Колхозонь эряф/1933/01/Тядясь

From Wikisource
Jump to navigation Jump to search
Колхозонь эряф (1933), 1 (45) № январь edited by Шестов Н. С., Порватов Т. М.
Тядясь by
авторсь: Максим Горький, мокшекс ётафтозе: Черапкин, Иосиф Григорьевич
Колхозонь эряф (Колхозная жизнь). Мокшонь литературно-художественнай журнал. Нолдаец ВКП(б)-нь обкомсь, облисполкомсь и облпрофсовець. Лисенди ковти кафксть. — 1 (45) № январь, 1933 к. — с. 5—8
[5]
М. Горький.

Колхозонь эряф 1933-01 07стр изобр1.jpg

„Мать“ романць,

Мокшокс йотафтозе И. Г. Черапкинць.

РЕДАКЦИЯТЬ ЭЗДА.

„Колхозонь Эряф“ журналса кармай лисеньдеме „Тядясь“, кода мокшекс лемневи М Горькаень „Мать“ романонц васеньце пакшоц, марнек романць явф кафту. Тя инь цебярьсь, М. Горькаень сьорматфонзон йоткста. Сонь эсонза азонкшневи, кода тьнярс, оцязоронь, пинкста эрясть робочахне ды тюреньцть оцязоронь правительствать ды капиталисттнень мархта эсь праваснон инкса ды пара эряманкса. М. Горькай сонь сьормадозе 1906 це кизоне, Америкаса. Васеньда нинге, коста лиссь романтть пакшец, оцязоронь правительствась шарькодезе, што тянь оцю значенияц пролетариатти, што сон мяль кеподи революциять инкса тюремати. Сянкса жандарматне Россияса кармасть вешеньдемонза сьормадыть, штоба пякстамс, хотя и содазь, што М. Горькай прокс эрясь се пинкть Италияса.

Романца, Павел Власов рабочайть эряманц перьф, азондови, кода Сормовань завоца рабочаень организациясь революциянь тефнень аноклакшнелезень, кода тюрьсь капиталисттнень мархта. Нят, мезе тяса азонтфт, ульсть 1902-це кизонь пинкть. Мярьгихть, Павел Власов рабочайти, М. Горькаеньди кепотьксонди ащесь П. А. Заломов, се пингонь сормовскай рабочай, конац сормовскай рабочаень организациять ды 1902 це кизонь Васеньце Маень шинь демонстрациянь руководительдель.

Рузкс „Тядясь“ лисеньць ламоксть. Октябрьскай революцияда инголе сонь нюрьхкалгофнезь оржаста азф капиталисттнень ды оцязоронь правительствать каршес моли, вастонзон изезь новля. Ламоксть лисеньць совецкай власьтть пинкстонга, но марнек кочкавсь аньцек 1930-це кизонь нолдамаса.

Редакциясь

I

Эрь шине рабочаень эряма куронеть вельксса, качаму, ваю кожфса, дрнась и ранксь фабричнай гудоксь, и, терьдемань кулхцондозь, йолма ды уле куднятнень эзда ласькозь лисеньцть ульцяв, кода эвотьф таракатт, нолдань пря ломатть, удомаса сизеф мускулонь апак ваймафтт. Тялонь якшама шовдавать синь мольсть кевса апак ацак ульцява фабрикать кевонь сери клетканзонды, конац афпелезь учезень рабочахнень, валдопнезе рудазу кить лама кемоньца лувови ваденьф, нильужень селмонзон мархта. Рудазсь хлюпиесь пильгала. Кашкомф уды вайгелень серемат—иватькшнемат, осал валса сюцемась, кяжиста тирьхконь—тирьхконь сязеньдезе кожфть, ломатьтнень каршас уезь—уйсть лия—машинатнень стакаста шарфнемасна, парть урнамац. Видеста и кяжиста ащесть равжа сери трубатне, кепоцть куронеть вельксс, кода эчке шочкт.

