Колхозонь эряф/1939/11-12/Вожденьке Ленин и Сталин ялгатне и Сталинскяй Конституциясь мокшень фольклорса

From Wikisource
Jump to navigation Jump to search
Колхозонь эряф (1939), № 11-12 Ноябрь—Декабрь edited by Чумаков И. Ф.
Вожденьке Ленин и Сталин ялгатне и Сталинскяй Конституциясь мокшень фольклорса
Колхозонь эряф. Эрь ковонь литературно-художественнай и общественно-политическяй журнал. Мордовскяй писателень союзть органоц. — № 11-12 Ноябрь—Декабрь 1939. — с. 23—25
 

[23]

Вожденьке Ленин и Сталин ялгатне
и Сталинскяй Конституциясь мокшень
фольклорса [1]
 

Куломстонза Сталинонди
Ленин макссь оцю наказ:
Тиемс тейнек пара эряф
Сембе мирти напоказ.

Киндиге тяни аф перяф
Школав кели валда кись.
Сталин ялгась пара эряф
Тейнек мокшетненди тись.

Паксясь аф явонтф умава,
Тозерса аш нярьхкамаз,
Сталин минь виде кинява
Пара эряфс вятьсамазь.

Морсесазь Иса-пря велеса, Инсаронь районца
 

Морак тон, гармония,
Морак тонга, гармонист.
Тя миндейнек Сталин ялгась
Тяфтам цебярь эряф тись.

Конституцияньке пара,
Конституцияньке од.
Депутатокс кочкаськ Варань:
Сон ульсь пара звеновод.

Сиде морода пяк лама
Ялганяй, мон содан,
Конституцияньконь колга
Тячи тейнть моран.

Морсесазь Болду велеса, Рузаевкань районца.
 
[24]

Тракторсь сокай равжа мода
Самолеттне лиихть вярьге.
Сембе минь войнас мольхтяма,
Кда Сталин мярьги.

Разбазаривал скрось модать
Предколхозаньке Антон.
Вай, спасиба, Сталин, нолдать
Тянь кувалма тон закон.

Конституцияньке пара,
Конституцияньке цебярь.
Тяни коза тят сува —
Сембонди максф фкя права.

Алянязе тусь базару,
Тоса рамай од кровать.
Вай спасиба Сталинонди:
Макссь работама прават.

Кенярдсь атясь, алясь, шабась,
Кенярдсть сембе аватне.
Тонафнемс, работамс, ваймамс
Улихть тяни праваньке.

 

Морсесазь М. Пишля велеса, Рузаевкань районца.

 

Сокатама, видетяма,
Но вракнень аф юкснесаськ.
Тракторть, кда Сталин мярьги,
Танкаса минь полафтсаськ.

Кярятт усксихть паксять келес,
Польцясна синь сталень.
Минь победаса победас
Вяти эсонк Сталин.

 

Морсесазь Палаевка велеса, Рузаевкань р-ца.

 

Морак, морак, гармонист,
Морак сяда сидеста.
Сталин ялгась Ленинть киге
Вятьсамазь минь видеста.

 

Морсесазь Усад велеса, Рузаевкань р-ца.

 

Вярьге лии самолет,
Пацяц токай модати.
Сталин ялгась минь народть
Пачфтезе свободати.

[25]


Нолдась Сталин од закон,
Кона ашель светса,
Строятама коммунизма
Ленинонь заветса.

Мази панчфса странать эс
Панжи од ломанень кись.
Сталин ялгати спасиба —
Тейнек пара эряф тись.

Курок Москуву мон молян,
Ленинть калмонц ванца мон.
Инголень люпштамать эзда
Мокшень народть нолдась сон.

Мази панчфокс панжезь панжи
Минь странасонок виде кись.
Масторти пяк пара максы
Кремлять эзда Сталин—шись.

Морсесазь Сире Пичеморга велеса, Торбеюнь р-ца.
 

Морак, морак, гармония
Морак сиденяста.
Цебярь эряфс вятьсамазь
Сталин виденяста.

Морсесазь М. Козловкаса, Торбеюнь р-ца.
 
 


 

  1. Материалсь сявф кялень, литературань и историянь Мордовскяй научно-исследовательскяй институтста.