Колхозонь эряф/1932/19-20/Од сатфксненди

From Wikisource
Jump to navigation Jump to search
Колхозонь эряф (1932), 19-20 (41) №, октябрь 31 edited by Шестов Н. С., Порватов Т. М.
Од сатфксненди
Колхозонь эряф (Колхозная жизнь). Лисенди ковти кафксть, общественно-политическай и вель.-хоз. журнал. Нолдаец Мокшэрзянь ВКП(б)-нь обкомсь, облисполкомсь и облпрофсовець. — 19-20 (41) №, октябрь 31, 1932 киз. — с. 1—5
[1]
Сембе масторонь пролетариятне, пуромода марс!

Од  сатфксненди

Советонь масторсь, а тяфта жа сембе масторонь трудяйхне тиендихть итокт Ленинть тевонц коряс, социализмань тиемать тевса киветие кизонь тюремаснонды. Международнай обстановкаса Октябрьскяй революциять 15 кизонцты васеньце ширекс арси мировой экономическай кризизть касомац и тянь вельде капиталистическяй системаса противоречиятьнень вишкомомасна Пяк вишкста касы вача шись и нищетась капиталистическяй масторонь рабочайхнень и трудяень крдатьнень йоткса. Производствать кирфтамац молш тяшкава вишкста што рабочай клазть пяледа ламоц марнек али пялес работафтопт“ (ИККИ-нь XII пленумста.) Пяк ламода кирсь работа-


Шумбра   улеза   Октябрть   годовщинац!
Шумбра улеза сембемасторлангонь проле- тарскай революциясь!
[2]
Тяка-жа  Кочкуровань  завотть  омбоце
цехоц.

ма питнесь, пяк лама миллион трудяй шарфтфт вача эряфти. Инголь пяли пяк кемоста вишкомихть противоречиятьне пролетариать и буржуазиять иоткса; империалистическай и колониальнай масторхнень йоткса. Касы вишкя-од революционнай мяль, кенерихть сембемасторлангонь пролетарскай революциять видьмонза. Революциянь касы вийхнень каршес пуропневихть контрреволюциянь вийхть. Буржуазиянь демократиясь коль сяда оцю васта кадонды фашистонь диктатурати Мирть явшеманц инкса тюремаса пяк кемоста вишкомшнихть противоречиятьне башка капиталистнень и капиталистонь группатнень йоткса малачни од империалистическяй войнась, конань ляценьдеманза ни марсевихть Дальнай востокса. Империализмань лакейхнень социал-фашистнень оцю лезксснон вельде вишкста аноклакшневи контрреволюционнай война сембе масторонь трудяйхнень отечествасно и мировой пролетарскяй революциянь базать СССР-ть корше. Сембе тя марса сявозь няфнесы, што сась пе капитализмань относительнай стабилизацияти и тяниень пинкть тиендеви класснень и государствать иоткса од пяк оцю столкновениятьненьди, од войнатьненди и революцияти йотамась. (ИККИ)нь XII пленумсь).

СССР-сь инь йомбла, страфтф калафтф сьора-видиень масторста шарфць сембе масторланкса инь оцю социалистическяй земледелиянь масторкс. Ламода полафтовсь народонь хозяйстваса экономическай уклаттне, социалистическай уклаць ни ламода фталу кадонцыне сембе лия уклаттнень Ленинскяй кизефксса „кин-кинь“ тийф капитализмать карше социализмать пользас, кода ошова, станя и велеванга. СССР-нь основнай сьора видиень райотнень эса сплошной коллективизациять вельде машфневи кулаксь кода класс. Советонь масторсь шумордазе социалистическай экономикань фундаментть тиеманц, Классфтома обществань тиема задачась путф практическай тевса омбоце вете кизонь планца.