Илять, мзярда шись араль мадом шири ды кудонь вальметьнень ланкса сизефста вандолць сонь якстерь [6]валдоц, — фабрикать йорялезень ломатьтнень эсь кевонь потмостонза, кода илятф кшнипалфкст и синь тага мольсть ульцява, соца ваденьтфть, равжа шамат, кожфти новлясть машина вадем педи ваень шине, пиндолцть вача пейсна. Тяни синь вайгельсост марявсь эрекши нлтай кенерьдьма шумордавсь — тячиень трудямань каторгась, куца учсесь синь эсост ужанамась ды ваймамась.

Шинь пинкть нилезе фабрикась, машинатне шокшсть ломатьтнень ронкста-понцта сьняра вий, мзяра теест эрявсь. Шись кифтома нардаф эряфть эзда, ломаньць тийсь тага аськолкс эсь калмонц малас, но сон няйсь маласта эсь инголенза, ваймамань таньтьф, качаму потма кабаконь кенярдема и — пароль теенза.

Праздник шитьнень уцсесть шобдавань кемоньчка цясц, сяда меле эряф ломатьтне ды урьвеяфтфне щакшнезь инь цебярь щамснон ды якальхть обедняв киньгувалма сюцекшнелезь од ломатьтнень церькаву аф якаманкса. Церькавста сашондольхть куду, ярхцсельхть копшада, пярякада ды тага мадондольхть удома — мянь иляц.

Лама кизонь стака эряфть мархта пуроптф сизефсь машфнезе ломатьтнень ярхцамань самаснон, и сянкса, штоба ярхцамась сафтомс, симольхть, лама вина ярхцам самать сурхкафнезь винань оржа шапамса.

Илять-илять вихцо-важа якасть ульцява, и се кинь ульсть калошанза, щалезень синь, хоть и коське улеза, а уленьдерясь пиземде зонтикоц, каньнезе мархтонза, хоть и мани шись улеза.

Фке фкень мархта васетькшнемок корхнельхть фабрикать ланга, машинатнень кувалма, сялнезь мастярхнень, — куцонга корхнекшнесть най нень колга, мезе синь тевснон мархта сотнелезень. Ськамост палы, афмашты, вийфтеме мяльхне анцек цифторцть шитьнень скучнайста фкакс молемасост. Куду самок сялонкшнельхть аваснон мархта и пиксселезь шаволезь синь, кядень апак ужяльть. Од ломатьтне ащекшнесть трактырга или пуромкшнесть гуляндама фкефкень пяли-шири, морсельхть гармонияса, морсельхть визкс афпара .......кшнисть, визькс валса сюцекшнесть и симоньцть. Покамати сизеф ломатьтне иреткшнесть курок, и сембонь мяштева кепсесь афшарьхкодемань, сярятьфу кяжияма. Сон вешсь лисема. И тангоцта эсьморондакшнесть эрь кяжень йотафты туфталти ломатьтне, ашмезенксонга врьгяткнесть фкефкень ланкс зверень кяжь мархта. Тиеньдевсть вярс тюремат. Иляста, синь аделакшневсть фке фкень уродкс тиема мархта, а коста — куломс шавома мархта.

Ломатьтнень фке фкень мархта эрямасост сембода лама улентць фкефьеньди осалонь арьсема кяжь, сон сяшкава сиретьфоль, кода и ронгонь аф пчкафтови сиземась. Ломатьтне шаченцть ся седи урмать мархта, иляткшнесь сон теест алястост, и равжа сильфокс прважакшнелезень синь мек калмозост, кепселезень мяльснон эрямста лама стама тевс, конат аерксоньди ащихть эсь кяжень ардомаснон коряс.

Праздник шинь илятьтнень од ломатьтне поздна сашендольхть куду, сязеньтф одежаса, пулюста рудазуста, пиксьсеф шама мархта, кяж ардозь ялгань пикссемань мархта прянь шназь, или кяжень апак ардт, кярф седиса или аварьдезь ирецта сюдуф и аткаркс ломатть иляста од цератнень куду вятьнелезь тядясна, алясна. Синь мушендозь ицнон кодамовок перяф алда ульцяста или кабакста афмеляфтомшка ирецта, афлац сюцезь синь, клокса шавозь ицнон ляпе, винаса палы ронкснон, а сяда меле пек или аф пек заботендазь матолезь васц удома, штоба рана шобдава, коста кожфса шобдава шудерксокс кармай шудеме гудокть кяжиста рангомац, стяфтомс синь работама молеме.

