Колхозонь эряф/1940/09/Международнай Юношескяй XXVI-це шись
| МЕЖДУНАРОДНАЙ ЮНОШЕСКЯЙ XXVI-це ШИСЬ |
Международнай Юношескяй шись — тя революционнай од ломаттнень эсь политическяй, экономическяй праваснон инкса, империализмать и грабительскяй империалистическяй войнатнень каршес эрь кизонь традиционнай выступлениясна. Ня шитне ащихть империалистическяй странатнень эса од ломаттнень революционнай движенияснон развитиянцты знаменательнай датакс.
МЮД-сь шачсь васенце империалистическяй войнань зярьфть и качамть потмоса. Сонь ётафтомац ульсь примаф 1915 кизоня од ломанень социалистическяй организациять Бернскяй конференциясонза, кона ульсь тертьф В. И. Ленинонь инициативанц коряс. Международнай Юношескяй шись тиевсь империалистическяй войнать каршес од ломанень революционнай тюремань лозунгть ала, ся пингть, мзярда большевикне Ленинонь и Сталинонь руководстваснон вельде вятсть инь вишке тюрема — настоящай интернационализмать тиеманц инкса, империалистическяй войнать гражданскяй войнакс шарфтоманц инкса II-це Интернационалонь оппортунисттнень каршес, — конат позорна мизь сембе рабочай классть интересонзон и йотасть империализмать аралама.
В. И. Пенин макссесь пяк оцю значения од ломаттнень революционнай движенияснонды, пяк кемоста ванць социалистическяй юношескяй организациятнень работаснон мельге, ванфнезень эльбятькснень эзда, макссесь направления синь работаснонды, тернезень од ломаттнень революционнай тюремати.
Васенце МЮД-сь ульсь ётафтф 1915 кизонь октябрть 3-це шистонза. Тя шиста лама странава од ломанень демонстрациятнень эса участвовандась сяда тёжяньда лама ломань.
1916 кизоста МЮД-ть праздновазь Италиянь, Германиянь, Австро-Венгриянь, Даниянь, Американь и лама лия масторонь од ломаттне.
Россиянь од ломаттне васенцеда МЮД-ть ётафтозь 1917 кизоня революционнай большевистскяй лозунг ала. Праздновамац ульсь Моску ошса Великай Октябрьскяй социалистическяй революцияда 3 недяляда сяда инголе. Партиянь VI-це съездсь [ 4 ]Сталин ялгать руководстванц ала од ломаттнень колга лихтсь решеният, конатнень ульсь оцю значениясна аф аньцек Россияса юношескяй движениять вишкоптеманцты, но и од ломанень международнай движениятиге. IV-це МЮД-сь 1918 кизоня ётась сембе мирть эзга Советскяй Республикать араламанц инкса лозунгонь ала. Интервентонь армиятнень пряснон вельфке сембе миронь од ломаттне венепнезь кядьснон од Советскяй Республикати братскяй лезксонь максома.
1919 кизоня Коминтернать исполкомоц Ленинонь и Сталинонь руководстваснон ала шарфтсь призыв мархта миронь сембе революционнай од ломаттненди од ломанень коммунистическяй интернационалть созданиянц колга. Международнай Юношескяй шить сембе миронь революционнай од ломаттне праздновазь КИМ-ть руководстванц ала. Земной шаронь сембе странатнень эса демонстранттне мольсть демонстрацияса лозунг мархта: „Шумбра улеза сембе миронь революциясь!“, „Шумбра улеза Советонь странась!“, „Шумбра улеза Коминтернась!“. Сяда меле эрь кизоня сентябрть васень шинзон эзда фкя шиста сембе миронь революционнай од ломаттне боевой якстерь знамя ала няфнесазь эсь моральнай единстваснон, империалистическяй войнать каршес тюремаснон, СССР-ть — мировой пролетариатть отечестванц — араламанцты анокшиснон.
XXVI-це Международнай Юношескяй шить миронь од ломаттне васьфнесазь тя пингс нинге мзярдонга апак улентть сложнай международнай обстановкаса. Империалистическяй войнась палы сембе вийса, сон фатязе эсь толонц алу земной шарть населениянц пяледа ламонц.
