Канѡ̑ны, си́рѣчь кни́га пра́вилъ/Пра̑вила шеста́гѡ вселе́нскагѡ собо́ра

From Wikisource
Jump to navigation Jump to search
Пра̑вила свѧты́хъ а҆по́столѡвъ, свѧты́хъ собо́рѡвъ вселе́нскихъ и҆ помѣ́стныхъ, и҆ свѧты́хъ ѻ҆те́цъ
Пра̑вила свѧта́гѡ вселе́нскагѡ шеста́гѡ собо́ра, кѡнстантінопо́льскагѡ, и҆́же въ трꙋ́ллѣ ца́рскихъ пала́тъ
This page contains Church Slavonic text. Without proper font support, you may see question marks, boxes, or other symbols instead of letters and diacritics. Click here to download required fonts.


Кни́га пра́вилъ свѧты́хъ а҆по́столѡвъ,
свѧты́хъ собо́рѡвъ
вселе́нскихъ и҆ помѣ́стныхъ,
и҆ свѧты́хъ ѻ҆те́цъ

Пра̑вила
свѧта́гѡ вселе́нскагѡ шеста́гѡ собо́ра, кѡнстантінопо́льскагѡ,
и҆́же въ трꙋ́ллѣ ца́рскихъ пала́тъ.
[edit]

Пра́вило а҃.
[edit]

При нача́тїи всѧ́кагѡ и҆ сло́ва и҆ дѣ́ла, наилꙋ́чшїй чи́нъ є҆́сть ѿ бг҃а начина́ти, и҆ съ бг҃омъ ѡ҆ка́нчивати, по глаго́лꙋ бг҃осло́ва. Сегѡ̀ ра́ди и҆ ны́нѣ, когда̀ и҆ благоче́стїе на́ми ᲂу҆жѐ ꙗ҆́снѡ проповѣ́дꙋетсѧ, и҆ цр҃ковь, въ кото́рой хрⷭ҇то́съ положе́нъ ѡ҆снова́нїемъ, непреста́ннѡ возраста́етъ и҆ преꙋспѣва́етъ, та́къ что̀ па́че ке́дрѡвъ лїва́нскихъ возвыша́етсѧ, полага́ѧ нача́ло свѧще́нныхъ слове́съ, бж҃їею благода́тїю ѡ҆предѣлѧ́емъ: храни́ти неприкоснове́ннꙋ нововведе́нїѧмъ и҆ и҆змѣне́нїѧмъ вѣ́рꙋ, пре́даннꙋю на́мъ ѿ самови́дцєвъ и҆ слꙋжи́телей сло́ва, бг҃оизбра́нныхъ а҆по́столѡвъ: є҆ще́ же и҆ ѿ тре́хъ сѡ́тъ ѻ҆смьна́десѧти ст҃ы́хъ и҆ бл҃же́нныхъ ѻ҆тє́цъ, при кѡнстанті́нѣ царѣ̀ на́шемъ, на нечести́ваго а҆́рїа, и҆ на вы́мышленное и҆́мъ ꙗ҆зы́ческое и҆нобо́жїе, и҆лѝ, сво́йственнѣе рещѝ, многобо́жїе, въ нїке́и собра́вшихсѧ, кото́рые є҆диномы́слїемъ вѣ́ры, є҆диносꙋ́щїе въ тре́хъ ѵ҆поста́сѧхъ бг҃онача́льнагѡ є҆стества̀ ѿкры́ли на́мъ и҆ ᲂу҆ѧсни́ли, не попꙋсти́въ семꙋ̀ сокры́тꙋ бы́ти под̾ спꙋ́домъ невѣ́дѣнїѧ: но ꙗ҆́снѡ наꙋчи́въ вѣ́рныхъ покланѧ́тисѧ, є҆ди́нымъ поклоне́нїемъ, ѻ҆ц҃ꙋ̀, и҆ сн҃ꙋ, и҆ ст҃о́мꙋ дх҃ꙋ, и҆спрове́ргли и҆ разрꙋ́шили лжеꙋче́нїе ѡ҆ нера́вныхъ сте́пенѧхъ бж҃ества̀, и҆ є҆ретїка́ми и҆з̾ песка̀ сложє́нныѧ проти́вꙋ правосла́вїѧ дѣ́тскїѧ построє́нїѧ раззори́ли и҆ низри́нꙋли. Та́кожде и҆ при вели́комъ ѳеодо́сїи, царѣ̀ на́шемъ, сто̀ пѧти́десѧтїю свѧты́ми ѻ҆тца́ми, въ се́мъ ца́рствꙋющемъ гра́дѣ собра́вшимисѧ, провозглаше́нное и҆сповѣ́данїе вѣ́ры соде́ржимъ, бг҃осло́вствꙋющыѧ ѡ҆ ст҃о́мъ дх҃ѣ и҆зречє́нїѧ прїе́млемъ: а҆ нечести́ваго македо́нїа, кꙋ́пнѡ съ пре́жними врага́ми и҆́стины, ѿрѣва́емъ, ꙗ҆́кѡ бꙋ́йственнѡ дерзнꙋ́вшаго почита́ти влⷣкꙋ рабо́мъ, и҆ на́глѡ хотѣ́вшаго пресѣщѝ несѣко́мꙋю є҆ди́ницꙋ, та́къ что̀ не бы́ло бы соверше́нно та́инство ᲂу҆пова́нїѧ на́шегѡ. Кꙋ́пнѡ съ си́мъ гнꙋ́снымъ, и҆ про́тивъ и҆́стины неи́стовствовавшимъ, ѡ҆сꙋжда́емъ а҆поллїна́рїа, тайноводи́телѧ ѕло́бы, кото́рый нечести́вѡ и҆зры́гнꙋлъ, а҆́ки бы гдⷭ҇ь прїѧ́лъ тѣ́ло без̾ дꙋшѝ и҆ ᲂу҆ма̀: си́мъ ѻ҆́бразомъ та́кожде вводѧ̀ помышле́нїе, а҆́ки бы спасе́нїе содѣ́лано длѧ на́съ несоверше́нное. Та́кожде и҆ при ѳеодо́сїи, сы́нѣ а҆рка́дїа, царѣ̀ на́шемъ, собра́вшимисѧ въ пе́рвый ра́зъ во гра́дѣ є҆фе́сѣ, двꙋмѧ̀ ста́ми бг҃оно́сныхъ ѻ҆тє́цъ и҆зложе́нное ᲂу҆че́нїе, ꙗ҆́кѡ несокрꙋши́мꙋю благоче́стїѧ держа́вꙋ, согла́сїемъ запечатлѣва́емъ, є҆ди́наго хрⷭ҇та̀ сн҃а бж҃їѧ и҆ воплоти́вшагосѧ проповѣ́дꙋѧ, и҆ безсѣ́меннѡ роди́вшꙋю є҆го̀, непоро́чнꙋю приснодѣ́вꙋ и҆сповѣ́дꙋѧ со́бственнѡ и҆ и҆́стиннѡ бг҃оро́дицею: а҆ безꙋ́мное раздѣле́нїе несто́рїа, ꙗ҆́кѡ ѿ жре́бїѧ бж҃їѧ ѿлꙋче́нное, ѿверга́емъ, и҆́бо ѻ҆́нъ ᲂу҆́читъ, что̀ є҆ди́нъ хрⷭ҇то́съ є҆́сть ѿдѣ́льнѡ человѣ́къ, и҆ ѿдѣ́льнѡ бг҃ъ, и҆ воз̾ѡбновлѧ́етъ і҆ꙋде́йское нече́стїе. Правосла́внѡ ᲂу҆твержда́емъ та́кожде и҆ въ ѻ҆́бластномъ гра́дѣ халкидо́нѣ, при маркїа́нѣ царѣ̀ на́шемъ, ше́сть сѡ́тъ три́десѧтїю бг҃оизбра́нными ѻ҆тца́ми начерта́нное вѣроисповѣ́данїе, кото́рое конца́мъ землѝ велегла́снѡ возвѣсти́ло є҆ди́наго хрⷭ҇та̀ сн҃а бж҃їѧ, состоѧ́щаго и҆з̾ двꙋ́хъ є҆сте́ствъ, и҆ въ си́хъ са́мыхъ двꙋ́хъ є҆стества́хъ сла́вимаго: а҆ сꙋемꙋ́драго є҆ѵтѵ́хїа, кото́рый говори́лъ, что̀ вели́кое та́инство спаси́тельнагѡ домострои́тельства соверши́лось при́зракомъ, ꙗ҆́кѡ нѣ́что чꙋдо́вищное, и҆ ꙗ҆́кѡ зара́зꙋ, и҆з̾ свѧще́нныхъ ѡ҆гра́дъ цр҃кви и҆зве́ргло, съ ни́мъ же и҆ несто́рїа и҆ дїоско́ра, и҆з̾ ко́ихъ є҆ди́нъ бы́лъ защи́тникомъ и҆ побо́рникомъ раздѣле́нїѧ, а҆ дрꙋгі́й смѣше́нїѧ, и҆ кото́рые ѿ противополо́жныхъ стра́нъ нече́стїѧ низри́нꙋлисѧ въ є҆ди́нꙋю пꙋчи́нꙋ поги́бели и҆ безбо́жїѧ. Е҆ще́ же и҆ ста̀ шести́десѧти пѧтѝ бг҃оно́сныхъ ѻ҆тє́цъ, собра́вшихсѧ въ се́мъ ца́рствꙋющемъ гра́дѣ, при і҆ꙋстїнїа́нѣ, блаже́нныѧ па́мѧти царѣ̀ на́шемъ, благочести́вые глаго́лы, ꙗ҆́кѡ ѿ дх҃а произнесе́нные, вѣ́даемъ, и҆ ѻ҆́нымъ пото́мкѡвъ на́шихъ наꙋча́емъ. Ѻ҆нѝ ѳео́дѡра моѱꙋе́стскаго, несто́рїева ᲂу҆чи́телѧ, и҆ ѻ҆рїге́на, и҆ дїдѵ́ма, и҆ є҆ѵа́грїа, возѡбнови́вшихъ є҆́ллинскїѧ ба̑сни, и҆ прехождє́нїѧ и҆ превращє́нїѧ нѣ́которыхъ тѣ́лъ и҆ дꙋ́шъ па́ки на́мъ предста́вившихъ на позо́ръ, въ со́нныхъ мечта́нїѧхъ блꙋжда́ющагѡ ᲂу҆ма̀, и҆ проти́вꙋ воскресе́нїѧ ме́ртвыхъ нечести́вѡ и҆ нездравомы́сленнѡ возстава́вшихъ, та́кожде напи́санное ѳеодѡри́томъ проти́вꙋ пра́выѧ вѣ́ры и҆ проти́вꙋ двана́десѧти гла́въ блаже́ннагѡ кѷрі́лла, и҆, та́къ называ́емое, письмо̀ і҆́вы, собо́рнѡ пре́дали проклѧ́тїю и҆ ѿри́нꙋли. И҆ неда́внѡ при царѣ̀ на́шемъ, блаже́нныѧ па́мѧти кѡнстанті́нѣ, въ се́мъ ца́рствꙋющемъ гра́дѣ соше́дшагѡсѧ шеста́гѡ собо́ра вѣроисповѣ́данїе, кото́рое вѧ́щшꙋю крѣ́пость прїѧ́ло, когда̀ благочести́вый і҆мпера́торъ постановлє́нїѧ ѻ҆́нагѡ собо́ра свое́ю печа́тїю, ра́ди достовѣ́рности, на всѣ̀ вѣ́ки ᲂу҆тверди́лъ, вно́вь ѡ҆бѧзꙋ́емсѧ храни́ти ненарꙋши́мѡ. Ѻ҆но̀ бг҃олюби́вѡ и҆з̾ѧсни́ло, ꙗ҆́кѡ должны̀ мы̀ и҆сповѣ́дывати два̀ є҆сте́ственныѧ хотѣ́нїѧ, и҆лѝ двѣ̀ вѡ́ли, и҆ два̀ є҆сте́ственныѧ дѣ́йства въ воплоти́вшемсѧ, ра́ди на́шегѡ спасе́нїѧ, є҆ди́номъ гдⷭ҇ѣ на́шемъ і҆и҃сѣ хрⷭ҇тѣ̀, и҆́стинномъ бг҃ѣ: а҆ тѣ́хъ, кото́рые пра́вый догма́тъ и҆́стины и҆зврати́ли, и҆ є҆ди́нꙋ во́лю и҆ є҆ди́но дѣ́йство, въ є҆ди́номъ гдⷭ҇ѣ бг҃ѣ на́шемъ і҆и҃сѣ хрⷭ҇тѣ̀, лю́дѧмъ проповѣ́дывали, сꙋдо́мъ бл҃гоче́стїѧ ѡ҆бвини́ло, ꙗ҆́кѡ ѳео́дѡра [є҆пі́скопа] фара́нскаго, кѵ́ра а҆леѯандрі́йскаго, ѡ҆но́рїа ри́мскаго, се́ргїа, пѵ́рра, па́ѵла, петра̀, бы́вшихъ въ се́мъ бг҃оспаса́емомъ гра́дѣ предстоѧ́телѧми, мака́рїа а҆нтїохі́йскаго є҆пі́скопа, ᲂу҆ченика̀ є҆гѡ̀ стефа́на, и҆ безꙋ́мнаго полѷхро́нїа, си́мъ ѻ҆́бразомъ соблюда́ѧ неприкоснове́ннымъ ѻ҆́бщее тѣ́ло хрⷭ҇та̀ бг҃а на́шегѡ. Кра́ткѡ рещѝ, постановлѧ́емъ, да вѣ́ра всѣ́хъ въ цр҃кви бж҃їей просла́вившихсѧ мꙋже́й, кото́рые бы́ли свѣти́лами въ мі́рѣ, содержа̀ сло́во жи́зни, соблюда́етсѧ тве́рдою, и҆ да пребыва́етъ до сконча́нїѧ вѣ́ка непоколеби́мою, вкꙋ́пѣ съ бг҃опре́данными и҆́хъ писа́нїѧми и҆ догма́тами. Ѿмета́емъ и҆ а҆наѳема́тствꙋемъ всѣ́хъ, кото́рыхъ ѻ҆нѝ ѿмета́ли и҆ а҆наѳема́тствовали, ꙗ҆́кѡ врагѡ́въ и҆́стины, вотщѐ скрежета́вшихъ на бг҃а, и҆ ᲂу҆си́ливавшихсѧ непра́вдꙋ на высотꙋ̀ вознестѝ. А҆́ще же кто́ либо и҆з̾ всѣ́хъ не соде́ржитъ и҆ не прїе́млетъ вышерече́нныхъ догма́тѡвъ благоче́стїѧ, и҆ не та́кѡ мы́слитъ и҆ проповѣ́дꙋетъ, но покꙋша́етсѧ и҆дтѝ проти́вꙋ ѻ҆́ныхъ: то́тъ да бꙋ́детъ а҆на́ѳема, по ѡ҆предѣле́нїю, пре́жде постано́вленномꙋ предꙋпомѧнꙋ́тыми свѧты́ми и҆ блаже́нными ѻ҆тца́ми, и҆ ѿ сосло́вїѧ хрїстїа́нскагѡ, ꙗ҆́кѡ чꙋ́ждый, да бꙋ́детъ и҆зключе́нъ и҆ и҆зве́рженъ. И҆́бо мы̀ соѻбра́знѡ съ тѣ́мъ, что̀ ѡ҆предѣлено̀ пре́жде, соверше́ннѡ рѣши́ли, нижѐ прибавлѧ́ти что́ либо, нижѐ ᲂу҆бавлѧ́ти, и҆ не моглѝ нико́имъ ѻ҆́бразомъ.

Пра́вило в҃.
[edit]

Прекра́снымъ и҆ кра́йнѧгѡ тща́нїѧ досто́йнымъ призна́лъ се́й свѧты́й собо́ръ и҆ то̀, что́бы ѿны́нѣ, ко и҆сцѣле́нїю дꙋ́шъ и҆ ко ᲂу҆врачева́нїю страсте́й, тве́рды и҆ ненарꙋши́мы пребыва́ли прїѧ́тыѧ, и҆ ᲂу҆твержде́нныѧ бы́вшими пре́жде на́съ свѧты́ми и҆ блаже́нными ѻ҆тца́ми, а҆ та́кже и҆ на́мъ пре́данныѧ, и҆́менемъ свѧты́хъ и҆ сла́вныхъ а҆по́столѡвъ, ѻ҆́смьдесѧтъ пѧ́ть пра́вилъ. Поели́кꙋ же въ си́хъ пра́вилахъ повелѣно̀ на́мъ прїима́ти ѻ҆́ныхъ же свѧты́хъ а҆по́столѡвъ постановлє́нїѧ, чрез̾ кли́мента пре́данныѧ, въ котѡ́рыѧ нѣ́когда и҆номы́слѧщїе, ко вредꙋ̀ цр҃кви, привнеслѝ нѣ́что подло́жное и҆ чꙋ́ждое благоче́стїѧ, и҆ помрачи́вшее длѧ на́съ благолѣ́пнꙋю красотꙋ̀ бж҃е́ственнагѡ ᲂу҆че́нїѧ: то мы̀, ра́ди назида́нїѧ и҆ ѡ҆гражде́нїѧ хрїстїа́ннѣйшїѧ па́ствы, ѻ҆́ныѧ кли́ментовы постановлє́нїѧ благоразсмотри́тельнѡ ѿложи́ли, ѿню́дъ не допꙋска́ѧ порожде́нїй є҆реті́ческагѡ лжеслове́сїѧ, и҆ не вмѣ́шиваѧ и҆́хъ въ чи́стое и҆ соверше́нное а҆по́стольское ᲂу҆че́нїе. Согла́сїемъ на́шимъ запечатлѣва́емъ и҆ всѣ̀ прѡ́чїѧ свѧще́нныѧ пра́вила, и҆зложє́нныѧ ѿ свѧты́хъ и҆ блаже́нныхъ ѻ҆тє́цъ на́шихъ, то́ є҆сть, тре́хъ сѡ́тъ ѻ҆смьна́десѧти бг҃оно́сныхъ ѻ҆тє́цъ, собра́вшихсѧ въ нїке́и: та́кожде ѿ ѻ҆тє́цъ, собира́вшихсѧ во а҆гкѵ́рѣ, и҆ въ неокесарі́и, ра́внѡ и҆ въ га́нгрѣ: кромѣ̀ сегѡ̀, въ а҆нтїохі́и сѷрі́йской, и҆ въ лаодїкі́и фрѷгі́йской: є҆ще́ же ста̀ пѧти́десѧти ѻ҆тє́цъ, соше́дшихсѧ въ се́мъ бг҃охрани́момъ и҆ ца́рствꙋющемъ гра́дѣ: и҆ двꙋ́хъ сѡ́тъ ѻ҆тє́цъ, собра́вшихсѧ въ пе́рвый ра́зъ въ ѻ҆бластно́мъ гра́дѣ є҆фе́сѣ: и҆ шестѝ сѡ́тъ три́десѧти свѧты́хъ и҆ блаже́нныхъ ѻ҆тє́цъ, собра́вшихсѧ въ халкидо́нѣ: и҆ ѿ собра́вшихсѧ въ сарді́кѣ, и҆ въ карѳаге́нѣ: и҆ є҆щѐ собра́вшихсѧ па́ки въ се́мъ бг҃оспаса́емомъ и҆ ца́рствꙋющемъ гра́дѣ при некта́рїи, предстоѧ́телѣ сегѡ̀ ца́рствꙋющагѡ гра́да, и҆ при ѳео́фїлѣ, а҆леѯандрі́йскомъ а҆рхїепі́скопѣ: та́кожде пра́вила дїонѵ́сїа, а҆рхїепі́скопа вели́кагѡ гра́да а҆леѯандрі́и: петра̀, а҆леѯандрі́йскагѡ а҆рхїепі́скопа и҆ мꙋ́ченика: григо́рїа, є҆пі́скопа неокесарі́йскагѡ, чꙋдотво́рца: а҆ѳана́сїа, а҆рхїепі́скопа а҆леѯандрі́йскагѡ: васі́лїа, а҆рхїепі́скопа кесарі́и каппадокі́йскїѧ: григо́рїа, є҆пі́скопа нѵ́сскагѡ: григо́рїа бг҃осло́ва: а҆мфїло́хїа і҆коні́йскагѡ: пе́рвагѡ тїмоѳе́а, а҆рхїепі́скопа а҆леѯандрі́йскагѡ: ѳео́фїла, а҆рхїепі́скопа тогѡ́ же вели́кагѡ гра́да а҆леѯандрі́и: кѷрі́лла. а҆рхїепі́скопа а҆леѯандрі́йскагѡ: и҆ генна́дїа, патрїа́рха сегѡ̀ бг҃охрани́магѡ и҆ ца́рствꙋющагѡ гра́да: є҆ще́ же и҆ кѷпрїа́номъ, а҆рхїепі́скопомъ а҆фрїкі́йскїѧ страны̀, и҆ мꙋ́ченикомъ, и҆ собо́ромъ при не́мъ бы́вшимъ и҆зложе́нное пра́вило, кото́рое въ мѣста́хъ предꙋпомѧ́нꙋтыхъ предстоѧ́телей, и҆ то́кмѡ ᲂу҆ ни́хъ, по пре́данномꙋ и҆̀мъ ѻ҆бы́чаю, сохранѧ́емо бы́ло. Никомꙋ̀ да не бꙋ́детъ позво́лено вышеѡзна́ченныѧ пра́вила и҆змѣнѧ́ти, и҆лѝ ѿмѣнѧ́ти, и҆лѝ, кромѣ̀ предложе́нныхъ пра́вилъ, прїима́ти дрꙋгі́ѧ, съ подло́жными надписа́нїѧми соста́влєнныѧ нѣ́кїими людьмѝ. дерзнꙋ́вшими корче́мствовати и҆́стиною. А҆́ще же кто̀ ѡ҆бличе́нъ бꙋ́детъ, ꙗ҆́кѡ нѣ́кое пра́вило и҆з̾ вышерече́нныхъ покꙋси́лсѧ и҆змѣни́ти, и҆лѝ преврати́ти: таковы́й бꙋ́детъ пови́ненъ проти́въ тогѡ̀ пра́вила понестѝ є҆пїтїмїю̀, каковꙋ́ю ѻ҆но̀ ѡ҆предѣлѧ́етъ, и҆ чрез̾ ѻ҆́ное врачꙋ́емь бꙋ́детъ ѿ тогѡ̀, въ че́мъ преткнꙋ́лсѧ.

