Кодлы нӧ меӧй талун вотчывлі...
Jump to navigation
Jump to search
| Кодлы нӧ меӧй талун вотчывлі... (1889) by |
| Гижан кад: 1889, Йӧзӧдан во: 1889. Ӧшмӧс: Зырянский край при епископах пермских и зырянский язык : пособие при изучении зырянами русского языка / сост. Г. С. Лыткин. - Санктпетербург, 1889. |
Кодлы нӧ меӧй талун вотчывлі,
Мича паськӧмнас пасьтасьлі?
Ме тай, коньӧрӧй, артавлі
Ай вужӧйлы, ыджыд вужӧйлы;
Ме тай, коньӧрӧй, артавлі
Энь вужӧйлы, мелі вужӧйлы.
Пукси тай, виччыси-виччыси:
Эз тай менам, коньӧрлӧн,
Ай вужӧй, ыджыд вужӧй во;
Эз тай менам, коньӧрлӧн,
Энь вужӧй, мелі вужӧй во:
Тотараяс тай волісны,
Пуӧм-пӧжалӧмнымӧс
Сёйисны-юисны,
Повтӧг-яндысьтӧг
Менсьым ныв нылӧмӧс нуисны.
Лун тӧла, вой тӧла ӧмӧй вӧлі?
Ветламӧй, ветламӧй
Аканьясӧй-чойясӧй, ӧксыясӧй-вокъясӧй!
Лун тӧла кӧ вӧлі —
Вой мореӧ ветламӧй,
Вой тӧла кӧ вӧлі —
Лун мореӧ ветламӧй.
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse