Ир ғүмере. Гүзәл Ситдиҡова

Ир ғүмере

Хәләлемә
Ир ғүмере - ике илле,
Береһе - шәкәр, береһе - бикәр,
Ирмен тиеп йәшәү шулдыр -
Ил алдында бурыс үтәү.
Һинең ғүмер - данлы хеҙмәт,
Ватан тиеп янып-көйөү,
Игелектәр ҡылып йәшәү,
Кешелеккә изге һөйөү.
Гел шәкәрҙән тормай яҙмыш,
Өлөш барҙыр аласаҡҡа,
Бәлә-ҡаза аҙашһын да
Тороп ҡалһын ҡаласаҡҡа.
Ҡартлыҡ һине эҙләп сыҡһа,
Табалмаһын, бикәр булһын,
Ир ғүмере - ике илле,
Икеһе лә шәкәр булһын.

2012

---