Колхозонь эряф/1938/11-12/Информационнай сообщения Мордовиянь сембе писательхненди
| ←Минь времаньконь великай летчикоц | Колхозонь эряф (1938), № 11—12 Ноябрь-Декабрь edited by Руськин Ф. С., Пинясов Я. М. Информационнай сообщения Мордовиянь сембе писательхненди |
Келькса тялоть→ |
| Колхозонь эряф (Колхозная жизнь). Литературно-художественнай и общественно-политическяй журнал. Мордовскяй АССР-нь советскяй писателень союзонь оргкомитетть органоц. Лисенди кефкиице кизось, ковти весть. — № 11—12 Ноябрь-Декабрь 1938 киза. — с. 35—36 |
| Информационнай сообщения |
Конференциясь писателень Оргкомитетть вастс кочкась 5 ломаньцта писателень правления, коза сувасть В. Радаев, А. Карасев, А. Мартынов, В. Коломасов и С. Вечканов ялгатне.
| МОРДОВИЯНЬ СЕМБЕ ПИСАТЕЛЬХНЕНДИ |
Пяк питникс лувондсы советскяй народсь советскяй писательхнень благороднай трудснон. Коммунистическяй партиясь и советскяй правительствась аф ужяльдихть аф вийхть, аф средстват народнай таланттнень творческяй касомаснонды. Сембе трудящайхнень великай вдохновительсна и учительсна Сталин ялгась эрь шиня заботендай советскяй писательхнень колга и лелеет синь. Тя великай заботать вельде яркай таланттнень творческяй армиясна Советскяй властть 21 кизонзон пингста создал мирса сембода идейнай и передовой литературать, конань мархта вправе гордиться сембе советскяй народсь.
Сембе советскяй литературать мархта марса касы и кемокстай и минь мордовскяй литератураньке — национальнай формас коря и социалистическяй содержанияс коря. Мордовскяй литературась, кода и письменностсь, шачсь Октябрьскяй революцияда меле. Сядонга пяк вишкста кармась сон касома мордовскяй газетатнень, журналхнень и Мордовскяй государственнай издательствать организовандамдост меле.
1938-це кизоня Мордгизсь нолдась од, партияти преданнай писателень произведениянь несколька сборник. Литературати кармась сама талантливай советскяй молодежсь. Но народонь вракне, конат ульсть писателень правленияса, ашезь кадонда касома молодежть творчестванц. Синь всякай ладса кирнезь политически выдержаннай и идейно насыщеннай произведениятнень печатламаснон. А тянь вастс тарксезь печатти вреднай националистическяй хламть.
Советскяй разведкась маштсь эсь пингстонза чистендамс писательскяй организациять народонь вракнень и синь приспешникснон эзда. Тяни писателень Союзти састь од ломатть, од руководительхть. Кассь творческяй од коллектив молодежть эзда. Эсь конференциязост Мордовиянь писательхне састь Коммунистическяй партиять перьф пуромф рядса. Народонь вракнень разоблачандамдост меле, конат орудовандасть мордовскяй литератураса, минцонк кассь писательскяй од актив, конац преданнай Ленинонь — Сталинонь партияснонды. Тяддень кизоть писателень Союзти членкс тага примаф 11 ломань. Тяддень кизоть Мордгизса нолдафт и нолневихть 10-да лама сборник, ламоц авторхнень эзда сборник мархта выступают васенцеда (Мартынов, Кономанин, Родькин, [ 36 ]Прончатов и лият). Ульсь няйф творческяй спаянность и литературнай тонафнема. Но писательскяй организацияса улихть нинге лама аф сатыкст. Писательхнень ламосна кржа нинге работайхть эсь оригинальнай произведенияснон лангса и кальдявста кярьмодсть литературнай работати.
Конференциясь лувондсы, што Мордовиянь сембе писательхнень задачасна ащи тоса, штоба сяда курок кярьмодемс тонафнемати, освоить марксизмать—ленинизмать основанзон, тонафнемс ВКП(б)-ть историянц, апак аноклак писательти аф максовихть глубоко идейнай и высокохудожественнай произведеният.
Тейнек, од писательхненди, советскяй властсь и Партиясь панчсть келидонга кели возможность работамс, тонафнемс и творить. Тя великай заботата минь должны оправдать эсь творчествасонк, — создавать произведеният, конат достойнайхть минь славнай сталинскяй эпоханьконди. Минь должны освоить СССР-нь сембе нароттнень литературнай наследияснон, козядонга-козя фольклорть, моротнень и сказаниятнень, тонафнемс русскяй литературань классикнень и мировой литературань классикнень эзда творческяй мастерствать, тонадкшнемс произведениятнень кяльснон, создавать минь геройньконь, производствань стахановецоньконь, ударниконьконь, наукань и техникань деятеленьконь аф юкставикс типснон и образснон, няфнемс эсь произведенияньконь эса советскяй народть радостнай и счастливай эряфонц.
Минь должны сембе вийса лездомс касыкс од писательхненди, заботливайста и внимательнаста выращивать синь.
СССР-нь нароттнень писательснон братскяй союзснон инкса!
Творческяй од дерзаниятнень инкса!
Сембода цебярь высокохудожественнай произведениятнень инкса, конат достойнайхть минь сталинскяй эпоханьконди!
Шумбра улеза СССР-сь — великай многонациональнай советскяй социалистическяй литературась!
Шумбра улеза минь родной Коммунистическяй партияньке!
Шумбра улеза советскяй писательхнень сембода цебярь другсна, учительсна и вдохновительсна Сталин ялгась!
| Мордовиянь писательхнень республиканскяй конференциясна. |