Йиуазæг (Гуырдзыбеты)

by Гуырдзыбеты Бласка

Йиуазæг  (1902)  by Гуырдзыбеты Бласка

Фыст датæ: 1902, Рауагъ аз: 1902. Равзæрæн: Творчество осетинских писателей

ЙИУАЗÆГ

— «Æгас нæмæ цо, кадæр дæ, -
Йиуазæг лæвар æй!
Кадгин бадæн дин, исбадæ
Мæ уæларт æлдарæй!

Дæ бæхи сагъæс ма кæнæ, —
Гъудгонд дин уодзæнæй;
Дæ дзаумаутæ мин ракæнæ, —
Уинун дæ уездонæй!» —

Уотæ читæ кæнидæ Нарт,
Йиуазæг æрцæугæй;
Адгин ин тæтидæ, чит, хуард,
Æ сæргъи ниллæугæй.

---