Колхозонь эряф/1933/02/Ленинскай национальнай политикась эряфса
| Ленинскай национальнай политикась эряфса |
 |
| Мокшэрзянь ВКП(б)-нь обкомть секретарец — Гантман ялгась |
„Аньцек советонь стройсь тевса максы сембе нациятненди фкя прават“ (Ленин).
„СССР-са пролетариатонь диктатурань и социализ- мань строямань пинксь ащи национальнай культурань касома пингокс, конань содержанияц социалистиче- скай, формац националь- най“ (Сталин).
Октябрьскай революци- ясь макссь воля эряф сембе нациятненди, макссь фкя лаца прават, сембе трудяй нароттненди. Коммунистическай партиясь ленинскай национальнай политикать тевс йотафтозь основнойста машфтозя Советонь Союзонь национальносттнень йоткса аф фкя лаца ащемать, машфтозе экономикань и культурань тевса фталу лядондомать. Советонь Союзонь сембе пролетариатть ширдя оцю лезксонь максомась таргазень сембода фталу лятф областтнень и райоттнень хозяйствань и культурань касома кели ки ланкс.
Мокшэрзянь обл. тяфтажа кода и советонь союзонь сембе лия областтне и республикатне цебярьста шумордазе пятилеткать ниле кизос и эсь колмоце годовщинанцты сась оцю сатфкс мархта Мокшэрзянь обласць кона оцюазорть пинкста ульсь сембода фталу лятф районкс тяни октябрянь революцияда меле партиять национальнай политиканц цебярьста йотафтозь потребляющай районцта арась производящай областекс
60 процентт ашувонь и середняконь хозяйстватнень эзда пуроптфт колхозу. Сплошной коллективизациять мольфтезь партиясь тевса йотафнесы кулаконь кода классонь машфтомаса политикать 45 оцю совхост, 22 МТС-т и 1010 тракторхт работайхть минь областень паксянеконь ланкса. Колхоснень хозяйстваснон кемокстазь кассь колхоснень и колхозникнень доходносцна. Тиевсь кемя база велень хозяйствань сырьяста продуктонь тиема промышленостть касоманцты
Оцю работа тийф сьормас аф содамать машфтомаса, паньчф лама од школат, техникупт, колма ВУЗ-т лечендама учрежденият. Оцю сатфкст сатфт культурань строяма тевса, конань формац национальнай, содержанияц социалистическай. Касы мокшерзянь литературась, искусвась.
Сембе нят сатфкснень Мокшэрзянь областень партийнай организациясь и сембе трудяйхне тиезь классонь вракть каршес виень апак ужяльтть тюрезь, види и „кяржи“ ширдень оппортунистнень мархта бороцязь, партиять виде китьксонц тевс йотафтозь.
Ленинонь знамять ниньгя сяда пяк вяри кеподезь Мокшэрзянь областень парторганизациясь вяти трудяй массаттнень эса инголи од победас социализмань строяма тевса.
Шумбра улеза ВКП(б)-сь. Шумбра улеза Ленинскай ЦКась и сонь вятиец Сталин ялгась!
Азкс: Васенце лопаширеса „Велеса работамать колга“ Сявфт Сталин ялгат январь ковть 11-це шиня корхтамастонза,
| ЭЛЬБЯТЬКС.
|
| Васеньце лопаширеса сьорматф: „Ошонь литературно художественнай журнал". Эряви лувомс: „МОКШОНЬ ЛИТЕРАТУРНО ХУДОЖЕСТВЕННАЙ ЖУРНАЛ“. |
| РЕДАКЦИЯСЬ. |