И҆змара́гдъ/г҃

А҆́ще бꙋ́кви непра́вилнѣ зрѧ́тсѧ, грѧдѝ сѣ́мо, да грамматоси́ры є҆́млеши.

←в҃

Кни́га гл҃емаѧ и҆змара́гдъ Сло́во ст҃агѡ григо́рїа па́пы ри́мскагѡ

д҃→

Сло́во ст҃агѡ григо́рїа

па́пы ри́мскагѡ.

Добро̀, бра́тїе, и҆ поле́зно є҆́сть всѧ́комꙋ вѣ́рнꙋ почита́нїе кни́жное: бл҃же́ни бо, ре́че, пыта́ющїи сви́дѣнїѧ є҆гѡ̀. Слы́шаще всегда̀ сло́во бж҃їе, не заблꙋди́мъ ѿ и҆́стины: вели́ка бо по́льза на́мъ, въ мѧтежѝ мі́ра сегѡ̀ бꙋ́дꙋще, почита́нїе кни́жное. А҆ сѐ же вельмѝ є҆́сть ѕло̀ и҆ поги́бель дш҃и, є҆́же не слы́шаще ᲂу҆че́нїѧ бж҃е́ственнагѡ: дража́йши бо є҆́сть зла́та и҆ ка́менїѧ многоцѣ́ннагѡ, прави́тель є҆́сть и҆ ᲂу҆твержде́нїе дш҃и. Речѐ бо дв҃дъ пррⷪ҇къ: въ срⷣцы мое́мъ скры́хъ словеса̀ твоѧ̑, ꙗ҆́кѡ да не согрѣшꙋ̀ тебѣ̀. И҆ ꙗ҆́коже ᲂу҆зда̀ ко́неви прави́тель є҆́сть, та́къ и҆ чл҃къ востѧза́етсѧ, ѿ пꙋ́стошныхъ слы́шаше ᲂу҆чє́нїѧ ст҃а̑ѧ: ꙗ҆́коже плене́ныхъ ᲂу҆́мъ въ своѣ́й странѣ̀ є҆́сть, та́кѡ и҆́мѣ́ѧй стра́хъ бж҃їй всегда̀ мы́слитъ ѡ҆ нбⷭ҇ныхъ, и҆ жела́етъ ᲂу҆че́нїѧ слы́шати. Слы́ши же ка́кѡ ти хꙋли́тъ пррⷪ҇къ, не почита́юща, ниже слꙋ́шающа ᲂу҆че́нїѧ: про́клѧти ᲂу҆клонѧ́ющїисѧ ѿ за́повѣдїй твои́хъ. И҆ ѕлѣ̀ ѡ҆сꙋди́тсѧ, и҆ са́мъ сѧ похвалѝ, гл҃ѧ: ко́ль сладка̑ горта́ни моемꙋ̀ словеса̀ твоѧ̑: па́че ме́да ᲂу҆стѡ́мъ мои̑мъ. И҆: зако́нъ ᲂу҆́стъ твои́хъ па́че ты́сѧщъ зла́та и҆ сребра̀. И҆ воспѣ́тъ гл҃ѧ: возра́дꙋюсѧ а҆́зъ ѡ҆ словесѣ́хъ твои́хъ, ꙗ҆́кѡ ѡ҆брѣта́ѧй коры́сть мно́гꙋ. Коры́сть наречѐ словеса̀ бж҃їѧ. да и҆ мы̀ и҆̀хъ слы́шати мы́сленнѡ потщи́мсѧ, всѣ̑мъ бо дѣлѡ́мъ до́брымъ нача́ло є҆́сть поꙋче́нїе ст҃ыхъ кни́гъ и҆ вели́ка є҆́сть по́льза ᲂу҆че́нїѧ слы́шати ст҃а́гѡ васі́лїа, і҆ѡа́нна златоꙋ́стагѡ, и҆ є҆фре́ма, и҆ кѷрі́лла філо́софа, и҆ и҆ны́хъ ст҃ыхъ: да здѣ̀ бг҃оꙋго́днѡ пожи́вше, ѻ҆́намо црⷭ҇ства нбⷭ҇нагѡ сподо́бимсѧ, бл҃года́тїю гдⷭ҇а на́шегѡ, є҆мꙋ́же сла́ва во вѣ́ки вѣкѡ́въ.

This is a translation and has a separate copyright status from the original text. The license for the translation applies to this edition only.
Original:
Translation: