Колхозонь эряф/1933/06/Матовсь кяжец/Моли тракторсь

From Wikisource
Jump to navigation Jump to search
Колхозонь эряф (1933), 6 № март ков edited by Шестов Н. С., Порватов Т. М.
Матовсь кяжец. I. Моли тракторсь by Безбородов, Михаил Ильич
Колхозонь эряф. Мокшонь литературно-художественнай и общественно-политическай журнал. Нолдаец Сембе союзонь писателень Мокшэрзянь областень оргкомитець. Лисенди 6-це кизось эрь ковти кафксть. — 6 № март ков 1933-це киза. — с. 2

[2]

I. Моли тракторсь

„Мзярце шись ни
Увнай вармась?
Мзярце шись ни
Пиземсь суводы? —
Корхтай
Эстиенза Лаврась,
Суронь мянцезь
Шитнень лувонды.
„Аш ков молемс, —
Арьси Лаврась, —
Суви пиземсь
Вирьгя, пяксява. ”
Сякок течи
Сюци Каврась,
Мирденц эса
Юрхца — латала.
— Тята водя,
Лавруш, ялгат,
Няйса повоть,
Аф эсь янозт...
Монга сотца,
Кода панда
Люпштай колхозсь
Лафту лангозот.
Аш месть тиемс,
Етасть пинкне...
Аф минь прясонк
Тефне арьсемат.
Кельмя калмос
Ни вдь кинкя,
„Шкайти“ максомат.
Фана попскя
Енда машць ни,
Сонга грехти
Пильгонц тонгозя
Ох, и ломатть...“
— „Лоткак, соньгя
Калхозсь пондазя!“
Лаврань потмоц
Пяшкся толда,
Аф кирьфтави
Кавра бабати,
Конань векоц
Уленць ордатф...
Кржа кельги
Осалть шабакска.
Лама корхни
Лаврась попти:
„Колхозникне
Тядде шавомат!
Мани шитнень
Якстерь толти,
Перестост
Сьоротне максомат”.
Вов мес Лаврась
Учси манить,
Вов мес авац
Сюци эсонца.
  .    .    .    .    .    .    .    .    .    .    .    .
  .    .    .    .    .    .    .    .    .    .    .    .
Ляды шись ни
Пиземсь шави.
Курок коськихть
Вальмять ливсенза...
Кундась вармась
Туча крайти,
Лофца лангокс
Менельть штафтозя.
  .    .    .    .    .    .    .    .    .    .    .    .
  .    .    .    .    .    .    .    .    .    .    .    .
Моли тракторсь
„Колхоз Майти”
Шинясь копонц
Валца архтозя.
Сргозсь Лаврась,
Нылхтай эвоць —
Тракторть сталмоц
Кудонц шерфтезя,
Мяштенц ланкс
Путозя каденц,
Кяжда ваймонц
Потму таргазя.