Пра́вило г҃.
[edit]

Поели́кꙋ благочести́вый и҆ хрⷭ҇толюби́вый ца́рь на́шъ предложи́лъ семꙋ̀ свѧто́мꙋ и҆ вселе́нскомꙋ собо́рꙋ, что́бы счислѧ́ющихсѧ въ кли́рѣ, и҆ дрꙋги̑мъ бж҃е́ствєннаѧ преподаю́щихъ, предста́вити чи́стыми и҆ непоро́чными слꙋжи́телѧми, и҆ досто́йными мы́сленныѧ же́ртвы вели́кагѡ бг҃а, кото́рый є҆́сть и҆ же́ртва и҆ а҆рхїере́й, и҆ ѡ҆чи́стити ѿ скве́рны, прильпнꙋ́вшїѧ къ ни́мъ ѿ незако́нныхъ бра́кѡвъ: и҆ ка́къ по семꙋ̀ предме́тꙋ принадлежа́щїе къ свѧтѣ́йшей ри́мской цр҃кви предлага́ли наблюда́ти стро́гое пра́вило, а҆ подвла́стные престо́лꙋ сегѡ̀ бг҃охрани́магѡ и҆ ца́рствꙋющагѡ гра́да, пра́вило человѣколю́бїѧ и҆ снисхожде́нїѧ: то мы̀, ѻ҆те́чески и҆ вмѣ́стѣ бг҃оꙋго́днѡ совокꙋпи́въ то̀ и҆ дрꙋго́е во є҆ди́но, да не ѡ҆ста́вимъ ни кро́тости сла́бою, ни стро́гости жесто́кою, ѻ҆со́беннѡ при таки́хъ ѡ҆бстоѧ́тельствахъ, когда̀ грѣхопаде́нїе, по невѣ́дѣнїю, простира́етсѧ на нема́лое число̀ люде́й, согла́снѡ ѡ҆предѣлѧ́емъ, что́бы свѧза́вшїесѧ вторы́мъ бра́комъ, и҆, да́же до пѧ́тагѡ на́десѧть днѧ̀ проте́кшагѡ мѣ́сѧца і҆аннꙋа́рїа, минꙋ́вшагѡ четве́ртагѡ і҆нді́кта, ше́сть ты́сѧчь сто̀ девѧно́сто девѧ́тагѡ го́да, ѡ҆става́вшїесѧ въ порабоще́нїи грѣхꙋ̀, и҆ не восхотѣ́вшїе и҆стрезви́тисѧ ѿ негѡ̀, подлежа́ли каноні́ческомꙋ и҆зверже́нїю и҆з̾ своегѡ̀ чи́на. Что́ же каса́етсѧ до тѣ́хъ, кото́рые, хотѧ̀ впа́ли въ таковы́й грѣ́хъ второбра́чїѧ, ѻ҆дна́кѡ пре́жде сегѡ̀ на́шегѡ ѡ҆предѣле́нїѧ поле́зное позна́ли, и҆ ѕло̀ ѿ себѧ̀ ѿсѣ́кли, и҆ несво́йственное и҆ незако́нное совокꙋпле́нїе дале́че ѿри́нꙋли, и҆лѝ ᲂу҆ кото́рыхъ же́ны втора́гѡ бра́ка ᲂу҆жѐ ᲂу҆́мерли, и҆ кото́рые прито́мъ воззрѣ́ли ко ѡ҆браще́нїю, вно́вь поꙋча́ѧсь цѣломꙋ́дрїю, и҆ ѿ пре́жнихъ свои́хъ беззако́нїй вско́рѣ ѿбѣ́гнꙋвъ, пресвѵ́теры ли то̀, и҆лѝ дїа́коны: ѡ҆ таковы́хъ разсꙋждено̀, да ᲂу҆де́ржатсѧ ѿ всѧ́кагѡ свѧще́ннагѡ слꙋже́нїѧ, и҆лѝ дѣ́йствованїѧ, пребыва́ѧ под̾ є҆пїтїмїе́ю нѣ́которое ѡ҆предѣле́нное вре́мѧ, а҆ че́стїю сѣда́лища и҆ стоѧ́нїѧ да по́льзꙋютсѧ, дово́льствꙋѧсь предсѣда́нїемъ, и҆ пла́чѧ пред̾ гдⷭ҇емъ, да прости́тъ и҆̀мъ грѣ́хъ невѣ́дѣнїѧ. И҆́бо несоѻбра́зно бы́ло бы благословлѧ́ти дрꙋга́го томꙋ̀, кто̀ до́лженъ врачева́ти своѝ со́бствєнныѧ ꙗ҆́звы. Сочета́вшихсѧ же съ є҆ди́ною жено́ю, а҆́ще поѧ́таѧ и҆́ми была̀ вдови́ца, подо́бнѡ и҆ тѣ́хъ, кото́рые, по рꙋкоположе́нїи, прїѡбщи́лись є҆ди́номꙋ бра́кꙋ, то́ є҆сть, пресвѵ́терѡвъ, дїа́конѡвъ и҆ ѵ҆подїа́конѡвъ, по ᲂу҆стране́нїи ѿ свѧщеннослꙋже́нїѧ на нѣ́кое кра́ткое вре́мѧ и҆ по є҆пїтїмїѝ, па́ки возстановлѧ́ти на сво́йствєнныѧ и҆̀мъ сте́пєни, съ возбране́нїемъ возводи́ти и҆̀хъ на и҆ны́й вы́сшїй сте́пень, и҆ прито́мъ, ꙗ҆́внѡ, по расторже́нїи непра́вильнагѡ сожи́тїѧ. Но сїѐ постанови́ли мы̀ длѧ тѣ́хъ, кото́рые, ка́къ ска́зано, до пѧтагѡна́десѧть днѧ̀ мѣ́сѧца і҆аннꙋа́рїа четве́ртагѡ і҆нді́кта, ѡ҆бличены̀ въ вышеѡзна́ченныхъ вина́хъ, и҆ то́кмѡ длѧ свѧще́нныхъ ли́цъ: ѿны́нѣ же ѡ҆предѣлѧ́емъ и҆ воз̾ѡбновлѧ́емъ пра́вило, кото́рое гласи́тъ: кто̀ по креще́нїи двꙋмѧ̀ бра́ками ѡ҆бѧ́занъ бы́лъ, и҆лѝ нало́жницꙋ и҆мѣ́лъ: то́тъ не мо́жетъ бы́ти є҆пі́скопомъ, ни пресвѵ́теромъ, ни дїа́кономъ, нижѐ воѡбщѐ въ спи́скѣ свѧще́ннагѡ чи́на. Та́кожде взѧ́вшїй въ сꙋпрꙋ́жество вдовꙋ̀, и҆лѝ ѿве́рженнꙋю ѿ сꙋпрꙋ́жества, и҆лѝ блꙋдни́цꙋ, и҆лѝ рабы́ню, и҆лѝ позо́рищнꙋю, не мо́жетъ бы́ти є҆пі́скопомъ, ни пресвѵ́теромъ, ни дїа́кономъ, нижѐ воѻбщѐ въ спи́скѣ свѧще́ннагѡ чи́на.

Пра́вило д҃.
[edit]

А҆́ще кто̀, є҆пі́скопъ, и҆лѝ пресвѵ́теръ, и҆лѝ дїа́конъ, и҆лѝ ѵ҆подїа́конъ, и҆лѝ чте́цъ, и҆лѝ пѣве́цъ, и҆лѝ придве́рникъ, съ жено́ю бг҃ꙋ посвѧще́нною совокꙋ́питсѧ: да бꙋ́детъ и҆зве́рженъ и҆з̾ своегѡ̀ чи́на, ꙗ҆́кѡ хрⷭ҇то́вꙋ невѣ́стꙋ порꙋга́вшїй: а҆́ще же мїрѧни́нъ, да бꙋ́детъ ѿлꙋче́нъ ѿ ѡ҆бще́нїѧ церко́внагѡ.

Пра́вило є҃.
[edit]

Никто̀ и҆з̾ свѧще́ннагѡ чи́на, кото́рый не и҆мѣ́етъ при себѣ̀ живꙋ́щихъ ли́цъ безподозри́тельныхъ, ѡ҆зна́ченныхъ въ пра́вилѣ, да не во́зметъ къ себѣ̀ же́нщины, и҆лѝ рабы́ни, сохранѧ́ѧ себѧ̀ чрез̾ сїѐ ѿ нарека́нїѧ. А҆́ще же кто̀ ѡ҆предѣле́нное на́ми престꙋ́питъ: да бꙋ́детъ и҆зве́рженъ. Сїе́ же са́мое да соблюда́ютъ и҆ скопцы̀, предохранѧ́ѧ себѧ̀ ѿ порица́нїѧ. А҆ престꙋпа́ющїе сїѐ, а҆́ще бꙋ́дꙋтъ и҆з̾ кли́ра, да бꙋ́дꙋтъ и҆зве́ржены, а҆́ще же мїрскі́е, да бꙋ́дꙋтъ ѿлꙋчены̀.

Пра́вило ѕ҃.
[edit]

Поне́же рече́но въ а҆по́стольскихъ пра́вилахъ, ꙗ҆́кѡ и҆з̾ производи́мыхъ въ кли́ръ безбра́чныхъ, то́кмѡ чтецы̀ и҆ пѣвцы̀ мо́гꙋтъ встꙋпа́ти въ бра́къ: то и҆ мы̀, соблюда́ѧ сїѐ, ѡ҆предѣлѧ́емъ: да ѿны́нѣ ни ѵ҆подїа́конъ, ни дїа́конъ, ни пресвѵ́теръ не и҆мѣ́етъ позволе́нїѧ, по соверше́нїи над̾ ни́ми рꙋкоположе́нїѧ, встꙋпа́ти въ бра́чное сожи́тельство: а҆́ще же де́рзнетъ сїѐ ᲂу҆чини́ти, да бꙋ́детъ и҆зве́рженъ. Но а҆́ще кто̀ и҆з̾ постꙋпа́ющихъ въ кли́ръ восхо́щетъ сочета́тисѧ съ жено́ю, по зако́нꙋ бра́ка: таковы́й да твори́тъ сїѐ пре́жде рꙋкоположе́нїѧ во ѵ҆подїа́кона, и҆лѝ въ дїа́кона, и҆лѝ во пресвѵ́тера.

Пра́вило з҃.
[edit]

Поели́кꙋ мы̀ ᲂу҆вѣ́дали, что̀ въ нѣ́которыхъ це́рквахъ дїа́коны и҆мѣ́ютъ церко́вныѧ до́лжнѡсти, и҆ посемꙋ̀ нѣ́которые и҆з̾ ни́хъ, попꙋсти́въ себѣ̀ де́рзость и҆ своево́лїе, предсѣдѧ́тъ пресвѵ́терамъ, тогѡ̀ ра́ди ѡ҆предѣлѧ́емъ: дїа́конꙋ, а҆́ще бы и҆мѣ́лъ и҆ досто́инство, то́ є҆сть, какꙋ́ю либо церко́внꙋю до́лжность, не занима́ти мѣ́ста вы́ше пресвѵ́тера: ра́звѣ когда̀, представлѧ́ѧ лицѐ своегѡ̀ патрїа́рха, и҆лѝ митрополі́та, прибꙋ́детъ во и҆ны́й гра́дъ длѧ нѣ́коегѡ дѣ́ла: и҆́бо тогда̀, ꙗ҆́кѡ занима́ющїй є҆гѡ̀ мѣ́сто, бꙋ́детъ почте́нъ. А҆́ще же кто̀ съ наси́лїемъ и҆ на́глостїю де́рзнетъ сїѐ твори́ти: таковы́й, бы́въ низведе́нъ ѿ своегѡ̀ сте́пени, да бꙋ́детъ послѣ́днїй и҆з̾ всѣ́хъ въ то́мъ чи́нѣ, къ кото́ромꙋ ѻ҆́нъ сопричислѧ́етсѧ въ свое́й це́ркви. Поне́же гдⷭ҇ь на́шъ не люби́ти предсѣда̑нїѧ ᲂу҆бѣжда́етъ въ ᲂу҆че́нїи, предложе́нномъ ᲂу҆ свѧта́гѡ є҆ѵангелі́ста лꙋкѝ, ѿ лица̀ самагѡ̀ гдⷭ҇а на́шегѡ и҆ бг҃а. И҆́бо ѻ҆́нъ къ зва́ннымъ глаго́лалъ таковꙋ́ю при́тчꙋ: є҆гда̀ зва́нъ бꙋ́деши ки́мъ на бра́къ, не сѧ́ди на пре́днемъ мѣ́стѣ, є҆да̀ кто̀ честнѣ́е тебѐ бꙋ́детъ зва́нныхъ: и҆ прише́дъ и҆́же тебѐ зва́вый и҆ ѻ҆́наго, рече́тъ тѝ, да́ждь семꙋ̀ мѣ́сто: и҆ тогда̀ на́чнеши со стꙋдо́мъ послѣ́днее мѣ́сто держа́ти. Но є҆гда̀ зва́нъ бꙋ́деши, сѧ́ди на послѣ́днемъ мѣ́стѣ, да є҆гда̀ прїи́детъ зва́вый, рече́тъ тѝ: дрꙋ́же, посѧ́ди вы́ше: тогда̀ бꙋ́детъ тѝ сла́ва пред̾ возлежа́щими съ тобо́ю. Ꙗ҆́кѡ всѧ́къ возносѧ́йсѧ, смири́тсѧ: и҆ смирѧ́ѧйсѧ, вознесе́тсѧ. Сїе́ же са́мое да соблюда́етсѧ и҆ въ про́чихъ степенѧ́хъ свѧще́ннагѡ чи́на: и҆́бо мы̀ вѣ́даемъ, что̀ достѡ́инства и҆лѝ до́лжнѡсти дꙋхо́вныѧ превосхо́днѣе должносте́й, ѿносѧ́щихсѧ къ мі́рꙋ.

Пра́вило и҃.
[edit]

Оу҆становле́нное свѧты́ми ѻ҆тца́ми на́шими, жела́ѧ и҆ мы̀ во все́мъ сохранѧ́ти, возѡбновлѧ́емъ та́кожде и҆ пра́вило, повелѣва́ющее бы́ти є҆жего́днѡ собо́рамъ є҆пі́скопѡвъ ка́ждыѧ ѻ҆́бласти та́мъ, гдѣ̀ є҆пі́скопъ митропо́лїи ᲂу҆смо́тритъ за лꙋ́чшее. По ка́къ, по причи́нѣ набѣ́гѡвъ ва́рварѡвъ, и҆ по и҆́нымъ слꙋча́йнымъ препѧ́тствїѧмъ, предстоѧ́тели церкве́й не и҆мѣ́ютъ возмо́жности составлѧ́ти собо́ры два́жды въ годꙋ̀, то разсꙋждено̀: длѧ могꙋ́щихъ, ка́къ вѣроѧ́тно, возника́ти церко́вныхъ дѣ́лъ, въ ка́ждой ѻ҆́бласти, всемѣ́рнѡ бы́ти собо́рꙋ вышерече́нныхъ є҆пі́скопѡвъ є҆ди́ножды въ лѣ́то, междꙋ̀ свѧты́мъ пра́здникомъ па́схи, и҆ междꙋ̀ и҆схо́домъ мѣ́сѧца ѻ҆ктѡ́врїа ка́ждагѡ лѣ́та, въ то́мъ мѣ́стѣ, кото́рое, ка́къ вы́ше рече́но, и҆збере́тъ є҆пі́скопъ митропо́лїи. А҆ є҆пі́скопамъ, кото́рые не прїи́дꙋтъ на собо́ръ, хотѧ̀ нахо́дѧтсѧ въ свои́хъ гра́дахъ, и҆ прито́мъ пребыва́ютъ въ здра́вїи, и҆ свобо́дны ѿ всѧ́кагѡ неѡбходи́магѡ и҆ неѿло́жнагѡ занѧ́тїѧ, братолю́бнѡ и҆з̾ѧви́ти преще́нїе.

Пра́вило ѳ҃.
[edit]

Никако́мꙋ кли́рїкꙋ не позволѧ́етсѧ содержа́ти корче́мницꙋ. И҆́бо а҆́ще не позво́лено таково́мꙋ входи́ти въ корче́мницꙋ, то кольмѝ па́че слꙋжи́ти въ ѻ҆́ной дрꙋги̑мъ, и҆ ᲂу҆пражнѧ́тисѧ въ то́мъ, что̀ є҆мꙋ̀ не прили́чно. А҆́ще же кто̀ что́ либо таково́е содѣ́лаетъ: и҆лѝ да преста́нетъ, и҆лѝ да бꙋ́детъ и҆зве́рженъ.

Пра́вило і҃.
[edit]

Е҆пі́скопъ, и҆лѝ пресвѵ́теръ, и҆лѝ дїа́конъ, взима́ющїй ли̑хвы, и҆лѝ та́къ и҆менꙋ́емыѧ сѡ́тыѧ, и҆лѝ да преста́нетъ, и҆лѝ да бꙋ́детъ и҆зве́рженъ.

Пра́вило а҃і.
[edit]

Никто̀ и҆з̾ принадлежа́щихъ къ свѧще́нномꙋ чи́нꙋ, и҆лѝ и҆з̾ мїрѧ́нъ, ѿню́дь не до́лженъ ꙗ҆́сти ѡ҆прѣ́сноки, дава́емые і҆ꙋде́ѧми, ни встꙋпа́ти въ содрꙋ́жество съ ни́ми, ни въ болѣ́знѧхъ призыва́ти и҆̀хъ, и҆ врачєвства̀ принима́ти ѿ ни́хъ, ни въ ба́нѧхъ кꙋ́пнѡ съ ни́ми мы́тисѧ. А҆́ще же кто̀ де́рзнетъ сїѐ твори́ти: то кли́рїкъ да бꙋ́детъ и҆зве́рженъ, а҆ мїрѧни́нъ да бꙋ́детъ ѿлꙋче́нъ.

Пра́вило в҃і.
[edit]

Дошло̀ до свѣ́дѣнїѧ на́шегѡ и҆ то̀, что̀ въ а҆́фрїкѣ, и҆ лївѵ́и, и҆ въ и҆ны́хъ мѣста́хъ нѣ́которые и҆з̾ та́мѡ сꙋ́щихъ бг҃олюбе́знѣйшихъ предстоѧ́телей, и҆ по соверши́вшемсѧ над̾ ни́ми рꙋкоположе́нїи, не ѡ҆ставлѧ́ютъ жи́ти кꙋ́пнѡ съ свои́ми сꙋпрꙋ́гами, полага́ѧ тѣ́мъ претыка́нїе и҆ собла́знъ дрꙋги̑мъ. И҆мѣ́ѧ ᲂу҆̀бо вели́кое тща́нїе, дабы̀ всѐ ᲂу҆строѧ́ти къ по́льзѣ порꙋче́нныхъ па́ствъ, призна́ли мы̀ за бла́го, да не бꙋ́детъ ѿны́нѣ ничегѡ̀ такова́гѡ. Сїе́ же глаго́лемъ не ко ѿложе́нїю, и҆лѝ превраще́нїю а҆по́стольскагѡ законоположе́нїѧ, но прилага́ѧ попе́ченїе ѡ҆ спасе́нїи и҆ ѡ҆ преꙋспѣ́ѧнїи люде́й на лꙋ́чшее, и҆ ѡ҆ то́мъ, да не допꙋ́стимъ како́гѡ либо нарека́нїѧ на свѧще́нное зва́нїе. И҆́бо глаго́летъ бж҃е́ственный а҆по́столъ: всѧ̑ во сла́вꙋ бж҃їю твори́те: безпреткнове́ни быва́йте і҆ꙋде́ємъ, и҆ є҆́ллинѡмъ, и҆ цр҃кви бж҃їей, ꙗ҆́коже и҆ а҆́зъ во все́мъ всѣ̑мъ ᲂу҆гожда́ю, не и҆скі́й своеѧ̀ по́льзы, но мно́гихъ, да спасꙋ́тсѧ. Подража́тели мнѣ̀ быва́йте, ꙗ҆́коже и҆ а҆́зъ хрⷭ҇тꙋ̀. А҆́ще же кто̀ ᲂу҆смо́тренъ бꙋ́детъ сїѐ творѧ́щїй, да бꙋ́детъ и҆зве́рженъ.

