Канѡ̑ны, си́рѣчь кни́га пра́вилъ/Пра̑вила неокесарі́йскагѡ собо́ра

←Пра̑вила а҆гкѵ́рскагѡ собо́ра

Пра̑вила свѧты́хъ а҆по́столѡвъ, свѧты́хъ собо́рѡвъ вселе́нскихъ и҆ помѣ́стныхъ, и҆ свѧты́хъ ѻ҆те́цъ Пра̑вила свѧта́гѡ помѣ́стнагѡ собо́ра неокесарі́йскагѡ

Пра̑вила га́нгрскагѡ собо́ра→

This page contains Church Slavonic text. Without proper font support, you may see question marks, boxes, or other symbols instead of letters and diacritics. Click here to download required fonts.

Кни́га пра́вилъ свѧты́хъ а҆по́столѡвъ,
свѧты́хъ собо́рѡвъ
вселе́нскихъ и҆ помѣ́стныхъ,
и҆ свѧты́хъ ѻ҆те́цъ

Пра̑вила свѧта́гѡ помѣ́стнагѡ собо́ра неокесарі́йскагѡ.

Пра́вило а҃.

Пресвѵ́теръ, а҆́ще ѡ҆же́нитсѧ, да и҆зве́рженъ бꙋ́детъ ѿ своегѡ̀ чи́на. А҆́ще же блꙋ́дъ и҆лѝ прелюбодѣ́йство сотвори́тъ: да бꙋ́детъ совсѣ́мъ и҆́згнанъ ѿ ѡ҆бще́нїѧ церко́внагѡ, и҆ низведе́нъ въ разрѧ́дъ ка́ющихсѧ.

Пра́вило в҃.

Жена̀, совокꙋпи́вшаѧсѧ бра́комъ съ двꙋмѧ̀ бра́тїѧми, да бꙋ́детъ ѿлꙋчена̀ ѿ ѡ҆бще́нїѧ церко́внагѡ до сме́рти. Но при сме́рти, а҆́ще ѡ҆бѣща́етсѧ разрꙋши́ти бра́къ по выздоровле́нїи, да бꙋ́детъ по человѣколю́бїю допꙋ́щена къ покаѧ́нїю. А҆́ще же ᲂу҆́мретъ жена̀ и҆лѝ мꙋ́жъ въ таково́мъ бра́кѣ: ѡ҆ста́вшемꙋсѧ трꙋ́дно покаѧ́нїе.

Пра́вило г҃.

Вре́мѧ покаѧ́нїѧ, ѡ҆предѣле́нное длѧ впада́ющихъ во многобра́чїе, и҆звѣ́стно: впро́чемъ ѡ҆браще́нїе и҆ вѣ́ра и҆́хъ сокраща́ютъ вре́мѧ.

Пра́вило д҃.

А҆́ще кто̀, вожделѣ́въ жены̀, рѣши́тсѧ преспа́ти съ не́ю, но є҆гѡ̀ намѣ́ренїе не приведе́тсѧ въ дѣ́йствїе: ви́димо є҆́сть, ꙗ҆́кѡ благода́тїю и҆зба́вленъ.

Пра́вило є҃.

Ѡ҆глаше́нный, входѧ́щїй въ це́рковь, и҆ стоѧ́щїй въ чи́нѣ ѡ҆глаше́нныхъ, ѡ҆бличе́нъ бы́въ во грѣхѣ̀, а҆́ще сопричи́сленъ бы́лъ преклонѧ́ющымъ колѣ́на, да низведе́тсѧ въ разрѧ́дъ слꙋ́шающихъ писа̑нїѧ, преста́въ ѿ грѣха̀. А҆́ще же и҆ пребыва́ѧ междꙋ̀ слꙋ́шающими согрѣши́тъ: да и҆зго́нитсѧ и҆з̾ це́ркви.

Пра́вило ѕ҃.

И҆мѣ́ющꙋю во чре́вѣ, подоба́етъ просвѣти́ти креще́нїемъ, когда̀ восхо́щетъ. И҆́бо нѣ́тъ въ се́мъ никако́гѡ ѡ҆бще́нїѧ ᲂу҆ ражда́ющїѧ съ ражда́емымъ: поне́же во и҆сповѣ́данїи со́бственное ка́ждагѡ произволе́нїе показꙋ́етсѧ.

Пра́вило з҃.

Пресвѵ́терꙋ на бра́кѣ двоеже́нца не пи́ршествовати. Поне́же двоеже́нецъ и҆мѣ́етъ нꙋ́ждꙋ въ покаѧ́нїи. Како́й же бы́лъ бы пресвѵ́теръ, кото́рый чрез̾ ᲂу҆ча́ствованїе въ пи́ршествѣ ѡ҆добрѧ́лъ бы таковы́е бра́ки;

Пра́вило и҃.

