Эрзянь Мастор/2009/06/Нуянь Видязнэнь - 75, "Где цветёт чистодуш?" книганстэнь... 30 чить/Кавто валсо эседень...

From Wikisource
Jump to navigation Jump to search
←Нуянь Видязнэнь - 75, "Где цветёт чистодуш?" книганстэнь... 30 чить/Мельвановикс Нуянь Видяз! Эрзянь Мастор, № 6 (302), 30 марта 2009 edited by Нуянь Видяз, Кшуманцянь Пиргуж
Нуянь Видязнэнь — 75, «Где цветёт чистодуш?» книганстэнь... 30 чить
Кавто валсо эседень... by Нуянь Видяз 		* Что в имени твоём... *→
Статья на сайте газеты: № 302, 30.03.2009, Нуянь Видязнэнь – 75, "Где цветёт чистодуш?" книганстэнь... 30 чить
 
Нуянь Видязнэнь — 75, «Где цветёт чистодуш?» книганстэнь... 30 чить
Кавто валсо эседень...

Чачинь Дубинькань буень Орданьбуе велесэ (Мордовия). Школам прядомадо мейле пек моликсэлинь театрань институтс. Тевем эзь лисе. Малав ие важодинь сценань важодицякс (Баку), мейле чачома велесэнь клубонь прявтокс. Прядынь велень хозяйствань институт. Кото иеть важодинь агрономокс. Тонавтнинь аспирантурасо. Кемекстыя-ванстыя диссертациям. Малав колоньгемень иеть важодинь доцентэкс Саран ошонь университетэнь Велень хозяйствань факультетсэ. Велень хозяйствань наукань кандидат. Кодкемень малава сермадовксом («трудом») ютксо колмо аволь «эчке» книгат ды лия автор марто изобретения.

Ульнинь «Масторавань» вейсэндявксонь ушодыцятнень ды теицятнень васенцетнень ютксо. 1992 иестэ вейсэндявксонть калавтызь. Секс панжия ды кемекстыя эрзянь келень идема Фондонть. Иень ютазь кемекстазель «Эрзянь Мастор» газетась. Колмоце номерстэ саезь течинь чис пурнан-сэрнян ды нолдатано сонзэ лиятне марто вейсэ.

Сон, те кулялопась, кенгелицятнень лангсто оршавксонь кайсиця. Секскак штапо кадовицятнень мельс те а тукшны.

Ютко шкасто сермадан прозасо ёвтнеминеть ды ёвтнемат. Лиссть Саран ошсо сисемь книгам эрзянь ды рузонь кельсэ.

Нуянь Видяз

 

*  *  *

Кить лездасть ютавтомс коенть-иланть, сюконян. Ёвтасть ды кучсть шумбрачинь арсемат Сарансто, Татарстансто, Красноярский крайстэ, Краснодарсто, Пензасто, Самара ёндо, Лукояновасто, Мурман ды Оренбург ёндо, чачома велестэнь патянь-сазоронь пельде. Весенень-весенень сюкпря.

 

*  *  *


RU: Данная работа создана сотрудниками газеты Эрзянь Мастор и распространяется по лицензии Creative Commons Attribution 4.0 International. См. пояснение внизу заглавной страницы газеты.
EN: This work is licensed under the Creative Commons Attribution 4.0 International License as a work by Erzyan Mastor journal employee(s). See the disclaimer on the bottom of the front page of the journal.
Retrieved from "https://wikisource.org/w/index.php?title=Эрзянь_Мастор/2009/06/Нуянь_Видязнэнь_-_75,_%22Где_цветёт_чистодуш%3F%22_книганстэнь..._30_чить/Кавто_валсо_эседень...&oldid=923500"