Колхозонь эряф/1940/03/Молотов ялгати
| ←Сталин ялгати | Колхозонь эряф (1940), № 3 Март edited by Игнатьев Г. А., Чумаков И. Ф. Молотов ялгати |
Ворошилов ялгати→ |
| Колхозонь эряф. Эрь ковонь литературно-художественнай и общественно-политическяй журнал. Мордовскяй Советскяй писателень союзть органоц. — № 3 Март 1940. — с. 14—15 |
Моску, Кремль
| МОЛОТОВ ЯЛГАТИ |
Кельгома Вячеслав Михайлович!
Мордовскяй АССР-нь Верховнай Советть Внеочередной Колмоце Сессияц, кона посвященай Мордовскяй Автономнай областть образовандаманц кемонь кизонзонды и Мордовскяй АССР-ть образовандаманц вете кизонзонды, Мордовиянь сембе трудящайхнень лемста кучси Тейть, Великай Сталинть инь вернай соратниконцты, Советскяй правительствать руководителенцты, седиваксстонь пламеннай привет!
1917 кизонь октябрьста, Россиянь рабочай классь трудовой крестьянствать мархта марса, большевистскяй партиять руководстванц ала прокс ёрдазь помещикнень и капиталисттнень ненавистнай властьснон и человечествать историяса васенцеда ладясть Советскяй власть. И тяни странать сембе народонза эряйхть фкя павазу и дружнай семьяса и земной шарть фкя котоцекс пяльксонц лангса ётафтозь эряфс человечествать инь цебярь заветнай мечтанц — социализмать. Минь странасонк социализмать строямац обеспечендаф сянь вельде, што советскяй народть эса во главе ащи Ленинонь—Сталинонь великай непобедимай партиясна, конац, аф пелемок трудносттнень эзда, тапамок ожесточеннай тюремаса советскяй народонь сембе вракнень, вятьсы Советонь странать победаста победас, инголи, коммунизмань валда вершинатненди.
Партиять и Советскяй правительствать ленинско-сталинскяй национальнай политикасна лихтезень радостнай павазу и культурнай эряфс Советонь странать сембе народонзон, сяконь лувксса и мордовскяй народть. Мордовскяй народсь азонды эсь эздонза большевистскяй партияти и Советскяй правительствати седиваксстонь признательность и благодарность сянь инкса, што ингольдень фталу лятф, помещикнень и капиталисттнень ширде кафтонь крда угнетеннай Мордовиясь, Советскяй властень кизотнень пингста, сембода пяк сталинскяй пятилеткань кизотнень пингста, арась крупнай социалистическяй земледелиянь и промышленностень социалистическяй республикакс.
Крупнай промышленностть основной фондонза аньцек мекольдень кемонь кизотнень пингста кассть 14 крда. Крупнай промышленностть валовой продукцияц войнада ингольденнеть коряс кассь 7 крда.
[ 15 ]Промышленностть касоманц мархта марса кассь и рабочайхнень лувкссна. 1937 кизоня рабочайхнень лувкссна ульсь 8 крда сяда оцю, чем Октябрьскяй революцияда инголе.
Оцю успехонза улихть Мордовскяй АССР-ть велень хозяйствасонга. 1938 кизоня колхоснень эса ульсть объединенайхть крестьянскяй хозяйстватнень 87,8 процентсна и витцесть сембе видема площадть 99,1 процентонц. Кизоста кизос апак лотксек касы Мордовиять велень хозяйстванц техническяй вооруженностец. Мордовскяй АССР-нь колхоснень и совхоснень эса работайхть сядот комбайнат и грузовой автомобильхть, тёжятть тракторхт и сельскохозяйственнай лия машинат. Велень хозяйствать механизациянц апак лотксек касомасонза цебярьста няеви социалистическяй государствать заботац трудящай массатнень материальнай и культурнай уровеньцнон касфтоманц колга.
Советскяй Союзсь капиталистическяй окружениянь обстановкаса решандакшнесы историческяй задачать социализмать строительстванц завершениянц и социализмаста коммунизмати постепенна ётамать колга. Социализмань странать грандиознай успехонза аф макссихть покой сонь врагонзонды. Англо-французскяй империалисттне, тяряфнемок таргамс Советскяй Союзть войнас, взафтозь белофинскяй бандиттнень минь странаньконь лангс. Советскяй правительствать миронь внешняй мудрай политикац, конань эса руководишь Тон, Молотов ялгась, и конань вдохновляет великай Сталинць, разоблачил войнань подлай крьвяснихнень.
Рабоче-Крестьянскяй Якстерь Армиясь и Военно-Морской Флотсь героически тюрихть белофиттнень каршес, лезнемок финскяй народти освободиться маннергейматнень—таннерхнень гнетснон алда. Мордовскяй народсь минь необъятнай родинаньконь народонзон мархта марса кемоста мяляфтсазь Тонь валхнень: „Эрь рабочайть и крестьянинть задачац, эрь служащайть и интеллигентть задачац, ащи сянь эса, штоба честна и самоотверженна трудямс эсь постсонза и сянь мархта максомс лезкс Якстерь Армияти“. Социализмань странась ащи кода утес, конанди тапавихть войнань крьвяснихнень сембе гнуснай планцна.
Шумбра улеза СССР-нь нароттнень сталинскяй дружбасна!
Шумбра улеза Советскяй Правительствать главац Молотов ялгась!
Шумбра улеза минь аляньке — великай Сталинць!