Пра́вило г҃і.
[edit]

Поне́же мы̀ ᲂу҆вѣ́дали, что̀ въ ри́мской це́ркви, въ ви́дѣ пра́вила, пре́дано, что́бы тѣ̀, кото́рые и҆мѣ́ютъ бы́ти ᲂу҆досто́ены рꙋкоположе́нїѧ во дїа́кона, и҆лѝ пресвѵ́тера, ѡ҆бѧ́зывались не соѡбща́тисѧ бо́лѣе со свои́ми жена́ми: то мы̀, послѣ́дꙋѧ дре́внемꙋ пра́вилꙋ а҆по́стольскагѡ благоꙋстро́йства и҆ порѧ́дка, соизволѧ́емъ, что́бы сожи́тїе свѧщеннослꙋжи́телей по зако́нꙋ и҆ впре́дь пребы́ло ненарꙋши́мымъ, ѿню́дь не расторга́ѧ сою́за и҆́хъ съ жена́ми, и҆ не лиша́ѧ и҆́хъ взаи́мнагѡ въ прили́чное вре́мѧ соедине́нїѧ. И҆ та́кѡ, а҆́ще кто̀ ꙗ҆́витсѧ досто́йнымъ рꙋкоположе́нїѧ въ ѵ҆подїа́кона, и҆лѝ во дїа́кона, и҆лѝ во пресвѵ́тера, таково́мꙋ ѿню́дь да не бꙋ́детъ препѧ́тствїемъ къ возведе́нїю на таковꙋ́ю сте́пень сожи́тїе съ зако́нною сꙋпрꙋ́гою: и҆ ѿ негѡ̀ во вре́мѧ поставле́нїѧ да не тре́бꙋетсѧ ѡ҆бѧза́тельства въ то́мъ, что̀ ѻ҆́нъ ᲂу҆де́ржитсѧ ѿ зако́ннагѡ соѡбще́нїѧ съ жено́ю свое́ю: дабы̀ мы̀ не бы́ли принꙋждены̀ си́мъ ѻ҆́бразомъ ѡ҆скорби́ть бг҃омъ ᲂу҆становле́нный, и҆ и҆́мъ въ є҆гѡ̀ прише́ствїи благослове́нный бра́къ. И҆́бо гла́съ є҆ѵа́нгелїа вопїе́тъ: ꙗ҆̀же бг҃ъ сочета̀, человѣ́къ да не разлꙋча́етъ. И҆ а҆по́столъ ᲂу҆́читъ: бра́къ че́стенъ, и҆ ло́же нескве́рно. та́кожде: привѧза́лсѧ є҆сѝ женѣ̀, не и҆щѝ разрѣше́нїѧ. Зна́емъ же, что̀ и҆ въ карѳаге́нѣ собра́вшїесѧ, и҆мѣ́ѧ попече́нїе ѡ҆ чистотѣ̀ жи́зни свѧщеннослꙋжи́телей, положи́ли, что́бы ѵ҆подїа́коны, прикаса́ющїесѧ свѧще́ннымъ та́инствамъ, и҆ дїа́коны, и҆ пресвѵ́теры, въ своѝ ᲂу҆ро́чныѧ времена̀, возде́рживалисѧ ѿ сожи́тельницъ свои́хъ. Таки́мъ ѻ҆́бразомъ, и҆ ѿ а҆по́столѡвъ пре́данное, и҆ ѿ са́мой дре́вности соблюда́емое, и҆ мы̀ подо́бнѡ да сохрани́мъ, зна́ѧ вре́мѧ всѧ́кой ве́щи, и҆ наипа́че поста̀ и҆ моли́твы. И҆́бо предстоѧ́щымъ ѻ҆лтарю̀, въ то̀ вре́мѧ, когда̀ пристꙋпа́ютъ къ свѧты́нѣ, подоба́етъ бы́ти возде́ржными во все́мъ, да возмо́гꙋтъ полꙋчи́ти ѿ бг҃а въ простотѣ̀ проси́мое. А҆́ще же кто̀, постꙋпа́ѧ вопрекѝ а҆по́стольскимъ пра́виламъ, де́рзнетъ кого́ либо и҆з̾ свѧще́нныхъ, то́ є҆сть, пресвѵ́терѡвъ, и҆лѝ дїа́конѡвъ, и҆лѝ ѵ҆подїа́конѡвъ, лиша́ти сою́за и҆ ѡ҆бще́нїѧ съ зако́нною жено́ю: да бꙋ́детъ и҆зве́рженъ. Подо́бнѡ а҆́ще кто̀, пресвѵ́теръ, и҆лѝ дїа́конъ, под̾ ви́домъ благоговѣ́нїѧ, и҆зго́нитъ женꙋ̀ свою̀: да бꙋ́детъ ѿлꙋче́нъ ѿ свѧщеннослꙋже́нїѧ, а҆ пребыва́ѧ непрекло́ннымъ, да бꙋ́детъ и҆зве́рженъ.

Пра́вило д҃і.
[edit]

Пра́вило свѧты́хъ и҆ бг҃оно́сныхъ ѻ҆тє́цъ на́шихъ да соблюда́етсѧ и҆ въ се́мъ: дабы̀ во пресвѵ́тера пре́жде три́десѧти лѣ́тъ не рꙋкополага́ти, а҆́ще бы человѣ́къ и҆ весьма̀ досто́инъ бы́лъ, но ѿлага́ти до ᲂу҆рече́нныхъ лѣ́тъ. И҆́бо гдⷭ҇ь і҆и҃съ хрⷭ҇то́съ въ тридесѧ́тое лѣ́то крести́лсѧ, и҆ на́чалъ ᲂу҆чи́ти. Подо́бнѡ и҆ дїа́конъ пре́жде два́десѧти пѧтѝ лѣ́тъ, и҆ дїаконі́сса пре́жде четы́редесѧти лѣ́тъ да не поставлѧ́етсѧ.

Пра́вило є҃і.
[edit]

Ѵ҆подїа́конъ да поставлѧ́етсѧ не пре́жде два́десѧти лѣ́тъ во́зраста. А҆́ще же кто̀, въ какꙋ́ю бы то̀ ни бы́ло свѧще́ннꙋю сте́пень, поста́вленъ бꙋ́детъ пре́жде ѡ҆предѣле́нныхъ лѣ́тъ: да бꙋ́детъ и҆зве́рженъ.

Пра́вило ѕ҃і.
[edit]

Поели́кꙋ въ кни́гѣ дѣѧ́нїй а҆по́стольскихъ пре́дано, ꙗ҆́кѡ се́дмь дїа́конѡвъ поста́влены ѿ а҆по́столѡвъ: ѻ҆тцы́ же неокесарі́йскагѡ собо́ра, въ постано́вленныхъ и҆́ми пра́вилахъ, ꙗ҆́снѡ разсꙋжда́ли, что̀ се́дмь дїа́конѡвъ должны̀ бы́ти по пра́вилꙋ, хотѧ́ бы то̀ бы́ло и҆ въ весьма̀ вели́комъ гра́дѣ, ᲂу҆достовѣрѧ́ѧ въ се́мъ кни́гою дѣѧ́нїй: тогѡ̀ ра́ди мы̀, сличи́въ мы́сль ѻ҆тцє́въ съ и҆зрече́нїемъ а҆по́столѡвъ, ѡ҆брѣлѝ, что̀ ᲂу҆ ни́хъ бы́ло сло́во не ѡ҆ мꙋжа́хъ слꙋжа́щихъ та́инствамъ, но ѡ҆ слꙋже́нїи въ потре́бностѧхъ трапе́зъ. И҆́бо въ кни́гѣ дѣѧ́нїй напи́сано та́кѡ: во дне́хъ ѻ҆́нѣхъ ᲂу҆мно́жившымсѧ ᲂу҆ченикѡ́мъ, бы́сть ропта́нїе є҆́ллинѡвъ ко є҆вре́ѡмъ, ꙗ҆́кѡ презира́еми быва́хꙋ во вседне́внѣмъ слꙋже́нїи вдови̑цы и҆́хъ. Призва́вше же двана́десѧть мно́жество ᲂу҆чени̑къ, рѣ́ша: не ᲂу҆го́дно є҆́сть на́мъ ѡ҆ста́вльшымъ сло́во бж҃їе, слꙋжи́ти трапе́замъ. Оу҆смотри́те ᲂу҆̀бо, бра́тїе, мꙋ́жи ѿ ва́съ свидѣ́тельствованы се́дмь, и҆спо́лнены дх҃а ст҃а и҆ премꙋ́дрости, и҆̀хже поста́вимъ над̾ слꙋ́жбою се́ю: мы́ же въ моли́твѣ и҆ слꙋже́нїи сло́ва пребꙋ́демъ. И҆ ᲂу҆го́дно бы́сть сло́во сїѐ пред̾ всѣ̑мъ наро́домъ: и҆ и҆збра́ша стефа́на, мꙋ́жа и҆спо́лнена вѣ́ры и҆ дх҃а ст҃а, и҆ фїлі́ппа и҆ про́хора, и҆ нїкано́ра, и҆ ті́мѡна, и҆ парме́на, и҆ нїкола́а, прише́льца а҆нтїохі́йскаго, и҆̀хже поста́виша пред̾ а҆по́столы. Сїѐ и҆з̾ѧснѧ́ѧ ᲂу҆чи́тель цр҃кви і҆ѡа́ннъ златоꙋ́стый, та́кѡ бесѣ́дꙋетъ: ᲂу҆дивле́нїѧ досто́йно, ка́кѡ не раздѣли́сѧ наро́дъ при и҆збра́нїи мꙋже́й, ка́кѡ не ѿри́нꙋты и҆́мъ а҆по́столы. Но до́лжно вѣ́дати, како́е досто́инство и҆мѣ́ли сїѝ мꙋ́жи, и҆ како́е прїѧ́ли рꙋкоположе́нїе: въ сте́пень ли дїа́конѡвъ; но ѻ҆́ныѧ не бы́ло въ цр҃квахъ: въ до́лжность ли пресвѵ́терѡвъ; но є҆щѐ не бы́ло никако́гѡ є҆пі́скопа, а҆ то́кмѡ бы́ли ѻ҆днѝ а҆по́столы. сегѡ̀ ра́ди дꙋ́маю, что̀ ни и҆́мѧ дїа́конѡвъ, ни пресвѵ́терѡвъ не бы́ло и҆звѣ́стно и҆ ᲂу҆потреби́тельно. На ѡ҆снова́нїи сегѡ̀ и҆ мы̀ проповѣ́дꙋемъ, ꙗ҆́кѡ вышерече́нные се́дмь дїа́конѡвъ не должны̀ прїе́млемы бы́ти за слꙋжи́телей та́инствамъ, по и҆зложе́нномꙋ ᲂу҆че́нїю, но сꙋ́ть тѣ̀, котѡ́рымъ порꙋчено̀ бы́ло домострои́тельство длѧ ѻ҆́бщей потре́бности тогда̀ со́бранныхъ: и҆ ѻ҆нѝ бы́ли длѧ на́съ въ се́мъ слꙋ́чаѣ ѻ҆бразце́мъ человѣколю́бїѧ и҆ попече́нїѧ ѡ҆ нꙋжда́ющихсѧ.

Пра́вило з҃і.
[edit]

Поне́же кли́рїки разли́чныхъ цр҃квей, ѡ҆ста́вивъ своѝ цр҃кви, въ ко́ихъ ѻ҆нѝ поста́влены, перешлѝ къ и҆ны́мъ є҆пі́скопамъ, и҆, без̾ во́ли своегѡ̀ є҆пі́скопа, ѡ҆предѣлены̀ въ чꙋжи́хъ цр҃квахъ, и҆ чрез̾ сїѐ ѻ҆нѝ ѡ҆ка́зываютсѧ непокори́выми: тогѡ̀ ра́ди ѡ҆предѣлѧ́емъ, дабы̀ ѿ мѣ́сѧца і҆аннꙋа́рїа минꙋ́вшагѡ четве́ртагѡ і҆нді́кта никто̀ и҆з̾ кли́рїкѡвъ, въ како́й бы сте́пени кто̀ ни бы́лъ, не и҆мѣ́лъ пра́ва, без̾ ᲂу҆вольни́тельной ѿ своегѡ̀ є҆пі́скопа гра́маты, ѡ҆предѣле́нъ бы́ти къ и҆но́й це́ркви. Не соблюда́ющїй сегѡ̀ ѿны́нѣ, но постыжда́ющїй собо́ю соверши́вшаго над̾ ни́мъ рꙋкоположе́нїе, да бꙋ́детъ и҆зве́рженъ и҆ са́мъ, и҆ непра́вильнѡ прїѧ́вшїй є҆го̀.

Пра́вило и҃і.
[edit]

Кли́рїкамъ, по причи́нѣ наше́ствїѧ ва́рварѡвъ, и҆лѝ по и҆но́мꙋ како́мꙋ ѡ҆бстоѧ́тельствꙋ, ѡ҆ста́вившымъ своѝ мѣста̀, повелѣва́емъ, когда̀ ѡ҆бстоѧ́тєльства, и҆лѝ ва́рварскїѧ нашє́ствїѧ, бы́вшыѧ причи́ною ᲂу҆дале́нїѧ и҆́хъ, прекратѧ́тсѧ, па́ки въ своѝ це́ркви возвраща́тисѧ, и҆ ѻ҆́ныхъ не ѡ҆ставлѧ́ти надо́лгѡ без̾ причи́ны. А҆́ще же кто̀ пребꙋ́детъ въ ѿсꙋ́тствїи, несогла́снѡ съ настоѧ́щимъ пра́виломъ: да бꙋ́детъ ѿлꙋче́нъ, доко́лѣ не возврати́тсѧ къ свое́й це́ркви. Томꙋ́ же са́момꙋ да подверга́етсѧ и҆ є҆пі́скопъ, є҆го̀ ᲂу҆де́рживающїй.

Пра́вило ѳ҃і.
[edit]

Предстоѧ́тели цр҃кве́й должны̀ по всѧ̀ днѝ, наипа́че же во днѝ воскре́сные, поꙋча́ти ве́сь кли́ръ и҆ наро́дъ словеса́мъ благоче́стїѧ, и҆збира́ѧ и҆з̾ бж҃е́ственнагѡ писа́нїѧ разꙋмѣ̑нїѧ и҆ разсꙋждє́нїѧ и҆́стины, и҆ не престꙋпа́ѧ положе́нныхъ ᲂу҆жѐ предѣ́лѡвъ и҆ преда̑нїѧ бг҃оно́сныхъ ѻ҆тє́цъ: и҆ а҆́ще бꙋ́детъ и҆зслѣ́дꙋемо сло́во писа́нїѧ, то не и҆́накѡ да и҆з̾ѧснѧ́ютъ ѻ҆́ное, ра́звѣ ка́къ и҆зложи́ли свѣти̑ла и҆ ᲂу҆чи́тели цр҃кви въ свои́хъ писа́нїѧхъ, и҆ си́ми бо́лѣе да ᲂу҆довлетворѧ́ютсѧ, не́жели поставле́нїемъ со́бственныхъ сло́въ, дабы̀, при недоста́ткѣ ᲂу҆мѣ́нїѧ въ се́мъ, не ᲂу҆клони́тисѧ ѿ подоба́ющагѡ. И҆́бо, чрез̾ ᲂу҆че́нїе вышерече́нныхъ ѻ҆тє́цъ, лю́ди, полꙋча́ѧ позна́нїе ѡ҆ до́бромъ и҆ досто́йномъ и҆збра́нїѧ, и҆ ѡ҆ неполе́зномъ и҆ досто́йномъ ѿвраще́нїѧ, и҆справлѧ́ютъ жи́знь свою̀ на лꙋ́чшее, и҆ не стра́ждꙋтъ недꙋ́гомъ невѣ́дѣнїѧ, но, внима́ѧ ᲂу҆че́нїю, побꙋжда́ютъ себѧ̀ къ ᲂу҆дале́нїю ѿ ѕла̀, и҆, стра́хомъ ᲂу҆грожа́ющихъ наказа́нїй, содѣ́лываютъ своѐ спасе́нїе.

Пра́вило к҃.
[edit]

Да не бꙋ́детъ позво́лено є҆пі́скопꙋ во и҆но́мъ гра́дѣ, не принадлежа́щемъ є҆мꙋ̀, всенаро́днѡ ᲂу҆чи́ти. А҆́ще же кто̀ ᲂу҆смо́тренъ бꙋ́детъ творѧ́щїй сїѐ: да преста́нетъ ѿ є҆пі́скопства, и҆ да соверша́етъ дѣла̀ пресвѵ́терства.

Пра́вило к҃а.
[edit]

Ѡ҆каза́вшїесѧ вино́вными въ престꙋпле́нїѧхъ, проти́вныхъ пра́виламъ, и҆ за сїѐ подве́ргнꙋтые соверше́нномꙋ и҆ всегда́шнемꙋ и҆зверже́нїю и҆з̾ своегѡ̀ чи́на, и҆ въ состоѧ́нїе мїрѧ́нъ и҆́згнанные, а҆́ще, приходѧ̀ доброво́льнѡ въ раска́ѧнїе, ѿверга́ютъ грѣ́хъ, за кото́рый лиши́лисѧ благода́ти, и҆ ѿ ѻ҆́нагѡ соверше́ннѡ ᲂу҆странѧ́ютъ себѧ̀: да стригꙋ́тсѧ по ѻ҆́бразꙋ кли́ра. А҆́ще же самопроизво́льнѡ не пожела́ютъ тогѡ̀: да растѧ́тъ власы̀ подо́бнѡ мїрѧ́намъ, ꙗ҆́кѡ предпоче́тшїе ѡ҆браще́нїе въ мі́рѣ жи́зни небе́сной.

Пра́вило к҃в.
[edit]

Во є҆пі́скопы, и҆лѝ въ какꙋ́ю бы то̀ ни бы́ло сте́пень кли́ра поставлѧ́емыхъ за де́ньги, а҆ не по и҆спыта́нїю и҆ и҆збра́нїю за ѻ҆́бразъ жи́зни, повелѣва́емъ и҆зверга́ти, та́кожде и҆ тѣ́хъ, ко́ими ѻ҆нѝ поста́влены.

Пра́вило к҃г.
[edit]

Никто̀ и҆з̾ є҆пі́скопѡвъ, и҆лѝ пресвѵ́терѡвъ, и҆лѝ дїа́конѡвъ, преподаѧ̀ пречи́стое прича́стїе, да не тре́бꙋетъ ѿ причаща́ющагѡсѧ за таково́е причаще́нїе де́негъ, и҆лѝ чегѡ̀ и҆на́гѡ. И҆́бо благода́ть не продае́ма: и҆ мы̀ не за де́ньги преподае́мъ ѡ҆свѧще́нїе дх҃а, но неꙋхищре́ннѡ до́лжно преподава́ть ѻ҆́ное достѡ́йнымъ сегѡ̀ да́ра. А҆́ще же кто̀ и҆з̾ чи́слѧщихсѧ въ кли́рѣ ᲂу҆смо́тренъ бꙋ́детъ тре́бꙋющимъ како́гѡ либо ро́да воздаѧ́нїѧ ѿ тогѡ̀, комꙋ̀ преподае́тъ пречи́стое прича́стїе: да бꙋ́детъ и҆зве́рженъ, ꙗ҆́кѡ ревни́тель сі́мѡнова заблꙋжде́нїѧ и҆ кова́рства.

Пра́вило к҃д.
[edit]

Никомꙋ̀ и҆з̾ чи́слѧщихсѧ въ свѧще́нномъ чи́нѣ, ни мона́хꙋ, не позволѧ́етсѧ ходи́ти на ко́нскїѧ риста́лища, и҆лѝ присꙋ́тствовати на позо́рищныхъ и҆́грахъ. И҆ а҆́ще кто̀ и҆з̾ кли́ра зва́нъ бꙋ́детъ на бра́къ: то при поѧвле́нїи и҆́гръ, слꙋжа́щихъ къ ѡ҆больще́нїю, да воста́нетъ, и҆ тотча́съ да ᲂу҆дали́тсѧ: и҆́бо та́къ повелѣва́етъ на́мъ ᲂу҆че́нїе ѻ҆тє́цъ на́шихъ. А҆́ще же кто̀ ѡ҆бличе́нъ бꙋ́детъ въ се́мъ: и҆лѝ да преста́нетъ, и҆лѝ да бꙋ́детъ и҆зве́рженъ.

Пра́вило к҃є.
[edit]

Вмѣ́стѣ со всѣ́ми про́чими воз̾ѡбновлѧ́емъ и҆ то пра́вило, кото́рое заповѣ́дꙋетъ, что́бы по ка́ждой це́ркви прихо́ды, сꙋ́щїе въ се́лахъ и҆лѝ предгра́дїѧхъ, неизмѣ́ннѡ ѡ҆става́лисѧ под̾ вла́стїю пра́вѧщихъ и҆́ми є҆пі́скопѡвъ, и҆ наипа́че, є҆́стьли сїѝ въ продолже́нїи три́десѧти лѣ́тъ безспо́рнѡ и҆мѣ́ли ѻ҆́ные въ свое́мъ вѣ́дѣнїи и҆ ᲂу҆правле́нїи. А҆́ще же не да́лѣе три́десѧти лѣ́тъ бы́лъ, и҆лѝ бꙋ́детъ ѡ҆ ни́хъ како́й спо́ръ: то позволи́тельнѡ почита́ющымъ себѧ̀ ѡ҆би́женными, нача́ти ѡ҆ то́мъ дѣ́ло пред̾ ѻ҆бластны́мъ собо́ромъ.

Пра́вило к҃ѕ.
[edit]

Пресвѵ́теръ, по невѣ́дѣнїю ѡ҆бѧза́вшїйсѧ непра́вильнымъ бра́комъ, пресвѵ́терскимъ сѣда́лищемъ пꙋ́сть по́льзꙋетсѧ, согла́снѡ съ тѣ́мъ, ка́къ законополо́жено на́мъ въ свѧще́нномъ пра́вилѣ, ѿ про́чихъ же дѣ́йствїй пресвѵ́терскихъ да ᲂу҆де́ржитсѧ: и҆́бо таково́мꙋ дово́льнѡ проще́нїѧ. Благословлѧ́ти же дрꙋга́го. долженствꙋ́ющемꙋ врачева́ти со́бствєнныѧ ꙗ҆́звы, не подоба́етъ. И҆́бо благослове́нїе є҆́сть преподаѧ́нїе ѡ҆свѧще́нїѧ: но кто̀ сегѡ̀ не и҆мѣ́етъ, по причи́нѣ грѣха̀ невѣ́дѣнїѧ, то́тъ ка́къ препода́стъ дрꙋго́мꙋ; Тогѡ̀ ра́ди да не благословлѧ́етъ ни всенаро́днѡ, ни ѻ҆со́бь, и҆ да не раздѣлѧ́етъ дрꙋги̑мъ тѣ́ла гдⷭ҇нѧ, нижѐ и҆но́е слꙋже́нїе да соверша́етъ, но дово́льствꙋѧсѧ свѧщеннослꙋжи́тельскимъ мѣ́стомъ, да про́ситъ со слеза́ми гдⷭ҇а ѿпꙋсти́ти є҆мꙋ̀ грѣ́хъ невѣ́дѣнїѧ. Само́ же по себѣ̀ ꙗ҆́вствꙋетъ, ꙗ҆́кѡ таковы́й непра́вильный бра́къ разрꙋ́шитсѧ, и҆ мꙋ́жъ ѿню́дь не бꙋ́детъ и҆мѣ́ти сожи́тельства съ то́ю, чрез̾ кото́рꙋю лиши́лсѧ свѧщеннодѣ́йствїѧ.

