Китайын
Век на вӧлі мукӧд муын
Озыръяслы лӧсьыд рай,
Сӧмын торкны кутіс налы
Асыввылын збой Китай.
Сьӧкыда Китайын оліс
Важысянь нин гӧльджык йӧз;
Мыйӧн вежӧр юрӧ воис,
Пыр и корсьны кутіс мез.
Первой туйсӧ восьтысь вӧлі
Гӧль дор олысь Сун Ят Сен;
Сійӧ сьӧлӧм гӧльлысь ӧзтіс,
Лэптіс озыръяскӧд вен.
Сэсся кулӧм бӧрас колис
Ассьыс быдтӧм Гоминдан.
Сӧмын омӧль войтыр кутіс
Вӧчны измена и тан.
Со кӧть босьтам генералӧс,
Кодлӧн нимыс — Чан Кай Ши,
Гоминданысь сійӧ кежис,
Гӧльлань бергӧдіс ёсь шы.
Сэсся, сідз жӧ, вӧлі бара,
Сэтшӧм кодь жӧ Фын Юй Сян.
Чан Кай Ши моз вештіс сійӧ
Озырланьӧ ассьыс бан.
Найӧ кыкнаныс зэв ярӧсь,
Сьӧлӧм „некодысь оз пов“...
Рабочӧйлысь, крестьяналысь
Уна босьталісны лов.
Найӧс виччысьӧны важӧн
Озыр йӧз да Чжан Тзо Лин;
Вӧлі кӧсйысьӧны сетны
Гӧльӧс виалӧмысь чин...
Со и матӧ сэтчӧ локтіс
Гӧнтӧм юра У Пей Фу;
Лёкысь горзӧ, корӧ отсӧг,
Кӧсйӧ кульны гӧльлысь ку...
Сӧмын сылӧн гора гӧлӧс
Нинӧм бурторъяс эз сет;
Гӧль йӧз сылы паныд сувтіс,
Быттьӧ ыджыд кымӧр, — сьӧд.
Революциятӧ кутны
Генераллӧн ичӧт вын.
Гӧльлӧн вермӧм абу ылын,
Сэтысь озырыд оз мын.
Миян отсӧг колӧ сетны,
Ланьтны ӧні абу бур.
Отсалам жӧ, коми войтыр,
Гӧльӧс озыр мед оз пур.
This work is in the public domain in Russia according to article 6 of Law No. 231-FZ of the Russian Federation of December 18, 2006; the Implementation Act for Book IV of the Civil Code of the Russian Federation:
- its creator didn't fight or work for Soviet Union victory during the Great Patriotic War — so the 70-year protection term is applied;
- and the creator died before January 1, 1954 (more than 70 years ago), and has been not posthumously rehabilitated since that date;
- and this work was first published before January 1, 1954 (more than 70 years ago).
This work is in the public domain in the United States because it was published before January 1, 1929 (more than 95 years ago).
The author died in 1935, so this work is also in the public domain in other countries and areas where the copyright term is the author's life plus 88 years or less (if applicable), or the copyright term is 96 years or less since publication (if applicable).
Public domainPublic domainfalsefalse