Инә ҡаҙ(шиғыр). Сөләймән Муллабаев

Инә ҡаҙ (шиғыр ) автор Сөләймән Муллабаев

.Нәшер ителгән: 1988 йыл. Сығанаҡ: "Туған тел".-Өфө"Башҡортостан китап нәшриәте",1988 йыл

Инә ҡаҙ

 Һары матур бәпкәләрен,
 Берәмләп сафҡа теҙеп,
 Ҡаҙ эйәртеп алып китте,
 Өйрәтер өсөн йөҙөп.
 Яр ситенә етеү менән
 Ҡаңғылданы: «Ға-ға-ға!..
 Һайҙа ғына йөҙөгөҙ», —
                  тип
 Башлап инде йылғаға.
 Бәпкәләр ҙә:
 «Бип-бип-бип!» — тип
 Субырлап һыуға төштө.
 Тәпәйҙәрен ишкәк итеп,
 Улар бик оҫта иште.

 

1988 йыл

---