Колхозонь эряф/1939/04/Социализмань эпохань лучшай поэтсь Владимир Владимирович Маяковскяйсь

From Wikisource
Jump to navigation Jump to search
Колхозонь эряф (1939), № 4 Апрель
Социализмань эпохань лучшай поэтсь Владимир Владимирович Маяковскяйсь
Колхозонь эряф (Колхозная жизнь). Литературно-художественнай и общественно-политическяй журнал. Мордовскяй АССР-нь советскяй писателень союзонь правлениять органоц. Лисенди кемгафтувоце кизось, ковти весть. — № 4 Апрель 1939 киза. — с. (3)5—6
 

[3]

Колхозонь эряф 1939-04 05стр изобр1.jpg
 
[5]
Социализмань эпохань лучшай поэтсь Владимир Владимирович Маяковскяйсь
(Кулома шистонза сявомок 9 кизонь топодемати)

Владимир Владимирович Маяковскяйсь, Сталин ялгать определениянц коряс, — минь советскяй эпоханьконь лучшай, талантливейшай поэтсь.

Сон шачсь 1893 кизоня июльть 19-це шистонза, Богдады вели, ингольдень Кутаисскяй губернияв, лесничайнь семьяс. Алянц куломдонза меле кадовсь эрямань средствафтома. Нинге йомла цьоранякс сон тись соткс большевикнень мархта и 1908 кизоня ащесь Москуса Бутырскяй тюрьмаса.

1912 кизоня Маяковскяйнь ушедсь литературнай деятельностец. Васень жа эсь стихотворениянзон эса Маяковский выступает сембе дореволюционнай общественнай стройть каршес. Сон изображает измученнай и страдающай, обществаса юмаф ломанть, коса сембонь лангса управляет мимась и рамамась. Маяковский резкайста выступает империалистическяй войнать каршес. Сонь дореволюционнай произведениянзон эзда яркайкс ащихть „Облако в штанах“ и „Война и мир“.

Октябрьскяй Социалистическяй революцияда меле Маяковский эстакиге жа арси советскяй поэтокс. Сон вяти напряженнай агитаторскяй работа, рисовандай революционнай плакатт, сьормады революционнай лозунгт, сяка пингть работамок оцю поэма лангса. 1923—1924 кизоня Маяковский нолни эсь инь цебярь произведениянзон эзда фкя „Владимир Ильич Ленин“, конанц эса тейнза удалась оцю вийса рисовандамс вождть обликонц и выразить народнай массатнень чувстваснон Ленинти.

1928 кизоня Маяковский сьормады „Хорошо“ поэма, конац посвященайль Октябрьскяй Социалистическяй революциять изображениянцты, кона яркайста няфтезень Петроградса Октябрьскяй шитнень и кона пяшксель революционнай энтузиазмаса. Тя поэмаса сон азонкшнесы советскяй гражданинть чувстванц, эсь родинанцты сонь кельгоманц:

Мон
Земной шарть
пцтай сембонь
йотайне, —
и эряфсь
цебярь,
и эрямс
цебярь.
А минь бучасонк,
боевой, кипучайсонк
нинге сядонга цебярь.

Маяковскяйнь мекольдень оцю произведенияц, конац 1930 кизоня сонь пингта ингольдень куломанц сюнеда апак аделаколь, ульсь выступления „Во весь голос“ поэмати, конанц эса Маяковский сатсь художественнай оцю выразительность.

Оцю поэмань сьормадомать мархта сяка пингть Маяковский работась и башка лирическяй стихотворениятнень лангса. Синь эсост сон маштсь откликнуться минь эряфоньконь основной событиянзон шири, яростнайста тюрсь классовай врагть вылазканзон каршес и капитализмань пережиткатнень каршес. Сон рахси советскяй бюрократтнень лангса, няфнемок, например, „Прозаседавшиеся“ стихотворениясонза, [6]конанц шназе Ленинць, учреждениява пефтома заседаниятнень. Сон славит советскяй геройхнень.

Маяковскяйнь стихонза пяшксет коммунизмати беззаветнай преданностьса, эсь родинанцты кельгомаса, национальнай гордостень чувстваса; „Советскяй паспортть колга стихнень эса“ сон сьормады:

Читайте,
завидуйте,
Я
гражданин
Советского Союза!

Исключительнай политическяй чуткостсь, поразительнай остроумиясь, огромнай художественнай убедительностсь — сембе тя няфтезе Маяковскяйнь значениянц кода крупнейшай и кинь мархтонга непревзойденнай советскяй поэтонь.