Англиянь и Франциянь правящай крукне 1939 кизоня, сёксенда навязали эсь народснонды и Европаса лама иля государствань нароттненди ёжефтома веры империалистическяй война, конац розаряй рабочайхнень и крестьяттнень. Европаса войнась пяк келемсь. Сонь эсонза примосихть участия крупнай империалистическяй странатне, кода Англиясь, Франциясь. 1940 кизонь июньцта Германияти шоворсь Италиясь, кона азсь война Англияти и Францияти. Германиясь нюрьхкяня пингста сяськозе Норвегиять, Даниять, Бельгиять, Голландиять, Люксембургть и 30—45 шинь пингста тапазе Франциять, кошардомок сонь примамс Германиять ширде диктовандаф перемириянь условият.
Тя веры битвать срхкафтозь Чемберлен, Даладье, Черчилль, Рейно и Англиянь и Франциянь лия инь оцю банкирхне и промышленникне.
Фронттнень эса юмафтф лама тёжятть од ломань, катф сиротакс аф фкя миллион атят, сире бабат и итть. Войнась калафтсь лама кемотть и сядот ош и веле. Ськамонза аньцек Францияса аф официальнай даннайхнень коряс, юмафтф-арафтф примерна 100 миллиард франконь питне ценностть.
1940 кизоня пялязста кармасть вооружандама Американь [ 5 ]Соединеннай Штаттне, коса военнай нужданди ассигновандаф 7,5 миллиард доллар, а 1933-34 бюджетнай кизоста США-са вооружениянди ульсь ассигновандаф сембоц аньцек 450 миллион доллар.
Военнай бюджетть касоманц мархта Соединеннай Штаттнень эса кирьфнесазь средстватнень, конат нолявихть образованиянди. Нью-Иорк штатса образованиянди расхоттне ингольдень кизотнень коряс кирьфтафт 31 миллион долларда.
Мекольдень 100 кизотнень пингста народнай образованиянди тяшкава кржа средствада нинге исть карьхцякшне.
Официальнай даннайхнень коряс США-са миллион идь, конат аф тонафнихть, а уликс школатнень эса аф шуроста эрси, што тонафнихть стяда.
„Детройтса безработнайть эряфонц коряс пинень эряфсь лувондови сяда питникс“, — сёрмады Нью Мэссес американскяй журналсь. 1939 кизоня Детройтонь муниципалитетсь пандсь ошень питомникса 200 пинень кирдеманкса 83640 доллар и сяка жа пингста ётафтсь 100 тёжянь доллар утцема куттнень эса 1100 одинокай безработнайнь утцеманкса. 418 доллар 20 цент — пиненкса, 90 доллар 90 цент — ломанть инкса.
Шиста шис касы безработицась Испанияса. Валенсияса безработицаса фатяф пцтай 80 процент рабочай. Каталонияса текстильнай фабрикатне пцтай ёфси аф работайхть, и рабочайхне ёрдафт ульцяв.
Империалистическяй войнань сембе сталмотне прашендыхть трудящайнь массатнень лафтуснон лангс. Синь цёрасна шудихть верса сражениянь паксятнень лангса.
Капиталисттне ёрасазь люпштамс рабочай классть сембе вийнц, аф азомшка касфнесазь рабочай шить. Францияса рабочайхне работайхть суткати 18 част, а работницатне — 12 част.
Англияса ётафневи 70 частонь рабочай недяля; аш ваймама ши. Военнай промышленностень кой-кона предприятиятнень эса рабочай недялясь пачфтьф 84 частс. Япониянь текстильнай фабрикава аватне, конатнень ёткста ламось аф совершеннолетняйхть, работайхть 19—20 част суткати. Будапештонь санитарнай инспекциять 1940 кизонь апрелень отчетсонза пачфневи, што тя ковста инфекционнай урмаса сярядиень лувкссь, а тяфта жа туберкулезть эзда куломань случайхне ингольцень ковть коряс ламода кассть. Аньцек туберкулезнай лечебницатнень эса регистрировандаф одс сярядида 3036, сяка лувксса 13 кизонь возрастти молемс шабада 1943 ломань. Мобилизованнайхнень рьвасна, конат получакшнихть пяк ёмла пособия, вынужденайхть молемс работама пяк сквернай условияс, коса рабочай недялять кувалмоц 60 част. Сембе воявай и оккупировандаф странатнень эса населенияти продовольствиясь макссеви карточкас коре продуктань пяк ёлма нормаса.
