И҆змара́гдъ/а҃

А҆́ще бꙋ́кви непра́вилнѣ зрѧ́тсѧ, грѧдѝ сѣ́мо, да грамматоси́ры є҆́млеши.

Кни́га гл҃емаѧ и҆змара́гдъ И҆́же во ст҃ыхъ ѻ҆ц҃а̀ на́шегѡ і҆ѡа́нна златоꙋ́стагѡ ѡ҆ чте́нїи бжⷭ҇твеннѣмъ

в҃→

Кни́га гл҃емаѧ и҆змара́гдъ

съ бг҃омъ почина́емъ, и҆́же во ст҃ыхъ ѻ҆ц҃а̀ на́шегѡ і҆ѡа́нна златоꙋ́стагѡ ѡ҆ чте́нїи бжⷭ҇твеннѣмъ. блгⷭ҇ви ѻ҆́ч҃е.

Ре­чѐ ст҃ы́й і҆ѡа́ннъ зла­то­ꙋ́стъ: сѣ­дѧ́­щꙋ тѝ на по­чи­та́­нїи кни́­ж­нѣмъ и҆ по­слꙋ­ша́­ю­щꙋ сло­ве́съ бж҃їихъ, то пе́­р­вѣе по­мо­ли́­сѧ бг҃ꙋ, да тѝ ѿ­ве́­рзетъ ꙭ҆́чи срⷣч­нѣи не то́­кмѡ на­пи̑­са­наѧ че­стѝ, но и҆ тво­ри́­ти ѧ҆̀, да не въ грѣ́хъ се­бѣ̀ ѹ҆чє́­нїѧ ст҃ы́хъ жи­тїѧ̀ про­чи­та́­емъ не со­тво­рѧ́­ю­ще. Е҆г­да̀ чте́­ши кни́­ги, то при­лѣ́­ж­нѡ всѣ́мъ срⷣцемъ чтѝ вни­ма́ѧ, и҆ двꙋ­кра́­ты про­чи­та́й сло́­ве­са, а҆ не тщи́­сѧ, ли­сты̀ то́­кмѡ ѡ҆бра­ща́ѧ, но без̾ лѣ́­н­но­сти чтѝ, да пло́дъ прї­и́­ме­ши сп҃се́­нїѧ, и҆ стра́хъ бж҃їй все­ли́­т­сѧ въ тѧ̀. Е҆г­да̀ же че­стѝ хо́­ще­ши, пе́­р­вѣе же со ѹ҆ми­ле́­нїемъ по­мо­ли́­сѧ, гл҃ѧ: Гдⷭ҇и і҆и҃се хрⷭ҇тѐ, ѿ­ве́­рзи ми ѹ҆́ши и҆ ꙭ҆́чи срⷣч­нїи ѹ҆слы́­ша­ти сло́­во твоѐ, и҆ раз­ꙋ­мѣ́­ти є҆̀, и҆ тво­ри́­ти во́­лю твою̀, ꙗ҆́кѡ при­ш­ле́цъ є҆́смь а҆́зъ на зе­м­лѝ. не скры́й ѿ ме­нѐ за́­по­вѣ­дей тво­и́хъ, но ѿ­кры́й ꙭ҆́чи моѝ, да раз­ꙋ­мѣ́ю чꙋ­де­са̀ ѿ за­ко́­на тво­е­гѡ̀. ска­жи́ ми без̾­вѣ̑­ст­наѧ та̑­й­наѧ пре­мⷣро­сти тво­еѧ̀, на тѧ̀ бо ѹ҆по­ва́ю, бж҃е мо́й, да ты́ ми про­свѣ­ти́­ши ѹ҆́мъ и҆ смы́слъ свѣ́­томъ ра́з­ꙋ­ма тво­е­гѡ̀ не то́­кмѡ че­стѝ на­пи̑­са­наѧ, но и҆ тво­ри́­ти ѧ҆̀. Да не во грѣ́хъ се­бѣ̀ сло­ве­са̀ и҆ ѹ҆чє́­нїѧ ст҃ы́хъ жи­тїѧ̀ про­чи­та́ю, но во ѡ҆б­но­вле́­нїе и҆ про­свѣ­ще́­нїе, и҆ во сп҃се́­нїе дш҃и мо­е́й, и҆ про­во­жде́­нїе въ вѣ́­ч­нꙋю жи́знь. ꙗ҆́кѡ ты̀ про­свѣ­ще́­нїе є҆сѝ ле­жа́­щымъ во тмѣ̀, гдⷭ҇и бж҃е, те­бѐ сла́­влю со ѻ҆ц҃е́мъ и҆ ст҃ы́мъ дх҃омъ, и҆ ны́­нѣ, и҆ при́­с­нѡ, и҆ во вѣ́­ки вѣ­кѡ́въ.

This is a translation and has a separate copyright status from the original text. The license for the translation applies to this edition only.
Original:
Translation: