряженияс. Сталин макссесь указаният, коза молема, кодама пункт эряви занямс ошса.
Иляденди сеттне юнкерхнень эзда ульсть урядафт, ульцятнень эса инь эрявикс перекресткатне заняфт. Живой кольця ашкодовсь Зимняй дворецть перьф.
Смольнайса аф кирдемшка учсть Ленинонь саманц. Тяза пуромсть ни Советонь Всероссийскяй II съездть делегатонза. Синь састь Сибирьста и Украинаста, Кавказста и Волгаста, Москуста и Дальняй Востокста трудящайхнень эзда наказ мархта: требовамс мода, мир, инь цебярь эряф.
Сась илядсь, а Ленин нинге ашезь сашенда. Партиять Центральнай Комитетоц нарошна ашезе терне вождть, штоба аф повфтомс сонь опасностьс. Владимир Ильич кяшендсь Керенскяйнь шпиононзон эзда. Улемок подпольяса, великай вождсь пяк ванць событиятнень мельге, макссесь указаният, разрабатывал восстаниянь план. Сон шарьхкодезе, мезе ёрай тиемс Керенский, лихтезе лангти буржуазиять планонц. Ленин настойчивайста вешсь ушедомс вооруженнай восстаниять октябрть 24-це шистонза (ноябрть 6-це шистонза), Советонь II-це съездть [ 23 ]панжемдонза инголе. Сон сёрмадсь Смольнаи большевикненди:
„Ялгат!
Мон ня строчкатнень эса сёрмадан 24-це шиня илять, положениясь аф кирдемшка критическяй. Шарьхкодевида шарьхкодеви, што тяни, афкукс ни, восстаниянь тиемаса промедлениясь куломань кодяма“.
Мзярда ни ёфси шобдалгодсь, Ленинонь инкса Смольнайста сась партийнай ялга. Щафтомок парик и сотомок руцяса щёканц, Владимир Ильич тусь ошть шава ульцянзон эзга Смольнаи.
Самок Смольнаи, Ленин васендакиге тердезе эстейнза Сталин ялгать, конац ульсь Петроградскяй Советть заседаниясонза. Сталин азондозень Владимир Ильиченди партиять Центральнай Комитетонц мекольдень решениянзон. И эстокиге жа синь окончательна кемокстазь восстаниянь планть. Революционнай войскатне должеттольхть занямс вокзалхнень, телеграфть, Петроградть эряфонь сембе центранзон и сявомс Зимняй дворецть — Временнай правительствать мекольдень оплотонц.
Ся веня Ленин сонць сявозе эсь кядезонза восстаниять лангса руководствать.
| Временнай правительствась ёрдаф |
Поздна веть революционнай матросонь отряттне и Кексгольмскяй полконь солдаттне занязь главнай почтамть, а революционнай лия частьтне фатязь Николаевскяй и Балтийскяй вокзалхнень, электростанциять.
Невав сувась „Аврора“ революционнай крейсерсь. Крейсерть командироц и офицеронза ашезь ёра вятемс боевой кораблять, корхтамок, што Неваса ведсь маця. Эста фкя большевик-моряк озась венчс и вень шобдать пачка меразе ляйть крхкалмонц мяк Зимняйти молемс. Оказался, што крейсерсь ётави свободнайста. Эста морякне сявозь вятемс кораблять Невать эзга дворецти. Валомне малаткшнесь „Аврорась“ Зимняйти. Толонза сонь матфтольхть. Меле крьвязьсть крейсерста прожекторхне, ётасть набережнайть ланга и эрхтьсть дворецть стенанзонды.
Шобдава ётась народть кядьс Государственнай банкась. Русскяй рабочайхне и крестьяттне ашезь тие Парижскяй Коммунать эльбятьксонзон, кона милостивайста макссь разрешения эсь врагонзонды сявомс банкаста золотать.
Шобдавати сембе главнай зданиятне, вокзалхне, ульцятне, сеттне ульсть восстаниянь тиихнень кядьса. Октябрть 25-це шистонза (ноябрть 7-це шистонза) шобдава ульсь сетьме, кельме. Ошти маладсть большевистскяй миноносецне и занязь Невав [ 24 ]сувама вастть. „Аврора“ крейсерсь ладязень пушканзон Зимняйть лайгс. Дворцовай спальнянц вальмава Керенский няезень красногвардейскяй штыкнень. Сопротивляндамс ашель кода ни. И эста мекольдень буржуазнай правительствать главац озась автомобильс, конац ульсь американскяй флаг мархта и кадозе якстерь Петроградть. Самай ся пингть, мзярда машинась, коса ульсь ворьгоди министрсь, ардсь ошть окраинава, Петроградонь эряйхне лувсть ни воззвания, коса Ленин обращался Россиянь граждаттненди и конань эса азончневсь, што буржуазнай Временнай правительствась ёрдаф, што государственнай властсь ётась Советтнень кядьс.
| Зимняй дворецть сявомац |
Петроградса социалистическяй революциять победанц колга кулясь лиезе ни сембе странать. Но врагсь нинге марнек апак синттель. Зимняй дворецсь ляткшнесь народонь вракненди крепостекс.
Пролетарскяй революциянь войскатне ушедсть наступления колма ширде: Выборгскяй районцта, Васильевскяй островста и Первай Городской районцта. Кронштадтста петроградецненди састь лездома вете тёжятть моряк. Миноносецне и „Олег“ крейсерсь маладсть „Аврорати“ и нолдазь якорьснон.
