Кань пукалӧ ӧшинь вылын...
| Кань пукалӧ ӧшинь вылын... (1927) |
| Гижан кад: 1927. Йӧзӧдан во: 1927. Ӧшмӧс: Ордым. 1927. №2. |
Кань пукалӧ ӧшинь вылын,
Бӧжыс сылӧн дженьыдик.
Менам шогыс сьӧлӧм вылын.
Новлӧдлыны ог вермы.
Кыдз ме тӧді ваыс джуджыд,
Ме сэні иг купайтчы.
Кыдз ме тӧді милӧй лёк,
Ме сійӧ иг любитлы.
Пуксьы, милӧй, ме водзӧ да,
Видзӧдлы тэ ме вылӧ.
Ставыс юрысь менам воши,
Ставыс тайӧ тэ ради.
Миян Эжва абу джуджыд,
Ме сартасӧн мерайта.
Менам милӧй абу ылын,
Ме рытпомнас пышйывла.
Ва вылын ыджыд йӧрдан да,
Гулюяс купайтчӧны.
Таво миян бурджык зонъяс
Ставныс призывайтчӧны.
Мыйла ме тэнӧ аддзи да,
Любитнысӧ ме куті.
Сьӧлӧм вылӧ тэ воин да,
Янсӧдчыны ог вермы.
Гӧра бокын пон увтӧ да,
Дерт, сійӧ да ур аддзӧ.
Вӧлӧсьт вылын зон ветлӧ да,
Дерт, сійӧ да ныв корсьӧ.
Гӧра бокын пон оз увт,
Дерт нин, кӧнкӧ, ур сюри.
Вӧлӧсьт вылын зон оз ветлы,
Дерт нин, кӧнкӧ, ныв сюри.
This work is in the public domain in Russia according to article 6 of Law No. 231-FZ of the Russian Federation of December 18, 2006; the Implementation Act for Book IV of the Civil Code of the Russian Federation:
- it was anonymously published before January 1, 1954 (more than 70 years ago).
This work is in the public domain in the United States because it was published before January 1, 1929 (more than 95 years ago).
This anonymous or pseudonymous work is also in the public domain in other countries and areas where the copyright term of anonymous or pseudonymous works is 96 years or less since publication.
Public domainPublic domainfalsefalse