Колхозонь эряф/1938/11-12/"ВКП(б)-ть историянц Краткай курсонц" нолдаманц коряс партийнай пропагандать ладяманц колга/1
| ←Статьять оглавленияц | Колхозонь эряф (1938), № 11—12 Ноябрь-Декабрь edited by Руськин Ф. С., Пинясов Я. М. „ВКП(б)-ть историянц Краткай курсонц“ нолдаманц коряс партийнай пропагандать ладяманц колга, I-це главась |
II-це главась→ |
| Колхозонь эряф (Колхозная жизнь). Литературно-художественнай и общественно-политическяй журнал. Мордовскяй АССР-нь советскяй писателень союзонь оргкомитетть органоц. Лисенди кефкиице кизось, ковти весть. — № 11—12 Ноябрь-Декабрь 1938 киза. — с. 6—8 |
| „ВКП(б)-ть историянц Краткай курсонц“ нолдаманц коряс партийнай пропагандать ладяманц колга |
| ВКП(б)-нь ЦК-ть ПОСТАНОВЛЕНИЯЦ |
I
„Всесоюзнай Коммунистическяй (большевиконь) партиять историянц Краткай курсонц“ светс лисемац ащи большевистскяй партиять идейнай эряфсонза пяк оцю событиякс. „ВКП(б)-ть историянц Краткай курсонц“ лисеманц мархта партиясь получась большевизмань од могучай идейнай оружия, марксизмань-ленинизмань областьса основной знаниятненди энциклопедия. Партиять историянц курсоц — большевизмать научнай историяц. Сонь эсонза сьорматф и марс пуроптф коммунистическяй партиять гигантскяй опытоц, конань кондяма ашель и аш мирса фкявок партиянь.
„Всесоюзнай Коммунистическяй (большевиконь) партиять историянц Краткай курсоц“ ащи важнейшай средствакс большевизмать овладенияса задачать разрешандама, партиянь члеттнень марксистско-ленинскяй теорияса вооружандама тевса, лиякс мярьгомс общественнай развитиянь и политическяй тюремань закоттнень содамаса, партийнай и аф партийнай большевикнень политическяй бдительностьснон касфтомаса средствакс, марксизмань-ленинизмань пропагандань тевть надлежащай теоретическяй высотас кеподемань средствакс.
Создавая „Всесоюзнай Коммунистическяй (большевиконь) партиять историянц Краткай курсонц“, ВКП(б)-нь ЦК-сь исходил тяфтама задачатнень эзда:
1. Эрявикс ульсь максомс партияти единай руководства партиять историянц колга, руководства, кона максси официальнай, ВКП(б)-нь ЦК-ть ширде проверяф, толкования ВКП(б)-нь историять и марксизмать-ленинизмать основной кизефксснонды, кона аф ноляй кодамовок произвольнай толкованият. „ВКП(б)-нь историять Курсонц“, конань шназе ВКП(б)-нь ЦК-сь, нолдаманц мархта путневи пе партиять историянц изложенияса произволти и неразберихати, партийнай теорияса и партиять историяса важнейшай кизефкснень эса лама различнай шарьхкодематненди и произвольнай толкованиятненди, конат ульсть партиять историянц колга тяда инголе нолдаф лама учебникнень эса.
2. Создавая „ВКП(б)-ть историянц Краткай курсонц“, ВКП(б)-нь ЦК-сь путнесь эстейнза задачакс машфтомс пропагандань областьса марксизмать и ленинизмать йоткса вреднай сязьфксть, кона тиевсь мекольдень кизотнень и кона вятсь сянди, што ленинизмать кармасть преподавать кода самостоятельнай учения марксизмать эзда сязьфста, диалектическяй и историческяй материализмать эзда сязьфста, партиять историянц эзда сязьфста, юкснемок, што ленинизмась кассь и вишкомкшнесь марксизмать основаса, што марксизмась тя ленинизмать основац, што, аф содамок ленинизмать тя основанзон, аш кода шарьхкодемс ленинизмась.