Сюцелезь и пиксолезь ицнон мезе вийса аф ужельдезь, но симоньдемасна ды тюремасна сялондомасна од ломатьтнень лувондовсть атятьненьди стане и эрявиксокс, — коста алясна оттольхть синь синьцьке симоньцть и тюреньцть, синге пиксселезь алясна—тядясна. Эрямась прокс тяфтамоль, сон ровнайста и афэряскодозь шудесь коза-бди рудазу шудерьксокс кизода кизос и марнек сотнефоль тангода, кунардонь койса арьсекшнемс и тиендемс некень шида-шис. И киньге ашель мялец варжамс полафтомс тяфтамя эряфть.

Иляст-иляста куроняти коста-бди сашенкшнесть фширьдень ломатть. Васенда синь лангозост ванонкшнесть аньцек сяс, мес синь ломань — ломатьтельхть, сяда меле синь кульхцонкшнелезь [7]афламода афседивакска разнай вастонь кувалма азоньшнемаснон, коса синь работакшнесть, тоса одшись нарневсь ланкстост, теест тонаткшнельть, и арсесть синь аф няевикс. Синь азондомастост няеньдевсь рабочаень эрямась сембе вастова фкекс ащи А кда стане — месть молтни корхнемс сянь ланга.

Но иляста, конат-конат эздост корхтасть стамонь ланга, мезе эзь марьсекшнев куроняса. Синь мархтост исть спорьсекшне, но синь седи ваксонь кулхцонкшнезь аф кяльвельде, ня корхнематне финцнень кяжснон сафнелезь, омбонцнень седиснон колалезь, колмонцнень тревожалезе кати кодама надияма вастонь сильф, и синь кармосельхть сядонга пек винада симоме, штоба панемс афэрявикс шоряй седи ризфть.

Неяньдерявсь ломань — ломаньцта мезевок аф стама, кода сембе эрясть, куронянь эряхне ламос афолезь юксне сянь ды ванольхть се ломаньть ланкс, кона аф синь лацост эряй, афшарьхкодеви пелема мархта. Синь пта пелельхть, што ломаньць йордай эряфозост мезевок стама, конац коласы сонь осалста и содаф молеманц. Ломатьтне тонацть, штоба эрямась люпшталезень синь прокс фкедь лаца и, мезеньге полафтфкс цебярь шири исть ученда, луволдолезь сембе полафтовоматнень аньцек стамс, мезе касфцы эрямать осалонц.

Ня ломаньда, конат корхтальхть од мезевок, куронянь эряйхне аеркшнесть. Эста не ломатьтне юмсельхть, кати—коза тушенкшнесть, а илядондеряльхть фабрикав, синь эрьсесть фширеса, маштофтеряльхть фкакс куронянь эряхнень мархта арама...

Ведьгемоньчка киза тяфтама эряфса эрямада меле — ломаньць кулоль.

II

Тяфта эрясь Михаил Власовга, слесарьсь, понав—щяерю, прянь нолдазь якайсь йольмане сельмонесь, конат ванольхть сельме кунонь туста понатнень эшксста назерком, афпара мзельдомаса. Сембода содай — машты слесарьсь фабрикаса, и сембода виюсь куроняса, сон начальникнень мархта апак урксиек афоль корхне, сяс работам питьне сяволь аф лама, эрь праздникста кинге пиксселезе, и сембе сонь афолезь тюште, пелельхть эстодонза. Мельшакшнезь аф весть соньценьге пиксомс, но эзь сафнев. Власов, коста няелезе, што молихть ломатть пиксомонза сявоньць кев, доска, кшни—пе ды, келиста ладялезень пильгонзон, афкорхтазь учелезень врагонзон. Шамац, сельмоста сявомок сялдаззонза молемс равжа сакалса вельхтяф и понав кяденза сонь пелькс вастокс тиелезь. Сембода пелельхть сонь оржа сельмодонза, — конат ульсть йолманят, оржат, пялезь—пялелезь ломанть кола буравнят, и эрь ломаньць, кие васетькшнель сонь сельме варжакстфонц марта, няйсь инголенза дикай вий, мезьденга афпели эрьгя, конац анок апак ужельтть шавома—пиксома.

