Колхозонь эряф/1932/15/Анокламс колхознай торговляти кадрат
| Анокламс колхознай торговляти кадрат |
Партиять и правительствать директивасна колхознай торговлять вишкоптеманц колга мекольдень пинкть омбонькрда получасть лезкст лама лия инь эрявикс путфксса. Ладяфт колхознай торговляти аф оцю налокса вельхтямат (3 процент), кирфтаф аренднай пандомась базарга помещениятнень инкса, кирьфтаф контрактационнай платтне сьороти, сивольти, вайти и перень сьоротненди, лоткафтфт лофцти плановай анокламатне и ст-тов. Сембе нят мероприятиятне шарфтф фкя целенди — тиемс условият, конатнень пинкста колхоснень, колхозниконь и трудяй башка эряйхнень торговлясна получаль-ба хозяйственнай кеме база и араль фланксонь источникокс рабочай снабжениять цебярьгафтоманцты.
Колхосненди, колхозникненди и трудяй башка эряйхненди эряви шарьхкодемс, што тяса корхтави аф йотконь музь базару синь лисендемаснон колга, аф случайста случайс синь продукцияснон миманц колга, а корхтави сянь колга, штоба синь кемоста сувафтомс совецкай торговлянь системати, пуропотвльхть синь базарга фланкс, а аф сезонцта торгавай сеть (лавкат, палаткат, ларект и ст. тов).
Тяса, кода необходимость эряви ладямс станя, штоба тя торговай сетти касфтомс продуктатнень стамка культурань касфтомать вельде, конатнень мархта андомс печкоманди жуватат, нармотть, кроликт, кочксемс панкт, кстыхть, кунцемс калхт, паньжендомс переработкань подробнай предприятият и ст. тов. Земоргаттнень, колхозсоюснень, партийнай и советскай оргаттнень велеса оргмассовай азондома марнек работасна улеза ладяф келиста сянди, штоба шарьхкотьфтемс задачатнень и ингольпялень арьсефкснень колхознай торговлять колга, таргамс эзонза колхозонь, колхозниконь и башка эряй трудяй массатнень.
Сянкса, штоба касфтомс башка колхозникнень заинтересованносьцнон колхозга производствань тиемати, эряви ладямс эрь ковста колхозникненди авансонь максома работаф шиснон коряс, сят ярмакнень эзда конат получавихть торговлять эзда (НКЗ-ть и Колхозцентрать т. к. 29—це майста путфксснон коряс).
Базарга фланкс торгавамась станяжа веши кой кодама техническай оборудования. Весста, кяцта, каннезь торгавамась аф арай кеме базакс колхоснень торговляснонды. Эрявихть хоть аф пяк питнихть, но обязательно кой кодама приспособленият товарть примаманцты и ноляманцты: палатка, ларек, бохарям курок коли продуктатнень путнемс и ванфнемс, вест, узерь и ст. тов.
Марнек нят эрявихть стройсемс, латцемс мольфнемс организационнай накладной карьхцть Нят карьхцне улихть кода вельхтямс эста, кда торговлясь мольфтеви фланкс, конань шири и эряви шарфтомс марнек мялец колхознай системать.
Тя пинкть саманц коряс, лиякс эряви нежедемс кадрань кизефксти. Колхознай торговлясь, кода всякай торговлясь веши техническай и организационнай тонадома ши. Эряви маштомс товарть примамонза, сортавамонза лавкаса или ларекса, маштомс колемода сонь ванфтомонза, керсемс и весендакшнемс и ст. тов. Эряви маштомс товарть получамонза и карьхцямонза учетть вятемаса, лувомс выручкать, налокть пандоманц, торгавамань карьхцнень и ст. тов.
Марнек тя тевти эряви тонадомс, йотамс, оцыт Сянкса, штоба аф эняльчнемс спекулянтть, кулакть и лия торговай „спецонь“ типненди лезксонкса, ули аньцек фкя ки: куроконя анокламс торговай роботатненди выдвиженецт колхозникнень эзда, а сембода пяк аватнень и од ломаттнень эзда
Оцю лезкс эряви максомс тя тевть эса потребительскай кооперацияти. Мишендиень, складчиконь, керсиень, счетоводонь оцю армиясь эряви таргамс сянди, штоба пуроптомс эрь базарса массовай лезкс саф колхозникненди и колхосненди торговлянь техникать ладямаса.
Нюрьхкяня пингонь курснень вельде колхознай од ломатнень йоткса эряви тиемс кеме ушеткс колхознай торговлять лац молеманцты и кадратнень анокламаснонды. Лама вастонь совецкай оргаттне (модань тевонь, кооперативнай комунальнай и лият) ваныхть колхознай торговлять вишкоптеманц ланкс кода фкя мельцеконь и сезоннай „кампания“ ланкс
Рабочай предцриятиятнень шефствасна башка колхоснень ланкса, ЦРК-тнень базархнень ланкса тиест кеме синьфкст кеме задачатнень пяшкодемаса и ладяф колхознай торговляти рабочай и промышленнай центратнень эса.
