Коді медбур велӧдысь?
| Коді медбур велӧдысь? (1923) by |
| Гижан кад: 1923, Йӧзӧдан во: 1923-04-26. Ӧшмӧс: Югыд туй (1923-04-26) |
Газет «Правда» корсьӧ медбур велӧдысьӧс. Кыссюрӧ гижалӧны нин. Колӧ и миян Коми муысь корсьны медбур велӧдысьсӧ.
Кутшӧм нӧ бур велӧдысьыс? Бур велӧдысь лӧсьӧдіс коми школа, сьӧкыд кадӧ эз лэдз тупкыны ассьыс школасӧ, мырсьӧ школасӧ босьтчӧдны, велӧдіс велӧдчысьясӧс радейтны школасӧ.
Сэсся бур велӧдысь оз торйӧдчы йӧзкостса олӧмысь, мырсьӧ восьтыны йӧзлысь син енъясӧн ылӧдлӧм йылысь, отсалӧ бырӧдны юӧм да самӧкур пуӧм, отсалӧ общественнӧй лавкаяс восьтыны, петкӧдлӧ видз-му бура уджаланног.
Колӧ гижны медбур велӧдысь йылысь гӧгӧрбок: кыдзи сійӧ войдӧр овліс, кутшӧма школаын, йӧз костын уджалӧ, мыйӧн сійӧ бур. Колӧ гижны да мед мӧдысь юасьны оз ковмы. Позьӧ гижны «Югыд туй» пыр.
Медбур велӧдысьяслы да на йылысь гижысьяслы «Правда» сетӧ кызь премия (дасӧс велӧдысьяслы да дасӧс гижысьяслы).
1-й премия (2 велӧдысьлы да 2 на йылысь гижысьлы): пальто — 1, костюм — 1, сапӧг — 1 гоз, часі, нигаяс 1000 шайт дон (23 вося деньгаӧн), сэсся ыстыны газет «Правда» во гӧгӧр чӧж.
2-ӧд премия (2 велӧдысьлы да 2 гижысьлы): пальто — 1, костюм — 1, сапӧг — 1 гоз, часі, нигаяс 1000 шайт дон да газет «Правда» 8 тӧлысь кежлӧ.
3-ӧд премия (2 велӧдысьлы да 2 гижысьлы): костюм — 1, сапӧг — 1 гоз, часі, нигаяс 700 шайт дон, газет «Правда» 6 тӧлысь кежлӧ.
5-ӧд^4‐ӧд премия йылысь текстын абу. — А. В./^ премия (1 велӧдысьлы да 1 гижысьлы): сапӧг — 1 гоз, часі, нигаяс 500 шайт дон, газет «Правда» 8 тӧлысь кежлӧ.
6-ӧд премия (1 велӧдысьлы да 1 гижысьлы): часі, нигаяс 400 шайт дон, газет «Правда» 4 тӧлысь кежлӧ.
Сэсся Госиздат содтӧд сетӧ премияяс: кык премия (1 велӧдысьлы да 1 гижысьлы) 75 шайтӧн зарниӧн; кык премия (1 велӧдысьлы да 1 гижысьлы) 50 шайтӧн зарниӧн; кык премия (1 велӧдысьлы да 1 гижысьлы) 25 шайтӧн зарниӧн. Премия доныс сетсьӧ нигаясӧн, кутшӧмъясӧс бӧръясны премия босьтысьясыс.
Кӧні нӧ миян бур велӧдысьыс? Коммунистъяслы, союз молодёжилы, Профсоюзъяслы, быдӧнлы колӧ корсьны сійӧс да гижны сы йылысь. Медбур велӧдысьӧс кӧ корсянныд — велӧдысьыслы премия сюрӧ да и асьныд премия жӧ босьтанныд.
Корсьӧй!
This work is in the public domain in Russia according to article 6 of Law No. 231-FZ of the Russian Federation of December 18, 2006; the Implementation Act for Book IV of the Civil Code of the Russian Federation:
- its creator fought or worked for Soviet Union victory during the Great Patriotic War — so the 74-year protection term is applied;
- and the creator died before January 1, 1950 (more than 74 years ago), and has been not posthumously rehabilitated since that date;
- and this work was first published before January 1, 1950 (more than 74 years ago).
This work is in the public domain in the United States because it was published before January 1, 1929 (more than 95 years ago).
The author died in 1942, so this work is also in the public domain in other countries and areas where the copyright term is the author's life plus 81 years or less (if applicable), or the copyright term is 100 years or less since publication (if applicable).
Public domainPublic domainfalsefalse