Колхозонь эряф/1933/02/Аф лама вал А. Серафимовичть эряманц колга
| Аф лама вал А. Серафимовичть эряманц колга |
Александр Серафимович СЕРАФИМОВИЧ (Попов) шачсь 7 (20) январьста 1863-це кизоне ингольдень Донской областень Нижне-Курмоярскай станцияса.
Гимназиять шумордамода меле Александр Серафимовичень тядяц хлопочась теенза студенческай стипендия и 1883 це кизоня сон тусь Петербургу, коса кармась тонафнема университеца. Тя университеца физико-математическай факультетонь васенце курсса тонафнемстонза Серафимовичсь содафць В. И. Ленинонь оцю брадонц — А. И. Ульяновонь мархта.
1887 це кизоня, мзярда Серафимовичсь тонафнесь нилеце курсса, сон арестовандафоль сяс, мес сьормаць возвание эряйхненди, конань эса йорась азондомс видексонь смысланц ся аф удалаф покушениять, конань тиендезь Александр III ланкс террористонь группась А. И. Ульяновонь руководстванц ала 1887 це кизонь март ковть песта Серафимовичсь повсь тюрмав и административно паньфоль Мезени, Арханьгельскай губерьняв.
Ссылкаса Серафимовичсь сьормадозе эсь васенце рассказонц — „На льдине“.
Колма кизот ссылкаса ащемдонза меле Серафимовичсь кучфль Дону, Усть-Медведицкай станицав, полициять ваномьнц алу.
Тя пингонди лувондовихть сонь Донца шахтерхнень эрямаснон колга рассказонза („Под землей“, „Маленький шахтер“, „Семишкура“) Заводонь рабочейхнень, калонь кундайхнень эрямаснон колга („На заводе“, „Инвалид“, „Месть“, „Прогулка“,) и лият.
1905 це кизонь революцияда меле Серафимовичсь сьормаць лама расскаст робочаень эряфть и революционнай тюремать колга, конатнень эса пяк оцю художественнай кепотьф мяльса няфтязе ся кяжь ардомать, конань мархта ваяфтфоль вярс васенце русскай революциясь.
1910 це кизоня Серафимовичсь шумордазе эсь „Город в степи“ романонц — конац ульсь ся пинкть сонь сембода оцю произведенияц.
1917 це кизонь революциять васень ушодомок Серафимовичсь работай советцкай и партийнай печаца. Партиянь Московской комитетть и Моссоветть мярьгомаснон коряс сьормачнесь возванияти брошюрат. Александр Серафимовичсь сувафтфоль „Рабочай Депутатонь Московскай Советонь известиятненди“ редакционнай коллегияв.
1918 це кизонь май ковста Серафимовичсь сувась партияв. Кода корреспондент „Правдать“ эзда сон тусь гражданскай войнань фронтненди.
Гражданскай войнань фронттнень эса работамстонза (1924 це кизоня) лиссь сонь пяк оцю таланца сьорматф произведенияц, „Железнай потоксь“, конань эса художественнайста няфтьфт гражданскай войнань геройхне Тя произведенияц арафтозе Серафимовечень пролетарскай литературань васень рятненди.