Йөк. Гүзәл Ситдиҡова

From Wikisource
Jump to navigation Jump to search

Сабырлыҡ



Көтмәгәндә бәлә төшкәс
Иңебеҙгә,
Әсәй менән тигеҙ бүлдек
Икебеҙгә.
Тигеҙҙер тип уйлағанмын
Үҙем генә.
Еңелерәк булған йөгөм
Бөгөн беләм.
Еңелерәк булған йөгөм,
Тик – бөгөлдөм,
Үҙ иңенә алды әсәй
Шул йөгөмдө.
Урттарымды йыртып сыҡҡан
Сабырлыҡты
Йолҡоп алып, сыҙамайса,
Ташҡа һуҡтым.
Таш сатнатып, ер түшен ул
Ярып үтте.
Әсәй генә, уртын ҡыҫып,
Ары китте.
Июнь, 1973


2012