Пра́вило к҃з.
[edit]

Никто̀ и҆з̾ чи́слѧщихсѧ въ кли́рѣ да не ѡ҆дѣва́етсѧ въ неприли́чнꙋю ѻ҆де́ждꙋ, ни пребыва́ѧ во гра́дѣ, ни находѧ́сь въ пꙋтѝ: но всѧ́кїй и҆з̾ ни́хъ да ᲂу҆потреблѧ́етъ ѻ҆дє́жды, ᲂу҆жѐ ѡ҆предѣле́нныѧ длѧ состоѧ́щихъ въ кли́рѣ. А҆́ще же кто̀ ᲂу҆чини́тъ сїѐ: на є҆ди́нꙋ седми́цꙋ да бꙋ́детъ ѿлꙋче́нъ ѿ свѧщеннослꙋже́нїѧ.

Пра́вило к҃и.
[edit]

Поне́же ᲂу҆вѣ́дали мы̀, что̀ въ разли́чныхъ це́рквахъ, по нѣ́коемꙋ ᲂу҆си́лившемꙋсѧ ѻ҆бы́чаю, вїногра́дъ ко ѻ҆лтарю̀ прино́ситсѧ, и҆ свѧщеннослꙋжи́тели, соединѧ́ѧ ѻ҆́ный съ безкро́вною же́ртвою приноше́нїѧ, си́мъ ѻ҆́бразомъ ѻ҆боѧ̀ кꙋ́пнѡ раздѣлѧ́ютъ наро́дꙋ: тогѡ̀ ра́ди неѡбходи́мымъ признае́мъ, да никто̀ и҆з̾ свѧщеннослꙋжи́телей впре́дь сегѡ̀ не твори́тъ, но да преподаю́тъ наро́дꙋ є҆ди́но приноше́нїе, во ѡ҆животворе́нїе и҆ грѣхѡ́въ ѿпꙋще́нїе: приноше́нїе же вїногра́да свѧще́нники да прїе́млютъ, ꙗ҆́кѡ нача́тки, и҃, благословлѧ́ѧ ѻ҆́ный ѻ҆со́бѡ, да преподаю́тъ просѧ́щымъ, во благодаре́нїе подаѧ́телю плодѡ́въ, ко́ими, по ѡ҆предѣле́нїю бж҃їю, тѣла̀ на́ши возраща́ютсѧ и҆ пита́ютсѧ. А҆́ще же кто̀ и҆з̾ кли́ра ᲂу҆чини́тъ вопрекѝ заповѣ́данномꙋ, да бꙋ́детъ и҆зве́рженъ ѿ своегѡ̀ чи́на.

Пра́вило к҃ѳ.
[edit]

Пра́вило ѻ҆тє́цъ карѳаге́нскагѡ собо́ра повелѣва́етъ, дабы̀ свѧщеннодѣ́йствїе ѻ҆лтарѧ̀ соверша́емо бы́ло не и҆на́че, ра́звѣ людьмѝ неѧ́дшими, кромѣ̀ є҆ди́нагѡ въ годꙋ̀ днѧ̀, въ кото́рый ве́черѧ гдⷭ҇нѧ соверша́етсѧ. Свѧты́е ѻ҆тцы̀ ѻ҆́ные, мо́жетъ бы́ть, по нѣ́которымъ мѣ́стнымъ причи́намъ, поле́знымъ длѧ це́ркви, ᲂу҆чини́ли тако́е распорѧже́нїе. А҆ поне́же на́съ ничто̀ не побꙋжда́етъ ѡ҆ста́вити благоговѣ́йнꙋю стро́гость: то послѣ́дꙋѧ а҆по́стольскимъ и҆ ѻ҆те́ческимъ преда́нїѧмъ, ѡ҆предѣлѧ́емъ, ꙗ҆́кѡ не подоба́етъ въ четыредесѧ́тницꙋ, въ четверто́къ послѣ́днїѧ седми́цы, разрѣша́ти поще́нїе, и҆ тѣ́мъ всю̀ четыредесѧ́тницꙋ безче́ствовати.

Пра́вило л҃.
[edit]

Жела́ѧ всѧ̑ твори́ти къ созида́нїю це́ркви, разсꙋди́ли мы̀ и҆ въ и҆ноплеме́нническихъ це́рквахъ ѡ҆брѣта́ющихсѧ свѧще́нникѡвъ бл҃гоꙋстро́ити. Тогѡ̀ ра́ди, а҆́ще ѻ҆нѝ за до́лжное вмѣнѧ́ютъ да́лѣе постꙋпа́ти а҆по́стольскагѡ пра́вила, запреща́ющагѡ и҆згонѧ́ти женꙋ̀ свою̀, под̾ ви́домъ благоговѣ́нїѧ, и҆ бо́лѣе ᲂу҆становле́ннагѡ твори́ти мнѧ́тъ, и҆ сегѡ̀ ра́ди, по согла́сїю съ свои́ми сꙋпрꙋ́гами, ᲂу҆далѧ́ютсѧ ѿ соѡбще́нїѧ дрꙋ́гъ съ дрꙋ́гомъ: ѡ҆предѣлѧ́емъ, да не и҆мѣ́ютъ бо́лѣе сожи́тельства съ ѻ҆́ными, ни под̾ каки́мъ ви́домъ, дабы̀ си́мъ ѻ҆́бразомъ ꙗ҆ви́ли ѻ҆нѝ на́мъ соверше́нное доказа́тельство своегѡ̀ ѻ҆бѣ́та. Сїе́ же попꙋсти́ли и҆̀мъ не ра́ди чегѡ̀ и҆но́гѡ, ра́звѣ то́кмѡ ра́ди малодꙋ́шнагѡ по́мысла и҆́хъ, и҆ є҆щѐ чꙋ́ждыхъ и҆ неблагоꙋстро́енныхъ нра́вѡвъ.

Пра́вило л҃а.
[edit]

Ѡ҆предѣлѧ́емъ. что́бы свѧщеннослꙋжи́тели, свѧщеннодѣ́йствꙋющїе, и҆лѝ креща́ющїе въ моли́твенныхъ хра́минахъ, находѧ́щихсѧ внꙋтрѝ домѡ́въ, твори́ли сїѐ не и҆на́че, ка́къ по и҆зволе́нїю мѣ́стнагѡ є҆пі́скопа. Тогѡ̀ ра́ди, а҆́ще кото́рый кли́рїкъ не бꙋ́детъ соблюда́ти сегѡ̀ таковы́мъ ѻ҆́бразомъ, да бꙋ́детъ и҆зве́рженъ.

Пра́вило л҃в.
[edit]

До свѣ́дѣнїѧ на́шегѡ дошло̀, что̀ въ а҆рмѧ́нской странѣ̀ соверша́ющїе безкро́внꙋю же́ртвꙋ, прино́сѧтъ на свѧто́й трапе́зѣ є҆ди́но вїно̀, не растворѧ́ѧ ѻ҆́нагѡ водо́ю, приводѧ̀ въ своѐ ѡ҆правда́нїе ᲂу҆чи́телѧ цр҃кви і҆ѡа́нна златоꙋ́стаго, кото́рый въ толкова́нїи на є҆ѵа́нгелїе ѿ матѳе́а глаго́летъ сїѐ: чегѡ̀ ра́ди не во́дꙋ пи́лъ воскре́сшїй гдⷭ҇ь, но вїно̀; длѧ тогѡ̀, да съ ко́рнемъ и҆сто́ргнетъ и҆нꙋ́ю нечести́вꙋю є҆́ресь. И҆́бо ка́къ сꙋ́ть нѣ́кїе, ᲂу҆потреблѧ́ющїе въ та́инствѣ во́дꙋ: тогѡ̀ ра́ди ᲂу҆казꙋ́етъ, ꙗ҆́кѡ вїно̀ ᲂу҆потреби́лъ и҆ тогда̀, когда̀ та́инство преподава́лъ, и҆ по воскресе́нїи, когда̀ предлага́лъ простꙋ́ю трапе́зꙋ, без̾ та́инства, и҆, ᲂу҆казꙋ́ѧ на сїѐ, глаго́летъ: ѿ плода̀ ло́знагѡ, лоза́ же вїногра́днаѧ вїно̀, а҆ не во́дꙋ произво́дитъ. И҆з̾ сегѡ̀ выво́дѧтъ, ꙗ҆́кобы се́й ᲂу҆чи́тель ѿверга́етъ присоедине́нїе воды̀ во свѧто́мъ жертвоприноше́нїи. Тогѡ̀ ра́ди, дабы̀ таковы́е не бы́ли ѿны́нѣ ѡ҆держи́мы невѣ́дѣнїемъ, мы̀ ѿкрыва́емъ правосла́вное разꙋмѣ́нїе сегѡ̀ ѻ҆тца̀. Поне́же сꙋществова́ла дре́внѧѧ ѕла́ѧ є҆́ресь ѵ҆дропараста́тѡвъ, то́ є҆сть, водоприноси́телей, кото́рые въ свое́мъ жертвоприноше́нїи, вмѣ́стѡ вїна̀, ᲂу҆потреблѧ́ли є҆ди́нꙋю во́дꙋ: то се́й бг҃оно́сный мꙋ́жъ, ѡ҆проверга́ѧ беззако́нное ᲂу҆че́нїе таково́й є҆́реси, и҆ показꙋ́ѧ, что̀ ѻ҆нѝ и҆́дꙋтъ прѧ́мѡ проти́въ а҆по́стольскагѡ преда́нїѧ, ᲂу҆потреби́лъ вышеприведе́нныѧ слова̀. И҆́бо и҆ ѻ҆́нъ свое́й це́ркви, над̾ ко́ею ввѣ́рено бы́ло є҆мꙋ̀ па́стырское правле́нїе, пре́далъ, присоединѧ́ти къ вїнꙋ̀ во́дꙋ, когда̀ надлежи́тъ соверша́ти безкро́внꙋю же́ртвꙋ, ᲂу҆казꙋ́ѧ на соедине́нїе кро́ви и҆ воды̀, и҆з̾ пречи́стагѡ ребра̀ и҆скꙋпи́телѧ на́шегѡ и҆ спаси́телѧ хрⷭ҇та̀ бг҃а и҆сте́кшее, къ ѡ҆животворе́нїю всегѡ̀ мі́ра и҆ ко и҆скꙋпле́нїю ѿ грѣхѡ́въ. И҆ во всѣ́хъ це́рквахъ, гдѣ̀ сїѧ́ли дꙋхѡ́вныѧ свѣти̑ла, се́й бг҃опреда́нный чи́нъ сохранѧ́етсѧ. Поне́же и҆ і҆а́кѡвъ, хрⷭ҇та̀ бг҃а на́шегѡ по пло́ти бра́тъ, ко́емꙋ пе́рвомꙋ ввѣ́ренъ престо́лъ і҆ерꙋсали́мскїѧ це́ркви, и҆ васі́лїй кесарі́йскїѧ це́ркви а҆рхїепі́скопъ, ко́егѡ сла́ва протекла̀ по все́й вселе́нной, пи́сменнѡ преда́въ на́мъ таи́нственное свѧщеннодѣ́йствїе, положи́ли въ бж҃е́ственной лїтꙋргі́и, и҆з̾ воды̀ и҆ вїна̀ составлѧ́ти свѧтꙋ́ю ча́шꙋ. И҆ въ карѳаге́нѣ собра́вшїесѧ преподо́бные ѻ҆тцы̀, сїѝ то́чнѡ слова̀ и҆зреклѝ: да не прино́ситсѧ во свѧто́мъ та́инствѣ ничто̀ бо́лѣе, то́чїю тѣ́ло и҆ кро́вь гдⷭ҇нѧ, ꙗ҆́коже и҆ са́мъ гдⷭ҇ь пре́далъ, то́ є҆сть хлѣ́бъ и҆ вїно̀, водо́ю растворе́нное. А҆́ще же кто̀ є҆пі́скопъ, и҆лѝ пресвѵ́теръ, твори́тъ, не по пре́данномꙋ ѿ а҆по́столѡвъ чи́нꙋ, и҆ во́дꙋ съ вїно́мъ не соединѧ́ѧ, си́мъ ѻ҆́бразомъ прино́ситъ пречи́стꙋю же́ртвꙋ: да бꙋ́детъ и҆зве́рженъ, ꙗ҆́кѡ несоверше́ннѡ та́инство возвѣща́ющїй, и҆ пре́данное нововведе́нїемъ поврежда́ющїй.

Пра́вило л҃г.
[edit]

Поне́же мы̀ ᲂу҆вѣ́дали, что̀ въ а҆рмѧ́нской странѣ̀ прїе́млютсѧ въ кли́ръ то́кмѡ тѣ̀, ко́и сꙋ́ть и҆з̾ свѧще́нническагѡ ро́да, въ че́мъ і҆ꙋде́йскимъ ѻ҆бы́чаѧмъ послѣ́дꙋютъ та́кѡ твори́ти предпрїе́млющїе: нѣ́которые же и҆з̾ таковы́хъ и҆ не полꙋчи́въ церковнослꙋжи́тельскагѡ постриже́нїѧ, поставлѧ́ютсѧ свѧщеннопѣвца́ми и҆ чтеца́ми бж҃е́ственнагѡ хра́ма: то полага́емъ, да не бꙋ́детъ ѿны́нѣ позво́лено жела́ющымъ возвестѝ нѣ́которыхъ въ кли́ръ, впре́дь взира́ти на ро́дъ производи́магѡ: но и҆спы́тываѧ, досто́йны ли ѻ҆нѝ, по и҆зѡбраже́ннымъ въ свѧще́нныхъ пра́вилахъ ѡ҆предѣле́нїѧмъ, бы́ти сопричи́сленными къ кли́рꙋ, да произво́дѧтъ и҆̀хъ въ слꙋжи́телей це́ркви, хотѧ́ бы ѻ҆нѝ происходи́ли ѿ посвѧще́нныхъ пре́дкѡвъ, хотѧ́ бы нѣ́тъ. Та́кожде никомꙋ̀ да не бꙋ́детъ позво́лено съ а҆мвѡ́на возглаша́ти бж҃е́ственныѧ словеса̀ наро́дꙋ, по чи́нꙋ сопричте́нныхъ къ кли́рꙋ, ра́звѣ кто̀ бꙋ́детъ ᲂу҆досто́енъ посвѧще́нїѧ съ постриже́нїемъ, и҆ полꙋ́читъ благослове́нїе ѿ своегѡ̀ па́стырѧ согла́снѡ съ пра́вилами. А҆́ще же кто̀ ᲂу҆смо́тренъ бꙋ́детъ творѧ́щимъ вопрекѝ предпи́санномꙋ: да бꙋ́детъ ѿлꙋче́нъ.

Пра́вило л҃д.
[edit]

Поне́же свѧще́нное пра́вило ꙗ҆́снѡ возвѣща́етъ и҆ сїѐ, что̀ престꙋпле́нїе соꙋмышле́нїѧ, и҆лѝ составле́нїѧ ско́пища, и҆ внѣ́шними зако́нами соверше́ннѡ воспрещено̀: мно́гѡ же па́че надлежи́тъ воспрети́ти, да не быва́етъ сїѐ въ це́ркви бж҃їей: то и҆ мы̀ тщи́мсѧ соблюда́ти, да, а҆́ще нѣ́кїе кли́рїки, и҆лѝ мона́хи ᲂу҆смо́трены бꙋ́дꙋтъ встꙋпа́ющими въ соꙋмы́шлєнїѧ, и҆лѝ скѡ́пища, и҆лѝ стро́ющими ко́вы є҆пі́скопамъ, и҆лѝ сокли́рїкамъ, совсѣ́мъ да низверга́ютсѧ со своегѡ̀ сте́пени.

Пра́вило л҃є.
[edit]

Да не бꙋ́детъ позво́лено никомꙋ̀ и҆з̾ митрополі́тѡвъ, по сме́рти є҆пі́скопа, подвла́стнагѡ є҆гѡ̀ престо́лꙋ, ѿнима́ти, и҆лѝ присвоѧ́ти и҆мѣ́нїе є҆гѡ̀, и҆лѝ це́ркви є҆гѡ̀: но да состои́тъ ѻ҆но̀ под̾ ѡ҆хране́нїемъ кли́ра тоѧ̀ це́ркви, ко́еѧ предстоѧ́телемъ бы́лъ преста́вльшїйсѧ, да́же до произведе́нїѧ и҆на́гѡ є҆пі́скопа: ра́звѣ когда̀ не ѡ҆ста́нетсѧ кли́рїкѡвъ въ ѻ҆́ной це́ркви. Тогда̀ митрополі́тъ да соблюда́етъ ѻ҆́ное въ цѣ́лости, и҆ всѐ да преда́стъ є҆пі́скопꙋ, кото́рый поста́вленъ бꙋ́детъ.

Пра́вило л҃ѕ.
[edit]

Возѡбновлѧ́ѧ законоположе́нное сто̀ пѧти́десѧтїю свѧты́ми ѻ҆тца́ми, собра́вшимисѧ въ се́мъ бг҃охрани́момъ и҆ ца́рствꙋющемъ гра́дѣ, и҆ ше́сть сѡ́тъ три́десѧтїю, собра́вшимисѧ въ халкидо́нѣ, ѡ҆предѣлѧ́емъ, да и҆мѣ́етъ престо́лъ кѡнстантїнопо́льскїй ра́вныѧ преимꙋ́щєства съ престо́ломъ дре́внѧгѡ ри́ма, и҆, ꙗ҆́коже се́й, да возвели́чиваетсѧ въ дѣла́хъ церко́вныхъ, бꙋ́дꙋчи вторы́мъ по не́мъ: по́слѣ же ѻ҆́нагѡ да чи́слитсѧ престо́лъ вели́кагѡ гра́да а҆леѯандрі́и, пото́мъ престо́лъ а҆нтїохі́йскїй, а҆ за си́мъ престо́лъ гра́да і҆ерꙋсали́ма.

Пра́вило л҃з.
[edit]

Поне́же въ ра́зныѧ времена̀ бы́ли ва́рварскїѧ нашє́ствїѧ, и҆ ѿ тогѡ̀ мно́жайшїе гра́ды содѣ́лались порабоще́нными беззакѡ́ннымъ, и҆ по се́й причи́нѣ предстоѧ́телю такова́гѡ гра́да не возмо́жно бы́ло, по соверше́нїи над̾ ни́мъ рꙋкоположе́нїѧ, прїѧ́ти сво́й престо́лъ, ᲂу҆тверди́тисѧ на не́мъ въ состоѧ́нїи свѧщеннонача́льственномъ, и҆ та́кѡ по пре́данномꙋ ѻ҆бы́чаю, рꙋкоположє́нїѧ и҆ всѐ, что̀ є҆пі́скопꙋ сво́йственно, производи́ти и҆ соверша́ти: тогѡ̀ ра́ди мы̀, соблюда́ѧ свѧще́нствꙋ че́сть и҆ ᲂу҆важе́нїе, и҆ жела́ѧ, что́бы порабоще́нїе ѿ ꙗ҆зы́чникѡвъ ѿню́дь не дѣ́йствовало ко вредꙋ̀ церко́вныхъ пра̑въ, постанови́ли, да та́кѡ рꙋкоположе́нные и҆, по вышеизло́женной причи́нѣ, на своѝ престо́лы не встꙋпи́вшїе, не подлежа́тъ за сїѐ предѡсꙋжде́нїю: почемꙋ̀ и҆ рꙋкоположє́нїѧ въ ра́зные сте́пени кли́ра, по пра́виламъ, да соверша́ютъ, и҆ преимꙋ́ществомъ предсѣда́нїѧ, соѻбра́знѡ своемꙋ̀ предѣ́лꙋ, да по́льзꙋютсѧ, и҆ всѧ́кое происходѧ́щее ѿ ни́хъ нача́льственное дѣ́йствїе да бꙋ́детъ признава́емо тве́рдымъ и҆ зако́ннымъ. И҆́бо нꙋ́ждою вре́мени и҆ препѧ́тствїѧми въ соблюде́нїи то́чности не должны̀ стѣснѧ́емы бы́ти предѣ́лы ᲂу҆правле́нїѧ.

Пра́вило л҃и.
[edit]

Ѻ҆тца́ми на́шими положе́нное сохранѧ́емъ и҆ мы̀ пра́вило, гласѧ́щее та́кѡ: а҆́ще ца́рскою вла́стїю вно́вь ᲂу҆стро́енъ, и҆лѝ впре́дь ᲂу҆стро́енъ бꙋ́детъ гра́дъ: то гражда́нскимъ и҆ зе́мскимъ распредѣле́нїѧмъ да слѣ́дꙋетъ и҆ распредѣле́нїе церко́вныхъ дѣ́лъ.

Пра́вило л҃ѳ.
[edit]

Поне́же бра́тъ и҆ сослꙋжи́тель на́шъ і҆ѡа́ннъ, предстоѧ́тель ѻ҆́строва кѵ́пра, кꙋ́пнѡ съ свои́мъ наро́домъ, по причи́нѣ ва́рварскихъ наше́ствїй, и҆ дабы̀ ѡ҆свободи́тисѧ ѿ ꙗ҆зы́ческагѡ ра́бства, и҆ вѣ́рнѡ поко́рствовати скѵ́петрꙋ хрїстїа́ннѣйшїѧ держа́вы, и҆з̾ ᲂу҆помѧнꙋ́тагѡ ѻ҆́строва пресели́лсѧ въ геллеспо́нтскꙋю ѻ҆́бласть, промышле́нїемъ чл҃вѣколюби́вагѡ бг҃а, и҆ тща́нїемъ хрⷭ҇толюби́вагѡ и҆ благочести́вагѡ царѧ̀ на́шегѡ: то мы̀ постановлѧ́емъ, да бꙋ́дꙋтъ сохранены̀ неизмѣ́нными преимꙋ́щєства, да́нныѧ престо́лꙋ вы́ше наимено́ваннагѡ мꙋ́жа, ѿ бг҃оно́сныхъ ѻ҆тє́цъ, во є҆фе́сѣ нѣ́когда собра́вшихсѧ, да и҆мѣ́етъ но́вый і҆ꙋстїнїано́поль права̀ кѡнстантїнопо́лѧ. и҆ ᲂу҆чрежда́емый въ ѻ҆́номъ бг҃олюбе́знѣйшїй є҆пі́скопъ да нача́льствꙋетъ над̾ всѣ́ми є҆пі́скопами геллеспо́нтскїѧ ѻ҆́бласти, и҆ да бꙋ́детъ постановлѧ́емь ѿ свои́хъ є҆пі́скопѡвъ, по дре́внемꙋ ѻ҆бы́чаю. И҆́бо и҆ бг҃оно́сные ѻ҆тцы̀ на́ши разсꙋди́ли, да бꙋ́дꙋтъ соблюда́емы ѻ҆бы́чаи ка́ждыѧ це́ркви, и҆ є҆пі́скопъ гра́да кѷзі́ческагѡ подчинѧ́етсѧ предстоѧ́телю рече́ннагѡ і҆ꙋстїнїано́полѧ, по примѣ́рꙋ всѣ́хъ про́чихъ є҆пі́скопѡвъ, подвла́стныхъ вышерече́нномꙋ бг҃олюбе́знѣйшемꙋ предстоѧ́телю і҆ѡа́ннꙋ: ѿ кото́рагѡ, когда̀ потре́бно бꙋ́детъ, и҆ самагѡ̀ кѵ́зїка гра́да є҆пі́скопъ да поставлѧ́етсѧ.