Шить панжевсь Петроградскяй Советть экстреннай заседанияц. Стака азондомс ся радостсь, конань мархта ульсть фатяфт семе присутствующайхне, мзярда трибунаса эвондась Ленин. Сембе стясть. Овациятне шерьфтезь сире зданиять сводонзон. И мзярда сетьмось, Владимир Ильич ушедозе эсь реченц валса, конатнень тяни содасыне сембе мирсь:
„Ялгат! Рабочай и крестьянскяй революциясь, конань эрявиксшинц колга сембе пингть корхнесть большевикне, тиевсь“.
Сяка жа шиня илять Военно-революционнай комитетсь кучсь Зимняй дворецу ультиматум (решительнай требования), коса мярьгондевсь сдаться. Однака, министрхне нинге арьсесть, што тейст максыхть лезкс (арьсесть, што Керенский вяти казакт), и максомс пря ашесть ёра. Зимняйса толхне ульсть матфт.
Осадась ушедсь. Кецергодсть пулемёттне, ушедсть лакштыема винтовкатне. Дворецть перьфке сембе ульцятне, кудонь подъезттне фкя пингста сразу живолгодсть.
9 частста илять Петропавловскяй крепостьста торазевсь шава выстрел. Сонь мельганза „Аврора“ крейсерста грохадсь орудия. Нят ульсть атаканди сигналхт.
Юнкерхне ляцендсть сембе сувама васттнень и лазфнень эзга, дворенть вальманзон эзга, пенгянь штабельхнень фталда. Мольсь пиземня. Наступающайхненди аф весть сашендовсь мадондомс ульцянь начка кефнень лангс, ласькондемс фкя вастста омбоцети, [ 25 ]тага мадомс кевонь плитатнень лангс. Наконец, красногвардеецонь часть сувась Зимняи. Шобдать потмоса ушедсь рукопашнай бой.
Прожекторть голубой лученза апак лотксек керсезь менельть, щупсезь дворецть стенанзон и аф весть варжакснесть Малахитовай залу, коса ащесть министрхне. Грохиесть Петропавловскяй крепостть и „Аврорать“ орудиясна. Площадьса, аркать алда ляцендсть красногвардеецне пушкаста.
Поздна веть ляцендемась лоткась. Ульсь максф сигнал дворецть генеральнай штурманц колга. „Ура“ вии ювадематне лийкстасть Невать велькска. Юнкерхненди ашезь кирдев эцемась, потасть. Красногвардеецне, матросне, солдаттне ворвались Зимняи, сраткшнесть куцематнень, комнататнень, коридорхнень эзга. Финц юнкерхне кепсезь кядьснон, макссесть пря, омбонцне — ляцендсть.
Сядот ломанень аськолкснень увфсна сембе сяда маласа марявсь пелемать эзда шуфтомф министрхненди. Наконец, кенкшне келиста панжевсть, и комнатась пяшкодсь вооруженнай ломаньда.
Временнай правительствать членонза ульсть арестовандафт.
| Советскяй правительствать образовандамац |
Ноябрть 7-це шистонза ровна 10 частт 45 минутаста илять Смольнайса панжевсь Советонь Всероссийскяй II съездсь. Ульсь ни позднай част, мзярда сась Ленин. Народть посланецонза — рабочайхне, крестьяттне, солдаттне — васьфтезь Ленинонь ликования мархта. Ильич ламос не мог ушедомс реченц. Аплодисменттне пефтома кайгсть. Нльне строгай часовойхне, конат ащесть коридорса, сявозь кавлалост винтовкаснон и апак лотксек эрьхнезь кядьлапшснон.
Съездть лемста ульсь азф сембе властть Советтнень кядьс ётаманц колга. Съездсь примась декрет мирть колга, обратился воявай странатненди, штоба войнать лоткафтоманц колга ушедомс переговорхт. Съездсь тяфта жа примась декрет модать колга. Крестьяттне получазь помещиконь сембе модать бесплатна.
Советонь съездсь ульсь созданай васенце Советскяй правительствась — Народнай Комиссаронь Советсь. Васенце Совнаркомти председателькс ульсь кочкаф Ленин. Национальностень тефнень колга Советти председателькс ульсь кочкаф Сталин ялгась.
Мзярда Петроградса ульсь ни ладяф советскяй власть, Москуса мольсть вишке кровопролитнай бойхть. Несколька шида меле революционнай войскатне занязь Кремлять. И Москуть вельксс тожа кеподсь Советонь якстерь знамясь.
Пролетарскяй революциясь сяскондсь сембе странаса. Революциять врагонзон сембе тяряфнемасна меки ладямс буржуазиять [ 26 ]властенц, кирдсть поражения. Гражданскяй войнань толса, многочисленнай вракнень мархта смертельнай схваткаса Ленинонь-Сталинонь партиясна эсь перьфканза пуроптозе сембе трудовой народть и вятезе сонь валда, радостнай эряфти, социализмати.
Васенцеда человечествать историясонза угнетеннай классне ёрдазь угнетательснон и арасть азоркс эсь эряфснон лангса. Минь аляньке, тядяньке, старшай брадоньке и сестраньке тя победать сатозь большевиконь партиять и народть гениальнай вождензон Ленинонь и Сталинонь руководстваснон вельде.