Октябрськай революциясь машфтозе сембе йомбла национальносттнень срафнефшиснон, синь фталу латьф, правафтома и аф культурнай шиснон, юрнек страфтозе национальнай враждать, макссь ингольдень оцязоронь пингонь люпштаф национальносттненди возможностть сембе ширде эсь национальнай культураснон касфтоманцты, шовордазень пяк лама миллион ингольдень люпштаф национальностьнень марстонь социализмань тиема тевти.

Мокшэрзятьне революцияда инголе кода и сембе лия йомбла национальностне ульсть розаряф, фталу лятф, сьормас аф-содай колма ширде люпштаф народкс. Помещикне, маностырьхне, кулакне веконь веке кирьнезь эсь курмозь потмосост фталу лятф мокшэрзятнень и кемоста люпштасть синь лангозост Великай пролетарскяй революциясь кшнинь тяльмоса тяезнень сембе нят эчке пекнень и макссь возможность мокшэрзянь трудяйхненьди ряцок СССР-нь сембе националностьнень мархта тиемс од социалистическяй эряф, эрь кизоня кольсяда цебярьгофтомс эсь материальнай и культурнай ширеснон.

Мокшэрзянь од автаномнай обласць эсь фталу лятфшинц машфтоманц шовор иотафты эсь хозяйстванц од социалистическай рельса ланкс ладяманц ВКП(б)-нь ЦК-ать, крайкомть и обкомть большевикань кеме руководстваснон ала, ленинскяй национальнай политикать цебярста йотафтоманц вельде Октябрьскай революциять 15 кизонцты сась пяк оцю сатфкс мархта.

Тийфт пяк оцю сатфкст велень хозяйствать социалистическяйкс одукс тиемаса, конац арси областень народонь хозяйствати оснавной юркс (отраслякс). Октябрть 15це годовщинанцты колхоснень эзга ни пуроттфт сьора видиень хозяйстватнень пцтай 65 проценцна, Тянь вельде машфневи кода класс кулачествась кода велеса капитализмань илядыкс шире, Совхоснень лувкссна 1930 це кизонь 7 совхозта 1932 кизоня арась 45 совхозс, конатнень марстонь видема площацна 229808 гектархт. Пуроптф работай 22 машино—тракторнай станция и тятдянь кизотькиге 939 трактор лфтайхть мокшэрзянь совхозонь и колхозонь пяксятнень эса. Нят сатфкснень вельде ламода касфтовсь видема площаць касфтовсь сеьюронь шочемась и ламода кассь колхозникнень доходносьцна.

Велень хозяйствать социалистическяйкс одукс тиеманцты пяк кемоста шорьсесь классовай враксь — кулаксь и сонь агентуранза види и кержи шири моли оппортунистене Лама районга мушенчневсть стама тефт, а мзярда кой-кона башка работникне кемост содончневсть кулакнень мархта лафчопнезь сонь лангозонза люпштамать и омба ширьде няфнязе прянц „кержи“ ширьдень оппортунизамаська, конац ащесь голай администрированиять и середнякть колга перегибонь тиендематнень эса. Башка работникне а кой коса и районнай организациять-[3]невок коллективизациянь оцю процентть мельга панеманкса йофси юкснезь сембода оцю тевть колхоснень организационнай хозяйственнай ширеснон кемокстаманц конац пяк эрявиксонди арсесь кулакти нят ялгатне юкстазь Сталин ялгать указаниянзон сянь колга, што, „аш кода цебярьста мольфтемс наступлениять классовай вракть машфтомаса, кда аф улихть кемокстафт сатф позициятне, кда аф улихть цебярьста пуропфт эсь вийнеке, кда аф ули фронтть резерваць, аф улихть таргафт тылхне и с. т.“ (Сталин ответ колхознекненди). Среднякт ланкса администрированиять и перегипнень тиендемста синь юкснезь сянь, што „минь велеса капиталистическай элементнень ланкс молемать йотафнесаськ середнякть мархта, сотксонь кирьдезь сяс, мес аньцек тяфтама, то макссы тейнек эрявикс результатт (победа) (тосажа) областень партийнай организациясь машць страфтомост „керш“ шири комот, перегипнень лифтемс лангу види шири молемать аф виде шинц и сембонь тянь вельде саць пяк оцю сатфкст областень велень хозяйствать социалистическайс одукс тиемаса.

Кодапт жа ингольнек ащи задачатне велень хозяйствать ингольпяли социалистическайкс одукс тиемаса колхозонь и совхозонь строительстваса.

Велень хозяйстваса центральнай задачакс, сонь тяниень пингонь развитиястонза арси сьоронь шачемать касфтоманкса тюремась.

„Сась ся пинксь — корхтави сьоронь шачемать касфтомаса мероприятиятьнень колга ВКП(б)-нь ЦК-ать и СССР-нь СНК ать путфксса — мзярда хозяйствать келес касфтоманц эзда видема площадьтнень цебярьгофтомаснон вельде, эряви шарфтомс модать сяда цебярьста урядаманц, сьоронь шачемат-касфтоманц инькса тюремать шири, конац арси велень хозяйствать эса сонь тяниень пингонь развитиястонза инь оцю центральнай задачакс.“

Тя путфксть пяшкодемац минь Мокшэрзянь обласьцонок арси пяк оцю задачакс сяс, мес минь обласьцонок сьоронь шачемась ащи ламода сяда фтала Советань союзонь лия васттнень коряс Наркомземонь материалхнень эзда няяви, што нят культуратьнень эса, конат улихть минь Мокшэрзянь обласцоноконга Союзонь срдняй сьоронь шачемась 1927-1930 це кизотьнень ульсь тяфтама: розть 8 центнерхт гектарста, пинемть 8,5 центнерхт, бобовайхне 7.8 центнерхт, кантьфть — мушкта 5,4 центнерхт и видьмода 5 центнерхт, а минь Мокшэрзянь обласьцонок — розть 6,9 центнерхт, пинемть 7,2-ц, бобовайхнень 6,2 центнерхт и каньфть: мушкта 4,6 центнерхт и видьмода 5 центнерхт.


Кочкуровань  районца  мушконь  томбама
заводть  главнай  цехоть

Обласьцонок тяфта жа ламода апак пяшкотть плановай арьсефксне сьоронь шачемать касфтомаса,

Вов тяфтамот фокттне Синь корхтайхть сянь колга, што кодама оцю работа эряви тиемс тя ширеса, пяшкодемс сьоронь шачемать касфтомаса задачатьнень, тя значит юрнек няфтемс и йотафтомс эряфс „крупнай социалистическай земледелиять цебярь ширензон сяс, мес синь вельдест ули кода совхоснень и колхоснень эса касфтомс сьоронь шачемать, конац аш кода эряй тиемс башка хозяйстватьнень эса“. (ЦК-тть и СНК-ать путфксста)

Семба нят социалистическай хозяйствать цебярь ширензон тевс путнемасна ащи совхоснень и колхоснень ланкса и рукводствать цебярьгофтомаса цебярь севооборотонь сувафтомаса, конац арси васенце вастокс сьоронь шачемать касфтоманцты, ингольпяли колхоснень организационно—хозяйственнай ширеснон кемокстамаса, оцю мяльса работамаса, машино тракторнай станциятьнень работаснон одукс ладямаса станя, штоба „шарфтомс синь агрикультурань центракс и рассадникокс модань урядамаса, и колхозникнень пряс агортехническай содама шинь и культурнай навыконь сувафтыкс“ („Правда“ 1932 це кизонь 1-це октябрнь), нят мероприятиятьнень перьф вишке агитационно-массовай работань иотафнезь.

Областень зерносовхоснень и техническяй культурань совхоснень инголи арси васеньце инь оцю задачакс — эсь работаснон цебярьгофтоманц вельде сьоронь шачемать касфоманц колга В К П б-нь Ц К -ать и С С С Р онь С Н К -ать путфксснон эряфс йотафнемац.

