Кечӹ шӹнзеш

Вала Катри

КЕЧӸ ШӸНЗЕШ
Aurinko laskee

Келгӹн шӱлен, яргатан сотемдӓрен,
якшаргын дӓ ӱштӹн
тӹнь, кечӹ мӱлӓндӹ вӹкӹ анжет
дӓ ош ялвлӓэт доно вӹлецӹнжӹ
кӱшкӹлӓ талашет.

Кого тангыж шайыкы валет,
а сирӹштӹжӹ мӹньӹ шалгалтем -
изи дӓ тылык ганьы, ӹшкетем.
Ой, тӹнь шокшы дӓ цевер,
ой, тӹнь якшаргы дӓ ӱ штӹ,
ойхеш шӱ мемӓт кӹлмен шӹнзӹн.
Кыце тӹнь тенге мӹньӹм коденжӹ кердӓт?
Анжалма, кыце цӹтӹрем
анжалма, кыце кидэм токетлӓ кырма,
малын шокшетӹм кӧргем гӹц нӓнгет,
малын шӱмемӹм ӹнет ӹрӹктӹ?

Ой, тӹнь Йымы гань ылат!
Пор гань ош кидемӹм кычемӓ,
якшар ӓрӓкӓлӓ кайшы тангыж гач
пелтӹшӹ шӱ мӹшкет мӹньӹм нӓнгемӓ,
паштекет мӹнь кенем,
кого тангыж шайык, паштекет.