А҆́ще жена̀ нѣ́коегѡ мїрѧни́на, прелюбодѣ́йствовавъ, ѡ҆бличена̀ бꙋ́детъ въ то́мъ ꙗ҆́внѡ: то ѻ҆́нъ не мо́жетъ прїитѝ въ слꙋже́нїе церко́вное. А҆́ще же по рꙋкоположе́нїи мꙋ́жа впаде́тъ въ прелюбодѣ́йство: то ѻ҆́нъ до́лженъ развести́сѧ съ не́ю. А҆́ще же сожи́тельствꙋетъ: не мо́жетъ каса́тисѧ слꙋже́нїѧ, є҆мꙋ̀ порꙋче́ннагѡ.

Пра́вило ѳ҃.

Пресвѵ́теръ, а҆́ще согрѣши́въ тѣ́ломъ, произведе́нъ, и҆ и҆сповѣ́дꙋетъ, что̀ согрѣши́лъ пре́жде рꙋкоположе́нїѧ, да не свѧщеннодѣ́йствꙋетъ, сохранѧ́ѧ прѡ́чїѧ преимꙋ́щєства, ра́ди дрꙋги́хъ добродѣ́телей. И҆́бо про́чїе грѣхѝ, ка́къ мно́гїе сказꙋ́ютъ, разрѣша́етъ и҆ рꙋкоположе́нїе. А҆́ще же са́мъ не и҆сповѣ́дꙋетъ, а҆ ѡ҆бличе́нъ бы́ти ꙗ҆́внѡ не мо́жетъ: вла́стенъ са́мъ въ себѣ̀.

Пра́вило і҃.

Подо́бнѡ и҆ дїа́конъ, а҆́ще впаде́тъ въ то́тъ же грѣ́хъ, да низведе́нъ бꙋ́детъ въ чи́нъ проста́гѡ слꙋжи́телѧ це́ркви.

Пра́вило а҃і.

Во пресвѵ́тера пре́жде три́десѧти лѣ́тъ, а҆́ще и҆ по всемꙋ̀ досто́йный человѣ́къ, да не поставлѧ́етсѧ: но да ѡ҆ста́витсѧ въ ѡ҆жида́нїи. И҆́бо гдⷭ҇ь і҆и҃съ хрⷭ҇то́съ въ тридесѧ́тое лѣ́то крести́лсѧ, и҆ на́чалъ ᲂу҆чи́ти.

Пра́вило в҃і.

А҆́ще кто̀ въ болѣ́зни просвѣще́нъ креще́нїемъ, то не мо́жетъ произведе́нъ бы́ти во пресвѵ́тера: и҆́бо вѣ́ра є҆гѡ̀ не ѿ произволе́нїѧ, но ѿ нꙋжды̀: ра́звѣ то́кмѡ ра́ди по́слѣ ѿкры́вшїѧсѧ добродѣ́тели и҆ вѣ́ры, и҆ ра́ди скꙋ́дости въ лю́дѧхъ досто́йныхъ.

Пра́вило г҃і.

Се́льскїе пресвѵ́теры въ гра́дской це́ркви не мо́гꙋтъ свѧщеннодѣ́йствовати въ присꙋ́тствїи є҆пі́скопа, и҆лѝ пресвѵ́терѡвъ гра́да, та́кожде ни преподава́ти хлѣ́бъ, ни ча́шꙋ во вре́мѧ моли́твы. А҆́ще же сїѝ въ ѿсꙋ́тствїи, а҆ се́льскїй є҆ди́нъ приглаше́нъ длѧ моли́твы: то преподае́тъ.

Пра́вило д҃і.

Но хорепі́скопы, поста́вленные во ѻ҆́бразъ седми́десѧти а҆по́столѡвъ, ꙗ҆́кѡ сослꙋжи́тели є҆пі́скопа, свѧщеннодѣ́йствꙋютъ и҆ въ гра́дской це́ркви, прїе́млѧ че́сть ра́ди попече́нїѧ ѡ҆ ни́щихъ.

Пра́вило є҃і.

По первонача́льномꙋ пра́вилꙋ, дїа́конамъ седмѝ бы́ти до́лжно, а҆́ще и҆ весьма̀ вели́къ гра́дъ. Въ се́мъ ᲂу҆достовѣ́ренъ бꙋ́деши и҆з̾ кни́ги дѣѧ́нїй а҆по́стольскихъ.