Сембодонга эрявиксоньди арси азомс жуватань водяма совхоснень задачаснон, конатьнень эзда обласьцонок сембода лама. Эряви лувомс козонга аф яраштыксоньди и


Пара вал ударникненди и ударницатненди — совецкай строительствань эрек геройхненди!
 

[4]
нльня преступной тевоньди совхоснень эзга од жуватань лувксть оцюста киреманц. Нят совхоснень жувата мельга якама тевсост, кода и сембе работасост безответственностти, расхлябанностти и обезличкати (тевть инкса аф отвечамати) эряви путомс пе.

Минь кой кона совхознекя пяк цебярьста якайхть жуватаснон мельга. Сявомс кепотьксоньди „Комсомольский ударник“ тувонь совхозть, коса од жуватань урадома проценць пачфтьф аньцек 4 проценц. Эряви сявоньдемс кепотькс работамань тяфтама ширетьнень эзда. Совхозонь, а тяфтажа сят-райононь, коса улихть совхост парторганизациятьненьди эряви кемоста тюремс жуватань лувксть ванфтоманц и касфтоманц колга партиять и правительствать путфксснон пяшкодеманц инкса.

Союзсонок социалистическяй промышленностть пяк вишкста касомац, обласьцонок велень хозяйствать производственнай возможностензон касомасна, ламода касфтозь обласьцонок вастонь промыщленностть. Сембе промышленностень валовой продукциясь 1928-це кизонь 9,2 миллион цалковайста 1931-це кизоня кассь 15,2 миллион цалковайс 1932 кизоть васеньце пялестонза сон ульсь 9,2 миллиотт цалковай али сяшка жа конашка ульсь 1928 це кизоня целай кизоста. Касы рабочай клазть лувксоц и цебярьгады сонь эряфоц. Но тяконь шовор эряви азомс, што аф ваномок сянь ланкс, што рабочай клазть йоткса ламода кассь национальнай пролетарскай кадратьнень лувкссна танга сяка партиять мархта путф задачась сянь колга, штоба национальнай райоттнень эса рабочайхнень оцю пялькссна улельхть коренной эряйхнень эзда, промышленностть мархта апак пяшкотть. Обласьцонок работай рабочайхнень йоткса мокшэрзяда лувондови аньцек 22,9 процентт.

Тятдянь кизось минь Мокшэрзянь обласьцонок арась лама оцю предприятиянь тиема ушодомань оцю сатфксонь кизокс. Тятдень кизоть ушотФт тиемс тяфтама оцю предприятият, кода катониннай фабрикась консервнай комбинаць, комбинированнай кормань завоць, од электростанциясь.


Цебярьста кочксемс колхозникнень ширдя макссеф жалбатнень
СНИМКАСА: Вельсоветонь секцияса ванондыхть колхозникнень макссеф жалбаснон.

Тя стройтельствань программать пяшкодемац шарфцы областеньконь марнек аграрнайста — аграрно-индустриальнайкс. Обласьцонок промышленнай строительстваса улихть ниньгя пяк лама оцю афсатыкст. Минь ниньгя ашемя тонад строяма курокста, уцезста и кемоста, ашеме танад марнек путнемс тевс эсь йотконь (внутреннай) ресурсонеконь и ст. тев. Новостройкань партийнай организациятненди Сталин ялгать кота историческай указаниянзон цебярьста тевс путомаснон, социалистическай фкя-фкянь йотамать и ударничествать вишкста йотафнемаснон вельдя, хозяйственнай руководствать цебярьгафтоманц вельдя — машфтомс сембе нят афсатыкснень.