Пра́вило м҃.
[edit]

Поне́же прилѣплѧ́тисѧ бг҃ꙋ, чрез̾ ᲂу҆дале́нїе ѿ молвы̀ жите́йскїѧ, весьма̀ спаси́тельно: то мы̀ должны̀ не без̾ и҆спыта́нїѧ безвре́меннѡ прїима́ти и҆збира́ющихъ житїѐ мона́шеское, но и҆ въ ѿноше́нїи къ ни́мъ соблюда́ти пре́данное на́мъ ѿ ѻ҆тє́цъ постановле́нїе: и҆ сегѡ̀ ра́ди до́лжно прїима́ти ѻ҆бѣ́тъ жи́зни по бз҃ѣ, ꙗ҆́кѡ ᲂу҆жѐ тве́рдый и҆ происходѧ́щїй ѿ вѣ́дѣнїѧ и҆ разсꙋжде́нїѧ, по́слѣ по́лнагѡ раскры́тїѧ ра́зꙋма. И҆ та́кѡ намѣрева́ющїйсѧ встꙋпи́ти под̾ и҆́го мона́шества да бꙋ́детъ не ме́нѣе, ка́къ десѧтилѣ́тнїй: но и҆ длѧ такова́гѡ во вла́сти нача́льствꙋющагѡ состои́тъ разсмотре́нїе, не признае́тъ ли ѻ҆́нъ за поле́знѣйшее продолжи́ти є҆мꙋ̀ вре́мѧ пред̾ введе́нїемъ въ жи́знь мона́шескꙋю и҆ ᲂу҆твержде́нїемъ въ ѻ҆́ной. И҆́бо хотѧ̀ вели́кїй васі́лїй въ свѧще́нныхъ є҆гѡ̀ пра́вилахъ законополага́етъ, что́бы доброво́льнѡ посвѧща́ющꙋю себѧ̀ бг҃ꙋ и҆ и҆збира́ющꙋю дѣ́вство, по и҆сполне́нїи є҆́й седмина́десѧти лѣ́тъ, сопричислѧ́ти къ чи́нꙋ дѣ́въ: ѻ҆дна́кѡ мы̀, послѣ́дꙋѧ примѣ́рꙋ пра̑вилъ ѡ҆ вдови́цахъ и҆ дїаконі́ссахъ, по соѿвѣ́тствїю ѡ҆предѣли́ли, длѧ и҆збра́вшихъ житїѐ мона́шеское, вышерече́нное число̀ лѣ́тъ. И҆́бо ᲂу҆ бж҃е́ственнагѡ а҆по́стола предпи́сано, шести́десѧти лѣ́тъ вдови́цꙋ и҆збира́ти въ це́ркви: а҆ свѧще́нныѧ пра́вила пре́дали дїаконі́ссꙋ поставлѧ́ти четы́редесѧти лѣ́тъ: поне́же ᲂу҆смо́трено, ꙗ҆́кѡ це́рковь, благода́тїю бж҃їею, прїѧ́ла бо́льшꙋю крѣ́пость и҆ преспѣ́ѧнїе, и҆ вѣ́рные въ соблюде́нїи бж҃е́ственныхъ за́повѣдей тве́рды и҆ благонаде́жны. Сїѐ и҆ мы̀ соверше́ннѡ ᲂу҆разꙋмѣ́въ, соѻбра́знѡ съ си́мъ ѡ҆предѣли́ли: намѣрева́ющагосѧ нача́ти по́двиги по бз҃ѣ, ско́рѡ зна́менати благослове́нїемъ благода́ти, ꙗ҆́кѡ нѣ́коею печа́тїю, си́мъ са́мымъ споспѣшествꙋ́ѧ є҆мꙋ̀ не коснѣ́ти до́лгѡ, нижѐ колеба́тисѧ, па́че же и҆ поѡщрѧ́ѧ є҆го̀ къ и҆збра́нїю добра̀ и҆ ко ᲂу҆твержде́нїю въ ѻ҆́номъ.

Пра́вило м҃а.
[edit]

Жела́ющїе во града́хъ, и҆лѝ селе́нїѧхъ ᲂу҆далѧ́тисѧ въ затво́ры, и҆ себѣ̀ въ ᲂу҆едине́нїи внима́ти, должны̀ пе́рвѣе входи́ти въ монасты́рь, прїѡбꙋча́тисѧ къ житїю̀ ѿше́льническомꙋ, повинова́тисѧ въ тече́нїи тре́хъ лѣ́тъ нача́льникꙋ ѻ҆би́тели въ стра́хѣ бж҃їемъ, и҆ во все́мъ, ꙗ҆́коже подоба́етъ, послꙋша́нїе и҆сполнѧ́ти, и҆ та́кѡ и҆з̾ѧвлѧ́ти своѐ произволе́нїе на таковꙋ́ю жи́знь, и҆ и҆спы́тыватисѧ ѿ мѣ́стнагѡ настоѧ́телѧ, ѿ всегѡ́ ли се́рдца доброво́льнѡ прилѣплѧ́ютсѧ къ ѻ҆́ной. Посе́мъ и҆ є҆щѐ въ продолже́нїи го́да должны̀ терпѣли́вѡ пребы́ти внѣ̀ затво́ра, дабы̀ па́че намѣ́ренїе и҆́хъ ѿкры́лось. И҆́бо тогда̀ ѻ҆нѝ подадꙋ́тъ соверше́нное ᲂу҆достовѣре́нїе въ то́мъ, ꙗ҆́кѡ не ра́ди и҆ска́нїѧ тще́тныѧ сла́вы, но ра́ди са́магѡ и҆́стиннагѡ бла́га, стремѧ́тсѧ къ семꙋ̀ безмо́лвїю. По и҆сполне́нїи же толи́кагѡ вре́мене, а҆́ще пребꙋ́дꙋтъ въ то́мъ же намѣ́ренїи, да встꙋпа́ютъ въ затво́рничество: но и҆̀мъ ᲂу҆жѐ не позволѧ́етсѧ и҆сходи́ти, по произволе́нїю, и҆з̾ такова́гѡ пребыва́нїѧ: ра́звѣ когда̀ сегѡ̀ потре́бꙋетъ ѻ҆бще́ственное слꙋже́нїе, и҆лѝ по́льза, и҆лѝ и҆на́ѧ нꙋ́жда, претѧ́щаѧ да́же сме́ртїю, и҆ то̀ съ благослове́нїемъ мѣ́стнагѡ є҆пі́скопа. Дерза́ющихъ же, без̾ рече́нныхъ причи́нъ, и҆сходи́ти и҆з̾ свои́хъ ѡ҆бита́нїй, во пе́рвыхъ, заключа́ти въ ᲂу҆помѧнꙋ́томъ затво́рѣ и҆ проти́вꙋ жела́нїѧ и҆́хъ: пото́мъ поста́ми и҆ и҆ны́ми стро́гостѧми и҆̀хъ и҆справлѧ́ти: поне́же вѣ́даемъ, ꙗ҆́кѡ по рече́нномꙋ въ писа́нїи, никто́же возло́жь рꙋ́кꙋ свою̀ на ра́ло и҆ ѡ҆бра́щсѧ вспѧ́ть, ᲂу҆пра́вленъ є҆́сть въ ца́рствїе небе́сное.

Пра́вило м҃в.
[edit]

Ѡ҆ и҆менꙋ́емыхъ пꙋсты́нникахъ, кото́рые, въ че́рныхъ ѻ҆де́ждахъ и҆ съ ѿраще́нными власа́ми, ѡ҆бхо́дѧтъ гра́ды, ѡ҆браща́ѧсѧ посредѝ мїрски́хъ мꙋже́й и҆ же́нъ, и҆ безсла́вѧтъ ѻ҆бѣ́тъ сво́й, ѡ҆предѣлѧ́емъ: а҆́ще восхотѧ́тъ, постри́гши власы̀, прїѧ́ти ѻ҆́бразъ про́чихъ мона́шествꙋющихъ, то ѡ҆предѣлѧ́ти и҆̀хъ въ монасты́рь, и҆ причислѧ́ти къ бра́тїѧмъ. А҆́ще же не пожела́ютъ сегѡ̀, то совсѣ́мъ и҆згонѧ́ти и҆̀хъ и҆з̾ градѡ́въ, и҆ жи́ти и҆̀мъ въ пꙋсты́нѧхъ, ѿ ко́ихъ и҆ и҆менова́нїе себѣ̀ соста́вили.

Пра́вило м҃г.
[edit]

Позволи́тельно хрїстїани́нꙋ и҆збра́ти подви́жническое житїѐ, и҆, по ѡ҆ставле́нїи многомѧте́жной бꙋ́ри жите́йскихъ дѣ́лъ, встꙋпи́ти въ монасты́рь, и҆ пострищи́сѧ по ѻ҆́бразꙋ мона́шескомꙋ, а҆́ще бы и҆ ѡ҆бличе́нъ бы́лъ въ како́мъ либо грѣхопаде́нїи. И҆́бо спаси́тель на́шъ бг҃ъ ре́къ: грѧдꙋ́щаго ко мнѣ̀ не и҆зженꙋ̀ во́нъ. Поне́же ᲂу҆́бѡ мона́шеское житїѐ и҆зѡбража́етъ на́мъ жи́знь покаѧ́нїѧ: то̀ и҆́скреннѡ прилѣплѧ́ющагосѧ къ ѻ҆́номꙋ ѡ҆добрѧ́емъ, и҆ никако́й пре́жнїй ѻ҆́бразъ жи́зни не воспрепѧ́тствꙋетъ є҆мꙋ̀ и҆спо́лнити своѐ намѣ́ренїе.

Пра́вило м҃д.
[edit]

Мона́хъ, ѡ҆бличе́нный въ любодѣѧ́нїи, и҆лѝ пое́млющїй женꙋ̀ въ ѻ҆бще́нїе бра́ка и҆ сожи́тїе, да подлежи́тъ по пра́виламъ є҆пїтїмїѝ блꙋдодѣ́йствꙋющихъ.

Пра́вило м҃є.
[edit]

Поне́же мы̀ ᲂу҆вѣ́дали, ꙗ҆́кѡ, въ нѣ́кїихъ же́нскихъ монастырѧ́хъ, приводѧ́щїе и҆мѣ́ющихъ сподо́битисѧ ѻ҆́нагѡ свѧще́ннагѡ ѻ҆́браза, пе́рвѣе ѡ҆блека́ютъ и҆̀хъ ше́лковыми разноцвѣ́тными ѻ҆де́ждами, є҆ще́ же и҆ ᲂу҆краше́нїѧми, и҆спещре́нными зла́томъ и҆ драгоцѣ́нными ка́мнѧми, и҆ съ пристꙋпа́ющихъ таки́мъ ѻ҆́бразомъ ко ѻ҆лтарю̀, снима́ютъ сто́ль великолѣ́пное ѡ҆дѣѧ́нїе, и҆ въ то́тъ же ча́съ над̾ ни́ми соверша́етсѧ благослове́нїе ѻ҆́браза мона́шескагѡ, и҆ и҆̀хъ ѡ҆блека́ютъ въ че́рное ѡ҆дѣѧ́нїе: тогѡ̀ ра́ди ѡ҆предѣлѧ́емъ, да ѿны́нѣ сегѡ̀ ѿню́дь не быва́етъ. И҆́бо не благоприли́чно, что́бы, по со́бственномꙋ произволе́нїю, ѿложи́вшаѧ ᲂу҆жѐ всѧ́кꙋю прїѧ́тность жите́йскꙋю, возлюби́вшаѧ жи́знь по бз҃ѣ, ᲂу҆тверди́вшаѧсѧ въ ѻ҆́ной непрекло́нными мы́слѧми, и҆ та́кѡ къ монастырю̀ пристꙋпи́вшаѧ, чрез̾ таково́е тлѣ́нное и҆ и҆счеза́ющее ᲂу҆краше́нїе возврати́ласѧ къ воспомина́нїю ѡ҆ то́мъ, что̀ ᲂу҆жѐ предала̀ забве́нїю, и҆ ѿ сегѡ̀ ꙗ҆ви́лась бы коле́блющеюсѧ, и҆ возмꙋти́ласѧ въ дꙋшѣ̀, по подо́бїю во́лнъ потоплѧ́ющихъ, и҆ тꙋда̀ и҆ сюда̀ враща́ющихъ, та́къ что̀, и҆ногда̀ и҆ пролива́ѧ сле́зы, не ꙗ҆влѧ́етъ ѻ҆на̀ тѣ́мъ серде́чнагѡ сокрꙋше́нїѧ: но а҆́ще, ꙗ҆́коже сво́йственно є҆́сть, и҆ ᲂу҆паде́тъ ма́лаѧ нѣ́каѧ слеза̀, то и҆ сїѧ̀ ви́дѧщымъ возмни́тсѧ происходѧ́щею не толи́кѡ ѿ ᲂу҆се́рдїѧ къ по́двигꙋ мона́шескомꙋ, коли́кѡ ѿ разлꙋче́нїѧ съ мі́ромъ, и҆ съ тѣ́мъ, что̀ въ мі́рѣ.

Пра́вило м҃ѕ.
[edit]

И҆збра́вшыѧ подви́жническое житїѐ, и҆ ѡ҆предѣлє́нныѧ въ монастырѝ, ѿню́дь да не и҆схо́дѧтъ. А҆́ще же неизбѣ́жнаѧ нѣ́каѧ нꙋ́жда побꙋди́тъ и҆̀хъ къ семꙋ̀, да дѣ́лаютъ сїѐ по благослове́нїю и҆ соизволе́нїю настоѧ́тельницы: но и҆ тогда̀ и҆сходи́ти должны̀ не ѻ҆днѣ̀ са́ми по себѣ̀, а҆ съ нѣ́которыми ста́рицами, и҆ съ пе́рвенствꙋющими въ монастырѣ̀, по повелѣ́нїю и҆гꙋ́менїи. Ѡ҆бнощева́ти же внѣ̀ монастырѧ̀ совсѣ́мъ не позволѧ́етсѧ и҆̀мъ. Та́кождѣ и҆ мꙋ́жи, проходѧ́щїе житїѐ мона́шеское, да и҆схо́дѧтъ когда̀ настои́тъ нꙋ́жда, по благослове́нїю тогѡ̀, комꙋ̀ ввѣ́рено нача́льство. Посемꙋ̀ тѣ̀, ко́и престꙋпа́ютъ сїѐ на́ми ны́нѣ постано́вленное ѡ҆предѣле́нїе, мꙋ́жи и҆лѝ жє́ны, да подве́ргнꙋтсѧ прили́чнымъ є҆пїтїмїѧ́мъ.

Пра́вило м҃з.
[edit]

Ни жена̀ въ мꙋ́жескомъ монастырѣ̀, ни мꙋ́жъ въ же́нскомъ да не спи́тъ. И҆́бо вѣ́рные должны̀ бы́ти чꙋ́жды всѧ́кагѡ преткнове́нїѧ и҆ собла́зна, и҆ благоꙋчрежда́ти жи́знь свою̀ соѻбра́знѡ съ благоприли́чїемъ и҆ благопристꙋпа́нїемъ ко гдⷭ҇ꙋ. А҆́ще же кто̀ сїѐ ᲂу҆чини́тъ, кли́рїкъ ли, и҆лѝ мїрѧни́нъ: да бꙋ́детъ ѿлꙋче́нъ.

Пра́вило м҃и.
[edit]

Жена̀ производи́магѡ въ є҆пⷭ҇кпское досто́инство, предвари́тельнѡ разлꙋча́сѧ съ мꙋ́жемъ свои́мъ, по ѻ҆́бщемꙋ согла́сїю, по рꙋкоположе́нїи є҆гѡ̀ въ є҆пі́скопа, да встꙋ́питъ въ монасты́рь, дале́кѡ ѿ ѡ҆бита́нїѧ сегѡ̀ є҆пі́скопа со́зданный, и҆ да по́льзꙋетсѧ содержа́нїемъ ѿ є҆пі́скопа. А҆́ще же досто́йна ꙗ҆ви́тсѧ: да возведе́тсѧ и҆ въ досто́инство дїаконі́ссы.

Пра́вило м҃ѳ.
[edit]

Воз̾ѡбновлѧ́ѧ и҆ сїѐ свѧще́нное пра́вило, ѡ҆предѣлѧ́емъ, дабы̀ є҆ди́ножды ѡ҆свѧще́нные, по и҆зволе́нїю є҆пі́скопа, монастырѝ пребыва́ли навсегда̀ монастырѧ́ми, и҆ принадлежа́щее ѻ҆́нымъ и҆мѣ́нїе соблюда́лосѧ монастырю̀, и҆ дабы̀ ѻ҆́ные ᲂу҆жѐ не моглѝ бы́ти мїрски́ми ѡ҆бита́лищами, и҆ никѣ́мъ не моглѝ бы́ти пре́даны мїрски́мъ человѣ́камъ. А҆́ще же доны́нѣ сїѐ и҆ слꙋча́лосѧ съ нѣ́кїими и҆з̾ ѻ҆́ныхъ, то ѡ҆предѣлѧ́емъ, да ѿню́дь не бꙋ́дꙋтъ ᲂу҆де́рживаемы: дерза́ющїе же ѿ настоѧ́щагѡ вре́мени твори́ти сїѐ, да подлежа́тъ є҆пїтїмїѝ по пра́виламъ.

Пра́вило н҃.
[edit]

Никто̀ и҆з̾ мїрѧ́нъ и҆ кли́рїкѡвъ впре́дь да не предае́тсѧ предѡсꙋди́тельной и҆грѣ̀. А҆́ще же кто̀ ᲂу҆смо́тренъ бꙋ́детъ творѧ́щимъ сїѐ: то кли́рїкъ да бꙋ́детъ и҆зве́рженъ и҆з̾ кли́ра, а҆ мїрѧни́нъ да бꙋ́детъ ѿлꙋче́нъ ѿ ѻ҆бще́нїѧ церко́внагѡ.

Пра́вило н҃а.
[edit]

Свѧты́й вселе́нскїй собо́ръ се́й соверше́ннѡ возбранѧ́етъ бы́ти смѣхотво́рцамъ, и҆ и҆́хъ зрѣ́лищамъ, та́кожде и҆ зрѣ́лища ѕвѣри̑ныѧ твори́ти и҆ плѧса̑нїѧ на позо́рищи. А҆́ще же кто̀ настоѧ́щее пра́вило презри́тъ, и҆ преда́стсѧ кото́ромꙋ либо и҆з̾ си́хъ возбране́нныхъ ᲂу҆веселе́нїй: то кли́рїкъ да бꙋ́детъ и҆зве́рженъ и҆з̾ кли́ра, а҆ мїрѧни́нъ да бꙋ́детъ ѿлꙋче́нъ ѿ ѻ҆бще́нїѧ церко́внагѡ.

Пра́вило н҃в.
[edit]

Во всѣ̀ днѝ поста̀ свѧты́ѧ четыредесѧ́тницы, кромѣ̀ сꙋббѡ́ты и҆ недѣ́ли и҆ свѧта́гѡ днѧ̀ благовѣ́щенїѧ, свѧта́ѧ лїтꙋргі́ѧ да быва́етъ не и҆на́ѧ, ка́къ преждеѡсвѧще́нныхъ дарѡ́въ.

Пра́вило н҃г.
[edit]

Поне́же сродство̀ по дх҃ꙋ є҆́сть важнѣ́е сою́за по тѣ́лꙋ, а҆ мы̀ ᲂу҆вѣ́дали, что̀ въ нѣ́кїихъ мѣста́хъ, нѣ́которые воспрїе́млющїе дѣте́й ѿ свѧта́гѡ и҆ спаси́тельнагѡ креще́нїѧ, по́слѣ сегѡ̀ встꙋпа́ютъ въ бра́чное сожи́тельство съ ма́терѧми и҆́хъ, вдо́вствꙋющими: то ѡ҆предѣлѧ́емъ, дабы̀ ѿ настоѧ́щагѡ вре́мени ничто̀ таково́е не бы́ло твори́мо. А҆́ще же кото́рые, по настоѧ́щемъ пра́вилѣ, ᲂу҆смо́трены бꙋ́дꙋтъ творѧ́щими сїѐ: таковы́е, во пе́рвыхъ, да ѿстꙋ́пѧтъ ѿ сегѡ̀ незако́ннагѡ сꙋпрꙋ́жества, пото́мъ да бꙋ́дꙋтъ подве́ргнꙋты є҆пїтїмїѝ любодѣ́йствꙋющихъ.

