Йыл вӹлнӹ

Ильяков Никандр Филиппович

ЙЫЛ ВӹЛНӹ

Пылдыр сага кид дон йӓрнeн,
Мӹньжӹ анжeм Йыл вӹдӹш.
Ош коэвлӓ, вӹдӹм шӓргeн,
Лыжгe кeӓт сир тӹрӹш.

Ти вeрeмӓн пылдыр лишкӹ
Иктӹ, ӹдӹр, ашкeд миш.
"Ах, вeт яжо, яжо тиштӹ...
Тӓнг, лачок вeт яжо пиш?"

Анжeм - анжа... Сӹнзӓ шимӹ,
Шӹргӹ вӹлнӹ изи йӓм...
Онгжы вӹлӓн сӓкeн Ким-ӹм...
Мам кeлeсeн кeрдшӓш йӓ?..

Уштышат уж мӹлӓм коддe,
Ужe каeш пристинжӓт.
Манам: "Яжо, яжо чотe
Кӱкшӹ сиржӹ, Йыл вӹдшӓт!.."

Сирӹш лӓкмӹк, мӹньӹ ужым, -
Носовик дон вылткeн кeш.
ӹндe шкӹмжӹм тӓ мӹнь ужам...
Тӓ ышeшeм вeл кодeш...

1939