Октябрьскай революциясь макссь пяк оцю возможностть мокшэрзянь национальнай культурать касфтоманцты. Народонь хозяйстватть касомац, сонь социалистическайкс одукс тиеманц вельде ули кода вишкста машфтомс мокшэрзянь эряйхнень культурнай и бытовой фталу лятф шиснон и Октябрьскай революциять 15-це годовщинанцты Мокшэрзянь обласць культурнай строительстваса саць пяк оцю сатфкс мархта. Всеобщай начальнай тонафнемать мархта иднятне фатяфт 100 проценц. Школатнень эса тонафнемась йотафневи мокшонь и эрзянь кяльса. Мокшэрзятнень сьормас содама шисна пачкоць 78 проценц. Вишкста моли лама од начальнай школань, средняй учебнай заведёниянь и ВУЗ онь строительствась. Тяниень пинкть обласьцонок ни улихть 143 средняй учебнай заведеният и колма ВУЗ-т.

Вишкста касы национальнай культурась и искусствась. Тяниень пинкть обласьцонок ноляви пяк лама художественнай литература. Касыть и кемокстайхть национальнай писателень-журналистонь кадратне. Коренной эряйхнень (мокшэрзятнень) йоткста аноклави пяк лама тьожань социализмань активнай строительхть и борецт. Веконь кувалма люпштаф мокшавась ряцок алять мархта арси од валда, весяла и культурнай эряфонь тиема. Идень яслянь, площадкань и садонь пуропнемать вельдя трудей мокшавась [5]явфневи сяканянзон и корьхцяганзон эзда и тарксеви марстонь социализмань тиема тевти.

Тийфта лама. Сьормас аф содай, оцязорть пинькста люпштаф мокшэрзянь эряйхне арсихть социализмань культурнай строителькс. Полафневи областеньконь экономическай, политическай и культурнай шамац. Тонафнекшневихть од ломатть, — социалистическай стройкань ударникт. Но ниньгя тяда оцю задачат ащихть инголенок. Шумордамс велень хозяйствать социалистическайкс одукс тиеманц, касфтомс сьоронь шачемать совхозонь и колхозонь паксятнень ланкса, шарфтомс областеньконь аграрно-индустриальнайкс, пуроптомс кемя национальнай кадрат, пачьфтемс обласьцонок коренной национальностть (мокшэрзятнень) культурнай ширеснон Советонь союзонь инголе ащи райононь эряйхнень мархта ряц — вов нят задачатне, конат ащихть мокшэрзянь областень трудяйхнень инголя.

Массатнень трудть и общественнай собственностть ланкс сознательнайста и социалистическайкс ванома тонафнемасна, кода классфтома социалистическай обществань активнай строителень — ащи инголенок эрь шинь пяк оцю задачакс.

Мокшэрзянь областень трудяйхне ленинскай коммунистическай партиять фкя отрядонц — областень партийнай организациять руководстванц ала, классовай вракть шорьсеманц вишкста машфнезь, тевти аф вярондайхнень и сталмода пелихнень види и „кяржи“ ширьдень оппортунисттнень, великодержавнай шовинисттнень и вастонь националисттнень мархта вишкста тюрезь — сатыхть од сатфкст и нят задачатнень пяшкоцазь.

Советонь союзть ланкс коль сяда вишкста и вишкста войнань анокламать каршес — Мокшэрзянь областень трудяйхне отвецяйхть Октябрьскай годовщинати эсь лангозост пролетарскай государствать инголя сявф обязательстватнень пяшкодемаснон и вельф цяшкодемаснон мархта, васеньце социалистическай пятилеткань нилеце — остатка кварталонь плантть пяшкодеманц инькста кемоста тюремать мархта, ниньгя сяда кемоста коммунистическай партиять перьф пуромомаснон мархта, обласьтеньконь инголя ащи сембе хозяйственно-политическай задачатнень пяшкодемаснон мархта.

Минь тюреманекя, минь пяк оцю сатфксонекя пяк цебярьста няфнесазь капиталистическаи и колониальнай масторонь люпштаф трудяй ломатненьди, што васеньце кикс кризизть, вача и работафтама шить эзда лисемати арси сембе мастор ланкса капитализмать страфтомац и пролетарскай диктатурань пуроптомась.

Инголи — од боенкса, од сатфксонкса ленинизмать инькса, мировой Октябрть инькса!