Кем нисек әйтә?(шиғыр). Бөрйән Байым

Кем нисек әйтә? (Шиғыр) автор Бөрйән Байым

.Нәшер ителгән: 1996 йыл. Сығанаҡ: "Уҡыу китабы" - 1 синыф өсөн дәреслек.-Өфө"Китап",1996 йыл

Кем нисек әйтә?

— Ҡәләм ҡалайтып әйтә?
— Ҡәләм яҙғылап әйтә.
— Көрәк ҡалайтып әйтә?
— Көрәк ҡаҙғылап әйтә.
— Ҡасау ҡалайтып әйтә?
— Ҡасау тишкеләп әйтә.
— Бысаҡ ҡалайтып әйтә?
— Бысаҡ киҫкеләп әйтә.
— Шаян ҡалайтып әйтә?
— Шаян бит көлөп әйтә.
— Уҡыған нисек әйтә?
— Уҡыған белеп әйтә.
 

1996 йыл

---