Создавая „ВКП(б)-ть историянц Курсонц“, ВКП(б)-нь ЦК-сь путнезе эстейнза задачакс максомс теориять и ВКП(б)-ть историянц коряс стама руководства, конань эса улельхть ба воссоединеннайхть фкя целайс единай марксистско-ленинскяй учениять искусственна расщепленнай составной частенза — диалектическяй и историческяй материализмась и ленинизмась, а историческяй материализмась улель ба сотнеф партиять политиканц [ 7 ]мархта, — руководства, конань эса улель ба няфтьф Марксонь и Ленинонь ученияснон неразрывнай единствац, целостностец и преемственностец, марксизмать-ленинизмать единствац, и азф ся одсь, мезе макссь Ленин и сонь учениконза марксистскяй теорияти империализмань и пролетарскяй революциятнень эпохаснон пингста пролетариатть классовай тюремань од опытонц обобщениянц вельде.
3. В противоположность кой-кона сире учебникненди, конат излагали ВКП(б)-ть историянц васендакиге историческяй ломаттнень перьфке и конат арьсекшнезь воспитандамс кадратнень ся ломаттнень и синь биографияснон лангса, — „Краткай курссь“ партиять историянц излагает марксизмать-ленинизмать основной идеянзон развертыванияснон базанц лангса и кирдсы мяльса партийнай кадратнень воспитанияснон, васендакиге, марксизмать-ленинизмать идеяснон лангса.
Создавая „ВКП(б)-ть историянц Краткай курсонц“, ВКП(б)-нь ЦК-сь исходил задачаста преподать марксизмань-ленинизмань учениять историческяй факттнень основаса. ВКП(б)-нь ЦК-сь кирдезе мяльса, што марксистско-ленинскяй теориять тяфтама изложенияц сембодонга отвечай тевть интересонзонды, сяс мес историческяй факттнень лангса сяда цебярьста, естественнайста и понятнайста няфтевихть марксизмать-ленинизмать основной идеянза, сяс мес сонць ВКП(б)-ть историяц тя марксизмась-ленинизмась действияса, сяс мес марксистско-ленинскяй теориять правильностец и жизненностец проверяфт практикаса, пролетариатть классовай тюреманц опытса, и сонць марксистско-ленинскяй теориясь развивандакшнесь и козякаткшнесь практикать мархта теснейшай сотксса, пролетариатть революционнай тюремань практическяй опытонц обобщениянц основаса.
4. Создавая „ВКП(б)-ть историянц Краткай курсонц“, ВКП(б)-нь ЦК-сь путнесь задача освободить марксистскяй литературать упрощенчествать и вульгаризациять эзда марксизмать-ленинизмать теориянц и партиять историянц лама кизефксонзон толкованияса.
Тяфтама вульгаризациясь и упрощенчествась мусть выражения, например, мянь мекольдень пингть самс распространяндакшнеф, явна антимарксистскяй и конатнень кунара осудил партиясь, историяса личностть роленц колга шарьхкодематнень эса, мзярда историяса личностть роленц колга кизефксть кой-кона лже-теоретикне и пропагандисттне излагали полу-эсеровскяй позициятнень эзда.
Марксизмань-ленинизмань тяфтама вульгаризаторстванди и упрощенчестванди относится минь странасонк социализмать победанц колга кизефксть аф правильнайста толкованияц.
Кели распространения приобрели марксистско-ленинскяй взглядонь извращениятне современнай эпохаста войнатнень характерснон колга кизефксть коряс, справедливай и аф справедливай войнатнень йоткса различиянь аф шарьхкодемась, большевикнень лангс аф правильнай, кода своегорода „пацифистонь“ лангс ваномась.
Историческяй наукаса мянь мекольдень пингть самс антимарксистскяй извращениятне и вульгаризаторствась ульсть сотнефт кода мярьгондихть Покровскяйть „школанц“ мархта, конац историческяй факттнень азонкшнезень извращеннайста, аф ваномок историческяй материализмать лангс, няфнезень синь тячиень шинь шарьхкодемаса, а аф ся условиятнень шарьхкодемаса, конатнень обстановкаса йотнесть ня историческяй событиятне, и, самай тянь вельде, искажали действительнай историять.
