Кемдәр улар?(шиғыр). Абдулхаҡ Игебаев

Кемдәр улар? (шиғыр )
автор Абдулхаҡ Игебаев

.Нәшер ителгән: 1988 йыл. Сығанаҡ: "Туған тел".-Өфө"Башҡортостан китап нәшриәте",1988 йыл

Кемдәр улар?

Кемдәр улар уңыш өсөн
Хәстәрлек күреүселәр? —
Ғәйрәтле, бөркөт йөрәкле,
Эшһөйәр игенселәр!
Кемдәр улар һәр
бөртөктөң
Ҡәҙерен белеүселәр? —
Киң күңелле, алсаҡ йөҙлө
Егәрле игенселәр!
Кемдәр улар тыуған илде
Байлыҡҡа күмеүселәр? —
Алтын ҡуллы, сая рухлы,
Ҡаһарман игенселәр!

1988 йыл