Пра́вило н҃д.
[edit]

Бж҃е́ственное писа́нїе ꙗ҆́снѡ наꙋча́етъ на́съ: да не пристꙋ́пиши ко всѧ́комꙋ бли́жнемꙋ пло́ти своеѧ̀ ѿкры́ти срамоты̀ є҆гѡ̀. Бг҃оно́сный васі́лїй, въ пра́вилахъ свои́хъ, нѣ́которые и҆з̾ запреще́нныхъ бра́кѡвъ, и҆счи́слилъ, а҆ весьма̀ мно́гїе преше́лъ молча́нїемъ, и҆ чрез̾ то̀ и҆ дрꙋго́е ᲂу҆стро́илъ на́мъ поле́зное. И҆́бо, и҆збѣга́ѧ мно́жества посты́дныхъ и҆менова́нїй, дабы̀ таковы́ми назва́нїѧми не ѡ҆скверни́ти сло́ва, ѻ҆́нъ ѡ҆зна́чилъ нечистоты̑ ѻ҆́бщими наименова́нїѧми, чрез̾ ко́и показа́лъ на́мъ беззако́нные бра́ки въ ѻ҆́бщемъ ви́дѣ. Но поне́же, чрез̾ таково́е и҆ неразличи́тельное запреще́нїе беззако́нныхъ бра́кѡвъ, є҆стество̀ само̀ себѧ̀ смѣ́шивало: то мы̀ призна́ли нꙋ́жнымъ ѿкры́тѣе и҆зложи́ти сїѐ, и҆ ѡ҆предѣлѧ́емъ ѿны́нѣ: а҆́ще кто̀ совокꙋплѧ́етсѧ въ ѻ҆бще́нїе бра́ка со свое́ю двою́родною сестро́ю, и҆лѝ а҆́ще ѻ҆те́цъ и҆ сы́нъ съ ма́терїю и҆ дще́рїю, и҆лѝ съ двѣма̀ дѣ́вами сестра́ми ѻ҆те́цъ и҆ сы́нъ, и҆лѝ съ двꙋмѧ̀ бра́тїѧми ма́терь и҆ дще́рь, и҆лѝ два̀ бра́та съ двꙋмѧ̀ сестра́ми: да подверга́ютсѧ пра́вилꙋ седмилѣ́тней є҆пїтїмїѝ, ꙗ҆́внѡ по разлꙋче́нїи и҆́хъ ѿ беззако́ннагѡ сꙋпрꙋ́жества.

Пра́вило н҃є.
[edit]

Поели́кꙋ мы̀ ᲂу҆вѣ́дали, ꙗ҆́кѡ ѡ҆бита́ющїе во гра́дѣ ри́мѣ, во свѧтꙋ́ю четыредесѧ́тницꙋ, въ сꙋббѡ́тꙋ є҆ѧ̀ постѧ́тсѧ, вопрекѝ пре́данномꙋ церко́вномꙋ послѣ́дованїю: то свѧто́мꙋ собо́рꙋ ᲂу҆го́дно, да и҆ въ ри́мской це́ркви ненарꙋши́мѡ соблюда́етсѧ пра́вило, глаго́лющее: а҆́ще кто̀ и҆з̾ кли́ра ᲂу҆смо́тренъ бꙋ́детъ во свѧты́й де́нь гдⷭ҇ень, и҆лѝ въ сꙋббѡ́тꙋ постѧ́щимсѧ, кромѣ̀ є҆ди́ныѧ то́кмѡ: да бꙋ́детъ и҆зве́рженъ, а҆́ще же мїрѧни́нъ, да бꙋ́детъ ѿлꙋче́нъ.

Пра́вило н҃ѕ.
[edit]

Оу҆вѣ́дали мы̀ та́кожде, ꙗ҆́кѡ въ а҆рме́нской странѣ̀, и҆ въ и҆ны́хъ мѣста́хъ, въ сꙋббѡ́ты и҆ въ воскре́сные днѝ свѧты́ѧ четыредесѧ̑тницы, ꙗ҆дѧ́тъ нѣ́которые сы́ръ и҆ ꙗ҆́ица. Тогѡ̀ ра́ди за бла́го при́знано и҆ сїѐ, да цр҃ковь бж҃їѧ, по все́й вселе́нной слѣ́дꙋѧ є҆ди́номꙋ чи́нꙋ, соверша́етъ по́стъ, и҆ возде́рживаетсѧ, ꙗ҆́коже ѿ всѧ́кагѡ закала́емагѡ, та́кожде ѿ ꙗ҆и́цъ и҆ сы́ра, котѡ́рыѧ сꙋ́ть пло́дъ и҆ произведе́нїе тогѡ̀, ѿ чегѡ̀ возде́рживаемсѧ. А҆́ще же сегѡ̀ не бꙋ́дꙋтъ соблюда́ти: то кли́рїки да бꙋ́дꙋтъ и҆зве́ржены, а҆ мїрѧ́не да бꙋ́дꙋтъ ѿлꙋчены̀.

Пра́вило н҃з.
[edit]

Не подоба́етъ приноси́ти ко ѻ҆лтарю̀ ме́дъ и҆ млеко̀.

Пра́вило н҃и.
[edit]

Никто̀ и҆з̾ состоѧ́щихъ въ разрѧ́дѣ мїрѧ́нъ да не преподае́тъ себѣ̀ бж҃е́ствєнныѧ та̑йны, когда̀ є҆́сть є҆пі́скопъ, и҆лѝ пресвѵ́теръ, и҆лѝ дїа́конъ. Дерза́ющїй же на что́ либо таково́е, ка́къ постꙋпа́ющїй проти́вꙋ чиноположе́нїѧ, на є҆ди́нꙋ недѣ́лю да бꙋ́детъ ѿлꙋче́нъ ѿ ѻ҆бще́нїѧ церко́внагѡ, вразꙋмлѧ́ѧсѧ тѣ́мъ, немꙋ́дрствовати па́че, є҆́же подоба́етъ мꙋ́дрствовати.

Пра́вило н҃ѳ.
[edit]

Креще́нїе да не соверша́етсѧ въ моли́твенницѣ, внꙋтрѝ до́ма ѡ҆брѣта́ющейсѧ: но хотѧ́щїе ᲂу҆досто́итисѧ пречи́стагѡ просвѣще́нїѧ, къ каѳолі́ческимъ це́рквамъ да прихо́дѧтъ, и҆ та́мѡ сегѡ̀ да́ра да сподоблѧ́ютсѧ. А҆́ще же кто̀ ѡ҆бличе́нъ бꙋ́детъ не хранѧ́щимъ постано́вленнагѡ на́ми: то кли́рїкъ да бꙋ́детъ и҆зве́рженъ, а҆ мїрѧни́нъ да бꙋ́детъ ѿлꙋче́нъ.Стро́гость сегѡ̀ пра́вила, въ слꙋ́чаѧхъ неѡбходи́мыхъ и҆ несомни́тельныхъ, ѡ҆блегча́ть дана̀ вла́сть є҆пі́скопꙋ, л҃а пра́виломъ сегѡ́ же собо́ра.

Пра́вило ѯ҃.
[edit]

Поели́кꙋ а҆по́столъ вопїе́тъ, ꙗ҆́кѡ прилѣплѧ́ѧйсѧ гдⷭ҇еви, є҆ди́нъ дꙋ́хъ є҆́сть съ гдⷭ҇емъ: то ꙗ҆́вно є҆́сть, ꙗ҆́кѡ и҆ проти́вникꙋ себѐ ᲂу҆своѧ́ющїй быва́етъ є҆ди́но съ ни́мъ, по ѻ҆бще́нїю. Посемꙋ̀ разсꙋждено̀: лицемѣ́рнѡ бѣснꙋ́ющихсѧ, и҆ таковы́й ѻ҆́бразъ дѣ́йствїй, по ѕло́сти нра́вѡвъ, притво́рнѡ на себѧ̀ прїе́млющихъ, нака́зывати всѧ́кимъ ѻ҆́бразомъ, и҆ подверга́ти и҆̀хъ таки́мъ же сꙋро́востѧмъ и҆ трꙋда́мъ, каковы̑мъ по́длиннѡ бѣснꙋ́емые, ра́ди ѡ҆свобожде́нїѧ ѿ де́монскагѡ дѣ́йствїѧ, пра́веднѡ подверга́ютсѧ.

Пра́вило ѯ҃а.
[edit]

Предаю́щїесѧ волше́бникамъ, и҆лѝ та́къ и҆менꙋ́ємымъ стонача́льникамъ, и҆лѝ дрꙋги̑мъ подѡ́бнымъ, дабы̀ ᲂу҆зна́ти ѿ ни́хъ, что̀ восхотѧ́тъ и҆̀мъ ѿкры́ти, согла́снѡ съ пре́жними ѻ҆те́ческими ѡ҆ ни́хъ постановле́нїѧми, да подлежа́тъ пра́вилꙋ шестилѣ́тнїѧ є҆пїтїмїѝ. То́й же є҆пїтїмїѝ надлежи́тъ подверга́ти и҆ тѣ́хъ, кото́рые во́дѧтъ медвѣ́дицъ, и҆лѝ и҆ны́хъ живо́тныхъ, на посмѣ́шище и҆ на вре́дъ простѣ́йшихъ, и҆, соединѧ́ѧ ѻ҆бма́нъ съ безꙋ́мїемъ, произно́сѧтъ гада̑нїѧ ѡ҆ ща́стїи, ѡ҆ сꙋдьбѣ̀, ѡ҆ родосло́вїи, и҆ мно́жество дрꙋги́хъ подо́бныхъ то́лкѡвъ: равнѡ̀ и҆ та́къ и҆менꙋ́емыхъ ѻ҆блакогони́телей, ѡ҆баѧ́телей, дѣ́лателей предохрани́тельныхъ талисма́нѡвъ, и҆ колдꙋнѡ́въ. Закоснѣва́ющихъ же въ се́мъ, и҆ не ѿвраща́ющихсѧ и҆ не ᲂу҆бѣга́ющихъ ѿ таковы́хъ па́гꙋбныхъ и҆ ꙗ҆зы́ческихъ вы́мыслѡвъ, ѡ҆предѣлѧ́емъ совсѣ́мъ и҆зверга́ти и҆з̾ це́ркви, ка́къ и҆ свѧщє́нныѧ пра́вила повелѣва́ютъ. И҆́бо, ко́е ѻ҆бще́нїе свѣ́тꙋ ко тмѣ̀, ꙗ҆́коже глаго́летъ а҆по́столъ; и҆лѝ ко́е сложе́нїе це́ркви бж҃їей со і҆́дѡлы; и҆лѝ ка́ѧ ча́сть вѣ́рномꙋ съ невѣ́рнымъ; ко́е же согла́сїе хрⷭ҇та̀ съ велїа́ромъ;

Пра́вило ѯ҃в.
[edit]

Та́къ называ́емые кале́нды, во́та, врꙋма́лїа, и҆ наро́дное сбо́рище въ пе́рвый де́нь мѣ́сѧца ма́рта, жела́емъ совсѣ́мъ и҆сто́ргнꙋти и҆з̾ житїѧ̀ вѣ́рныхъ. Та́кожде и҆ всенаро́дныѧ жє́нскїѧ плѧса̑нїѧ, вели́кїй вре́дъ и҆ па́гꙋбꙋ наноси́ти могꙋ́щыѧ, равнѡ̀ и҆ въ че́сть богѡ́въ, ло́жнѡ та́къ є҆́ллинами и҆менꙋ́емыхъ, мꙋ́жескимъ и҆лѝ же́нскимъ по́ломъ производи̑мыѧ плѧса̑нїѧ и҆ ѻ҆брѧ́ды, по нѣ́коемꙋ стари́нномꙋ и҆ чꙋ́ждомꙋ хрїстїа́нскагѡ житїѧ̀ ѻ҆бы́чаю соверша́емые, ѿверга́емъ, и҆ ѡ҆предѣлѧ́емъ: никако́мꙋ мꙋ́жꙋ не ѡ҆дѣва́тисѧ въ же́нскꙋю ѻ҆де́ждꙋ, ни женѣ̀ въ ѻ҆де́ждꙋ мꙋ́жꙋ сво́йственнꙋю: не носи́ти личи́нъ кѡмі́ческихъ, и҆лѝ сатѷрі́ческихъ, и҆лѝ трагі́ческихъ: при давле́нїи вїногра́да въ точи́лахъ, не возглаша́ти гнꙋ́снагѡ и҆́мени дїонѵ́са, и҆ при влива́нїи вїна̀ въ бо́чки не производи́ти смѣ́ха, и҆ по невѣ́жествꙋ, и҆лѝ въ ви́дѣ сꙋеты̀ не дѣ́лати тогѡ̀, что̀ принадлежи́тъ къ бѣсо́вской пре́лести. Посемꙋ̀ тѣ́хъ, кото́рые ѿны́нѣ, зна́ѧ сїѐ, дерзнꙋ́тъ дѣ́лати что́ либо и҆з̾ вышеска́заннагѡ, а҆́ще сꙋ́ть кли́рїки, повелѣва́емъ и҆зверга́ти и҆з̾ свѧще́ннагѡ чи́на, а҆́ще же мїрѧ́не, ѿлꙋча́ти ѿ ѻ҆бще́нїѧ церко́внагѡ.

Пра́вило ѯ҃г.
[edit]

Пѡ́вѣсти ѡ҆ мꙋ́ченикахъ, врага́ми и҆́стины лжи́вѡ соста́влєнныѧ, дабы̀ ѡ҆безсла́вити хрⷭ҇то́выхъ мꙋ́ченикѡвъ, и҆ слы́шащихъ привестѝ къ невѣ́рїю, повелѣва́емъ, не ѡ҆бнаро́довати въ це́рквахъ, но предава́ти ѻ҆́ныѧ ѻ҆гню̀. Прїе́млющихъ же ѻ҆́ныѧ, и҆лѝ внима́ющихъ ѻ҆́нымъ ка́къ бꙋ́дто и҆́стиннымъ, а҆наѳема́тствꙋемъ.

Пра́вило ѯ҃д.
[edit]

Не подоба́етъ мїрѧни́нꙋ пред̾ наро́домъ произноси́ти сло́во, и҆лѝ ᲂу҆чи́ти, и҆ та́кѡ бра́ти на себѧ̀ ᲂу҆чи́тельское досто́инство, но повинова́тисѧ пре́данномꙋ ѿ гдⷭ҇а чи́нꙋ, ѿверза́ти ᲂу҆́хо прїѧ́вшымъ бл҃года́ть ᲂу҆чи́тельскагѡ сло́ва, и҆ ѿ ни́хъ поꙋча́тисѧ бж҃е́ственномꙋ. И҆́бо въ є҆ди́ной це́ркви ра́зные чле́ны сотвори́лъ бг҃ъ, по сло́вꙋ а҆по́стола, кото́рое и҆з̾ѧснѧ́ѧ григо́рїй бг҃осло́въ, ꙗ҆́снѡ пока́зываетъ находѧ́щїйсѧ въ ни́хъ чи́нъ, глаго́лѧ: се́й, бра́тїѧ, чи́нъ почти́мъ, се́й сохрани́мъ: се́й да бꙋ́детъ ᲂу҆́хомъ, а҆ то́тъ ѧ҆зы́комъ: се́й рꙋко́ю, а҆ дрꙋгі́й и҆ны́мъ чѣ́мъ либо: се́й да ᲂу҆́читъ, то́тъ да ᲂу҆́читсѧ. И҆ по́слѣ немно́гихъ сло́въ да́лѣе глаго́летъ: ᲂу҆ча́щїйсѧ да бꙋ́детъ въ повинове́нїи, раздаю́щїй да раздае́тъ съ весе́лїемъ, слꙋжа́щїй да слꙋ́житъ съ ᲂу҆се́рдїемъ. Да не бꙋ́демъ всѣ̀ ѧ҆зы́комъ, а҆́ще и҆ всегѡ̀ бли́же сїѐ, ни всѣ̀ а҆по́столами, ни всѣ̀ проро́ками, ни всѣ̀ и҆столкова́телѧми. И҆ по́слѣ нѣ́кихъ сло́въ є҆щѐ глаго́летъ: почто̀ твори́ши себѐ па́стыремъ, бꙋ́дꙋчи ѻ҆вце́ю; почто̀ дѣ́лаешисѧ главо́ю, бꙋ́дꙋчи ного́ю; почто̀ покꙋша́ешисѧ военача́льствовати, бы́въ поста́вленъ въ рѧдꙋ̀ во́инѡвъ; И҆ въ дрꙋго́мъ мѣ́стѣ повелѣва́етъ премꙋ́дрость: не бꙋ́ди ско́ръ въ слова́хъ: не распростира́йсѧ ᲂу҆бо́гъ сы́й съ бога́тымъ: не и҆щѝ мꙋ́дрыхъ мꙋдрѣ́йшїй бы́ти. А҆́ще же кто̀ ᲂу҆смо́тренъ бꙋ́детъ нарꙋша́ющимъ настоѧ́щее пра́вило: на четы́редесѧть дне́й да бꙋ́детъ ѿлꙋче́нъ ѿ ѻ҆бще́нїѧ цр҃ко́внагѡ.

Пра́вило ѯ҃є.
[edit]

Въ новомѣ́сѧчїѧ, возжига́нїе нѣ́которыми, пред̾ свои́ми ла́вками, и҆лѝ дома́ми, кострѡ́въ, чрез̾ ко́и, по нѣ́коемꙋ стари́нномꙋ ѻ҆бы́чаю, безꙋ́мнѡ ска́чꙋтъ, повелѣва́емъ ѿны́нѣ ᲂу҆праздни́ти. Посемꙋ̀ а҆́ще кто̀ ᲂу҆чини́тъ что́ либо таково́е: то кли́рїкъ да бꙋ́детъ и҆зве́рженъ, а҆ мїрѧни́нъ, да бꙋ́детъ ѿлꙋче́нъ. И҆́бо въ четве́ртой кни́гѣ ца́рствъ напи́сано: и҆ сотворѝ манассі́ѧ ѻ҆лта́рь все́й си́лѣ небе́снѣй, на дв҃ꙋ дво́рѣхъ до́мꙋ гдⷭ҇нѧ, и҆ провожда́ше сы́ны своѧ̀ чрез̾ ѻ҆́гнь, и҆ вража́ше и҆ волхвова̑нїѧ творѧ́ше, и҆ сотворѝ чревовѣща́телей, и҆ волшє́бницы ᲂу҆мно́жи твори́ти лꙋка́вое пред̾ ѻ҆чи́ма гдⷭ҇нима, є҆́же прогнѣ́вати є҆го̀.

Пра́вило ѯ҃ѕ.
[edit]

Ѿ свѧта́гѡ днѧ̀ воскресе́нїѧ хрⷭ҇та̀ бг҃а на́шегѡ до недѣ́ли но́выѧ, во всю̀ седми́цꙋ вѣ́рные должны̀ во свѧты́хъ це́рквахъ непреста́ннѡ ᲂу҆пражнѧ́тисѧ, во ѱалмѣ́хъ и҆ пѣ́нїѧхъ и҆ пѣ́снехъ дꙋхо́вныхъ, ра́дꙋѧсѧ и҆ торжествꙋ́ѧ во хрⷭ҇тѣ̀, и҆ чте́нїю бж҃е́ственныхъ писа́нїй внима́ѧ, и҆ свѧты́ми та́йнами наслажда́ѧсѧ. И҆́бо таки́мъ ѻ҆́бразомъ со хрⷭ҇то́мъ кꙋ́пнѡ воскре́снемъ, и҆ вознесе́мсѧ. Тогѡ̀ ра́ди ѿню́дь въ рече́нные днѝ да не быва́етъ ко́нское риста́нїе, и҆лѝ и҆но́е наро́дное зрѣ́лище.

Пра́вило ѯ҃з.
[edit]

Бж҃е́ственное писа́нїе заповѣ́дало на́мъ воздержа́тисѧ ѿ кро́ве и҆ ᲂу҆да́вленины и҆ блꙋда̀. Посемꙋ̀, ра́ди ла́комствꙋющагѡ чре́ва, кро́вь како́гѡ бы то̀ ни бы́ло живо́тнагѡ, каки́мъ либо и҆скꙋ́сствомъ прїꙋготовлѧ́ющихъ въ снѣ́дь, и҆ та́кѡ ѻ҆́нꙋю ꙗ҆дꙋ́щихъ, благоразсмотри́тельнѡ є҆пїтїмїѝ подверга́емъ. А҆́ще ᲂу҆̀бо кто̀ ѿны́нѣ ꙗ҆́сти бꙋ́детъ кро́вь живо́тнагѡ каки́мъ либо ѻ҆́бразомъ: то кли́рїкъ да бꙋ́детъ и҆зве́рженъ, а҆ мїрѧни́нъ да бꙋ́детъ ѿлꙋче́нъ.

Пра́вило ѯ҃и.
[edit]

Кни̑ги ве́тхагѡ и҆ но́вагѡ завѣ́та, та́кожде свѧты́хъ и҆ при́знанныхъ на́шихъ проповѣ́дникѡвъ и҆ ᲂу҆чи́телей, никомꙋ̀ не позволѧ́етсѧ поврежда́ти, и҆лѝ книгопрода́вцамъ, и҆лѝ та́къ называ́ємымъ мѷрова́рцамъ, и҆лѝ и҆но́мꙋ комꙋ́ либо предава́ти длѧ и҆стребле́нїѧ: ра́звѣ когда̀ ѿ молѝ, и҆лѝ ѿ воды̀, и҆лѝ и҆ны́мъ ѻ҆́бразомъ сдѣ́лаютсѧ неспосо́бными къ ᲂу҆потребле́нїю. Кто́ же ѿны́нѣ таково́е что́ либо дѣ́лающимъ ᲂу҆смо́тренъ бꙋ́детъ: то́тъ да бꙋ́детъ ѿлꙋче́нъ на го́дъ. Ра́внымъ ѻ҆́бразомъ такѡвы́ѧ кни̑ги покꙋпа́ющїй, є҆́стьли ни ᲂу҆ себѧ̀ не ᲂу҆де́ржитъ ѻ҆́ныхъ длѧ свое́й по́льзы, ни дрꙋго́мꙋ не ѿда́стъ въ благодѣѧ́нїе и҆ длѧ хране́нїѧ, но ѻ҆́ныѧ поврежда́ти де́рзнетъ: да бꙋ́детъ ѿлꙋче́нъ.

Пра́вило ѯ҃ѳ.
[edit]

Никомꙋ̀ и҆з̾ всѣ́хъ, принадлежа́щихъ къ разрѧ́дꙋ мїрѧ́нъ, да не бꙋ́детъ позво́лено входи́ти внꙋ́трь сщ҃е́ннагѡ ѻ҆лтарѧ̀. Но, по нѣ́коемꙋ дре́внѣйшемꙋ преда́нїю, ѿню́дь не возбранѧ́етсѧ сїѐ вла́сти и҆ досто́инствꙋ ца́рскомꙋ, когда̀ восхо́щетъ принестѝ да́ры творцꙋ̀.