Действительнай историять антиисторическяй фальсификацияц, антиисторическяй тяряфнематне мазептемс историять, сонь правдивайста няфтеманц вастс, вятнесть, например, сянди, што партиять историяц минь пропагандасонк няфневсь кой-коста, кода победань сплошной ки, временнай, кодапт ба афольхть уль пораженияфтома и отступленияфтома, мезсь явна противоречит историческяй правдати и, самай тянь мархта, шоряй кадратнень правильнай воспитанияснонды.
[ 8 ]Антимарксистскяй вульгаризаторскяй тапаряфкссь тяфта жа няевсь советскяй государствать лангс аф правильнай взглядонь распространяндамаса, социалистическяй государствать роленц и значениянц йомлалгофтомаса, кода главнай оружиянь рабочайхнень и крестьяттнень кядьса социализмать победанц инкса и капиталистическяй окружениять эзда трудящайхнень социалистическяй завоеванияснон араламанц инкса.
„ВКП(б)-ть историянц Краткай курсоц“ путни пе тянди и марксизмать-ленинизмать тянь лаца вульгаризациянцты и опошлениянцты, меки латцемок марксизмать-ленинизмать установканзон.
5. Создавая „ВКП(б)-ть историянц Краткай курсонц“, ВКП(б)-нь ЦК-сь путнезе эстейнза задачакс наглядна няфтемс вийнц и значениянц марксистско-ленинскяй теориять, конац научна няфнесыне обществать развитиянц закононзон, — теориять, конац тонафты применяндакшнемс ня закоттнень пролетариатть революционнай деятельностенц руководстванцты, — теориять, конац, кода и всякай наукась, апак лотксек развивандакшни и совершенствондакшни и конац аф пели полафнемс сиретьф башка положениятнень и вывоттнень од выводса и положенияса, конат соответствуют од историческяй условиятненди.
ВКП(б)-нь ЦК-сь исходил сянь эзда, што марксизмать-ленинизмать теориянц апак содак, большевизмать овладенияфтома, эсь теоретическяй лафчашицень апак машфтт, минь кадраньке кармайхть шамордома кафцке пильгснон лангса, сяс мес социалистическяй строительствань сембе отраслятнень эса правильнай руководствань задачась веши практикнень ширде марксистско-ленинскяй теориять основанзон овладенияснон, веши практическяй деятельностень кизефкснень решандамста маштомс руководствоваться теорияса.
Ошибочна думондамс, бта теориять овладенияса задачась вийс коря аньцек работниконь аф оцю кругти. Марксистско-ленинскяй теориять овладенияц — тевсь наживной. Именна тяни, советскяй властть и СССР-са социализмать победанц пингста, тийфт аф ограниченнай возможностть сянь инкса, штоба минь руководящай кадраньке успешна овладевали марксистско-ленинскяй теориять, тонадолезь партиять историянц, Марксонь, Энгельсонь, Ленинонь, Сталинонь трудснон. Сянь инкса, штоба овладеть марксизмать-ленинизмать теориянц, эряви аньцек шарфтомс мяль, тя цельть сатомаса характеронь настойчивость и твердость. Кда сатфкс мархта можна овладеть тяфтама наукатнень, кода, например, физикась, химиясь, биологиясь, то сядонга пяк аш основаният сомневандамс, што можна марнек овладеть марксизмань-ленинизмань наукать.
6. Создавая „ВКП(б)-ть историянц Курсонц“, ВКП(б)-нь ЦК-сь путнесь задача лездомс кадратненди, конат вятихть теоретическяй и пропагандистскяй работа, перестроиться, цебярьгофтомс работать качестванц, ушедомс машфтомонза теоретическяй эсь лафчашинц, машфтомс идеологическяй эсь анокламасонза аф сатыкснень и пробелхнень и кеподемс пропагандистскяй работать эрявикс серес.
Сембе ня задачатне, конатнень путнезень ВКП(б)-нь ЦК-сь, музь эсь разрешенияснон „ВКП(б)-ть историянц Краткай курсонц“ эса.