Валда ян/1928/01/Капитализмать кеньжензон ала

From Wikisource
Jump to navigation Jump to search
Валда ян (1928), № 1, 8-ця Мартста edited by Шотин И. В.
Капитализмать кеньжензон ала
Валда ян. Сокай ломаннь журнал. Нолдаец "Од веле" газетать редакцияц. — № 1, 1928 кизоня, 8-ця Мартста. — с. 8
[8]

Капитализмать кеньжензон ала.

Минь корхтатам, што капиталистонь масторга стака эрямась трудай ломатненьди. Нингя сяда стака сятненьди, кия аф пелезь моли каршезост.

Революциять инкса аф кржа тюри и аводовок, синнгя йотсость улихть революциноеркать. Капитализмась сингя пряняда аф вадерясыйнь. Сянкса лама масторга улихть яхярь авань астрокт, конат пяшкотьфть рабочи клазть инкса ащи аваса.

Вага кода азонцазь эряфснон Румынияса Вакарести тюрьмаса ащи авантня: Начка подвалса, боцькаса сялетка лаца ащихть 50 ава и шаба.

Венели якама кядьгонясь шинь берф аф лифневи.

Ярхцама пяльхня наксатт и и шинихть. Радня мархта васечьнема аф нолясамязь и гостеняц кандомода аф мярьгихть.

Утцетям рдазу, сии лоскод ланкса. Ламоц сярядихть туберкулезса и лия урмаса, конатнень эзда и кулсихть.

Сяка таньцфоц и авань каторгань астрокса Рига ошса (Латвиясь), коса астрогонь правилатнень корява туфтал винозьнкса кадонцазь лама шись вохсю ваче-ода. Лама кулсихть тясонга.

Англияса горняконь забастовкать пинкста арестовандасть фкя горнякон ава, канань 10 иденза, сянкса мес пуромксса изь мярьгоньдя лоткафтомс забастовкать. Омбоця авась, тянкса-же ащесь астрокса потяй шабанц мархта.

Италияса забастовканкса аф фкя сяда рабочай авада судендафт ащемс астрокса.

Америкаса полициясь ляценьць аватнень ланкс мес синь изезь ноля шрейхбрехерхнень (буржуазиять инголя келькфти пря ломатть, конат забастовка пинкста арсихть работас) работас.

Китаень революцияса тьожятть рабочай и сокай ава мучендафтольхть. Синь йоразь ляцемсь мучендайснон и тиемс эсь властснон, сянкса и путозь пряснон.

Сембя аф лувовихть, конат путозь пряснон ки ланкса валда эряфти молезь.

Пара валса лемцайнек синнь-синь версна стак аф юмай, сай пингя мзярда сембямасторонь пролетариац прокс видепцы ронгонц и тапасыйнь веронь потяензон.

Валда ян 1928-01 10стр изобр1.jpg