Омбоце империалистическяй войнась вяти человечествать [ 6 ]историяса нинге апак няентть од ломанень юмама-арамати. Капиталистическяй странатнень эса идень трудть использовандамац сатни чудовищнай размах. Аф азомшка кувака рабочай шись и трудонь пяк ёлма питнесь шачфнихть од ломаттненди массовай сярядемат. Эрь шиня ёрявихть фабрикатнень и завоттнень эзда сядот тёжянь од ломань. Синь касфнесазь безработнайнь лувксть, лядондыхть эрямань средствафтома. Тяфтама условияса эряйхть од ломаттне капиталистическяй мирса.
Вов колма кизот ни вяти китайскяй народсь героическяй национально-освободительнай война. Китайскяй народонь сембе слойхне и странаса политическяй партиятне японскяй интервенциять каршес тюремаса пуромсть фкя, единай национальнай фронтс.
Китайскяй комсомолсь японскяй захватчикнень каршес успешнайста тюремать инкса пуромсь марс од ломанень массовай организациятнень мархта. Шиста-шис кемокстай китайскяй од ломанень единствась, ся единствась, кона календави японскяй империалисттнень каршес тюремань фронттнень эса.
Китайскяй народть освободительнай войнанц 3-це годовщинац угадякшни стама пингть мархта, мзярда японскяй армиясь, васьфтемок китайскяй народть кеме сопротивлениянц, коданга аф шаштови инголи странать кучказонза. Китайскяй народсь самоотверженнайста аралай эсь моданц эрь пакшканц.
Касы и келеми сембе мирса од ломанень движениясь империализмать и войнать каршес. Сембе миронь од ломаттне оцю гордостьса ваныхть советскяй павазу и радостнай од ломаттнень лангс.
XXV-це МЮД-ста сявомок ётаф пингста сталинскяй мудрай политикать вельде советскяй народонь дружнай семьяти сувасть Западнай Украинань и Западнай Белоруссиянь нароттне, конат 20 кизонь пингс ульсть польскяй помещикнень и капиталисттнень гнетснон ала. Мрдафтф меки Советскяй Союзти Бессарабиясь, Буковинать севернай пяльксоц, Литвась, Латвиясь и Эстониясь. Советскяй Социалистическяй Республикань Союзть населенияц 170 миллионцта кассь 193 миллион населенияс.
Международнай Юношескяй XXVI-це шить праздновама советскяй странань ошень и велень ульцятненди лисихть мирса инь павазу и радостнай сталинскяй од ломаттне. Тя шиста сембе вийса гайнязевихть советскяй од ломаттнень моросна. МЮД-ть XXVI-це шистонза советскяй од ломаттне демонстрировандасазь эсь сатфксснон, конат сатфт Ленинско-Сталинскяй партиять руководстванц ала хозяйственнай и культурнай строительствань сембе участкатнень эса XVIII партийнай съездть мархта путф историческяй задачатнень пяшкодемстост.
ВКП(б)-ть XVIII-це историческяй съездтонза меле кемонь [ 7 ]миллиононь Ленинско-Сталинскяй комсомолсь, конац сплоченнай эсь тядянц — Всесоюзнай Коммунистическяй (большевиконь) партиять перьф, тись оцю работа.
Аф азомшка кассь комсомолть ролец государственнай и хозяйственнай строительстваса. Комсомолсь примосесь активнай участия трудящайнь депутатонь местнай советтненди кочкаматнень ётафтомаса, оцю лезкс максси Сталинскяй 3-це Пятилеткань инь оцю объекттнень строямаса. Велень хозяйстваса комсомолсь ащи всенароднай движенияса — эрь гектарста 100 пудонь урожайнь получамать инкса тюремань инициаторкс. Тонафнемок военнай тевть, Ленинско-Сталинскяй комсомолть воспитанниконза героически аралазь отечествать интересонзон, няфтсть мужества и отвага Халхин-Голса, ненавистнай польскяй панствать эзда Западнай Белоруссиянь и Западнай Украинань нароттнень араламаса бойхнень эса и белофиттнень каршес сраженияса.
Комсомолецнень Койдать, Пулькинть, Пургинть, Васильевть, Марковть и лама лиятнень лемсна вельхтяфт неувядаемай славаса, синь заслужили Советскяй Союзонь Геройнь звания. Ленинско-Сталинскяй комсомолсь и сяда товонга любовай минутаста анок арамс социализмань великай странать границанзон аралама, аф ваномок кодамовок трудностень лангс.