Пра́вило ѻ҃.
[edit]

Не позволи́тельно жена́мъ, во вре́мѧ бж҃е́ственныѧ лїтꙋргі́и глаго́лати, но, по сло́вꙋ а҆по́стола па́ѵла, да молча́тъ. Не повелѣ́сѧ бо и҆̀мъ глаго́лати, но повинова́тисѧ, ꙗ҆́коже и҆ зако́нъ глаго́летъ. А҆́ще ли же чесомꙋ̀ наꙋчи́тисѧ хотѧ́тъ: въ домꙋ̀ свои́хъ мꙋже́й да вопроша́ютъ.

Пра́вило ѻ҃а.
[edit]

Оу҆ча́щїесѧ зако́намъ гражда́нскимъ не должны̀ ᲂу҆потреблѧ́ти є҆́ллинскихъ ѻ҆быкнове́нїй, и҆лѝ бы́ти води́мы на зрѣ́лища, и҆лѝ соверша́ти та́къ и҆менꙋ́ємыѧ кѷлі́стры, и҆лѝ ѡ҆дѣва́тисѧ въ ѻ҆де́жды, не находѧ́щыѧсѧ въ ѻ҆́бщемъ ᲂу҆потребле́нїи, ни въ то̀ вре́мѧ, когда̀ начина́ютъ ᲂу҆че́нїе, ни тогда̀, ка́къ ѻ҆́ное ѡ҆ка́нчиваютъ, ни воѻбщѐ въ продолже́нїи ѻ҆́нагѡ. А҆́ще же кто̀ ѿны́нѣ де́рзнетъ сїѐ дѣ́лати: да бꙋ́детъ ѿлꙋче́нъ.

Пра́вило ѻ҃в.
[edit]

Недосто́итъ мꙋ́жꙋ правосла́вномꙋ съ жено́ю є҆реті́ческою бра́комъ совокꙋплѧ́тисѧ, ни правосла́вной женѣ̀ съ мꙋ́жемъ є҆ретїко́мъ сочетава́тисѧ. А҆́ще же ᲂу҆смо́трено бꙋ́детъ нѣ́что таково́е, содѣ́ланное кѣ́мъ либо: бра́къ почита́ти не тве́рдымъ, и҆ незако́нное сожи́тїе расторга́ти. И҆́бо не подоба́етъ смѣ́шивати несмѣша́емое, нижѐ совокꙋплѧ́ти съ ѻ҆вце́ю во́лка, и҆ съ ча́стїю хрⷭ҇то́вою жре́бїй грѣ́шникѡвъ. А҆́ще же кто̀ постано́вленное на́ми престꙋ́питъ: да бꙋ́детъ ѿлꙋче́нъ. Но а҆́ще нѣ́которые, бꙋ́дꙋчи є҆щѐ въ невѣ́рїи, и҆ не бы́въ причтены̀ къ ста́дꙋ правосла́вныхъ, сочета́лисѧ междꙋ̀ собо́ю зако́ннымъ бра́комъ: пото́мъ є҆ди́нъ и҆з̾ ни́хъ, и҆збра́въ благо́е, прибѣ́гнꙋлъ ко свѣ́тꙋ и҆́стины, а҆ дрꙋгі́й ѡ҆ста́лсѧ во ᲂу҆́захъ заблꙋжде́нїѧ, не жела́ѧ воззрѣ́ти на бж҃е́ственные лꙋчѝ, и҆ а҆́ще прито́мъ невѣ́рной женѣ̀ ᲂу҆го́дно сожи́тельствовати съ мꙋ́жемъ вѣ́рнымъ, и҆лѝ напро́тивъ мꙋ́жꙋ невѣ́рномꙋ съ жено́ю вѣ́рною: то да не разлꙋча́ютсѧ, по бж҃е́ственномꙋ а҆пⷭ҇толꙋ: свѧти́тсѧ во мꙋ́жъ невѣ́ренъ ѡ҆ женѣ̀, и҆ свѧти́тсѧ жена̀ невѣ́рна ѡ҆ мꙋ́жѣ.

Пра́вило ѻ҃г.
[edit]

Поели́кꙋ животворѧ́щїй крⷭ҇тъ ꙗ҆ви́лъ на́мъ спасе́нїе: то подоба́етъ на́мъ всѧ́кое тща́нїе ᲂу҆потреблѧ́ти, да бꙋ́детъ воздава́ема подоба́ющаѧ че́сть томꙋ̀, чрез̾ что̀ мы̀ спасе́ны ѿ дре́внѧгѡ грѣхопаде́нїѧ. Посемꙋ̀ и҆ мы́слїю, и҆ сло́вомъ, и҆ чꙋ́вствомъ поклоне́нїе є҆мꙋ̀ приносѧ̀, повелѣва́емъ: и҆зѡбражє́нїѧ креста̀, наче́ртываємыѧ нѣ́которыми на землѝ, совсѣ́мъ и҆зглажда́ти, дабы̀ зна́менїе побѣ́ды на́шеѧ не бы́ло ѡ҆скорблѧ́емо попира́нїемъ ходѧ́щихъ. И҆ та́къ ѿны́нѣ наче́ртывающихъ на землѝ и҆зѡбраже́нїе креста̀ повелѣва́емъ ѿлꙋча́ти.

Пра́вило ѻ҃д.
[edit]

Не до́лжно въ мѣста́хъ, посвѧще́нныхъ гдⷭ҇ꙋ, и҆лѝ въ це́рквахъ, соверша́ти та́къ называ́емыѧ трапє́зы братолю́бїѧ, и҆ внꙋтрѝ хра́ма ꙗ҆́сти, и҆ ло́же постила́ти. Сїе́ же твори́ти дерза́ющїе, и҆лѝ да преста́нꙋтъ, и҆лѝ да бꙋ́дꙋтъ ѿлꙋче́ны.

Пра́вило ѻ҃є.
[edit]

Жела́емъ, что́бы приходѧ́щїе въ це́рковь длѧ пѣ́нїѧ не ᲂу҆потреблѧ́ли безчи́нныхъ во́плей, не вынꙋжда́ли и҆з̾ себѧ̀ неєсте́ственнагѡ кри́ка, и҆ не вводи́ли ничегѡ̀ несоѻбра́знагѡ и҆ несво́йственнагѡ це́ркви: но съ вели́кимъ внима́нїемъ и҆ ᲂу҆миле́нїемъ приноси́ли ѱалмопѣ̑нїѧ бг҃ꙋ, назира́ющемꙋ сокрове́нное. И҆́бо свѧще́нное сло́во поꙋча́ло сынѡ́въ і҆зра́илевыхъ бы́ти благоговѣ́йными.

Пра́вило ѻ҃ѕ.
[edit]

Никто̀ не до́лженъ внꙋтрѝ свѧще́нныхъ ѡ҆гра́дъ корче́мницꙋ, и҆лѝ разли̑чныѧ снѣ́ди поставлѧ́ти, и҆лѝ и҆ны́ѧ кꙋ̑пли производи́ти, сохранѧ́ѧ благоговѣ́нїе къ це́рквамъ. И҆́бо спаси́тель на́шъ и҆ бг҃ъ, житїе́мъ свои́мъ во пло́ти поꙋча́ѧ на́съ, повелѣ́лъ не твори́ти до́мꙋ ѻ҆ц҃а̀ своегѡ̀ до́момъ кꙋ́пли. Ѻ҆́нъ и҆ пѣ́нѧжникамъ разсы́палъ пѣ́нѧзи, и҆ и҆згна́лъ творѧ́щихъ свѧты́й хра́мъ мїрски́мъ мѣ́стомъ. Посемꙋ̀ а҆́ще кто̀ бꙋ́детъ ѡ҆бличе́нъ въ рече́нномъ престꙋпле́нїи: да бꙋ́детъ ѿлꙋче́нъ.

Пра́вило ѻ҃з.
[edit]

Не до́лжно свѧщеннослꙋжи́телѧмъ и҆лѝ приче́тникамъ, и҆лѝ и҆́нокамъ мы́тисѧ въ ба́нѣ, вмѣ́стѣ съ жена́ми, ни да́же всѧ́комꙋ хрїстїа́нинꙋ мїрѧни́нꙋ. И҆́бо сїѐ є҆́сть пе́рвое нарека́нїе со стороны̀ ꙗ҆зы́чникѡвъ. А҆́ще же кто̀ въ се́мъ ѡ҆бличе́нъ бꙋ́детъ: то кли́рїкъ да бꙋ́детъ и҆зве́рженъ, а҆ мїрѧни́нъ да бꙋ́детъ ѿлꙋче́нъ.

Пра́вило ѻ҃и.
[edit]

Гото́вѧщымсѧ ко креще́нїю надлежи́тъ ѡ҆бꙋча́тисѧ вѣ́рѣ, и҆ въ пѧ́тый де́нь седми́цы дава́ти ѿвѣ́тъ є҆пі́скопꙋ, и҆лѝ пресвѵ́терамъ.

Пра́вило ѻ҃ѳ.
[edit]

Бж҃е́ственное ѿ дѣ́вы рожде́нїе, ꙗ҆́кѡ безсѣ́меннѡ бы́вшее, и҆сповѣ́дꙋѧ безболѣ́зненнымъ, и҆ сїѐ всемꙋ̀ ста́дꙋ проповѣ́дꙋѧ, подверга́емъ и҆справле́нїю творѧ́щихъ, по невѣ́дѣнїю, что́ либо не до́лжное. Поне́же ᲂу҆́бѡ нѣ́кїе, по днѣ̀ свѧта́гѡ рождества̀ хрⷭ҇та̀ бг҃а на́шегѡ, ᲂу҆сма́триваютсѧ приготовлѧ́ющими хлѣ́бенное пече́нїе, и҆ дрꙋ́гъ дрꙋ́гꙋ передаю́щими, а҆́ки вы̀ въ че́сть болѣ́зней рожде́нїѧ всенепоро́чныѧ дѣ́вы ма́тери: то мы̀ ѡ҆предѣлѧ́емъ, да не соверша́ютъ вѣ́рные ничегѡ̀ такова́гѡ. И҆́бо не є҆́сть сїѐ че́сть дѣ́вѣ, па́че ᲂу҆ма̀ и҆ сло́ва, пло́тїю роди́вшей невмѣсти́мое сло́во: а҆́ще є҆ѧ̀ неизрече́нное рожде́нїе ѡ҆предѣлѧ́ютъ, и҆ представлѧ́ютъ по примѣ́рꙋ ѻ҆быкнове́ннагѡ и҆ на́мъ сво́йственнагѡ рожде́нїѧ. А҆́ще ᲂу҆́бѡ ѿны́нѣ ᲂу҆смо́тренъ бꙋ́детъ кто́ либо та́кѡ творѧ́щїй: то кли́рїкъ да бꙋ́детъ и҆зве́рженъ, а҆ мїрѧни́нъ да бꙋ́детъ ѿлꙋче́нъ.

Пра́вило п҃.
[edit]

А҆́ще кто̀, є҆пі́скопъ, и҆лѝ пресвѵ́теръ, и҆лѝ дїа́конъ, и҆лѝ кто́ либо и҆з̾ сопричи́сленныхъ къ кли́рꙋ, и҆лѝ мїрѧни́нъ, не и҆мѣ́ѧ никако́й настоѧ́тельной нꙋ́жды, и҆лѝ препѧ́тствїѧ, кото́рымъ бы надо́лгѡ ᲂу҆стране́нъ бы́лъ ѿ своеѧ̀ це́ркви, но пребыва́ѧ во гра́дѣ, въ трѝ воскре́сные днѝ въ продолже́нїи тре́хъ седми́цъ, не прїи́детъ въ церко́вное собра́нїе: то кли́рїкъ да бꙋ́детъ и҆зве́рженъ и҆з̾ кли́ра, а҆ мїрѧни́нъ да бꙋ́детъ ᲂу҆дале́нъ ѿ ѻ҆бще́нїѧ.

Пра́вило п҃а.
[edit]

Поне́же мы̀ ᲂу҆вѣ́дали, ꙗ҆́кѡ въ нѣ́кихъ страна́хъ, въ трисвѧто́й пѣ́сни, по́слѣ сло́въ: свѧты́й безсме́ртный, въ ка́чествѣ дополне́нїѧ, возглаша́ютъ: распны́йсѧ за ны̀, поми́лꙋй на́съ: но сїѐ дре́вними свѧты́ми ѻ҆тца́ми, ка́къ чꙋ́ждое благоче́стїѧ, ѿ сеѧ̀ пѣ́сни ѿри́нꙋто, кꙋ́пнѡ съ беззако́ннымъ є҆ретїко́мъ, нововводи́телемъ си́хъ сло́въ: то и҆ мы̀ пре́жде благоче́стнѡ постано́вленное свѧты́ми ѻ҆тца́ми на́шими ᲂу҆твержда́ѧ, по настоѧ́щемъ ѡ҆предѣле́нїи, таково́е сло́во въ це́ркви прїе́млющихъ, и҆лѝ и҆ны́мъ каки́мъ либо ѻ҆́бразомъ къ трисвѧто́й пѣ́сни примѣ́шивающихъ, а҆наѳема́тствꙋемъ. И҆ а҆́ще нарꙋши́тель постано́вленнагѡ є҆́сть свѧще́ннагѡ чи́на: то повелѣва́емъ ѡ҆бнажа́ти є҆го̀ ѿ свѧще́нническагѡ досто́инства, а҆́ще же мїрѧни́нъ, и҆лѝ мона́хъ, ѿлꙋча́ти ѿ ѻ҆бще́нїѧ церко́внагѡ.

Пра́вило п҃в.
[edit]

На нѣ́которыхъ честны́хъ і҆кѡ́нахъ и҆зѡбража́етсѧ, пе́рстомъ предте́чевымъ показꙋ́емый, а҆́гнецъ, кото́рый при́нѧтъ во ѻ҆́бразъ благода́ти, чрез̾ зако́нъ показꙋ́ѧ на́мъ и҆́стиннаго а҆́гнца, хрⷭ҇та̀ бг҃а на́шего. Почита́ѧ дре́внїе ѻ҆́бразы и҆ сѣ́ни, пре́данныѧ це́ркви, ка́къ зна́мєнїѧ и҆ предначерта̑нїѧ и҆́стины, мы̀ предпочита́емъ благода́ть и҆ и҆́стинꙋ, прїе́млѧ ѻ҆́нꙋю, ꙗ҆́кѡ и҆сполне́нїе зако́на. Сегѡ̀ ра́ди, дабы̀ и҆ и҆скꙋ́сствомъ живописа́нїѧ ѻ҆ча́мъ всѣ́хъ представлѧ́емо бы́ло соверше́нное, повелѣва́емъ ѿны́нѣ ѻ҆́бразъ а҆́гнца, взе́млющагѡ грѣхѝ мі́ра, хрⷭ҇та̀ бг҃а на́шегѡ, на і҆кѡ́нахъ представлѧ́ти по человѣ́ческомꙋ є҆стествꙋ̀ вмѣ́стѡ ве́тхагѡ а҆́гнца: да чрез̾ то̀ созерца́ѧ смире́нїе бг҃а сло́ва, приво́димсѧ къ воспомина́нїю житїѧ̀ є҆гѡ̀ во пло́ти, є҆гѡ̀ страда́нїѧ, и҆ спаси́тельныѧ сме́рти, и҆ си́мъ ѻ҆́бразомъ соверши́вшагѡсѧ и҆скꙋпле́нїѧ мі́ра.

Пра́вило п҃г.
[edit]

Никто̀ тѣла́мъ ᲂу҆ме́ршихъ є҆ѵхарі́стїи да не преподае́тъ. И҆́бо пи́сано є҆́сть: прїими́те, ꙗ҆ди́те. Но тѣла̀ ме́ртвыхъ ни прїима́ти, ни ꙗ҆́сти не мо́гꙋтъ.

Пра́вило п҃д.
[edit]

Послѣ́дꙋѧ каноні́чєскимъ постановле́нїѧмъ ѻ҆тє́цъ, ѡ҆предѣлѧ́емъ и҆ ѡ҆ младе́нцахъ: ка́ждый ра́зъ, когда̀ не ѡ҆брѣта́ютсѧ достовѣ́рные свидѣ́тели, несомнѣ́ннѡ ᲂу҆твержда́ющїе, ꙗ҆́кѡ креще́ны сꙋ́ть, и҆ когда̀ са́ми ѻ҆нѝ, по малолѣ́тствꙋ, не мо́гꙋтъ да́ти потре́бный ѿвѣ́тъ ѡ҆ препо́данномъ и҆̀мъ та́инствѣ, до́лжно без̾ всѧ́кагѡ недоꙋмѣ́нїѧ крести́ти и҆̀хъ: да таково́е недоразꙋмѣ́нїе не лиши́тъ и҆́хъ ѻ҆чище́нїѧ толи́кою свѧты́нею.

Пра́вило п҃є.
[edit]

Мы̀ при́нѧли ѿ писа́нїѧ, ꙗ҆́кѡ при двою̀ и҆лѝ трїе́хъ свидѣ́телехъ ста́нетъ всѧ́къ глаго́лъ. Посемꙋ̀ ѡ҆предѣлѧ́емъ, да ѿпꙋска́емые ѿ госпо́дъ свои́хъ на свобо́дꙋ рабы̑, полꙋча́ютъ сїѐ преимꙋ́щество при тре́хъ свидѣ́телѧхъ, кото́рые свои́мъ присꙋ́тствїемъ дадꙋ́тъ ѡ҆свобожде́нїю зако́нность, и҆ соѡбща́тъ достовѣ́рность томꙋ̀, что̀ ᲂу҆чинено̀.

Пра́вило п҃ѕ.
[edit]

Тѣ́хъ, кото́рые на па́гꙋбꙋ дꙋ́шъ собира́ютъ и҆ соде́ржатъ блꙋдни́цъ, а҆́ще сꙋ́ть кли́рїки, ѡ҆предѣлѧ́емъ ѿлꙋча́ти и҆ и҆зверга́ти: а҆́ще же мїрѧ́не, ѿлꙋча́ти.

Пра́вило п҃з.
[edit]

Жена̀ ѡ҆ста́вившаѧ мꙋ́жа, а҆́ще по́йдетъ за и҆на́го, є҆́сть прелюбодѣ́йца, по свѧще́нномꙋ и҆ бж҃е́ственномꙋ васі́лїю, кото́рый весьма̀ прили́чнѡ и҆з̾ проро́чества і҆еремі́и приве́лъ сїѐ: а҆́ще жена̀ бꙋ́детъ мꙋ́жꙋ и҆но́мꙋ, не возврати́тсѧ къ мꙋ́жꙋ своемꙋ̀, но ѡ҆скверне́нїемъ ѡ҆сквернена̀ бꙋ́детъ. И҆ па́ки: держа́й прелюбодѣ́йцꙋ, безꙋ́менъ и҆ нечести́въ. А҆́ще ᲂу҆́бѡ ᲂу҆смо́трено бꙋ́детъ, ꙗ҆́кѡ ѡ҆ста́вила мꙋ́жа без̾ вины̀: то ѻ҆́нъ досто́инъ снисхожде́нїѧ, а҆ ѻ҆на̀ є҆пїтїмїѝ. Снисхожде́нїе же бꙋ́детъ є҆мꙋ̀ ѡ҆ка́зано въ то́мъ, да бꙋ́детъ ѻ҆́нъ въ ѻ҆бще́нїи съ цр҃ковїю. По зако́ннѡ сопрѧже́ннꙋю себѣ̀ женꙋ̀ ѡ҆ставлѧ́ющїй, и҆ и҆нꙋ́ю пое́млющїй, по сло́вꙋ гдⷭ҇а, пови́ненъ сꙋдꙋ̀ прелюбодѣѧ́нїѧ. Постано́влено же пра́вилами ѻ҆тє́цъ на́шихъ, таковы̑мъ го́дъ бы́ти въ разрѧ́дѣ пла́чꙋщихъ, два̀ го́да въ числѣ̀ слꙋ́шающихъ чте́нїе писа́нїй, трѝ го́да въ припа́дающихъ, и҆ въ седмы́й стоѧ́ти съ вѣ́рными, и҆ та́кѡ сподо́битисѧ причаще́нїѧ, а҆́ще со слеза́ми ка́ѧтисѧ бꙋ́дꙋтъ.

Пра́вило п҃и.
[edit]

Никто̀ внꙋ́трь свѧще́ннагѡ хра́ма да не вво́дитъ никако́гѡ живо́тнагѡ: ра́звѣ кто̀ пꙋтеше́ствꙋѧ, стѣснѧ́емый велича́йшею кра́йностїю, и҆ лише́нный жили́ща и҆ гости́нницы, ѡ҆стано́витсѧ въ таково́мъ хра́мѣ. Потомꙋ̀ что̀ живо́тное, не бы́въ введено̀ въ ѡ҆гра́дꙋ, и҆ногда̀ поги́бло бы: и҆ са́мъ ѻ҆́нъ, потерѧ́въ живо́тное, и҆ потомꙋ̀ лиша́сѧ возмо́жности продолжа́ти пꙋтеше́ствїе, бы́лъ бы подве́рженъ ѻ҆па́сности жи́зни. И҆́бо мы̀ зна́емъ, что̀ сꙋббѡ́та человѣ́ка ра́ди бы́сть: и҆ потомꙋ̀ всѣ́ми сре́дствами пещи́сѧ до́лжно ѡ҆ спасе́нїи и҆ безѻпа́сности человѣ́ка. А҆́ще же кто̀ ᲂу҆смо́тренъ бꙋ́детъ, по вышерече́нномꙋ, без̾ нꙋ́жды вводѧ́щїй живо́тное во хра́мъ: то кли́рїкъ да бꙋ́детъ и҆зве́рженъ, а҆ мїрѧни́нъ да бꙋ́детъ ѿлꙋче́нъ.

Пра́вило п҃ѳ.
[edit]

Вѣ̑рнымъ днѝ спаси́тельнагѡ страда́нїѧ, въ постѣ̀ и҆ моли́твѣ и҆ въ сокрꙋше́нїи се́рдца провожда́ющымъ, подоба́етъ прекраща́ти по́стъ въ сре́днїе часы̀ но́щи по вели́кой сꙋббѡ́тѣ: поели́кꙋ бж҃е́ственные є҆ѵангелі́сты матѳе́й и҆ лꙋка̀, пе́рвый рече́нїѧми: въ ве́черъ сꙋббѡ́тный, а҆ вторы́й рече́нїѧми: ѕѣлѡ̀ ра́нѡ, и҆зѡбража́ютъ на́мъ глꙋбо́кꙋю но́щь.

Пра́вило ч҃.
[edit]

Ѿ бг҃оно́сныхъ ѻ҆тє́цъ на́шихъ каноні́чески пре́дано на́мъ, не преклонѧ́ти колѣ́нъ во днѝ воскре́сные, ра́ди че́сти воскресе́нїѧ хрⷭ҇то́ва. Посемꙋ̀, да не пребыва́емъ въ невѣ́дѣнїи, ка́кѡ соблюда́ти сїѐ, мы̀ ꙗ҆́вственнѡ показꙋ́емъ вѣ̑рнымъ, ꙗ҆́кѡ въ сꙋббѡ́тꙋ, по вече́рнемъ вхо́дѣ свѧщеннослꙋжи́телей въ ѻ҆лта́рь, по при́нѧтомꙋ ѻ҆бы́чаю, никто̀ не преклонѧ́етъ колѣ́нъ до слѣ́дꙋющагѡ въ воскре́сный де́нь ве́чера, въ кото́рый, по вхо́дѣ въ свѣти́льничное вре́мѧ, па́ки колѣ́на преклонѧ́ѧ, си́мъ ѻ҆́бразомъ возсыла́емъ моли̑твы ко гдⷭ҇ꙋ. И҆́бо но́щь по сꙋббѡ́тѣ прїе́млѧ предте́чею воскресе́нїѧ спаси́телѧ на́шегѡ, ѿсе́лѣ дꙋхо́внѡ начина́емъ пѣ̑сни, и҆ пра́здникъ и҆з̾ тьмы̀ во свѣ́тъ прево́димъ, та́къ что̀ съ сегѡ̀ вре́мени всецѣ́лꙋю но́щь и҆ де́нь торжествꙋ́емъ воскресе́нїе.

Пра́вило ч҃а.
[edit]

Же́нъ, даю́щихъ врачєвства̀, производѧ́щыѧ недоноше́нїе плода̀ во чре́вѣ, и҆ прїе́млющихъ ѻ҆тра̑вы, пло́дъ ᲂу҆мерщвлѧ́ющыѧ, подверга́емъ є҆пїтїмїѝ человѣкоꙋбі́йцы.

Пра́вило ч҃в.
[edit]

Тѣ́хъ, ко́и похища́ютъ же́нъ, под̾ ви́домъ сꙋпрꙋ́жества, и҆лѝ содѣ́йствꙋютъ, и҆лѝ помога́ютъ похити́телѧмъ, ѡ҆предѣли́лъ свѧты́й собо́ръ, а҆́ще сꙋ́ть кли́рїки, низверга́ти со сте́пени и҆́хъ: а҆́ще же мїрѧ́не, предава́ти а҆на́ѳемѣ.

Пра́вило ч҃г.
[edit]

Жена̀ мꙋ́жа, ѿлꙋчи́вшагѡсѧ и҆ находѧ́щагѡсѧ въ неизвѣ́стности, пре́жде ᲂу҆достовѣре́нїѧ ѡ҆ сме́рти є҆гѡ̀, и҆но́мꙋ сожи́тельствꙋющаѧ, прелюбодѣ́йствꙋетъ. Равнѡ̀ и҆ жє́ны во́инѡвъ, во вре́мѧ безвѣ́стности мꙋже́й свои́хъ встꙋпа́ющыѧ въ бра́къ, томꙋ́же подлежа́тъ разсꙋжде́нїю: подо́бнѡ и҆ тѣ̀, ко́и встꙋпа́ютъ въ бра́къ, по причи́нѣ ᲂу҆дале́нїѧ мꙋ́жа въ чꙋ́ждыѧ стра́ны, не дожда́вшись возвраще́нїѧ. Но здѣ́сь мо́жно и҆мѣ́ти нѣ́кое снисхожде́нїе къ тако́мꙋ постꙋ́пкꙋ, ра́ди бо́льшагѡ вѣроѧ́тїѧ ѡ҆ сме́рти мꙋ́жа. А҆ встꙋпи́вшаѧ, по невѣ́дѣнїю, въ бра́къ съ ѡ҆ста́вленнымъ на вре́мѧ свое́ю жено́ю, и҆ пото́мъ, по причи́нѣ возвраще́нїѧ къ немꙋ̀ пе́рвыѧ жены̀, ѡ҆ста́вленнаѧ, хотѧ̀ и҆ любодѣ́йствовала, но по невѣ́дѣнїю: посемꙋ̀ бра́къ є҆́й не возбрани́тсѧ. Но лꙋ́чше, а҆́ще пребꙋ́детъ та́кѡ. А҆́ще же по нѣ́коемъ вре́мени возврати́тсѧ во́инъ, ко́егѡ жена̀, по причи́нѣ долговре́меннагѡ ѿсꙋ́тствїѧ є҆гѡ̀, со и҆ны́мъ мꙋ́жемъ сочета́ласѧ: то па́ки да во́зметъ женꙋ̀ свою̀, а҆́ще восхо́щетъ: при че́мъ да да́стсѧ є҆ѧ̀ невѣ́дѣнїю проще́нїе, та́кожде и҆ мꙋ́жꙋ, сожи́тельствовавшемꙋ съ не́ю во второ́мъ бра́кѣ.

Пра́вило ч҃д.
[edit]

Кленꙋ́щихсѧ клѧ́твами ꙗ҆зы́ческими, пра́вило є҆пїтїмїѝ подверга́етъ: и҆ мы̀ таковы̑мъ ѿлꙋче́нїе ѡ҆предѣлѧ́емъ.

Пра́вило ч҃є.
[edit]

Присоединѧ́ющихсѧ къ правосла́вїю и҆ къ ча́сти спаса́емыхъ и҆з̾ є҆ретїкѡ́въ, прїе́млемъ по слѣ́дꙋющемꙋ чиноположе́нїю и҆ ѻ҆бы́чаю. А҆рїа́нъ, македонїа́нъ, наватїа́нъ, и҆менꙋ́ющихъ себѧ̀ чи́стыми и҆ лꙋ́чшими, четыренадесѧтидне́вникѡвъ, и҆лѝ тетраді́тѡвъ, и҆ а҆полїнарі́стѡвъ, когда̀ ѻ҆нѝ даю́тъ рꙋкописа́нїѧ и҆ проклина́ютъ всѧ́кꙋю є҆́ресь, не мꙋ́дрствꙋющꙋю, ка́къ мꙋ́дрствꙋетъ свѧта́ѧ бж҃їѧ каѳолі́ческаѧ и҆ а҆по́стольскаѧ цр҃ковь, прїе́млемъ, запечатлѣва́ѧ, то́ є҆сть, помазꙋ́ѧ свѧты́мъ мѵ́ромъ во пе́рвыхъ чело̀, пото́мъ ѻ҆́чи, и҆ но́здри, и҆ ᲂу҆ста̀, и҆ ᲂу҆́ши, и҆ запечатлѣва́ѧ и҆̀хъ глаго́лемъ: печа́ть да́ра дх҃а ст҃а́гѡ. А҆ ѡ҆ бы́вшихъ паѵлїа́нами, пото́мъ къ каѳолі́ческой це́ркви прибѣ́гшихъ, постано́влено: перекре́щивати и҆̀хъ непремѣ́ннѡ. Е҆ѵномїа́нъ же, є҆динокра́тнымъ погрꙋже́нїемъ креща́ющихсѧ, и҆ монтані́стѡвъ, и҆менꙋ́емыхъ здѣ́сь фрѵ́гами, и҆ савеллїа́нъ, держа́щихсѧ мнѣ́нїѧ ѡ҆ сыноѻ́тчествѣ, и҆ и҆но́е нетерпи́мое творѧ́щихъ, и҆ всѣ́хъ про́чихъ є҆ретїкѡ́въ, [и҆́бо мно́гѡ здѣ́сь таковы́хъ, наипа́че выходѧ́щихъ и҆з̾ гала́тскїѧ страны̀] всѣ́хъ, кото́рые и҆з̾ ни́хъ жела́ютъ присоединены̀ бы́ти къ правосла́вїю, прїе́млемъ ꙗ҆́коже ꙗ҆зы́чникѡвъ. Въ пе́рвый де́нь дѣ́лаемъ и҆̀хъ хрїстїа́нами, во вторы́й ѡ҆глаше́нными, пото́мъ въ тре́тїй заклина́емъ и҆̀хъ, съ троекра́тнымъ дꙋнове́нїемъ въ лицѐ, и҆ во ᲂу҆́ши: и҆ та́кѡ ѡ҆глаша́емъ и҆̀хъ, и҆ заставлѧ́емъ пребыва́ти въ це́ркви, и҆ слꙋ́шати писа̑нїѧ, и҆ тогда̀ ᲂу҆жѐ креща́емъ и҆̀хъ. Та́кожде и҆ манїхе́євъ, валентїнїа́нъ, маркїоні́тѡвъ, и҆ и҆̀мъ подо́бныхъ є҆ретїкѡ́въ. Несторїа́не же должны̀ твори́ти рꙋкописа̑нїѧ и҆ предава́ти а҆на́ѳемѣ є҆́ресь свою̀, и҆ несто́рїа, и҆ є҆ѵтѵ́хїа, и҆ дїоско́ра, и҆ севи́ра, и҆ про́чихъ нача́льникѡвъ таковы́хъ є҆́ресей, и҆ и҆́хъ є҆диномы́шленникѡвъ, и҆ всѣ̀ вышепока́занныѧ є҆́рєси: и҆ пото́мъ да прїе́млютъ свѧто́е причаще́нїе.

Пра́вило ч҃ѕ.
[edit]

Во хрⷭ҇та̀ креще́нїемъ ѡ҆бле́кшїесѧ, да́ли ѻ҆бѣ́тъ подража́ти во пло́ти житїю̀ є҆гѡ̀. Тогѡ̀ ра́ди власы̀ на главѣ̀, ко вредꙋ̀ зрѧ́щихъ, и҆скꙋ́ственными плете́нїѧми располага́ющихъ и҆ ᲂу҆бира́ющихъ, и҆ таки́мъ ѻ҆́бразомъ неꙋтвержде́нныѧ дꙋ́шы прельща́ющихъ, ѻ҆те́чески врачꙋ́емъ прили́чною є҆пїтїмїе́ю, рꙋково́дствꙋѧ и҆̀хъ а҆́ки дѣте́й, и҆ наꙋча́ѧ цѣломꙋ́дреннѡ жи́ти, да, ѡ҆ста́вивъ пре́лесть и҆ сꙋетꙋ̀ пло́ти, къ неги́блющей и҆ блаже́нной жи́зни ᲂу҆́мъ непреста́ннѡ направлѧ́ютъ, и҆ чи́стое со стра́хомъ пребыва́нїе и҆мѣ́ютъ, и҆ ѡ҆чище́нїемъ житїѧ̀, є҆ли́кѡ мо́жно, къ бг҃ꙋ приближа́ютсѧ, и҆ внꙋ́треннѧгѡ па́че, не́жели внѣ́шнѧго человѣ́ка, ᲂу҆краша́ютъ добродѣ́телѧми и҆ благи́ми и҆ непоро́чными нра́вами: и҆ да не но́сѧтъ въ себѣ̀ никако́гѡ ѡ҆ста́нка поро́чности, произше́дшїѧ ѿ сопроти́вника. А҆́ще же кто̀ вопрекѝ семꙋ̀ пра́вилꙋ постꙋ́питъ: да бꙋ́детъ ѿлꙋче́нъ.

Пра́вило ч҃з.
[edit]

Тѣ́хъ, кото́рые, и҆лѝ живѧ̀ съ жено́ю, и҆лѝ и҆ны́мъ ѻ҆́бразомъ, неразсꙋди́тельнѡ, свѧще́нныѧ мѣста̀ ѡ҆браща́ютъ въ ѻ҆быкнове́нныѧ, и҆ небре́жнѡ ѻ҆́крестъ и҆́хъ ѡ҆браща́ютсѧ, и҆ съ таки́мъ расположе́нїемъ въ ни́хъ пребыва́ютъ, повелѣва́емъ и҆згонѧ́ти и҆ ѿ мѣ́стъ, ѡ҆глашє́ннымъ предоста́вленныхъ при свѧты́хъ хра́махъ. Кто́ же не бꙋ́детъ сегѡ̀ соблюда́ти, а҆́ще є҆́сть кли́рїкъ, да бꙋ́детъ и҆зве́рженъ: а҆́ще же мїрѧни́нъ, да бꙋ́детъ ѿлꙋче́нъ.

Пра́вило ч҃и.
[edit]

Женꙋ̀, и҆но́мꙋ ѡ҆брꙋче́ннꙋю, берꙋ́щїй въ бра́чное сожи́тїе, при жи́зни є҆щѐ ѡ҆брꙋче́нника, да подлежи́тъ винѣ̀ прелюбодѣѧ́нїѧ.

Пра́вило ч҃ѳ.
[edit]

Въ а҆рме́нской странѣ̀, ка́къ мы̀ ᲂу҆вѣ́дали, быва́етъ и҆ сїѐ, что̀ нѣ́которые, свари́въ ча́сти мѧ́съ внꙋ́трь свѧще́нныхъ ѻ҆лтаре́й, прино́сѧтъ ᲂу҆ча́стки, и҆ раздѣлѧ́ютъ свѧще́нникамъ, по і҆ꙋде́йскомꙋ ѻ҆бы́чаю. Посемꙋ̀, соблюда́ѧ чистотꙋ̀ це́ркви, ѡ҆предѣлѧ́емъ: да не бꙋ́детъ позво́лено никомꙋ̀ и҆з̾ свѧще́нникѡвъ, ѡ҆дѣлє́нныѧ ча̑сти мѧ́са ѿ приносѧ́щихъ прїима́ти: но тѣ́мъ да дово́льствꙋютсѧ ѻ҆нѝ, что̀ восхо́щетъ да́ти приносѧ́щїй, и҆ таково́е приноше́нїе да быва́етъ внѣ̀ це́ркви. А҆́ще же кто̀ не та́кѡ сїѐ твори́тъ: да бꙋ́детъ ѿлꙋче́нъ.

Пра́вило р҃.
[edit]

Ѻ҆́чи твоѝ пра́вѡ да зрѧ́тъ, и҆ всѧ́цѣмъ хране́нїемъ блюдѝ твоѐ се́рдце, завѣщава́етъ премꙋ́дрость: и҆́бо тѣле́сныѧ чꙋ́вства ᲂу҆до́бнѡ вно́сѧтъ своѝ впечатлѣ́нїѧ въ дꙋ́шꙋ. Посемꙋ̀ и҆зѡбражє́нїѧ на дска́хъ, и҆лѝ на и҆но́мъ че́мъ представлѧ́ємыѧ, ѡ҆баѧ́ющыѧ зрѣ́нїе, растлѣва́ющыѧ ᲂу҆́мъ, и҆ производѧ́щыѧ воспламенє́нїѧ нечи́стыхъ ᲂу҆дово́льствїй, не позволѧ́емъ ѿны́нѣ, каки́мъ бы то̀ ни бы́ло спо́собомъ, начертава́ти. А҆́ще же кто̀ сїѐ твори́ти де́рзнетъ: да бꙋ́детъ ѿлꙋче́нъ.

Пра́вило р҃а.
[edit]

Человѣ́ка, со́зданнаго по ѻ҆́бразꙋ бж҃їю, бж҃е́ственный а҆по́столъ велегла́снѡ нарица́етъ тѣ́ломъ хрⷭ҇то́вымъ и҆ хра́момъ. Вы́ше ᲂу҆́бѡ всѧ́кїѧ чꙋ́вственныѧ тва́ри бы́въ поста́вленъ, спаси́тельными страда́нїѧми небе́снагѡ досто́инства сподо́бившїйсѧ, и҆ ꙗ҆дꙋ́щїй и҆ пїю́щїй хрⷭ҇та̀, непреста́ннѡ преѡбразꙋ́етсѧ къ вѣ́чной жи́зни, и҆ дꙋ́шꙋ и҆ тѣ́ло ѡ҆свѧща́ѧ причаще́нїемъ бж҃е́ственныѧ благода́ти. Посемꙋ̀, а҆́ще кто̀ хо́щетъ, во вре́мѧ лїтꙋргі́и, причасти́тисѧ пречи́стагѡ тѣ́ла, и҆ є҆ди́но съ ни́мъ чрез̾ прича́стїе бы́ти: рꙋ́ки да слага́етъ во ѻ҆́бразъ креста̀, и҆ та́кѡ да пристꙋпа́етъ, и҆ да прїе́млетъ ѡ҆бще́нїе благода́ти. И҆́бо и҆з̾ зла́та, и҆лѝ и҆на́гѡ вещества̀, вмѣ́стѡ рꙋкѝ, нѣ́кїѧ вмѣсти̑лища ᲂу҆строѧ́ющихъ длѧ прїѧ́тїѧ бж҃е́ственнагѡ да́ра, и҆ посре́дствомъ ѻ҆́ныхъ пречи́стагѡ ѡ҆бще́нїѧ сподоблѧ́ющихсѧ, ѿню́дь не ѡ҆добрѧ́емъ, ꙗ҆́кѡ предпочита́ющихъ бж҃їю ѻ҆́бразꙋ вещество̀ бездꙋ́шное и҆ подчине́нное рꙋка́мъ человѣ́ческимъ. А҆́ще же кто̀ ᲂу҆смо́тренъ бꙋ́детъ пресвѧто́е причаще́нїе преподаю́щїй приносѧ́щымъ таковы́ѧ вмѣсти́лища: да бꙋ́детъ ѿлꙋче́нъ и҆ се́й, и҆ приносѧ́щїй ѻ҆́ныѧ.

Пра́вило р҃в.
[edit]

Прїѧ́вшїе ѿ бг҃а вла́сть рѣши́ти и҆ вѧза́ти, должны̀ разсма́тривати ка́чество грѣха̀, и҆ гото́вность согрѣши́вшагѡ ко ѡ҆браще́нїю, и҆ та́кѡ ᲂу҆потреблѧ́ти прили́чное недꙋ́гꙋ врачева́нїе, дабы̀, не соблюда́ѧ мѣ́ры въ то́мъ и҆ въ дрꙋго́мъ, не ᲂу҆тра́тити спасе́нїѧ недꙋ́гꙋющагѡ. И҆́бо не ѻ҆дина́ковъ є҆́сть недꙋ́гъ грѣха̀, но разли́ченъ и҆ многоѻбра́зенъ, и҆ произво́дитъ мнѡ́гїѧ ѻ҆́трасли вреда̀, и҆з̾ кото́рыхъ ѕло̀ ѻ҆би́льнѡ разлива́етсѧ, и҆ да́лѣе распространѧ́етсѧ, доко́лѣ не бꙋ́детъ ѡ҆стано́влено си́лою врачꙋ́ющагѡ. Почемꙋ̀ дꙋхо́вное враче́вное и҆скꙋ́сство ꙗ҆влѧ́ющемꙋ подоба́етъ во пе́рвыхъ разсма́тривати расположе́нїе согрѣши́вшагѡ, и҆ наблюда́ти, къ здра́вїю ли ѻ҆́нъ направлѧ́етсѧ, и҆лѝ напро́тивъ, со́бственными нра́вами, привлека́етъ къ себѣ̀ болѣ́знь, и҆ ка́кѡ междꙋ̀ тѣ́мъ ᲂу҆чрежда́етъ своѐ поведе́нїе: и҆ а҆́ще врачꙋ̀ не сопротивлѧ́етсѧ, и҆ дꙋше́внꙋю ра́нꙋ чрез̾ приложе́нїе предпи́санныхъ враче́вствъ заживлѧ́етъ: въ таково́мъ слꙋ́чаѣ по досто́инствꙋ возмѣ́ривати є҆мꙋ̀ милосе́рдїе. И҆́бо ᲂу҆ бг҃а и҆ ᲂу҆ прїѧ́вшагѡ па́стырское води́тельство, всѐ попече́нїе ѡ҆ то́мъ, дабы̀ ѻ҆́вцꙋ заблꙋ́ждшꙋю возврати́ти, и҆ ᲂу҆ѧ́звленнꙋю ѕмі́емъ ᲂу҆врачева́ти. Не до́лжно нижѐ гна́ти по стремни́намъ ѿча́ѧнїѧ, нижѐ ѡ҆пꙋска́ти бразды̀ къ разслабле́нїю жи́зни и҆ къ небреже́нїю: но до́лжно непремѣ́ннѡ, кото́рымъ либо ѻ҆́бразомъ, и҆лѝ посре́дствомъ сꙋро́выхъ и҆ вѧ́жꙋщихъ, и҆лѝ посре́дствомъ бо́лѣе мѧ́гкихъ и҆ ле́гкихъ враче́бныхъ сре́дствъ, противодѣ́йствовати недꙋ́гꙋ, и҆ къ заживле́нїю ра́ны подвиза́тисѧ: и҆ плоды̀ покаѧ́нїѧ и҆спы́тывати, и҆ мꙋ́дрѡ ᲂу҆правлѧ́ти человѣ́комъ, призыва́емымъ къ го́рнемꙋ просвѣще́нїю. Подоба́етъ ᲂу҆́бѡ на́мъ и҆ то̀ и҆ дрꙋго́е вѣ́дати, и҆ прили́чное ре́вности ка́ющагѡсѧ, и҆ тре́бꙋемое ѻ҆бы́чаемъ: длѧ непрїе́млющихъ же соверше́нства покаѧ́нїѧ, слѣ́довати пре́данномꙋ ѻ҆́бразꙋ, ꙗ҆́коже свѧще́нный васі́лїй поꙋча́етъ на́съ.