Йөрәккәйем һыймай күкрәгемә...Фирүзә Абдуллина.

Йөрәккәйем һыймай күкрәгемә... (шиғыр) автор Фирүзә Абдуллина

Ижад итеү ваҡыты: 1979.. Нәшер ителгән: 22.12.2014.. Сығанаҡ: “Бәйләнештә” сайтындағы “Ғәжәп донъя” төркөмөнән.

* * *

            ***
Йөрәккәйем һыймай күкрәгемә,
Шатлыҡтарым, гүйә, ағын һыу.
Ғәйепләмә, зинһар, һалҡын булһам-
Улай түгелдер ҙә һағыныу...

...Ә мин ҡайтам, һинең күҙҙәреңдә
Һөйөү ялҡындарын күрергә.
Эй, йөрәгем, нисек түҙә икән
Һинән алыҫтарҙа йөрөргә?

---