— Ну, аердода, сволочт! — пеенпачк мярьгоньдель сон. Шамастонза туста щяерьхнень пачк пиньделцть тюже крупнай пеенза. Ломатьтне аеркшнесть, синьць сюцезь сонь пелезь уркоды сюцемаса.

— Сволоч! — Нюрхкеняста корхталь сон мелгаст, и сельмонга вандолдолхть кода урнят, оржа пеедемаса. Сяда меле, дразясь видеста прянь стяфтозь, сон мольсь мельгаст и терьнесь:

— Ну кинь куломс мялец?

Кинге ашель мялец.

Корхталь сон афлама, и „сволоч“ валсь келгом валоцоль. Сянь мархта сон лемнелезень фабрикань начальникнень ды полициять, сяколь аванцты пшкядем валоцка,

— Тон, сволоч, аф няйсак — штанане сязевсть!

Коста Паволоньди, цьоранцты, кемнилие кизоль — Власовонь сась мялец сонь пряпонада нефтемс. Но Павел сявсь кядезонза стака молатка ды нюрьхкеняста пщкяць:

— Тямак тока!

— Мезе? — кизефтезе аляц, цьоранц шуване ронгонц каршес молембачк, кода сильф келу канкс.

— Саты! — мярьксь Павел. — Оду пря аф максан...

И ярьхць молаткаса.

Аляц варжаксць лангозонза, кяшезень копоренц эшксс понав кядензон ды, пеетькстазь пщкяц:

— Лад...

Тоса, стакаста куфкстомада меле, мярьксь:

— Эх, тон, сволоч...

— Ярмакт моньцтон оду тят кизефне, тонь, Пашкась трятанзат...

[8]— А тон сембонь симоньдемост кармат? — смендась — авась кизефтемани.

— Аф тонь тевсь, сволочь! Мон бралги ава вешан эстине...

Бралги ава сон эзь заводя, но сяда меле, пцтай кафта кизот, мек куломозонза, цьоранц шири афоль ван, аф и корхнель мархтонза.

Сонь ульсь пинец, стама-жа оцю и понав, кодамоль соньць. Пинесь эрь жине сонь прважакшнелезе фабрикав и эрь илять учендолезе орта ланкса. Праздник шитьнень Власов тушендоль кабакнень ланга якама. Якаль сон афкорхтазь и, пта вешенць кинге, кскорязень сельмонза мархта ломатьтнень шамаснон. Пинеське шиньберьф якась мельганза, оцю, понав пулонц нолдазь. Сашендоль куду сон ирецта, озаль ужанама и эсь мархтонза фке шаваняста аньнелезе пинетьке. Сон афолезе пикссе, аф олезе сюце пинеть но мзярдонга афи и ляснелезе. Ужанамда меле посудатнень сон яфиелезень мастору, кенерефтеряль авась пинкстост синь урядамс, путнесь инголенза бутылка вина ды, копоренц стенати нежедемок, потма вайгельса, конац таскас прафтолензе, уркодоль мора, секе йоткть сельмонзон кончасыне и келисте панчсесы кургонц. Уркодозь моли аф пара вайгелец тапарякшнесь сакалонзон йоткс, пяярезень эстост кши-паморькснень, слесарьсь видепнезень сакал ды уса шяерензон эчке суронзон мархта ды морась. Морть валонза кода-бди афольхть шарьхкодев, тарксевсть, а морвайгельсь лятфнелезе мяльс врьгазонь тялонь урокодомать. Мораль сон снярс, мзярда маштоль бутылкаста винась, а сяда меле веляль боком эземланкс или путолезе прянц шраланкс и станяк удоль мек гудокть марямс. Пинесь мадозь ащель мархтонза ряц.

Кулось сон грыжаса сяредемада. Вете шишка, марнек равчкодезь; сон шарфнесь васцонза, тангоцга теткозень сельмонзон и мчкофтозень пеензон. Иляста корхталь аванцты:

— Дай тейне мышьяк кулофтомак...

Докторсь мярксь сяряди Михалти лембе веца сяряди вастть эжнемда, но аззе, што эряви тиемс операция, и эряви течийок ускомс сярядись больницав.

— Ворьть, к черту, — мон моньцьке кулан! Сволоч! — крназь мярьксь Михала.

А коста тусь докторсь и авац кармась сельме-вед мархта эняльдеме, штоба сон согласиндаль операциянь тиемати, сок курмоштазе клоконц и гразязь пшкяць:

— Пчкяньдерянь — теть хужи ули!

Кулось сон шобдава, се йоткть, коста гудоксь работама терьдель Лазкасса ащесь панжадонь куркт, но сельме понанза кяжиста пурнафтольхть Калмамонза якасть авац, цьорац, пинец сире пьяноцясь ворсь Данил Весовщиков фабрикаста паньфсь, ды кафта—колма ава секе куроняста. Авац аварьць салаване и афламос Павел эзь аварьде. Куронянь эряхне, ульцяса лазксонзон васьфтемок лотксест, ды крьозонь каям йоткть фке-фкеньди корчнесть:

— Улема, Пелагеянь пара мелезонза, кенярьць куломанцты...

Кой конат лезнельхть:

— Изь кула, а — здохнязе...

Лазкснень калмамда меле, — ломатьтне тусть куду, а пинесь иляць и, свежай модать ланкса пулонц ланкса ащезь, ламос нукссезе калмоть. Афлама шинь йотазь кие—бти шавозе сонь...

 

 
This is a translation and has a separate copyright status from the original text. The license for the translation applies to this edition only.
Original:
PD-icon.svg This work is in the public domain in Russia according to article 6 of Law No. 231-FZ of the Russian Federation of December 18, 2006; the Implementation Act for Book IV of the Civil Code of the Russian Federation:
  • its creator didn't fight or work for Soviet Union victory during the Great Patriotic War — so the 70-year protection term is applied;
  • and the creator died before January 1, 1950 (more than 70 years ago), and has been not posthumously rehabilitated since that date;
  • and this work was first published before January 1, 1950 (more than 70 years ago).

This work is in the public domain in the United States because it was published before January 1, 1925 (more than 95 years ago).


The author died in 1936, so this work is also in the public domain in other countries and areas where the copyright term is the author's life plus 83 years or less (if applicable), or the copyright term is 113 years or less since publication (if applicable).

Flag of Russia.svg
Translation:
PD-icon.svg This work is in the public domain in Russia according to article 6 of Law No. 231-FZ of the Russian Federation of December 18, 2006; the Implementation Act for Book IV of the Civil Code of the Russian Federation:
  • its creator didn't fight or work for Soviet Union victory during the Great Patriotic War — so the 70-year protection term is applied;
  • and the creator died before January 1, 1950 (more than 70 years ago), and has been not posthumously rehabilitated since that date;
  • and this work was first published before January 1, 1950 (more than 70 years ago).

This work is in the public domain in the United States because it was first published outside the United States (and not published in the U.S. within 30 days), and it was first published before 1989 without complying with U.S. copyright formalities (renewal and/or copyright notice) and it was in the public domain in its home country on the URAA date (January 1, 1996 for most countries).
This work was in the public domain in Russia on the URAA date January 1, 1996, according to the Law 09.07.1993 No 5351-1 which was enacted on that date:

  • its creator didn't fight or work for Soviet Union victory during the Great Patriotic War — so the 50-year protection term was applied;
  • and the creator died before January 1, 1946 (more than 50 years ago from 1/1/1996), and has been not posthumously rehabilitated since that date;
  • and this work was first published before January 1, 1946 (more than 50 years ago from 1/1/1996).

The author died in 1935, so this work is also in the public domain in other countries and areas where the copyright term is the author's life plus 84 years or less (if applicable), or the copyright term is 86 years or less since publication (if applicable).

Flag of Russia.svg