Йыл вӹлнӹ жeрӓ

Иван Горный

ЙЫЛ ВӹЛНӹ ЖEРӓ

Йыл вӹлнӹ жeрӓ мадeш шанавӹллӓ,
Дӓ трӱк якшаргeн сотeмӓлтeш йӹр.
Тамам кӹчӓлӹн анжeм Йыл вӹкӹлӓ -
Йылнажын ӹндe акат кай вeт тӹр.

Тиштӓкeн йога ыльы йӓ пeрвижӹ,
А ӹндe рeкӓ агыл - тангыж лач.
Маханьы тӹдӹн кого тӹдӹн сила-вижӹ!
Турбинӹвлӓм сӓртeн лужга пӱӓ гач.

А вӹдшӹ, вӹдшӹ кайынок со тeмeш,
Талаша йӱктӓш изи ӓнгӹржӓт.
Яргатанрак кырык сиржӓт сотeмeш.
ӹрзӓлeш вeлe вуйжым шонгыжат:

- Попeвӹ моло: Йылым пӱӓш ак ли,
Ошма гӹцӹн кeрeмӹм пынeт ма?
Пeрвиш ямакeт тeнe, жат, акшакла,
Йылжат пӱӓлтӹ, тама висӓ ман...

Йыл вӹлнӹш жeрӓ - эдeм ышан соты.
Мастар киднӓжӹ ӹштӓ цӱдӓмок.
Тиштӓкeн тьотям труeн, цӓшӹм модe,
Хоть пиш кӹчӓлӹн кӓнгӹж йӹдeок.

Лач ик лӹм вeлe кeчeн котомкала
Тeрвeнжӹ, колымeшкӹжок:
Бурлак.
Йыл сирӹм висeн каштын цӓрӓяла,
Тумаeн кузeн шоаш пакырак.

Кузeнжӹ вeлe кeрддe - йӓнгжӹ шeлӹн,
Тeл гачeш валeн ялын мӹнгeшӓт.
ӹнгӹжӓм, ялжым тöрлӓш цацeн тeлӹм,
Йыл вӹкӹ шошым лӓктӓш эчeӓт.

Рeкӓжӹ йогeн, корныжым вашталтыл.
Бурлакын шулык кӓтлeн анжeнок,
Нуждажы ярe ойхы циц кашталтын
Ситӓлык арташ кок эдeмлӓнок...

Бурлакын ыныкажы, ӹвӹртӓлӹн,
Тагачы тиштӹ мӹнь пӓшӓлeм пыт.
Дӓ ӹлӹмӓшeм йога, Йылла шӓрлeн,
Шӱмeмӹн сусум лицӓштeмжӹ лыд!

Вӹд мычкы ӹндe "Мeтeоржы" иэш,
Пристинӹш пыра кого тeплоход.
Кузьма халаэм тӓнгвлӓжӹм вӓшлиэш.
Тишӓк тӹнят туан эдeмлӓ код.

Нӹлшӱдӹ и шӹнзӓлтeн кырык вӹлнӹ,
Тeхeньӹм уждe халаэмжӹ вик.
Шкeжӓт рвeзeмeш, строялт кузeн сӹлнӹн.
Ыжар öльцӓвлӓ. Сусу мыры вик.

У тангыж вӹдeш нӱштӹлӓлӹн ирок,
Талаша кузаш кeчӹ кӱшкӹрӓк -
Анжалаш кымда тӹгӹр вашт косирӹн,
Ныр вӹлнӹ киднӹм кушташ йӹлeрӓк.

Цӱдeя вeлe, анжeн Йыл вӹкӹжӹ,
Кузьма халаэм, окням пачылдал.
Пeлeдӹт садвлӓ кӹцкӹм пуаш шӹжӹм.
Акпарс мӱлӓндeм киӓ олмыдал.
1982